(ուժը կորցրել է 01.09.2023 թվականից` 03.08.2023 թիվ 1302-Ն որոշում)
i
040.1365.050905
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«5» սեպտեմբերի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 օգոստոսի 2005 թվականի N 1365-Ն
i
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՏՈՒԿ ՀԱՆՐԱԿՐԹԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԵՎ ՀԱՆՐԱԿՐԹԱԿԱՆ ԴՊՐՈՑՆԵՐՈՒՄ ԿՐԹՈՒԹՅԱՆ ԱՌԱՆՁՆԱՀԱՏՈՒԿ ՊԱՅՄԱՆՆԵՐԻ ԿԱՐԻՔ ՈՒՆԵՑՈՂ ԵՐԵԽԱՆԵՐԻ ԿՐԹՈՒԹՅԱՆ ԿԱԶՄԱԿԵՐՊՄԱՆ ՀԱՄԱՐ ԱՆՀՐԱԺԵՇՏ ՖԻՆԱՆՍԱՎՈՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Հայաստանի Հանրապետության կառավարության 2004 թվականի ապրիլի 29-ի N 656-Ն որոշման 3-րդ կետին համապատասխան` Հայաստանի Հանրապետության կառավարությունը որոշում է.
1. Հաստատել «Հայաստանի Հանրապետության հատուկ հանրակրթական ուսումնական հաստատություններ» պետական ոչ առևտրային կազմակերպությունների և հանրակրթական դպրոցներում կրթության առանձնահատուկ պայմանների կարիք ունեցող երեխաների կրթության կազմակերպման համար անհրաժեշտ ֆինանսավորման կարգը` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՕԳՈՍՏՈՍԻ 31-ԻՆ
Հավելված
ՀՀ կառավարության
2005 թվականի օգոստոսի 25-ի
N 1365-Ն որոշման
ԿԱՐԳ
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՏՈՒԿ ՀԱՆՐԱԿՐԹԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԵՎ ՀԱՆՐԱԿՐԹԱԿԱՆ ԴՊՐՈՑՆԵՐՈՒՄ ԿՐԹՈՒԹՅԱՆ ԱՌԱՆՁՆԱՀԱՏՈՒԿ ՊԱՅՄԱՆՆԵՐԻ ԿԱՐԻՔ ՈՒՆԵՑՈՂ ԵՐԵԽԱՆԵՐԻ ԿՐԹՈՒԹՅԱՆ ԿԱԶՄԱԿԵՐՊՄԱՆ ՀԱՄԱՐ ԱՆՀՐԱԺԵՇՏ ՖԻՆԱՆՍԱՎՈՐՄԱՆ
1. Պետական հատուկ հանրակրթական ուսումնական հաստատությունների (այսուհետ` հաստատություն) ֆինանսավորումն իրականացվում է Հայաստանի Հանրապետության ամենամյա պետական բյուջեի մասին Հայաստանի Հանրապետության օրենքով` «Հատուկ ընդհանուր կրթություն» ծրագրով նախատեսված միջոցների հաշվին:
2. Հաստատությունների` մեկ թվով տրվող տարեկան ֆինանսավորման չափը և դրա դիմաց պետական հատուկ ուսումնական հաստատության կողմից կատարվող աշխատանքի ծավալն ամրագրվում են «Գնումների մասին» Հայաստանի Հանրապետության օրենքով նախատեսված կարգով պետական կառավարման համապատասխան մարմնի և ուսումնական հաստատության միջև կնքված պայմանագրով:
3. Հաստատություններին տրվող տարեկան գումարի չափը ձևավորվում է` հիմք ընդունելով տվյալ հաստատության սաների և դասարանների թիվը, հաստատված ուսումնական պլանները, տվյալ տարվա համար նախատեսված աշակերտ / ուսուցչական դրույք և աշակերտ / ոչ ուսուցչական դրույք հարաբերակցությունները, ուսուցչի առավելագույն ծանրաբեռնվածությունն ու մանկավարժական դրույքի միջին ամսական չափը, ապրանքների ու ծառայությունների ձեռքբերման համար Հայաստանի Հանրապետության ֆինանսների և էկոնոմիկայի նախարարության կողմից սահմանված հաշվարկային չափաքանակները, Հայաստանի Հանրապետության օրենսդրությամբ և տվյալ հաստատության կանոնադրությամբ նախատեսված այլ դրույթներ:
i
4. Հայաստանի Հանրապետության կառավարության 2002 թվականի դեկտեմբերի 26-ի N 2179-Ն որոշման 4-րդ կետով սահմանված` տարբեր տիպերի հաստատությունները ֆինանսավորվում են տարբերակված ձևով:
5. Պետական կառավարման համապատասխան մարմնի և հաստատության միջև կնքված պայմանագրով` մեկ թվով նախատեսված ֆինանսավորման շրջանակներում տվյալ հաստատության տնօրենի կողմից կազմվում են հաստատության հաստիքային ցուցակն ու ծախսերի նախահաշիվը և դրանք, հաստատության խորհրդի առաջարկությամբ, ներկայացվում են պետական կառավարման համապատասխան մարմին` հաստատման:
6. Հաստատությունների տարեկան ծախսերի նախահաշվով նախատեսված գումարները բաշխվում են ըստ եռամսյակների` համաձայն Հայաստանի Հանրապետության կառավարության ամենամյա որոշման:
7. Հաստատությունների ֆինանսավորումն իրականացվում է գանձապետական համակարգի միջոցով:
8. Հաստատությունները կարող են լրացուցիչ ֆինանսավորվել Հայաստանի Հանրապետության կառավարության 2002 թվականի դեկտեմբերի 26-ի N 2179-Ն որոշմամբ հաստատված «Հայաստանի Հանրապետության պետական հատուկ հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 71-րդ կետով նախատեսված աղբյուրներից:
i
9. Հայաստանի Հանրապետության պետական հանրակրթական ուսումնական հաստատություններին Հայաստանի Հանրապետության օրենսդրությամբ սահմանված կարգով ֆինանսավորումից բացի կրթության առանձնահատուկ պայմանների կարիք ունեցող երեխաների կրթության կազմակերպման համար հատկացվում են լրացուցիչ ֆինանսական միջոցներ` ըստ հետևյալ բանաձևի`
Լմ = ՈՒՕաֆ + Ֆբչ, որտեղ`
Լմ-ն լրացուցիչ միջոցներ են,
ՈՒՕաֆ-ն ուսուցչի օգնականների տարեկան աշխատավարձի ֆոնդն է,
Ֆբչ-ն ֆինանսավորման բարձրացված չափաքանակն է, որը կրթության առանձնահատուկ պայմանների կարիք ունեցող երեխաներին մանկավարժահոգեբանական աջակցության ծառայություններ մատուցող մանկավարժական աշխատողների աշխատավարձի տարեկան ֆոնդն է:
ՈՒՕաֆ-ն հաշվարկվում է հետևյալ բանաձևով`
ՈՒՕաֆ = ՈՒՕթ x Մա x Աթ, որտեղ`
ՈՒՕթ - ուսուցչի օգնականների դրույքների թիվն է,
Մա - ուսուցչի օգնականների միջին ամսական աշխատավարձը,
Աթ.- հաշվարկվող ժամանակաշրջանի ամիսների թիվը:
(9-րդ կետը փոփ. 16.02.17 թիվ 141-Ն որոշում)
10. ՈՒսուցչի օգնականների դրույքների թիվը որոշվում է`
1) ուսուցչի օգնական - ուսումնական հաստատության սովորողների միջին տարեկան թվի 10 տոկոսի հաշվարկից: 15 երեխայի համար սահմանվում է 1 ուսուցչի օգնականի դրույք, ընդ որում, դպրոցում երեխաների թիվը 7 և 7-ից պակաս լինելու դեպքում հաշվարկվում է 0,5 դրույք, իսկ 15-ից ավելի յուրաքանչյուր մինչև 7 երեխայի համար ավելացվում է ևս 0,5 դրույք: ՈՒսուցչի օգնականի միջին ամսական աշխատավարձը հաշվարկվում է մանկավարժների միջին ամսական հաշվարկային աշխատավարձի 80 տոկոսի չափով:
(10-րդ կետը փոփ. 16.02.17 թիվ 141-Ն որոշում)