118.0020.260314
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«26» 03 2014 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11814144
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐ ՀՐԱՄԱՆ
13 հունվարի 2014 թվականի թիվ 20-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐԻ 2010 ԹՎԱԿԱՆԻ ՄԱՅԻՍԻ 18-Ի ԹԻՎ 346-Ն ՀՐԱՄԱՆՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով Հայաստանի Հանրապետության կառավարության 2003 թվականի դեկտեմբերի 24-ի N 1937-Ն որոշմամբ հաստատված կարգի 8.1 կետի պահանջը և ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածով.
ՀՐԱՄԱՅՈՒՄ ԵՄ`
1. Հայաստանի Հանրապետության ֆինանսների նախարարի 2010 թվականի մայիսի 18-ի «Հանձնման-ընդունման ակտի ձևը և դրա լրացման պահանջները հաստատելու մասին» թիվ 346-Ն հրամանում (այսուհետ` Հրաման) կատարել հետևյալ լրացումը.
i
1) Հրամանով հաստատված հավելված N 1-ի աղյուսակից հետո լրացնել նոր աղյուսակ հետևյալ բովանդակությամբ.
«ՀԱՇՎԵՏՎՈՒԹՅՈՒՆ ՈՉ ՖԻՆԱՆՍԱԿԱՆ ՑՈՒՑԱՆԻՇՆԵՐԻ ԿԱՏԱՐՄԱՆ ՎԵՐԱԲԵՐՅԱԼ
._____________________________________________________________________.
|Ծրագրի |Չափո- |Չափո-| Ոչ ֆինանսական ցուցանիշներ |
|կամ |րոշիչը |րոշչի|_______________________________________________|
|քաղաքա-|(նկարա-|տե- |Ցուցա- |Ցուցա- |Ճշտված|Փաս- |Հաս- |Տարբե- |
|կանու- |գրու- |սակը |նիշի |նիշի |ցուցա-|տացի |տատված|րության |
|թյան |թյունը)| |հաս- |փոփո- |նիշը |ցուցա-|և |պատճառը |
|միջո- | | |տատված |խու- |հաշվե-|նիշը |փաս- |(սյ.2-ում|
|ցառման | | |կանխա- |թյուն- |տու |(կա- |տացի |նշված |
|անվա- | | |տեսումը |ներն |ժամա- |տարված|ցուցա-|իրավական |
|նումը | | |հաշվետու|ըստ |նակա- |և ըն-|նիշ- |ակտերի |
| | | |ժամանա- |համապա-|հատ- |դուն- |ների |հղումները|
| | | |կահատ- |տասխան |վածի |ված) |տար- |և |
| | | |վածի |իրավա- |համար |հաշ- |բերու-|սյ.5-ում |
| | | |համար |կան |(սյ.1+|վետու |թյունը|նշված |
| | | | |ակտի |սյ.2) |ժամա- |(սյ.4-|տարբե- |
| | | | |(+/-) | |նակա- |սյ.3) |րության |
| | | | | | |հատ- | |պարզաբա- |
| | | | | | |վածում| |նումները)|
|_______|_______|_____|________|_______|______|______|______|_________|
|Ա |Բ |Գ |1 |2 |3 |4 |5 |6 |
|_______|_______|_____|________|_______|______|______|______|_________|
| | | | | | | | | |
|_______|_______|_____|________|_______|______|______|______|_________|
| | | | | | | | | |
._____________________________________________________________________.
«:
i
2. Հրամանով հաստատված հավելված N 2-ում լրացնել նոր բաժնով հետևյալ բովանդակությամբ.
«ԼՐԱՑՄԱՆ ՊԱՀԱՆՋՆԵՐ ՀԱՎԵԼՎԱԾ 1-ՈՎ ՍԱՀՄԱՆՎԱԾ «ՀԱՇՎԵՏՎՈՒԹՅՈՒՆ ՈՉ ՖԻՆԱՆՍԱԿԱՆ ՑՈՒՑԱՆԻՇՆԵՐԻ ԿԱՏԱՐՄԱՆ ՎԵՐԱԲԵՐՅԱԼ»
1. «Ա» սյունակում լրացվում է համապատասխան ծրագրի անվանումը կամ քաղաքականության միջոցառման անվանումը, մասնավորապես`
1) ծառայություններ հանդիսացող քաղաքականության միջոցառումների դեպքում լրացվում է համապատասխան ծառայության անվանումը,
2) ոչ ֆինանսական ակտիվների ձեռքբերման, կառուցման կամ հիմնանորոգման դեպքում` համապատասխան ակտիվի անվանումը:
2. «Բ» սյունակում լրացվում են տվյալ քաղաքականության միջոցառումը նկարագրող ոչ ֆինանսական չափորոշիչները կամ դրանց նկարագրությունը:
3. «գ» սյունակում լրացվում է համապատասխան չափորոշչի տեսակի անվանումը, մասնավորապես`
1) «Ծառայություններ» քաղաքականության միջոցառումների դեպքում` «քանակական» կամ «ժամկետայնության»,
2) «Ֆիզիկական կապիտալ (ակտիվների ձեռքբերում, կառուցում կամ հիմնանորոգում)» քաղաքականության միջոցառումների դեպքում` «քանակական», «ակտիվի ծառայության կանխատեսվող ժամկետը», «փոխարինվող ակտիվների նկարագրությունը», «ազդեցությունը կազմակերպության կարողությունների զարգացման վրա»:
3. Աղյուսակում քանակական, որակական և ժամկետայնության ցուցանիշներից որևիցե մեկի կիրարկման անհնարինության դեպքում` ՀԱՆՁՆՄԱՆ-ԸՆԴՈՒՆՄԱՆ ԱԿՏ-ին կից ներկայացվում է բացատրություն վերջինիս կիրարկման անհնարինության վերաբերյալ:»:
4. Սույն հրամանը ուժի մեջ է մտնում պաշտոնական հրապարակման օրվան հաջորդող տասներորդ օրվանից: