040.0821.120703
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«12» հուլիսի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
26 հունիսի 2003 թվականի N 821-Ա
i
ՄԻՋԱԶԳԱՅԻՆ ԶԱՐԳԱՑՄԱՆ ԸՆԿԵՐԱԿՑՈՒԹՅԱՆ ՄԻՋՈՑՆԵՐՈՎ ՖԻՆԱՆՍԱՎՈՐՎՈՂ ՏՐԱՆՍՊՈՐՏԻ ԾՐԱԳՐԻ ՇՐՋԱՆԱԿՆԵՐՈՒՄ ԱՎՏՈՃԱՆԱՊԱՐՀՆԵՐԻ ՎԵՐԱԿԱՆԳՆՄԱՆ ՀԱՄԱՐ ԱՆՑԿԱՑՎԱԾ ՄՐՑՈՒՅԹԻ ԱՐԴՅՈՒՆՔՆԵՐԸ ՀԱՍՏԱՏԵԼՈՒ ՄԱՍԻՆ
Հայաստանի Հանրապետության կառավարության 1999 թվականի դեկտեմբերի 22-ի N 765 որոշմանը համապատասխան` Հայաստանի Հանրապետության կառավարությունը որոշում է.
Հաստատել Միջազգային զարգացման ընկերակցության միջոցներով ֆինանսավորվող տրանսպորտի ծրագրի շրջանակներում ավտոճանապարհների վերականգնման աշխատանքների կատարման նպատակով 2003 թվականի հունիսի 18-ին անցկացված ու Հայաստանի Հանրապետության տրանսպորտի և կապի նախարարության վարկային ու դրամաշնորհային ծրագրերի կառավարման խորհրդի կողմից 2003 թվականի հունիսի 25-ին հաստատված մրցույթի արդյունքները` հաղթող ճանաչելով «Արգիշտի-1» սահմանափակ պատասխանատվությամբ ընկերությունը`
«Մ-3 Մարգարա-Վանաձոր-Տաշիր-Վրաստանի սահման» ավտոճանապարհի կմ 152+900-ից մինչև կմ 158+650 հատվածի վերականգնման աշխատանքների համար (պայմանագրային գինը` 699.999.999 դրամ).
«Մ-7 Սպիտակ-Գյումրի-Թուրքիայի սահման» ավտոճանապարհի կմ 10+00-ից մինչև կմ 21+235 հատվածի վերականգնման աշխատանքների համար (պայմանագրային գինը` 729.999.999 դրամ):
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ՀՈՒԼԻՍԻ 11-ԻՆ