040.1213.011003
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«1» հոկտեմբերի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 սեպտեմբերի 2003 թվականի N 1213-Ա
ԵՐԵՎԱՆԻ ՔԱՂԱՔԱՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
i
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարության 2002 թվականի դեկտեմբերի 5-ի «Երևանի Մյասնիկյանի հրապարակի վրա գտնվող անավարտ շինարարության օբյեկտի մասին» N 2023-Ն որոշման 7-րդ կետի պահանջը կատարելու նպատակով Երևանի քաղաքապետարանին հատկացնել 638 մլն դրամ, որից` «Հյուսիսային պողոտա և կասկադ» ծրագրերի գրասենյակի միջոցով իրականացվող` Երևանի հյուսիսային պողոտայի կառուցապատման ծրագրի միջոցառումների համար` 348 մլն դրամ, իսկ Երևանի պատմության նոր թանգարանի մասնաշենքի կառուցմանը` 290 մլն դրամ` Հայաստանի Հանրապետության 2003 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
2. Երևանի քաղաքապետին` իրականացվող շինարարական աշխատանքների նախահաշիվները, դրանցում կատարվող փոփոխությունները, ինչպես նաև ֆինանսավորման ժամանակացույցը նախապես համաձայնեցնել Հայաստանի Հանրապետության քաղաքաշինության նախարարության ու Հայաստանի Հանրապետության ֆինանսների և էկոնոմիկայի նախարարության հետ, իսկ ֆինանսավորումն իրականացնել` ելնելով շենքերի օտարումից ստացված միջոցների համամասնություններից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՍԵՊՏԵՄԲԵՐԻ 29-ԻՆ