ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ
ԻՐԱԶԵԿՄԱՆ ԹԵՐԹԻԿ
18 օգոստոսի 2020 թվականի N 45
ՀԱՇՎԱՐԿԱՅԻՆ ՓԱՍՏԱԹՂԹԵՐԻ ՉԵՂԱՐԿՄԱՆ ՎԵՐԱԲԵՐՅԱԼ
Հարց
Ա կազմակերպությունը 30.06.2020թ.-ին սխալմամբ չեղյալ է համարել Բ կազմակերպությանը դուրս գրված և իրենց կողմից վավերացված հարկային հաշիվը: Բ կազմակերպությունը 16.07.2020 թ.-ին չեղարկումը մերժելու փոխարեն հաստատել է: Ի՞նչ կարգով կարելի է չեղարկումը անվավեր ճանաչել:
Պատասխան
i
ՀՀ հարկային օրենսգրքի`
- 56-րդ հոդվածի 10-րդ մասով սահմանված են դեպքերը, երբ ապրանքի մատակարարման, աշխատանքի կատարման և (կամ) ծառայության մատուցման գործարքին վերաբերող հաշվարկային փաստաթուղթն ապրանք մատակարարող, աշխատանք կատարող և (կամ) ծառայություն մատուցող կազմակերպության, անհատ ձեռնարկատիրոջ կամ նոտարի նախաձեռնությամբ կարող է չեղարկվել: Ընդ որում` չեղարկված հաշվարկային փաստաթուղթը դրա կողմերի համար օրենսգրքով սահմանված իրավական հետևանքներ, այդ թվում` իրավունքներ և պարտականություններ, չի առաջացնում: Միաժամանակ, հաշվարկային փաստաթղթերի անվավեր ճանաչման և չեղարկման կարգը սահմանված է ՀՀ կառավարության 05.10.2017թ. N 1257-Ն որոշման N 2 հավելվածով:
Հաշվի առնելով վերոնշյալ կարգավորումները` հայտնում ենք, որ ապրանքի մատակարարման, աշխատանքի կատարման և (կամ) ծառայության մատուցման գործարքները կարող են չեղարկվել միայն ՀՀ հարկային օրենսգրքի 56-րդ հոդվածի 10-րդ մասով սահմանված հիմքերի առկայության դեպքում, իսկ դրանց մասով դուրս գրված հաշվարկային փաստաթղթերը կարող են չեղարկվել ՀՀ կառավարության 05.10.2017թ. N 1257-Ն որոշմամբ սահմանված կարգով: Ընդ որում, օրենսգրքով սահմանված հիմքերի առկայությամբ և սահմանված կարգով չեղարկված հաշվարկային փաստաթղթերը ենթակա չեն վերականգնման: Միաժամանակ, տեղեկացնում ենք, որ տվյալ գործարքի ճիշտ տվյալներին համապատասխան կարող է դուրս գրվել նոր հաշվարկային փաստաթուղթ:
ՀՀ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ