040.0249.150316
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
20 հունվարի 2016 թվականի N 249-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ՀՈԿՏԵՄԲԵՐԻ 30-Ի N 1330-Ն ԵՎ 2013 ԹՎԱԿԱՆԻ ՕԳՈՍՏՈՍԻ 1-Ի N 891-Ն ՈՐՈՇՈՒՄՆԵՐՈՒՄ ԼՐԱՑՈՒՄՆԵՐ ՈՒ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2008 թվականի հոկտեմբերի 30-ի «Հարկային վարչարարությանն օժանդակության նպատակով վիճակահանության անցկացման և պարգևավճարների տրամադրման կարգը հաստատելու մասին» N 1330-Ն որոշման մեջ կատարել հետևյալ լրացումները և փոփոխությունը`
1) որոշումը լրացնել հետևյալ բովանդակությամբ նոր` 3-րդ կետով.
i
«3. Սույն որոշումը գործում է մինչև սույն որոշման 1-ին կետի 1-ին ենթակետով հաստատված կարգին համապատասխան` 2016 թվականի հունվար ամսվա վիճակահանության արդյունքում շահող կտրոններ տիրապետողներին 2016 թվականի փետրվար ամսվա ընթացքում պարգևավճարների տրամադրումը:».
2) որոշմամբ հաստատված` հարկային վարչարարությանն օժանդակության նպատակով վիճակահանության անցկացման և պարգևավճարների տրամադրման կարգում`
ա. 4-րդ կետը լրացնել հետևյալ բովանդակությամբ նոր պարբերությամբ.
i
«2016 թվականի փետրվար և հաջորդող ամիսներին վիճակահանություններ չեն անցկացվի:»,
i
բ. 10-րդ կետը «հիմնադրամը» բառից հետո լրացնել «մինչև 2015 թվականի դեկտեմբերի 31-ը» բառերով,
գ. 10-րդ կետը լրացնել հետևյալ բովանդակությամբ նոր պարբերությամբ.
«Հայաստանի Հանրապետության կառավարության 2013 թվականի օգոստոսի 1-ի N 891-Ն որոշմամբ հաստատված` հարկային վարչարարությանն օժանդակության նպատակով վիճակահանության անցկացման և պարգևավճարների տրամադրման կարգին համապատասխան ձևավորված պարգևավճարների հիմնադրամի պարգևավճարները համարվում են սույն որոշմամբ նախատեսված պարգևավճարների հիմնադրամի պարգևավճարներ:»,
դ. կարգը լրացնել հետևյալ բովանդակությամբ նոր` 10.1-ին կետով.
i
«10.1. 2016 թվականի հունվարի 1-ից հետո պարգևավճարների հիմնադրամը Հայաստանի Հանրապետության պետական բյուջեի միջոցների հաշվին պարգևավճարներով չի համալրվի:»,
ե. կարգը լրացնել հետևյալ բովանդակությամբ նոր` 11.1-ին կետով.
i
«11.1. Վիճակահանության պարգևավճարների հիմնադրամից 2015 թվականի դեկտեմբեր ամսվա ընթացքում տրամադրված շահող կտրոններ տիրապետողներին պարգևավճարների տրամադրումից հետո հաջորդող ամիսներին պարգևավճարներ չեն տրամադրվի:»,
i
զ. 12-րդ կետի վերջին պարբերությունում «Որևէ» բառը փոխարինել «Մինչև 2015 թվականի նոյեմբեր ամիսը որևէ» բառերով:
2. Հայաստանի Հանրապետության կառավարության 2013 թվականի օգոստոսի 1-ի «Հարկային վարչարարությանն օժանդակության նպատակով բազմաֆունկցիոնալ հսկիչ-դրամարկղային մեքենաների կտրոններով վիճակահանության կազմակերպման, անցկացման, պարգևավճարների տրամադրման կարգն ու հարկային վարչարարությանն օժանդակության նպատակով վիճակահանություն անցկացնող հանձնաժողովի կազմը հաստատելու և Հայաստանի Հանրապետության կառավարության 2008 թվականի հոկտեմբերի 30-ի N 1330-Ն որոշումն ուժը կորցրած ճանաչելու մասին» N 891-Ն որոշման մեջ կատարել հետևյալ փոփոխությունները և լրացումները`
i
1) վերնագրից հանել «ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ՀՈԿՏԵՄԲԵՐԻ 30-Ի N 1330-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ» բառերը.
2) ուժը կորցրած ճանաչել որոշման 3-րդ կետը.
i
3) որոշումը լրացնել հետևյալ բովանդակությամբ նոր` 5-րդ կետով.
i
«5. Սույն որոշումը գործում է մինչև սույն որոշման 1-ին կետի 1-ին ենթակետով հաստատված կարգին համապատասխան` 2016 թվականի հունվար ամսվա վիճակահանության արդյունքում շահող կտրոններ տիրապետողներին 2016 թվականի ապրիլ ամսվա ընթացքում պարգևավճարների տրամադրումը:».
4) որոշմամբ հաստատված` հարկային վարչարարությանն օժանդակության նպատակով բազմաֆունկցիոնալ հսկիչ-դրամարկղային մեքենաների կտրոններով վիճակահանության կազմակերպման, անցկացման, պարգևավճարների տրամադրման կարգում`
ա. 4-րդ կետի 2-րդ ենթակետը շարադրել հետևյալ խմբագրությամբ.
i
«2) 2016 թվականի փետրվար և հաջորդող ամիսներին վիճակահանություններ չեն անցկացվի:»,
i
բ. 8-րդ կետի 1-ին ենթակետը «հաշվին» բառից հետո լրացնել «` մինչև 2015 թվականի դեկտեմբերի 31-ը» բառերով,
գ. 8-րդ կետը լրացնել հետևյալ բովանդակությամբ նոր` 3-րդ ենթակետով.
«3) Հայաստանի Հանրապետության կառավարության 2008 թվականի հոկտեմբերի 30-ի N 1330-Ն որոշմամբ հաստատված` հարկային վարչարարությանն օժանդակության նպատակով վիճակահանության անցկացման և պարգևավճարների տրամադրման կարգով նախատեսված պարգևավճարների հիմնադրամից փոխանցված պարգևավճարներից:»,
դ. կարգը լրացնել հետևյալ բովանդակությամբ նոր` 8.1-ին կետով.
i
«8.1. 2016 թվականի հունվարի 1-ից հետո վիճակահանության պարգևավճարների հիմնադրամը Հայաստանի Հանրապետության պետական բյուջեի միջոցների հաշվին պարգևավճարներով չի համալրվի:»,
i
ե. 9-րդ կետը լրացնել հետևյալ բովանդակությամբ նոր` 1-ին և 2-րդ ենթակետով.
«1) սույն կետում նշված կարգով մինչև 2016 թվականի փետրվար ամիսը (նշված ամիսը ներառյալ) տրամադրված շահած կտրոնների համար, եթե ներկայացված շահած կտրոնների քանակը գերազանցում է պարգևավճարների հիմնադրամում առկա պարգևավճարների քանակը, պարգևավճարները տրամադրվում են շահած կտրոնների վրա արտացոլված գործարքի առավելագույն արժեք ունեցող շահած կտրոններ ներկայացրած ֆիզիկական անձանց.
2) սույն կետին համապատասխան գործարքի նույն արժեքն ունեցող և պարգևավճարների քանակը գերազանցող շահած կտրոններ տիրապետող անձանց պարգևավճարները տրամադրվում են հանձնաժողովի սահմանած կարգով սույն ենթակետում նշված շահած կտրոնների միջև իրականացված լրացուցիչ վիճակահանության արդյունքներով:»,
զ. կարգը լրացնել հետևյալ բովանդակությամբ նոր` 9.1-ին կետով.
i
«9.1. Վիճակահանության պարգևավճարների հիմնադրամից 2016 թվականի փետրվար ամսվա ընթացքում տրամադրված շահած կտրոններ տիրապետողներին պարգևավճարների տրամադրումից հետո պարգևավճարներ չեն տրամադրվի:»,
i
է. 10-րդ կետի 1-ին ենթակետում «2015 թվականի դեկտեմբեր» բառերը փոխարինել «2016 թվականի փետրվար» բառերով, իսկ 2-րդ ենթակետը շարադրել հետևյալ խմբագրությամբ.
«2) 2016 թվականի մարտ և հաջորդող ամիսներին տրամադրված ՀԴՄ կտրոններով պարգևավճարներ չեն տրամադրվի:»,
i
ը. 11-րդ կետի առաջին պարբերությունն առաջին «հաշվին» բառից հետո լրացնել «` դրանց առկայության դեպքում» բառերով, իսկ երկրորդ պարբերությունում «Որևէ» բառը փոխարինել «Մինչև 2016 թվականի հունվար ամիսը որևէ» բառերով,
թ. 19-րդ կետը լրացնել հետևյալ բովանդակությամբ նոր` 5-րդ ենթակետով.
i
«5) պարգևավճարների հիմնադրամում առկա պարգևավճարների քանակը գերազանցող շահած կտրոններ:»:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է 2016 թվականի հունվարի 1-ից հետո ծագած հարաբերությունների վրա:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2016 ԹՎԱԿԱՆԻ ՄԱՐՏԻ 15-ԻՆ