040.0611.290518
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
24 մայիսի 2018 թվականի N 611-Ա
«ՖԱՆԻ ՎԱ ՄՈՀԱՆԴԵՍԻ ՌԱՀ ՎԱ ՍԱԽԹԵՄԱՆԵ ԹՈՒՆԵԼ ՍԱԴ ԱՐԻԱՆԱ» ԸՆԿԵՐՈՒԹՅԱՆԸ ԼԻՑԵՆԶԱՎՈՐՄԱՆ ԵՆԹԱԿԱ ԳՈՐԾՈՒՆԵՈՒԹՅԱՆ ՈՐՈՇ ՏԵՍԱԿՆԵՐԻ ԻՐԱԿԱՆԱՑՄԱՆ ԹՈՒՅԼՏՎՈՒԹՅՈՒՆ ՏՐԱՄԱԴՐԵԼՈՒ ՄԱՍԻՆ
i
Ղեկավարվելով «Լիցենզավորման մասին» Հայաստանի Հանրապետության օրենքի 7-րդ հոդվածի 6.1-ին մասի պահանջներով` Հայաստանի Հանրապետության կառավարությունը որոշում է.
1. Թույլատրել «Ֆանի Վա Մոհանդեսի Ռահ Վա Սախթեմանե Թունել Սադ Արիանա» ընկերությանը (Իրանի Իսլամական Հանրապետություն) Հյուսիսային միջանցքի արդիականացման ծրագրի շրջանակներում իրականացնել`
1) «Քաղաքաշինական փաստաթղթերի մշակում» (բացառությամբ փորձաքննության) գործունեությունը` տրանսպորտային ոլորտում.
2) «Շինարարության իրականացում» գործունեությունը` տրանսպորտային ոլորտում:
2. Սահմանել, որ սույն որոշումը գործում է մինչև Հյուսիսային միջանցքի արդիականացման ծրագրի շրջանակներում «Տրանսպորտային ծրագրերի իրականացման կազմակերպություն» պետական ոչ առևտրային կազմակերպության և «Ֆանի Վա Մոհանդեսի Ռահ Վա Սախթեմանե Թունել Սադ Արիանա» ընկերության միջև կնքված պայմանագրի գործողության ժամկետի ավարտը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2018 ԹՎԱԿԱՆԻ ՄԱՅԻՍԻ 29-ԻՆ