14.03.2025 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 դեկտեմբերի 2020 թվականի N 2001-Լ
ԱԴՐԲԵՋԱՆԻ ԿՈՂՄԻՑ 2020 ԹՎԱԿԱՆԻ ՍԵՊՏԵՄԲԵՐԻ 27-ԻՆ ՍԱՆՁԱԶԵՐԾՎԱԾ ՌԱԶՄԱԿԱՆ ԳՈՐԾՈՂՈՒԹՅՈՒՆՆԵՐԻ ՀԵՏԵՎԱՆՔՈՎ ԱՆՀԱՅՏ ԿՈՐԱԾ ԶԻՆԾԱՌԱՅՈՂՆԵՐԻ ԸՆՏԱՆԻՔՆԵՐԻ ԱՋԱԿՑՈՒԹՅԱՆ ՄԻՋՈՑԱՌՈՒՄԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Հայաստանի Հանրապետության Սահմանադրության 83-րդ հոդվածը և 146-րդ հոդվածի 4-րդ մասը` Հայաստանի Հանրապետության կառավարությունը որոշում է.
1. Հաստատել Ադրբեջանի կողմից 2020 թվականի սեպտեմբերի 27-ին սանձազերծված ռազմական գործողությունների հետևանքով անհայտ կորած զինծառայողների ընտանիքների աջակցության միջոցառումը` համաձայն հավելվածի:
2. Սույն որոշման իմաստով անհայտ կորած են համարվում Ադրբեջանի Հանրապետության կողմից 2020 թվականի սեպտեմբերի 27-ին սանձազերծված ռազմական գործողությունների հետևանքով Հայաստանի Հանրապետության պաշտպանության, արտակարգ իրավիճակների նախարարություններում, Հայաստանի Հանրապետության ազգային անվտանգության ծառայությունում կամ ոստիկանությունում գրանցված` գտնվելու վայրն անհայտ անձինք:
(2-րդ կետը փոփ. 27.01.2021 թիվ 103-Լ որոշում)
3. Սահմանել, որ սույն միջոցառման ֆինանսավորման համար անհրաժեշտ միջոցները Հայաստանի Հանրապետության աշխատանքի և սոցիալական հարցերի նախարարությունը Զինծառայողների կյանքին կամ առողջությանը պատճառված վնասների հատուցման հիմնադրամին է տրամադրում սույն որոշումն ուժի մեջ մտնելուց հետո 5 աշխատանքային օրվա ընթացքում 500,000.0 հազար դրամի չափով, որից հետո` եռամսյա պարբերականությամբ` հիմք ընդունելով Զինծառայողների կյանքին կամ առողջությանը պատճառված վնասների հատուցման հիմնադրամի ներկայացրած հաշվետվությունը սույն միջոցառման շրջանակներում կատարված փաստացի ծախսերի վերաբերյալ:
4. Հայաստանի Հանրապետության աշխատանքի և սոցիալական հարցերի նախարարին` մինչև 2020 թվականի դեկտեմբերի 17-ը Հայաստանի Հանրապետության վարչապետի աշխատակազմ ներկայացնել Ադրբեջանի կողմից 2020 թվականի սեպտեմբերի 27-ին սանձազերծված ռազմական գործողությունների հետևանքով անհայտ կորած զինծառայողների ընտանիքներին աջակցություն տրամադրելու կարգը:
Հայաստանի Հանրապետության
վարչապետ Ն. Փաշինյան
2020 թ. դեկտեմբերի
Երևան
Հավելված
ՀՀ կառավարության
2020 թվականի դեկտեմբերի 10-ի
N 2001-Լ որոշման
ԱԴՐԲԵՋԱՆԻ ԿՈՂՄԻՑ 2020 ԹՎԱԿԱՆԻ ՍԵՊՏԵՄԲԵՐԻ 27-ԻՆ ՍԱՆՁԱԶԵՐԾՎԱԾ ՌԱԶՄԱԿԱՆ ԳՈՐԾՈՂՈՒԹՅՈՒՆՆԵՐԻ ՀԵՏԵՎԱՆՔՈՎ ԱՆՀԱՅՏ ԿՈՐԱԾ ԶԻՆԾԱՌԱՅՈՂՆԵՐԻ ԸՆՏԱՆԻՔՆԵՐԻ ԱՋԱԿՑՈՒԹՅԱՆ ՄԻՋՈՑԱՌՈՒՄԸ
1. Միջոցառման նպատակն է սոցիալական աջակցություն տրամադրել Ադրբեջանի կողմից 2020 թվականի սեպտեմբերի 27-ին սանձազերծված ռազմական գործողությունների հետևանքով անհայտ կորած զինծառայողների ընտանիքների անդամներին (այսուհետ` շահառու):
2. Սոցիալական աջակցությունը տրամադրվում է ամենամսյա դրամական վճարի ձևով` յուրաքանչյուր անհայտ կորած զինծառայողի հաշվով ամսական 300 000 դրամի չափով, բայց ոչ ավելի, քան մինչև 2025 թվականի փետրվար և մարտ ամիսները ներառյալ` սկսած սույն միջոցառումը հաստատելու ամսվանից:
(2-րդ կետը փոփ. 10.06.2021 թիվ 973-Լ / տարածվում է 2020 թվականի սեպտեմբերի 27-ից հետո ծագած հարաբերությունների վրա /, 11.11.2021 թիվ 1832-Լ
տարածվում է 2020 թվականի սեպտեմբերի 27-ից հետո ծագած հարաբերությունների վրա /, 17.03.2022 թիվ 317-Լ, 14.07.2022 թիվ 1071-Լ, 29.09.2022 թիվ 1513-Լ, 03.11.2022 թիվ 1685-Լ, 15.12.2022 թիվ 1927-Լ, 09.02.2023 թիվ 151-Լ, 23.03.2023 թիվ 362-Լ, 27.04.2023 թիվ 623-Լ, 22.06.2023 թիվ 1021-Լ, 31.08.2023 թիվ 1460-Լ, 02.11.2023 թիվ 1877-Լ, 25.01.2024 թիվ 107-Լ, 29.02.2024 թիվ 274-Լ, 16.05.2024 թիվ 694-Լ, 04.07.2024 թիվ 1014-Լ, 05.09.2024 թիվ 1426-Լ, 24.10.2024 թիվ 1658-Ն, 23.01.2025 թիվ 64-Լ, 13.03.2025 թիվ 278-Լ որոշումներ)
3. Ամենամսյա դրամական վճարի տրամադրումն իրականացվում է Զինծառայողների կյանքին կամ առողջությանը պատճառված վնասների հատուցման հիմնադրամի (այսուհետ` հիմնադրամ) միջոցով:
4. Ամենամսյա դրամական վճարի տրամադրումը դադարեցվում է, եթե`
1) անհայտ կորած զինծառայողը ճանաչվել է հիմնադրամի շահառու` շահառու ճանաչվելու ամսվա 1-ից.
2) հայտնի է դարձել զինծառայողի գտնվելու վայրը կամ դադարել են զինծառայողին անհայտ կորած համարելու հիմքերը` հայտնի դառնալու կամ դադարելու ամսվա 1-ից.
3) ամենամսյա դրամական վճարը վճարվել է ներառյալ` մինչև 2025 թվականի մարտ ամիսը ներառյալ` 2025 թվականի ապրիլի 1-ից:
4) (4-րդ ենթակետն ուժը կորցրել է 27.01.2021 թիվ 103-Լ որոշում)
(4-րդ կետը փոփ. 27.01.2021 թիվ 103-Լ, 10.06.2021 թիվ 973-Լ /տարածվում է 2020 թվականի սեպտեմբերի 27-ից հետո ծագած հարաբերությունների
վրա/, 11.11.2021 թիվ 1832-Լ տարածվում է 2020 թվականի սեպտեմբերի 27-ից հետո ծագած հարաբերությունների վրա /, 17.03.2022 թիվ 317-Լ, 14.07.2022 թիվ 1071-Լ, 29.09.2022 թիվ 1513-Լ, 03.11.2022 թիվ 1685-Լ, 15.12.2022 թիվ 1927-Լ, 09.02.2023 թիվ 151-Լ, 23.03.2023 թիվ 362-Լ, 27.04.2023 թիվ 623-Լ, 22.06.2023 թիվ 1021-Լ, 31.08.2023 թիվ 1460-Լ, 02.11.2023 թիվ 1877-Լ, 25.01.2024 թիվ 107-Լ, 29.02.2024 թիվ 274-Լ, 16.05.2024 թիվ 694-Լ, 04.07.2024 թիվ 1014-Լ, 05.09.2024 թիվ 1426-Լ, 24.10.2024 թիվ 1658-Ն, 23.01.2025 թիվ 64-Լ, 13.03.2025 թիվ 278-Լ որոշումներ)
5. Անհայտ կորած զինծառայողին հիմնադրամի շահառու ճանաչելու դեպքում սույն միջոցառման համաձայն վճարված գումարները նվազեցվում են շահառուին հիմնադրամից վճարման ենթակա միանվագ գումարից:
(5-րդ կետը փոփ. 10.06.2021 թիվ 973-Լ / տարածվում է 2020 թվականի սեպտեմբերի 27-ից հետո ծագած հարաբերությունների վրա /որոշում)
6. Եթե ամենամսյա դրամական վճարի տրամադրումը դադարեցվում է սույն հավելվածի 4-րդ կետի 2-րդ և 3-րդ ենթակետերի հիման վրա, ապա վճարված գումարները շահառուից հետ չեն պահանջվում և դիտարկվում են որպես հիմնադրամի ծախս:
7. Եթե ամենամսյա դրամական վճարի տրամադրումը դադարեցվում է սույն հավելվածի 4-րդ կետի 4-րդ ենթակետի հիման վրա, ապա վճարված գումարների նկատմամբ կիրառվում են «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» Հայաստանի Հանրապետության օրենքի 6-րդ հոդվածի 6-րդ և 7-րդ մասերը:
_______________
ԻՐՏԵԿ - Ընդունող մարմնի կայքէջում (www.e-gov.am) հրապարակման ամսաթիվ տրված չէ («Նորմատիվ իրավական ակտերի մասին» ՀՀ օրենք, հոդ. 23, մաս 7):
@@x