ՀԱՐԿԱՅԻՆ ԿԱՄ ՄԱՔՍԱՅԻՆ ՄԱՐՄՆԻ ՕՊԵՐԱՏԻՎ-ՀԵՏԱԽՈՒԶԱԿԱՆ ...

08.03.2025 -

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՆԱԽԱԳԱՀ
ՀՐԱՄԱՆ

 

12 հունիսի 2023 թվականի N 582-Ն

 

ՀԱՐԿԱՅԻՆ ԿԱՄ ՄԱՔՍԱՅԻՆ ՄԱՐՄՆԻ ՕՊԵՐԱՏԻՎ-ՀԵՏԱԽՈՒԶԱԿԱՆ ԳՈՐԾԱՌՈՒՅԹՆԵՐ ԻՐԱԿԱՆԱՑՆՈՂ ՍՏՈՐԱԲԱԺԱՆՄԱՆ ՊԱՇՏՈՆՆԵՐԻ ՀԱՄԱԼՐՄԱՆ ՄՐՑՈՒՅԹԻ ԱՆՑԿԱՑՄԱՆ ԿԱՐԳՆ ՈՒ ՊԱՅՄԱՆՆԵՐԸ ՍԱՀՄԱՆԵԼՈՒ ՄԱՍԻՆ

(1-ին մաս)

 

Ղեկավարվելով «Մաքսային ծառայության մասին» օրենքի 8-րդ հոդվածի 4-րդ մասով և «Հարկային ծառայության մասին» օրենքի 12-րդ հոդվածի 4-րդ մասով`

 

ՀՐԱՄԱՅՈՒՄ ԵՄ

 

1. Սահմանել հարկային կամ մաքսային մարմնի օպերատիվ-հետախուզական գործառույթներ իրականացնող ստորաբաժանման պաշտոնների համալրման մրցույթի անցկացման կարգն ու պայմանները` համաձայն հավելվածի:

2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

 

Ռ. ԲԱԴԱՍՅԱՆ

 

Հավելված

Հայաստանի Հանրապետության

պետական եկամուտների

կոմիտեի նախագահի

2023 թվականի հունիսի 12-ի

N 582-Ն հրամանի

 

ՀԱՐԿԱՅԻՆ ԿԱՄ ՄԱՔՍԱՅԻՆ ՄԱՐՄՆԻ ՕՊԵՐԱՏԻՎ-ՀԵՏԱԽՈՒԶԱԿԱՆ ԳՈՐԾԱՌՈՒՅԹՆԵՐ ԻՐԱԿԱՆԱՑՆՈՂ ՍՏՈՐԱԲԱԺԱՆՄԱՆ ՊԱՇՏՈՆՆԵՐԻ ՀԱՄԱԼՐՄԱՆ ՄՐՑՈՒՅԹԻ ԱՆՑԿԱՑՄԱՆ ԿԱՐԳՆ ՈՒ ՊԱՅՄԱՆՆԵՐԸ

 

1. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն հավելվածով սահմանվում է հարկային կամ մաքսային մարմնի օպերատիվ-հետախուզական գործառույթներ իրականացնող ստորաբաժանման թափուր պաշտոնները (այդ թվում` ղեկավար պաշտոնները) համալրելու մրցույթի (այսուհետ` Մրցույթ) անցկացման կարգն ու պայմանները:

2. Սույն հավելվածի դրույթները տարածվում են Հայաստանի Հանրապետության պետական եկամուտների կոմիտեի (այսուհետ` Կոմիտե) նախագահի հրամանով հաստատված կանոնադրությունների համաձայն օպերատիվ-հետախուզական գործառույթներ իրականացնող կառուցվածքային և ներքին ստորաբաժանումներում օպերատիվ-հետախուզական գործառույթներ իրականացնելու իրավասություն ունեցող պաշտոնների վրա:

3. Սույն հավելվածի իմաստով ղեկավար պաշտոններ են հանդիսանում կառուցվածքային ստորաբաժանման ղեկավարը և ղեկավարի տեղակալը, կառուցվածքային ստորաբաժանման բաժինների պետերը:

4. Մրցույթին կարող են մասնակցել հայերենին տիրապետող, 18 տարին լրացած բարձրագույն կրթություն ունեցող Հայաստանի Հանրապետության քաղաքացիները:

5. Մրցույթին չի կարող մասնակցել այն քաղաքացին, որը չի բավարարում հարկային ծառայողի դեպքում` «Հարկային ծառայության մասին» օրենքի 16-րդ հոդվածի 3-րդ մասով, իսկ մաքսային ծառայողի դեպքում` «Մաքսային ծառայության մասին» օրենքի 49-րդ հոդվածով սահմանված պահանջները կամ առկա է «Հանրային ծառայության մասին» օրենքի 14-րդ հոդվածով նախատեսված հիմքերից որևէ մեկը:

6. Կոմիտեի հարկային կամ մաքսային ծառայության պաշտոն կամ հարկային կամ մաքսային մարմիններում քաղաքացիական ծառայության պաշտոն զբաղեցնող անձը (այսուհետ` Ծառայող) սույն հավելվածին համապատասխան իրավունք ունի մասնակցելու Մրցույթին` իր ցանկությամբ, անկախ տվյալ պահին իր զբաղեցրած պաշտոնից:

7. Ծառայողի` Մրցույթի շրջանակներում հարցազրույցների, թեստավորման մասնակցելու ժամանակահատվածը համարվում է աշխատանքից հարգելի բացակայություն:

8. Մրցույթն անցկացվում է յուրաքանչյուր տարի առնվազն մեկ անգամ` Կոմիտեի նախագահի հրամանով:

9. Մրցույթը բաղկացած է հետևյալ փուլերից`

1) թեստավորում` համակարգչային գիտելիքների ստուգում և օտար լեզվի իմացության ստուգում` պաշտոնի անձնագրով նախատեսված պահանջի դեպքում,

2) հարցազրույց,

3) ֆիզիկական պատրաստվածության ստուգում (պաշտոնի անձնագրով նախատեսված դեպքում),

4) դասընթաց,

5) պաշտոնի նշանակման հարցազրույց:

10. Մրցույթի` սույն հավելվածի 9-րդ կետի 1-4 ենթակետերով նախատեսված փուլերի կազմակերպչական աշխատանքներն իրականացվում են Կոմիտեի ուսումնական կենտրոնի (այսուհետ` Ուսումնական կենտրոն) կողմից, իսկ 9-րդ կետի 5-րդ ենթակետով նախատեսված փուլի կազմակերպչական աշխատանքներն իրականացվում է Կոմիտեի անձնակազմի կառավարման ստորաբաժանման կողմից:

11. Կոմիտեի հարկային կամ մաքսային մարմնի օպերատիվ-հետախուզական գործառույթներ իրականացնող ստորաբաժանումների բարձրագույն, գլխավոր, առաջատար և կրտսեր խմբերի թափուր պաշտոնները կարող են զբաղեցնել Կոմիտեի օպերատիվ-հետախուզական գործառույթներ իրականացնող պաշտոններ զբաղեցնելու համար ըստ հարկային և մաքսային ծառայությունների ձևավորված թեկնածուների ցուցակներում (այսուհետ` թեկնածուների ցուցակ) ընդգրկված անձանցից պաշտոնի նշանակման հարցազրույցի արդյունքներով:

12. Մրցույթի արդյունքներով թեկնածուների ցուցակում ընդգրկվում են մրցույթի` սույն հավելվածի 9-րդ կետի 1-4 ենթակետերով նախատեսված փուլերը հաջողությամբ հաղթահարած քաղաքացիները:

 

2. ՄՐՑՈՒՅԹԻ ՀԱՅՏԱՐԱՐՈՒԹՅԱՆ ՀՐԱՊԱՐԱԿՈՒՄԸ, ՄՐՑՈՒՅԹԻՆ ՆԵՐԿԱՅԱՑՎՈՂ ՊԱՅՄԱՆՆԵՐԸ

 

13. Մրցույթի հայտարարությունը հրապարակվում է Կոմիտեի և Ուսումնական կենտրոնի պաշտոնական ինտերնետային կայքերում:

14. Մրցույթի փաստաթղթերի ընդունումն իրականացնում է Ուսումնական կենտրոնը` մրցույթի հայտարարությամբ նշված դիմումների ընդունման էլեկտրոնային հարթակի միջոցով:

15. Մրցույթի հայտարարությունը հրապարակվում է Մրցույթի դիմումների ընդունման վերջնաժամկետից առնվազն 15 օր առաջ:

16. Մրցույթի դիմումների ներկայացման վերջնաժամկետը կարող է երկարաձգվել Կոմիտեի նախագահի հրամանով:

17. Մրցույթի հայտարարությամբ հրապարակվում են`

1) Մրցույթի դիմումի ձևանմուշը` համաձայն N 1 Ձևի,

2) դիմումի ներկայացման վերջնաժամկետը,

3) դիմումին կից ներկայացվող անհրաժեշտ փաստաթղթերի ցանկը,

4) Կոմիտեի նախագահի կողմից հաստատված բարեվարքության վերաբերյալ հարցաթերթիկի ձևանմուշը` համաձայն N 2 Ձևի,

5) դասընթացի տևողությունը,

6) փաստաթղթերի ներկայացման եղանակը,

7) Մրցույթի փուլերի անցկացման վերաբերյալ տեղեկատվությունը,

8) եթե Մրցույթը հայտարարված է օպերատիվ-հետախուզական գործառույթներ իրականացնող ստորաբաժանումների այնպիսի պաշտոններ զբաղեցնելու համար, որոնց պաշտոնի անձնագրով նախատեսված է օտար լեզվի իմացության միջինից բարձր մակարդակի պահանջ, ապա այդ պահանջը հավաստող փաստաթղթերի վերաբերյալ տեղեկատվությունը,

9) համակարգչային գիտելիքների և օտար լեզվի (եթե սույն հավելվածով նախատեսված է անցկացնել թեստավորում) իմացության թեստավորման մինչև 5 օրինակներ (նմուշներ),

10) այլ անհրաժեշտ տեղեկատվություն:

18. Մրցույթի դիմումին կից դիմումների ընդունման էլեկտրոնային հարթակի միջոցով ներկայացվում են հետևյալ փաստաթղթերը.

1) անձնագիր կամ նույնականացման քարտ,

2) անձնագիր ներկայացնելու պարագայում հանրային ծառայությունների համարանիշ (կամ սոցիալական քարտ կամ անձին հանրային ծառայությունների համարանիշ տրամադրելու մասին տեղեկանք կամ հանրային ծառայությունների համարանիշ չստանալու վերաբերյալ տեղեկանք),

3) հարկային կամ մաքսային ծառայողի համար սահմանված մասնագիտական գիտելիքների մասով պահանջների բավարարումը և մասնագիտական ստաժ դիտարկվող աշխատանքում աշխատանքային պարտականությունները հավաստող փաստաթղթեր,

4) արական սեռի անձինք ներկայացնում են նաև զինգրքույկի կամ դրան փոխարինող ժամանակավոր և զորակոչային տեղամասին կցագրման վկայական կամ համապատասխան տեղեկանք,

5) բարձրագույն կրթության առկայությունը հավաստող փաստաթուղթ (օտարերկրյա պետությունում բարձրագույն կրթություն ստացածների համար` փաստաթուղթ նրանց կրթության որակավորման աստիճանների համարժեքության և դիպլոմների ճանաչելիության մասին),

6) եթե տվյալ պաշտոնի անձնագրով նախատեսված է օտար լեզվի իմացության միջինից բարձր մակարդակ, ապա այդ մակարդակը հավաստող փաստաթուղթ: Ընդ որում, տվյալ մակարդակը հավաստող փաստաթուղթ է հանդիսանում ստանդարտացված թեստային համակարգերով ստուգվող լեզվական գիտելիքների իմացության Քամն Յուրոպիըն Ֆրեյմվորք օֆ Րեֆերնս ֆօր Լենգվիջիսով (CEFR) սահմանված B1 մակարդակը հավաստող փաստաթուղթը` ռուսերենի` ՏՌԿԻ, անգլերենի` TOEFL, IELTS, ֆրանսերենի` DELF, DALF, TCF կամ այլ միջազգային կամ ներպետական հաստատությունների կողմից թեստային կամ այլ եղանակով անցկացված քննության արդյունքում օտար լեզվի համապատասխան մակարդակի առկայության վերաբերյալ տրված վկայականը:

19. Դիմումատուի կողմից դիմումի ներկայացման հետ միաժամանակ ներկայացվում է լրացված բարեվարքության վերաբերյալ հարցաթերթիկը:

20. Օտար լեզվի իմացությունը հավաստող փաստաթուղթը չի պահանջվում, ինչպես նաև օտար լեզվի իմացության թեստավորում չի կատարվում, եթե բարձրագույն կրթության առկայությունը հավաստող փաստաթղթով հավաստվում է, որ տվյալ կրթությունը անձը ստացել է համապատասխան օտար լեզվով:

21. Ուսումնական կենտրոնը փաստաթղթերը ներկայացնելու վերջնաժամկետի ավարտից 5 աշխատանքային օրվա ընթացքում ուսումնասիրում է ներկայացված փաստաթղթերի ամբողջականությունը (այդ թվում բարեվարքության վերաբերյալ հարցաթերթիկի մասով) և էլեկտրոնային եղանակով տեղեկացնում է դիմումատուին փաստաթղթերի ընդունման, ինչպես նաև դրանց ամբողջականության վերաբերյալ: Եթե դիմումատուի կողմից ներկայացրած փաստաթղթերն ամբողջական չեն (այդ թվում` եթե ներկայացված չէ բարեվարքության վերաբերյալ հարցաթերթիկը), և (կամ) դրանցում առկա են տեխնիկական սխալներ, ապա դիմումատուին տրվում է հնարավորություն 2 աշխատանքային օրվա ընթացքում համալրելու անհրաժեշտ փաստաթղթերի ցանկը և (կամ) շտկելու առկա տեխնիկական սխալները: Ուսումնական կենտրոնն ամբողջականացված և (կամ) տեխնիկական սխալները շտկված փաստաթղթերը ստանալուց հետո 1 աշխատանքային օրվա ընթացքում էլեկտրոնային եղանակով տեղեկացնում է դիմումատուին դրանց ընդունման վերաբերյալ:

22. Սույն հավելվածի 21-րդ կետում նշված դեպքում թերությունները չշտկելու, այդ թվում` լրացված բարեվարքության վերաբերյալ հարցաթերթիկը չներկայացնելու դեպքում կամ դիմումը ներկայացնելու օրվան նախորդող 3 տարվա ընթացքում հարցազրույցի արդյունքներով բացասական գնահատական ստացած լինելու դեպքերում անձի դիմումը համարվում է մերժված և վերջինիս չի թույլատրվում մասնակցել Մրցույթին: Այդ մասին էլեկտրոնային եղանակով տեղեկացվում է դիմումատուին սույն հավելվածի 21-րդ կետով նախատեսված ժամկետում:

23. Ուսումնական կենտրոնի կողմից վարվում է էլեկտրոնային մատյան դիմում ներկայացնող բոլոր անձանց հաշվառման նպատակով:

 

3. ԹԵՍՏԱՎՈՐՄԱՆ ԵՎ ՀԱՐՑԱԶՐՈՒՅՑԻ ՓՈՒԼ

 

24. Սույն հավելվածի 21-րդ կետով նախատեսված դիմումների ուսումնասիրման ժամկետի ավարտից հետո 10 աշխատանքային օրվա ընթացքում Ուսումնական կենտրոնը կազմակերպում է համակարգչային գիտելիքների ստուգում, իսկ պաշտոնի անձնագրով նախատեսված պահանջի դեպքում` նաև օտար լեզվի իմացության ստուգում` թեստավորման եղանակով: Թեստավորումների անցկացման օրվա, վայրի և ժամի մասին Ուսումնական կենտրոնը դիմորդներին տեղեկացնում է էլեկտրոնային եղանակով` դիմումում նշված էլեկտրոնային փոստի հասցեին առնվազն երկու աշխատանքային օր առաջ:

25. Թեստավորումն իրականացվում է Կոմիտեի նախագահի 2022 թվականի հունվարի 31-ի թիվ 96-Ն հրամանով սահմանված կարգին համապատասխան:

26. Մասնակիցը համարվում է թեստավորման փուլերը հաղթահարած, եթե յուրաքանչյուր թեստավորումից ստացել է անցողիկ` առավելագույն հնարավորից առնվազն 70% գնահատական և իրավունք է ստանում մասնակցելու հարցազրույցի փուլին:

27. Հարցազրույցի փուլն անցկացնելու նպատակով Կոմիտեի նախագահի հրամանով ձևավորվում է առնվազն հինգ անդամից կազմված հարցազրույցի հանձնաժողով (այսուհետ` Հանձնաժողով): Նույն հրամանով Հանձնաժողովի կազմից նշանակվում է Հանձնաժողովի նախագահ:

28. Հանձնաժողովի կազմում ընդգրկվում են Կոմիտեի նախագահը կամ նրան փոխարինող անձը կամ Կոմիտեի նախագահի տեղակալը, Կոմիտեի ստորաբաժանումների աշխատակիցներ և ՈՒսումնական կենտրոնի տնօրենը:

29. Հարցազրույցի հանձնաժողովի կազմում Կոմիտեի նախագահի հրավերով կարող են ընդգրկվել ՀՀ քննչական կոմիտեի, ՀՀ դատախազության կամ այլ պետական մարմինների ներկայացուցիչներ:

30. Հարցազրույցի փուլին խորհրդակցական ձայնի իրավունքով կարող է մասնակցել նաև հոգեբան, որին ներգրավում է Հանձնաժողովը:

31. Հանձնաժողովի քարտուղարության աշխատանքներն իրականացնում է Ուսումնական կենտրոնը:

32. Հանձնաժողովը յուրաքանչյուր մասնակցի հետ հարցազրույցն անցկացնում է առանձին: Հարցազրույցի ընթացքը ձայնագրվում է: Հարցազրույցի արդյունքների համար հաշվի է առնվում նաև մասնակցի բարեվարքության վերաբերյալ հարցաթերթիկը:

33. Հարցազրույցի ընթացքում բարեվարքության վերաբերյալ հարցաթերթիկի վերլուծության արդյունքներով հարցերի միջոցով ստուգվում են մասնակիցների անձնական որակները և արժանիքները, ընդհանուր հոգեբանական նկարագիրը, ներառյալ ինքնատիրապետման, վարվեցողության, ունկնդրելու կարողության և հաղորդակցության հմտությունները: Հարցազրույցի ընթացքում մասնակցին կարող են տրվել մասնագիտությանը, հարկային կամ մաքսային օրենսդրության ընդհանուր կանոնակարգումներին, հարկային կամ մաքսային ծառայողի վարքագծի կանոններին առնչվող բանավոր հարցեր:

34. Հարցազրույցի արդյունքներով, Հանձնաժողովի անդամների բաց քվեարկությամբ, ձայների պարզ մեծամասնությամբ յուրաքանչյուր մասնակցի համար կայացվում է դրական կամ բացասական որոշում: Ձայների հավասարության դեպքում որոշիչ է Հանձնաժողովի նախագահի ձայնը: Բացասական որոշում կայացնելու դեպքում մասնակիցը համարվում է հարցազրույցի փուլը չհաղթահարած:

35. Հարցազրույցի արդյունքներով Հանձնաժողովը կազմում է արձանագրություն, որտեղ ներառվում են բոլոր մասնակիցների տվյալները` Հանձնաժողովի համապատասխան որոշման նշումով:

36. Հարցազրույցի փուլը հաղթահարած մասնակիցներին արդյունքների վերաբերյալ տեղեկատվությունը տեղեկացնում է Ուսումնական կենտրոնը 1 աշխատանքային օրվա ընթացքում էլեկտրոնային եղանակով` դիմումում նշված էլեկտրոնային փոստի հասցեին:

 

4. ԲԱՑԱՌՈՒԹՅԱՄԲ ՂԵԿԱՎԱՐ ՊԱՇՏՈՆՆԵՐԻ` ԴԱՍԸՆԹԱՑԻ ՓՈՒԼԻ ԿԱԶՄԱԿԵՐՊՈՒՄԸ

 

37. Կոմիտեի օպերատիվ-հետախուզական գործառույթներ իրականացնող ստորաբաժանումների թափուր պաշտոնների համալրման նպատակով հարցազրույցի փուլը հաղթահարած մասնակիցները իրավունք են ստանում մասնակցելու Ուսումնական կենտրոնի կողմից կազմակերպվող դասընթացին:

38. Կոմիտեի օպերատիվ-հետախուզական գործառույթներ իրականացնող համապատասխան կառուցվածքային ստորաբաժանումների շնագիտական բաժնի (կենտրոնի) և արտաքին դիտման և արագ հակազդման բաժնի թափուր պաշտոնների համալրման նպատակով մասնակիցները չեն մասնակցում թեստավորման փուլին և հարցազրույցի փուլը հաղթահարելու և պաշտոնի անձնագրով նախատեսված դեպքում սույն հավելվածի 39-րդ կետով նախատեսված ֆիզիկական պատրաստվածության ստուգման արդյունքներով անցողիկ նվազագույն միավորը հավաքելու դեպքում իրավունք են ստանում մասնակցելու Ուսումնական կենտրոնի կողմից կազմակերպվող դասընթացին:

39. Պաշտոնի անձնագրով նախատեսված դեպքում Ուսումնական կենտրոնի կողմից կազմակերպվում է Կոմիտեի օպերատիվ-հետախուզական գործառույթներ իրականացնող ստորաբաժանումների թափուր պաշտոնների համալրման նպատակով հարցազրույցի փուլը հաղթահարած մասնակիցների ֆիզիկական պատրաստվածության ստուգում: Ֆիզիկական պատրաստվածության ստուգումը հաղթահարած են համարվում պաշտոնի անձնագրով նախատեսված ֆիզիկական պատրաստվածության պահանջների գնահատականների հանրագումարի հնարավոր առավելագույնի առնվազն 70% ստացած մասնակիցները:

40. Դասընթացը կազմակերպվում է առկա կամ հեռավար ուսուցման ձևով` տեղեկատվական տեխնոլոգիաների և հեռահաղորդակցության միջոցներով:

41. Դասընթացի մեկնարկի մասին մասնակիցները ծանուցվում են Մրցույթի դիմումում նշված էլեկտրոնային փոստի միջոցով:

42. Դասընթացը կազմված է սույն գլխով սահմանված թեմաներով դասերից, յուրաքանչյուր դասի տևողությունը 45 րոպե է:

43. Դասընթացը կազմակերպվում է Ուսումնական կենտրոնի կողմից կազմված և Կոմիտեի նախագահի հրամանով հաստատված ժամանակացույցին համապատասխան: Հեռավար ձևաչափով իրականացվող դասընթացի տևողությունը սահմանվում է դասընթացի բովանդակությամբ` յուրաքանչյուր տեսանյութի համար նախատեսելով մինչև 20 րոպե:

44. Առկա դասընթացը կազմակերպվում է Ուսումնական կենտրոնի կողմից հատուկ այդ նպատակով հարմարեցված տարածքներում (այդ թվում` լսարանային սենյակներ, համակարգչային սենյակ): Առկա դասընթացի առանձին թեմաների դասավանդումը կարող է կազմակերպվել նաև այլ կազմակերպությունների` հատուկ այդ նպատակով հարմարեցված տարածքներում:

45. Դասընթացը կազմակերպվում է դասընթացի ուսումնական պլանի հիման վրա Ուսումնական կենտրոնի կողմից ներգրավված դասախոսական կազմի միջոցով: Ուսումնական կենտրոնն ապահովում է հեռավար ձևաչափով իրականացվող դասընթացի էլեկտրոնային ուսուցման համար անհրաժեշտ նյութերով` տեսանյութերով, շնորհանդեսներով, ներկայացումներով և այլն:

46. Դասընթացը պետք է պարունակի նաև բարեվարքությանը վերաբերող կրթական բաղադրիչ: Հեռավար ձևաչափով իրականացվող դասընթացի բովանդակությունը համապատասխանում է առկա ձևաչափով նախատեսված դասընթացի բովանդակությանը:

47. Դասընթացի տևողությունը կազմում է մինչև երկու շաբաթ:

48. Դասավանդման թեմաները ներառում են.

1) Հայաստանի Հանրապետության քրեական դատավարության օրենսգիրք,

2) Հայաստանի Հանրապետության քրեական օրենսգիրք,

3) «Օպերատիվ-հետախուզական գործունեության մասին» օրենք,

4) «Հարկային ծառայության մասին» օրենք,

5) «Մաքսային ծառայության մասին» օրենք,

6) «Մաքսային կարգավորման մասին» օրենք,

7) Եվրասիական տնտեսական միության մաքսային օրենսգիրք և նշված իրավական ակտերի համաձայն ընդունված այլ իրավական ակտերով նախատեսված թեմաներ,

8) Շնավարժության գործունեության և կինոլոգիայի ոլորտի վերաբերյալ համապատասխան թեմաներ,

9) Արտաքին դիտման և արագ հակազդման ոլորտի վերաբերյալ համապատասխան թեմաներ

10) Անհրաժեշտության դեպքում Կոմիտեի նախագահի կողմից սահմանված այլ թեմաներ:

49. Կոմիտեի օպերատիվ-հետախուզական գործառույթներ իրականացնող համապատասխան կառուցվածքային ստորաբաժանման դասընթացների թեմաները ընտրվում են սույն հավելվածի 48-րդ կետով նախատեսված թեմաներից ըստ յուրաքանչյուր ստորաբաժանման գործառույթային առանձնահատկության:

50. Դասընթացի ավարտից հետո Ուսումնական կենտրոնի կողմից կազմակերպվում է թեստավորում` սույն հավելվածով սահմանված ընթացակարգով:

51. Թեստավորման ընթացքում յուրաքանչյուր մասնակից պատասխանում է մինչև 40 հարցից բաղկացած թեստային առաջադրանքին:

52. Թեստերը լրացվում են էլեկտրոնային համակարգերի միջոցով:

53. Թեստային առաջադրանքի յուրաքանչյուր հարց պետք է բաղկացած լինի 3 կամ 4 տարբերակից, որից միայն մեկն է ճիշտ: Թեստավորման ընդհանուր տևողությունը կազմում է 80 րոպե:

54. Դասընթացի ամփոփումն իրականացնելիս հաշվի են առնվում հետևյալ բաղադրիչները`

1) դասընթացին մասնակցություն,

2) թեստավորման գնահատական:

55. Դասընթացի ամփոփման համար սույն հավելվածի 54-րդ կետում նշված բաղադրիչները ունեն հետևյալ կշռային միավորները`

 

.____________________________________________________________.

|Բաղադրիչի անվանումը            |Կշռային գնահատականը (միավոր)|

|_______________________________|____________________________|

|թեստավորման գնահատական         |          12                |

|_______________________________|____________________________|

|դասընթացին մասնակցություն      |          6                 |

.____________________________________________________________.

 

56. Սույն հավելվածի 55-րդ կետում նախատեսված կշռային միավորները հաշվարկելիս կիրառվում է հետևյալ մեթոդաբանությունը`

1) թեստավորման գնահատականի դեպքում`

ա. առավելագույն հնարավորից 90-100%` 12 կշռային միավոր,

բ. առավելագույն հնարավորից 80-89%` 10 կշռային միավոր,

գ. առավելագույն հնարավորից 70-79%` 8 կշռային միավոր:

2) դասընթացին մասնակցություն`

ա. 90-100% մասնակցություն` 6 կշռային միավոր,

բ. 85-89% մասնակցություն` 4 կշռային միավոր,

գ. 81-84% մասնակցություն` 2 կշռային միավոր,

դ. մինչև 80% մասնակցություն` 0 կշռային միավոր:

57. Դասընթացը հաջողությամբ հաղթահարած են համարվում 12 և ավել կշռային միավոր հավաքած մասնակիցները:

58. Սույն հավելվածի 57-րդ կետով նախատեսված կշռային միավորներ հավաքած մասնակիցներն ընդգրկվում են թեկնածուների ցուցակներում` ըստ իրենց կողմից հավաքած կշռային միավորների` բարձրից ցածր սկզբունքից ելնելով: Հավասար կշռային միավորների դեպքում հաշվի է առնվում թեստավորման արդյունքներով առավելագույն հնարավորից հավաքած տոկոսը: Թեստավորման արդյունքներով առավելագույն հնարավորից հավաքած տոկոսի հավասարության դեպքում հաշվի է առնվում դասընթացի մասնակցության գնահատականի` առավելագույն հնարավորից հավաքած տոկոսը, իսկ դրանց հավասարության դեպքում հաշվի է առնվում սույն հավելվածի 26-րդ կետով նախատեսված թեստավորման գնահատականի` առավելագույն հնարավորից հավաքած տոկոսը, ինչպես նաև սույն հավելվածի 39-րդ կետով նախատեսված գնահատականի` առավելագույն հնարավորից հավաքած տոկոսը:

59. Բոլոր այն մասնակիցները, ում թեստավորման արդյունքում ձևավորված գնահատականը ցածր է հնարավոր առավելագույն գնահատականի 70%-ից կամ մասնակիցը դասերից (այդ թվում` հեռավար ձևաչափով իրականացվող դասընթացից) անհարգելի պատճառով բացակայել է 4-ից ավել դասաժամ, ապա տվյալ մասնակիցը համարվում է դասընթացը չանցած և չի ընդգրկվում թեկնածուների ցուցակում:

 

5. ՂԵԿԱՎԱՐ ՊԱՇՏՈՆՆԵՐԻ ԴԱՍԸՆԹԱՑԻ ՓՈՒԼԻ ԿԱԶՄԱԿԵՐՊՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ

 

60. Հարկային կամ մաքսային ծառայության ղեկավար պաշտոններ (բացառությամբ կառուցվածքային ստորաբաժանման ղեկավարի պաշտոնի) զբաղեցնելու համար դասընթացը բաղկացած է երկու բաժնից` մասնագիտական թեմաների դասավանդում և կառավարչական հմտությունների դասավանդում:

61. Մասնագիտական թեմաների դասավանդման շրջանակներում առանձին անդրադարձ է կատարվում նաև բարեվարքության համակարգին, վարքագծի և էթիկայի կանոններին:

62. Մասնագիտական թեմաների դասավանդման համար դասաժամի տևողությունը 45 րոպե է:

63. Մասնագիտական թեմաների դասավանդումը կազմակերպվում է Ուսումնական կենտրոնի կողմից կազմված և Կոմիտե նախագահի հրամանով հաստատված ժամանակացույցին և սույն հավելվածի 48-րդ կետով նախատեսված առնվազն 3 թեմաներից կազմված դասընթացի բովանդակությանը համապատասխան: Հեռավար ձևաչափով իրականացվող դասընթացի տևողությունը սահմանվում է դասընթացի բովանդակությամբ` յուրաքանչյուր տեսանյութի համար նախատեսելով մինչև 20 րոպե:

64. Հեռավար ձևաչափով իրականացվող դասընթացի պարագայում Ուսումնական կենտրոնն ապահովում է էլեկտրոնային ուսուցման համար անհրաժեշտ նյութերով` տեսանյութերով, շնորհանդեսներով, ներկայացումներով և այլն: Հեռավար ձևաչափով իրականացվող դասընթացի բովանդակությունը համապատասխանում է առկա ձևաչափով նախատեսված դասընթացի բովանդակությանը:

65. Դասընթացի տևողությունը կարող է կազմել մինչև երկու շաբաթ:

66. Կառավարչական հմտությունների դասավանդման շրջանակներում դասավանդման ենթակա թեմաները հետևյալն են.

 

._____________________________________________________________________.

|                      Դասընթացի թեմաները                             |

|_____________________________________________________________________|

|Անձնական հմտություններ                                               |

|                                                                     |

|- ժամանակի կառավարում                                                |

|- հուզական բանականություն (Emotional Intelligence)                   |

|- որոշումների կայացում                                               |

|- խնդիրների լուծում                                                  |

|_____________________________________________________________________|

|Կառավարման հմտություններ                                             |

|                                                                     |

|- ռազմավարական կառավարում                                            |

|- վերահսկողության հմտություններ                                      |

|- կառավարման հմտություններ արտակարգ իրավիճակներում                   |

|- ծրագրի կառավարում                                                  |

|- տեղեկատվական տեխնոլոգիաներ և  թվային կառավարում                    |

|_____________________________________________________________________|

|Անձնակազմի կառավարում                                                |

|                                                                     |

|- մարդկային ռեսուրսների կառավարում                                   |

|- կոմպետենցիաների վրա հիմնված կառավարում                             |

|- կատարողականի գնահատում                                             |

|_____________________________________________________________________|

|Միջանձնային հմտություններ                                            |

|                                                                     |

|- Բանակցությունների հմտություններ                                    |

|- Կոնֆլիկտների կառավարման հմտություններ                              |

|- ժողովների, խորհրդակցությունների արդյունավետ կազմակերպման և  վարման |

|հմտություններ                                                        |

|_____________________________________________________________________|

|Առաջնորդման հմտություններ                                            |

|                                                                     |

|- իրավիճակային առաջնորդում                                           |

|- փոփոխությունների կառավարում                                        |

|- թիմային կառավարում                                                 |

|_____________________________________________________________________|

|Հաղորդակցման հմտություններ                                           |

|                                                                     |

|- միջանձնային հաղորդակցում                                           |

|- հաշվետվությունների մշակում                                         |

|- հանրային խոսք (ելույթների նախապատրաստում և  կազմակերպում)          |

|_____________________________________________________________________|

|Հաճախորդների սպասարկում                                              |

|                                                                     |

|- հաճախորդների հոգեբանություն                                        |

|- գործարարության էթիկա                                               |

|- բողոքների քննարկում, բավարարում                                    |

._____________________________________________________________________.

 

67. Կառավարչական հմտությունների դասավանդումը կազմակերպվում է մինչև 5 աշխատանքային օր տևողությամբ:

68. Դասընթացի մասնագիտական մասի ավարտից հետո 5 աշխատանքային օրվա ընթացքում անցկացվում է թեստավորման ճանապարհով գիտելիքների ստուգման քննություն, որի ընթացքում յուրաքանչյուր մասնակից պատասխանում է 40 հարցից բաղկացած թեստային առաջադրանքին: Թեստերը լրացվում են էլեկտրոնային համակարգերի միջոցով, թեստային առաջադրանքի յուրաքանչյուր հարցի պատասխան պետք է բաղկացած լինի 3 կամ 4 տարբերակից, որից միայն մեկն է ճիշտ: Թեստավորման ընդհանուր տևողությունը կազմում է 80 րոպե:

69. Թեստավորումն անցկացվում է թեստավորման հարցաշարից պատահական ընտրությամբ կազմված հարցերից: Թեստավորման հարցաշարը պետք է պարունակի դասընթացի մասնագիտական բոլոր թեմաների (այդ թվում` բարեվարքության) վերաբերյալ հարցեր:

70. Բոլոր այն մասնակիցները, ում մասնագիտական մասի թեստավորման արդյունքում ձևավորված գնահատականը ցածր է հնարավոր առավելագույն գնահատականի 70%-ից կամ մասնակիցը դասերից (այդ թվում` հեռավար ձևաչափով իրականացվող դասընթացից) անհարգելի պատճառով բացակայել է 4-ից ավել դասաժամ, ապա տվյալ մասնակիցը համարվում է դասընթացը չանցած և չի ընդգրկվում թեկնածուների ցուցակում:

71. Դասընթացի կառավարչական հմտությունների դասավանդման ավարտին մասնակիցները գնահատվում են դասընթացավարների կողմից` նախօրոք կազմված հարցաշարի հիման վրա` համակարգչային թեստավորման միջոցով: Կառավարչական հմտությունների այն մասնակիցները, ում թեստավորման արդյունքում ձևավորված գնահատականը ցածր է հնարավոր առավելագույն գնահատականի 70%-ից կամ մասնակիցը դասերից (այդ թվում` հեռավար ձևաչափով իրականացվող դասընթացից) անհարգելի պատճառով բացակայել է 4-ից ավել դասաժամ, ապա տվյալ մասնակիցը համարվում է դասընթացը չանցած և չի ընդգրկվում թեկնածուների ցուցակում:

72. Կառուցվածքային ստորաբաժանման ղեկավարի պաշտոն զբաղեցնելու համար դասընթացը կազմված է կառավարչական հմտությունների և բարեվարքության, վարքագծի, էթիկայի կանոնների դասավանդումից: Դասընթացի շրջանակներում դասավանդման ենթակա թեմաները հետևյալն են.

 

._____________________________________________________________________.

|                      Դասընթացի թեմաները                             |

|_____________________________________________________________________|

|Անձնական հմտություններ                                               |

|                                                                     |

|- ժամանակի կառավարում                                                |

|- հուզական բանականություն (Emotional Intelligence)                   |

|- որոշումների կայացում                                               |

|- խնդիրների լուծում                                                  |

|_____________________________________________________________________|

|Կառավարման հմտություններ                                             |

|                                                                     |

|- ռազմավարական կառավարում                                            |

|- վերահսկողության հմտություններ                                      |

|- կառավարման հմտություններ արտակարգ իրավիճակներում                   |

|- ծրագրի կառավարում                                                  |

|- տեղեկատվական տեխնոլոգիաներ և  թվային կառավարում                    |

|_____________________________________________________________________|

|Անձնակազմի կառավարում                                                |

|                                                                     |

|- մարդկային ռեսուրսների կառավարում                                   |

|- կոմպետենցիաների վրա հիմնված կառավարում                             |

|- կատարողականի գնահատում                                             |

|_____________________________________________________________________|

|Միջանձնային հմտություններ                                            |

|                                                                     |

|- Բանակցությունների հմտություններ                                    |

|- Կոնֆլիկտների կառավարման հմտություններ                              |

|- ժողովների, խորհրդակցությունների արդյունավետ կազմակերպման և  վարման |

|հմտություններ                                                        |

|_____________________________________________________________________|

|Առաջնորդման հմտություններ                                            |

|                                                                     |

|- իրավիճակային առաջնորդում                                           |

|- փոփոխությունների կառավարում                                        |

|- թիմային կառավարում                                                 |

|_____________________________________________________________________|

|Հաղորդակցման հմտություններ                                           |

|                                                                     |

|- միջանձնային հաղորդակցում                                           |

|- հաշվետվությունների մշակում                                         |

|- հանրային խոսք (ելույթների նախապատրաստում և  կազմակերպում)          |

|_____________________________________________________________________|

|Հաճախորդների սպասարկում                                              |

|                                                                     |

|- հաճախորդների հոգեբանություն                                        |

|- գործարարության էթիկա                                               |

|- բողոքների քննարկում, բավարարում                                    |

|_____________________________________________________________________|

|Բարեվարքության համակարգ, էթիկա և  վարքագծի կանոններ                  |

._____________________________________________________________________.

 

73. Կառավարչական հմտությունների դասավանդումը կազմակերպվում է մինչև 5 օր տևողությամբ:

74. Դասընթացի կառավարչական հմտությունների դասավանդման ավարտին մասնակիցները գնահատվում են դասընթացավարների կողմից` համակարգչային թեստավորման միջոցով: Թեստերը կազմվում են նախօրոք կազմված հարցաշարի հիման վրա:

75. Կառավարչական հմտությունների այն մասնակիցները, ում թեստավորման արդյունքում ձևավորված գնահատականը ցածր է հնարավոր առավելագույն գնահատականի 70%-ից կամ մասնակիցը դասերից (այդ թվում` հեռավար ձևաչափով իրականացվող դասընթացից) անհարգելի պատճառով բացակայել է 4-ից ավել դասաժամ, ապա տվյալ մասնակիցը համարվում է դասընթացը չանցած և չի ընդգրկվում թեկնածուների ցուցակում:

76. Դասընթացավարին Ուսումնական կենտրոնի կողմից կարող են տրամադրվել նախօրոք մշակված հարցեր, որոնց պատասխանները դասավանդողը ներառում է մասնակցի մասնակցության արդյունքների նկարագրության մասում:

77. Կառավարչական հմտությունների դասավանդման ավարտից հետո եռօրյա ժամկետում մասնակիցը Ուսումնական կենտրոն է ներկայացնում ներկա կամ նախորդ աշխատավայրի իր անմիջական ղեկավարի կողմից տրված առնվազն մեկ երաշխավորագիր:

78. Դասընթացի արդյունքներն ամփոփում է Ուսումնական կենտրոնը:

79. Ղեկավար պաշտոններ (բացառությամբ կառուցվածքային ստորաբաժանման ղեկավարի պաշտոնի) զբաղեցնելու համար դասընթացի ամփոփման ժամանակ հաշվի են առնվում հետևյալ բաղադրիչները`

1) դասընթացին մասնակցություն,

2) մասնագիտական թեմաների գնահատականը, որը թեստավորման արդյունքն է,

3) կառավարչական հմտությունների դասընթացավարի ամփոփիչ գնահատական:

80. Դասընթացի ամփոփման համար սույն հավելվածի 79-րդ կետում նշված բաղադրիչները ունեն հետևյալ կշռային միավորները`

 

.______________________________________________________________.

|Բաղադրիչի անվանումը                       |Կշռային գնահատականը|

|                                          |     (միավոր)      |

|__________________________________________|___________________|

|մասնագիտական թեմաների գնահատական          |          12       |

|__________________________________________|___________________|

|կառավարչական հմտությունների դասընթացավարի |          30       |

|ամփոփիչ գնահատական                        |                   |

|__________________________________________|___________________|

|դասընթացին մասնակցություն                 |          6        |

.______________________________________________________________.

 

81. Սույն հավելվածի 80-րդ կետի կշռային միավորները հաշվարկելիս կիրառվում է հետևյալ մեթոդաբանությունը`

1) մասնագիտական թեմաների գնահատականի դեպքում`

ա. առավելագույն հնարավորից 91-100%` 12 կշռային միավոր,

բ. առավելագույն հնարավորից 85-90%` 10 կշռային միավոր,

գ. առավելագույն հնարավորից 80-84%` 8 կշռային միավոր,

դ. առավելագույն հնարավորից 75-79%` 6 կշռային միավոր,

ե. առավելագույն հնարավորից 70-74%` 3 կշռային միավոր:

2) Կառավարչական հմտությունների դասընթացավարի ամփոփիչ գնահատականի արդյունքում`

ա. առավելագույն հնարավորից 90-100%` 30 կշռային միավոր,

բ. առավելագույն հնարավորից 80-89%` 28 կշռային միավոր,

գ. առավելագույն հնարավորից 70-79%` 26 կշռային միավոր:

3) դասընթացին մասնակցություն`

ա. 90-100% մասնակցություն` 6 կշռային միավոր,

բ. 85-89% մասնակցություն` 4 կշռային միավոր,

գ. 81-84% մասնակցություն` 2 կշռային միավոր,

դ. մինչև 80% մասնակցություն` 0 կշռային միավոր:

82. Կառուցվածքային ստորաբաժանման ղեկավարի պաշտոնի զբաղեցնելու համար դասընթացի ամփոփման ժամանակ հաշվի են առնվում հետևյալ բաղադրիչները`

1) դասընթացին մասնակցություն,

2) կառավարչական հմտությունների դասընթացավարի ամփոփիչ գնահատական,

3) մասնակցի կողմից ներկայացված երաշխավորագիր:

83. Դասընթացի ամփոփման համար սույն հավելվածի 82-րդ կետում նշված բաղադրիչները ունեն հետևյալ կշռային միավորները`

 

.______________________________________________________________.

|Բաղադրիչի անվանումը                       |Կշռային գնահատականը|

|                                          |     (միավոր)      |

|__________________________________________|___________________|

|դասընթացին մասնակցություն                 |        6          |

|__________________________________________|___________________|

|կառավարչական հմտությունների դասընթացավարի |        30         |

|ամփոփիչ գնահատական                        |                   |

|__________________________________________|___________________|

|մասնակցի կողմից ներկայացված երաշխավորագիր |        12         |

.______________________________________________________________.

 

84. Սույն հավելվածի 83-րդ կետի կշռային միավորները հաշվարկելիս կիրառվում է հետևյալ մեթոդաբանությունը`

1) երաշխավորագիր`

ա. մասնակցի կողմից երաշխավորագիր ներկայացված լինելու դեպքում` 12 կշռային միավոր

բ. մասնակցի կողմից երաշխավորագիր ներկայացված չլինելու դեպքում` 0 կշռային միավոր

2) կառավարչական հմտությունների դասընթացավարի ամփոփիչ գնահատականի դեպքում`

ա. առավելագույն հնարավորից 90-100%` 30 կշռային միավոր,

բ. առավելագույն հնարավորից 80-89% 28 կշռային միավոր,

գ. առավելագույն հնարավորից 70-79%` 26 կշռային միավոր:

3) դասընթացին մասնակցություն`

ա. 90-100% մասնակցություն` 6 կշռային միավոր,

բ. 85-89% մասնակցություն` 4 կշռային միավոր,

գ. 81-84% մասնակցություն` 2 կշռային միավոր,

դ. մինչև 80% մասնակցություն` 0 կշռային միավոր:

85. Դասընթացը հաջողությամբ հաղթահարած են համարվում 81-րդ կետով նախատեսված դեպքում` 31 և ավելի կշռային միավոր հավաքած մասնակիցները, իսկ 84-րդ կետով նախատեսված դեպքում` 40 և ավելի կշռային միավոր հավաքած մասնակիցները:

86. Սույն հավելվածի 85-րդ կետով նախատեսված կշռային միավորներ հավաքած մասնակիցներն ընդգրկվում են թեկնածուների ցուցակներում` ըստ իրենց կողմից հավաքած կշռային միավորների` բարձրից ցածր սկզբունքից ելնելով: Հավասար կշռային միավորների դեպքում` ղեկավար պաշտոնների համար հաշվի է առնվում մասնագիտական թեմաների գնահատման արդյունքներով առավելագույն հնարավորից հավաքած տոկոսը, իսկ կառուցվածքային ստորաբաժանման ղեկավարի պաշտոնի համար` դասընթացավարի ամփոփիչ գնահատականի առավելագույն հնարավորից հավաքած տոկոսը: Առավելագույն հնարավորից հավաքած տոկոսի հավասարության դեպքում հաշվի է առնվում դասընթացին մասնակցության գնահատականի` առավելագույն հնարավորից հավաքած տոկոսը:

 

6. ԹԵԿՆԱԾՈՒՆԵՐԻ ՑՈՒՑԱԿ

 

87. Թեկնածուների ցուցակում ընդգրկվում են`

1) Թեստավորման, հարցազրույցի, պաշտոնի անձնագրով նախատեսված դեպքում ֆիզիկական պատրաստվածության ստուգման և դասընթացի փուլերը հաջողությամբ հաղթահարած մասնակիցները.

2) Oպերատիվ-հետախուզական գործառույթներ իրականացնող ծառայողները` վերապատրաստումը հաջողությամբ հաղթահարած համարվելու հավաստագիր ստանալու դեպքում.

3) Հարկային կամ մաքսային ծառայողները, ովքեր անցել են վերապատրաստում օպերատիվ-հետախուզական գործունեության մասով և ստացել են նշված վերապատրաստումը հաջողությամբ հաղթահարած համարվելու հավաստագիր:

88. Վերապատրաստումը հաջողությամբ հաղթահարած համարվելու հավաստագիր ունեցող ծառայողները թեկնածուների ցուցակում ընդգրկվում են ըստ իրենց կողմից վերապատրաստման արդյունքում հավաքած կշռային միավորների` բարձրից ցածր սկզբունքից ելնելով: Հավասար միավորների դեպքում հաշվի է առնվում վերապատրաստման տեսական մասի գնահատականի` առավելագույն հնարավորից հավաքած միավորը:

89. Թեկնածուների ցուցակում միանգամյա ընդգրկված լինելու առավելագույն ժամկետը երեք տարի է: Ցուցակում ընդգրկված լինելու առավելագույն ժամկետը լրանալու օրվան հաջորդող օրը թեկնածուն ինքնաշխատ եղանակով հանվում է ցուցակից: Թեկնածուների ցուցակի թափուր համարները լրացվում են հաջորդաբար` նվազման կարգով` ինքնաշխատ եղանակով:

90. Թեկնածուների ցուցակը վարվում է էլեկտրոնային եղանակով Կոմիտեի անձնակազմի կառավարման վարչության կողմից` ըստ հարկային և մաքսային ծառայությունների:

91. Ուսումնական կենտրոնի կողմից դասընթացի արդյունքներն ամփոփելուց հետո Կոմիտեի անձնակազմի կառավարման վարչությանն է տրամադրվում դասընթացը հաջողությամբ ավարտած մասնակիցների ցանկը, ինչպես նաև դիմումների ընդունման էլեկտրոնային հարթակի մուտքանունն ու գաղտնաբառը, մասնակիցներին թեկնածուների ցուցակում ընդգրկելու նպատակով հետևյալ տեղեկությունները`

1) համակարգչային գիտելիքների և օտար լեզվի իմացության ստուգման թեստավորման արդյունքում հավաքած միավորները.

2) պաշտոնի անձնագրով նախատեսված դեպքում ֆիզիկական պատրաստվածության ստուգման արդյունքում հավաքած միավորները.

3) դասընթացի արդյունքում հավաքած միավորները.

4) մասնակցի անունը, ազգանունը, հայրանունը.

5) ծննդյան տարեթիվը, ամիսը, ամսաթիվը.

6) անձը հաստատող փաստաթղթի համարը, տալու և վավերականության ամսաթվերը, ում կողմից է տրվել, հանրային ծառայության համարանիշը.

7) հաշվառման կամ փաստացի բնակության վայրը (փոստային հասցեն), հեռախոսահամարները, էլեկտրոնային փոստի հասցեն.

8) օտար լեզվի իմացության մակարդակը.

9) Կոմիտեի օպերատիվ-հետախուզական գործառույթներ իրականացնող ստորաբաժանումների պաշտոններ զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարման մասով տեղեկություններ` կրթություն, աշխատանքային ստաժ.

10) այլ տեղեկություններ:

92. Թեկնածուների ցուցակից անձը հանվում է հետևյալ հիմքերի առկայության դեպքում.

1) անձնական դիմումի հիման վրա.

2) հարկային կամ մաքսային ծառայությունների պաշտոն զբաղեցնելու օրենքով սահմանված առավելագույն տարիքը լրանալու դեպքում.

3) թեկնածուների ցուցակում միանգամյա գտնվելու առավելագույն ժամկետը լրանալու դեպքում.

4) Հայաստանի Հանրապետության քաղաքացիությունը դադարեցնելու դեպքում` քաղաքացիությունը դադարեցնելու օրը.

5) անձի մահվան դեպքում` նրա մահվան վկայականում նշված մահվան օրը:

 

7. ՊԱՇՏՈՆԻ ՆՇԱՆԱԿՄԱՆ ՀԱՐՑԱԶՐՈՒՅՑԻ ՓՈՒԼԻ ԿԱԶՄԱԿԵՐՊՈՒՄՆ ՈՒ ԱՆՑԿԱՑՈՒՄԸ

 

93. Պաշտոնի նշանակման հարցազրույցի անցկացման նպատակով Կոմիտեի ղեկավարի կողմից ձևավորվում է առնվազն 5 անդամից կազմված հանձնաժողով (այսուհետ` հանձնաժողով) և հանձնաժողովի անդամներից մեկը նշանակվում է հանձնաժողովի նախագահ:

94. Հանձնաժողովի կազմում կարող են ընդգրկվել հարկային կամ մաքսային մարմնի օպերատիվ-հետախուզական գործառույթներ իրականացնող ստորաբաժանումների ծառայողին պաշտոնի նշանակելու իրավասություն ունեցող անձը, Կոմիտեի նախագահի տեղակալը և Կոմիտեի այլ աշխատակիցներ:

95. Պաշտոնի նշանակման հարցազրույցի նախապատրաստական աշխատանքներն իրականացնում է Կոմիտեի անձնակազմի կառավարման ստորաբաժանումը:

96. Հանձնաժողովի քարտուղարության աշխատանքներն իրականացնում է Կոմիտեի անձնակազմի կառավարման ստորաբաժանումը:

97. Պաշտոնի նշանակման հարցազրույցին հրավիրվելու նպատակով Կոմիտեի անձնակազմի կառավարման ստորաբաժանումը հրապարակում է հայտարարություն, որը ներառում է Կոմիտեի օպերատիվ-հետախուզական գործառույթներ իրականացնող ստորաբաժանման թափուր պաշտոնն զբաղեցնելու համար հարցազրույց անցկացնելու հրավերը, այդ թվում` պաշտոնների ցանկը, հարցազրույցին մասնակցելու համար անհրաժեշտ փաստաթղթերը և պաշտոնի անձնագիրը:

98. Սույն կարգի 97-րդ կետում նշված հայտարարությունը հրապարակելուց հետո եռօրյա ժամկետում հարկային կամ մաքսային ծառայողի վերապատրաստման (այդ թվում` առաջխաղացման նպատակով) ծրագիրը հաջողությամբ ավարտելու վերաբերյալ հավաստագիր ունեցող և պաշտոնների անձնագրերի պահանջները բավարարող անձինք Կոմիտեի անձնակազմի կառավարման ստորաբաժանում կարող են ներկայացնել հարցազրույցին մասնակցելու դիմում:

99. Պաշտոնի նշանակման հարցազրույցի հրավիրվում են`

1) թեկնածուների ցուցակներում ընդգրկված, հարկային կամ մաքսային մարմնի օպերատիվ-հետախուզական գործառույթներ իրականացնող ստորաբաժանումների տվյալ պաշտոնի անձնագրի պահանջներին բավարարող 5 ամենաբարձր միավորներ ունեցող բոլոր անձինք, ըստ թեկնածուների ցուցակի բարձրից ցածր հաջորդականության, բացառությամբ սույն կետի 2-րդ և 3-րդ ենթակետերով նախատեսված դեպքերի.

2) վերապատրաստում (այդ թվում` առաջխաղացման նպատակով) անցած, տվյալ պաշտոնի անձնագրի պահանջները բավարարող, դիմում (համաձայն սույն հավելվածի ձև N 3-ի) և դիմումում նշված փաստաթղթերը ներկայացրած անձինք.

3) թեկնածուների ցուցակներում ընդգրկված, տվյալ պաշտոնի անձնագրի պահանջները բավարարող և օրենքով սահմանված կարգով պաշտոնի նշանակված անձինք` դիմում (համաձայն սույն հավելվածի ձև N 3-ի) և դիմումում նշված փաստաթղթերը ներկայացնելու դեպքում:

100. Եթե սույն հավելվածի 99-րդ կետի 1-ին ենթակետում նշված անձինք հրաժարվում են մասնակցել պաշտոնի նշանակման հարցազրույցին, ապա հարցազրույցի հրավիրվում են հաջորդաբար ավելի բարձր միավորներ ունեցող անձինք:

101. Պաշտոնի նշանակման հարցազրույցի նպատակն է հարկային կամ մաքսային մարմնի օպերատիվ-հետախուզական գործառույթներ իրականացնող ստորաբաժանումների ծառայողի պաշտոնում արդյունավետ գործելու համար թեկնածուների ցուցակում ընդգրկված տվյալ պաշտոնի թեկնածուի անհրաժեշտ հմտություններն ու որակները բացահայտելը:

102. Անհրաժեշտ հմտություններն ու որակները բացահայտվում են թեկնածուի մասնագիտական աշխատանքի փորձառությունը (բացառությամբ` կրտսեր պաշտոնների), հարկային կամ մաքսային օպերատիվ-հետախուզական գործառույթներ իրականացնող ստորաբաժանումների ծառայող դառնալու շարժառիթն ու ակնկալիքը, հարկային կամ մաքսային ծառայությանը վերաբերող հիմնարար իրավական ակտերի պահանջներին տեղեկացվածությունը, նրա անձնական հատկանիշները (մասնավորապես` ինքնատիրապետում, բարեվարքություն, վարվեցողություն, պատասխանատվության զգացում, հաղորդակցման հմտություններ, վերլուծական կարողություններ և հարկային կամ մաքսային ծառայողի համար անհրաժեշտ ոչ մասնագիտական այլ հատկանիշներ) գնահատելու միջոցով:

103. Պաշտոնի նշանակման հարցազրույցից առաջ հարցազրույցի հանձնաժողովի որոշմամբ հարցազրույցի հրավիրված մասնակիցները կարող են Կոմիտեի ղեկավարի կողմից հաստատած կարգով անցնել հոգեբանական թեստավորում:

104. Պաշտոնի նշանակման հարցազրույցին խորհրդակցական ձայնի իրավունքով կարող է մասնակցել հոգեբան:

105. Որպես կանոն, հանձնաժողովը յուրաքանչյուր մասնակցի հետ պաշտոնի նշանակման հարցազրույցն անցկացնում է առանձին: Հանձնաժողովի որոշմամբ առանձին դեպքերում կարող է անցկացվել նաև մասնակիցների համաժամանակյա հարցազրույց:

106. Պաշտոնի նշանակման հարցազրույցի արդյունքներով հանձնաժողովի յուրաքանչյուր անդամ յուրաքանչյուր մասնակցի գնահատումը իրականացնում է «դրական» կամ «բացասական» որոշում կայացնելու եղանակով: Ընդ որում, հանձնաժողովի յուրաքանչյուր անդամ կարող է «դրական» որոշում կայացնել տվյալ պաշտոնին հավակնող բոլոր մասնակիցներից միայն մեկի համար:

107. Յուրաքանչյուր մասնակցի գնահատումն իրականացվում է հանձնաժողովի յուրաքանչյուր անդամի համար նախատեսված առանձին քվեաթերթիկի միջոցով` համաձայն ձև N 4-ի:

108. Պաշտոնի նշանակման հարցազրույցի փուլը հաղթահարած է համարվում այն մասնակիցը, որի համար «դրական» որոշում են կայացրել հանձնաժողովի ավելի շատ թվով անդամներ:

109. Սույն հավելվածի 106-րդ կետով նախատեսված «դրական» որոշումների քանակի հավասարության դեպքում որոշիչ է հանձնաժողովի նախագահի որոշումը:

110. Պաշտոնի նշանակման հարցազրույցի ավարտից հետո երեք աշխատանքային օրվա ընթացքում քվեաթերթիկների ամփոփման արդյունքներով հանձնաժողովը Կոմիտեի ղեկավարին է ներկայացնում եզրակացություն հարցազրույցի մասնակիցների վերաբերյալ` համաձայն սույն հավելվածի ձև N 5-ի` նշելով հարցազրույցի փուլը հաղթահարած միակ մասնակցին:

 

Ձև N 1

 

ԴԻՄՈՒՄ

 

Մրցույթի անվանումը` ________________________________

Անձնական տվյալներ

 

._________________________________________________________________________.

|1. Անուն/            |Անուն` _______________________|      Լուսանկար     |

|Ազգանուն/            |Ազգանուն` ____________________|                    |

|հայրանուն            |Հայրանունը` __________________|                    |

|_____________________|______________________________|____________________|

|2. Հասցե`            |Բջջ. Հեռ:                     |                    |

|                     |Էլ. փոստ:                     |                    |

|_____________________|___________________________________________________|

|3. Քաղաքացիությունը` |                                                   |

|_____________________|___________________________________________________|

|4. Հանրային          |           |5. Անձնագրի սերիան, համարը կամ         |

|ծառայության          |           |նույնականացման քարտի համարը, երբ և     |

|համարանիշը           |           |ում կողմից է տրվել                     |

|_____________________|___________|_______________________________________|

|6. Սեռ`              |[] Արական  |7. Ծննդյան ամիս,  |________________    |

|                     |[] Իգական  |ամսաթիվը, տարին   |(օր, ամիս, տարի)    |

|_____________________|___________________________________________________|

|8. Ընտանեկան         |                                                   |

|դրությունը           |                                                   |

|_____________________|___________________________________________________|

|9. Կրթություն        |            |            |            |            |

|_____________________|____________|____________|____________|____________|

|10. Աշխատանքային     |            |            |            |            |

|գործունեություն      |            |            |            |            |

|_____________________|____________|____________|____________|____________|

|11. Լեզուների        |    Լսել    |  Կարդալ    |    Գրել    |Հաղորդակցվել|

|տիրապետման մակարդակը |____________|____________|____________|____________|

|                     |գե- |լավ|բա-|գե- |լավ|բա-|գե- |լավ|բա-|գե- |լավ|բա-|

|                     |րա- |   |վա-|րա- |   |վա-|րա- |   |վա-|րա- |   |վա-|

|                     |զանց|   |րար|զանց|   |րար|զանց|   |րար|զանց|   |րար|

|_____________________|____|___|___|____|___|___|____|___|___|____|___|___|

|12. Համակարգչային    |    |   |   |    |   |   |    |   |   |    |   |   |

|գիտելիքներ           |    |   |   |    |   |   |    |   |   |    |   |   |

|_____________________|___________________________________________________|

|13. Կից փաստաթղթեր`  |1.______________________ 4. ______________________ |

|                     |2.______________________ 5. ______________________ |

|                     |3.______________________ 6. ______________________ |

|                     |                                                   |

|_____________________|___________________________________________________|

|14. Հայտարարություն  |Հաստատում եմ, որ սույն դիմումով ներկայացված        |

|                     |տեղեկատվությունը ճիշտ է: Ես հասկանում և  ընդունում |

|                     |եմ, որ իմ կողմից ներկայացված ցանկացած կեղծ         |

|                     |տեղեկատվություն կարող է հիմք հանդիսանալ Մրցույթի   |

|                     |ցանկացած փուլից հեռացվելու, ինչպես նաև  օրենքով    |

|                     |սահմանված պատասխանատվության համար:                 |

|                     |Հաստատում եմ, որ դատական կարգով անգործունակ կամ    |

|                     |սահմանափակ գործունակ ճանաչված չեմ, ինչպես նաև      |

|                     |Հայաստանի Հանրապետության կառավարության սահմանած    |

|                     |հանրային ծառայության պաշտոնում նշանակվելու դեպքում |

|                     |ծառայողական պարտականությունների կատարմանը և        |

|                     |լիազորությունների իրականացմանը խոչընդոտող          |

|                     |հիվանդությունների ցանկում ընդգրկված                |

|                     |հիվանդություններով չեմ տառապում                    |

|                     |Հայտնում եմ իմ համաձայնությունը, որ սույն դիմումին |

|                     |կից ներկայացված իմ նույնականացման տվյալները        |

|                     |տրամադրվեն «ԱՔՌԱ Քրեդիտ Ռեփորթինգ» ՓԲԸ-ին: Ինչպես  |

|                     |նաև  հայտնում եմ համաձայնություն առ այն, որ «ԱՔՌԱ  |

|                     |Քրեդիտ Ռեփորթինգ» ՓԲԸ-ն սույն դիմումին կից իմ      |

|                     |նույնականացման տվյալների հիման վրա` իմ վարկային    |

|                     |պարտավորությունների վերաբերյալ տեղեկատվությունը    |

|                     |փոխանցի Պետական եկամուտների կոմիտե*:               |

|                     |*վարկային պարտավորությունների մասով համաձայնության |

|                     |տրամադրումը պարտադիր պայման չէ և  մասնակիցը        |

|                     |համաձայնության չտրամադրման դեպքում կարող է նշում   |

|                     |կատարել համապատասխան վանդակում:                    |

|_____________________|___________________________________________________|

|Ամիս, ամսաթիվ        |_________________»___» 2023 թ.:                    |

|Ստորագրություն       |                                                   |

._________________________________________________________________________.

 

-----------------------------------------------------------

ԻՐՏԵԿ - շարունակությունը հաջորդ մասերում