040.0082.080213
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
24 հունվարի 2013 թվականի N 82-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀՈՂՕԳՏԱԳՈՐԾՈՂՆԵՐԻՆ 2013 ԹՎԱԿԱՆԻ ԳԱՐՆԱՆ ԳՅՈՒՂԱՏՆՏԵՍԱԿԱՆ ԱՇԽԱՏԱՆՔՆԵՐԻ ՀԱՄԱՐ ՄԱՏՉԵԼԻ ԳՆԵՐՈՎ ԱԶՈՏԱԿԱՆ ՊԱՐԱՐՏԱՆՅՈՒԹԻ ՁԵՌՔԲԵՐՄԱՆ ՆՊԱՏԱԿՈՎ ՊԵՏԱԿԱՆ ԱՋԱԿՑՈՒԹՅԱՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հաստատել Հայաստանի Հանրապետության հողօգտագործողներին 2013 թվականի գարնան գյուղատնտեսական աշխատանքների համար մատչելի գներով ազոտական պարարտանյութի ձեռքբերման նպատակով պետական աջակցության ծրագիրը` համաձայն հավելվածի:
2. Հայաստանի Հանրապետության գյուղատնտեսության նախարարին` սահմանված կարգով Հայաստանի Հանրապետության կառավարություն ներկայացնել առաջարկություն ծրագրի իրականացման համար անհրաժեշտ ֆինանսական միջոցների և կազմակերպության վերաբերյալ:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2013 ԹՎԱԿԱՆԻ ՓԵՏՐՎԱՐԻ 8-ԻՆ
Հավելված
ՀՀ կառավարության
2013 թվականի հունվարի 24-ի
N 82-Ն որոշման
i
ԾՐԱԳԻՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀՈՂՕԳՏԱԳՈՐԾՈՂՆԵՐԻՆ 2013 ԹՎԱԿԱՆԻ ԳԱՐՆԱՆ ԳՅՈՒՂԱՏՆՏԵՍԱԿԱՆ ԱՇԽԱՏԱՆՔՆԵՐԻ ՀԱՄԱՐ ՄԱՏՉԵԼԻ ԳՆԵՐՈՎ ԱԶՈՏԱԿԱՆ ՊԱՐԱՐՏԱՆՅՈՒԹԻ ՁԵՌՔԲԵՐՄԱՆ ՆՊԱՏԱԿՈՎ ՊԵՏԱԿԱՆ ԱՋԱԿՑՈՒԹՅԱՆ
1. Հայաստանի Հանրապետության հողօգտագործողներին մատչելի գնով ազոտական պարարտանյութի ձեռքբերման նպատակով պետական աջակցության ծրագրի (այսուհետ` ծրագիր) նպատակը Հայաստանի Հանրապետության մարզերի հողօգտագործողներին մատչելի գնով ազոտական պարարտանյութի ձեռքբերման հարցում աջակցելը, հողերի արդյունավետ օգտագործմանը, գյուղատնտեսական մթերքների արտադրության ծավալների և գյուղացիական տնտեսությունների եկամուտների ավելացմանը նպաստելն է:
2. Հայաստանի Հանրապետության գյուղատնտեսության նախարարությունը`
i
1) պայմանագրային հիմունքներով մատակարար կազմակերպությանն է հատկացնում (այսուհետ` մատակարար) համապատասխան ֆինանսական միջոցներ` 31.298 տոննա ազոտական պարարտանյութ «Ամոնիակային սելիտրա» (34,4 տոկոս ազոտի պարունակությամբ) ձեռք բերելու և Հայաստանի Հանրապետության մարզերի համայնքների հողօգտագործողներին ու Հայաստանի Հանրապետության գյուղատնտեսության նախարարության համակարգի կազմակերպություններին 50 կգ քաշով, 1 պարկը 6000 դրամ արժեքով վաճառելու համար.
2) պայմանագրային հիմունքներով մատակարար կազմակերպությանը հատկացնում է համապատասխան ֆինանսական միջոցներ` ներմուծված պարարտանյութի բեռնման և համայնքներ բեռնափոխադրման աշխատանքները կազմակերպելու նպատակով:
(2-րդ կետը փոփ. 28.02.13 թիվ 189-Ն որոշում)
3. Հայաստանի Հանրապետության մարզերում և Հայաստանի Հանրապետության գյուղատնտեսության նախարարության համակարգի կազմակերպություններում պարարտանյութի վաճառքն իրականացվում է` համաձայն աղյուսակի:
4. Հայաստանի Հանրապետության մարզպետները`
1) ըստ համայնքների հաստատում, անհրաժեշտության դեպքում փոխում են մարզին հատկացված ազոտական պարարտանյութի բաշխումը` համաձայն N 1 ձևի, և ծրագիրը հաստատվելուց հետո 10-օրյա ժամկետում ներկայացնում Հայաստանի Հանրապետության գյուղատնտեսության նախարարություն` մատակարարին տրամադրելու համար.
2) Հայաստանի Հանրապետության մարզերին հատկացվող պարարտանյութի քանակությունները` համաձայն աղյուսակի, Հայաստանի Հանրապետության մարզերում ամբողջությամբ չվաճառվելու դեպքում տեղեկատվություն են ներկայացնում Հայաստանի Հանրապետության տարածքային կառավարման և գյուղատնտեսության նախարարություններ` չիրացված պարարտանյութի խմբաքանակի վերաբերյալ` վերաբաշխում կատարելու համար.
3) համայնքների ղեկավարների միջոցով ապահովում են պարարտանյութ գնել ցանկացող հողօգտագործողների ցուցակների կազմումը` յուրաքանչյուր գյուղացիական տնտեսությանը մինչև 1 տոննա (20 պարկ) քանակով և ծրագրով նախատեսված գնով գումարների հավաքագրումը, աջակցում մատակարարին դրա դիմաց ազոտական պարարտանյութը հողօգտագործողներին հատկացնելու գործում: Պարարտանյութ ստացող հողօգտագործողների ցուցակները տրամադրում և հավաքագրված գումարները փոխանցում են մատակարարին` համաձայն Հայաստանի Հանրապետության համապատասխան մարզպետի և մատակարարի միջև կնքված պայմանագրի.
4) համայնքների ղեկավարների միջոցով ապահովում են համայնքներում ծրագրի շրջանակներում ազոտական պարարտանյութ գնած շահառուների ցուցակների հավաքագրումը` համաձայն N 2 ձևի, և այդ ցուցակների պահպանությունը` տեղեկատվությանը տիրապետելու համար.
5) ապահովում են ծրագրի շրջանակներում մարզի համայնքների համար նախատեսված, փաստացի վաճառված ազոտական պարարտանյութի քանակի և շահառուների մասին տեղեկատվության հավաքագրումը, հաստատումը` համաձայն N 3 ձևի` մեկական օրինակ տրամադրելով Հայաստանի Հանրապետության գյուղատնտեսության նախարարությանը և մատակարարին:
5. Մատակարարը պարտավոր է`
i
1) սույն ծրագրի շրջանակներում Հայաստանի Հանրապետություն ներմուծել 31.298 տոննա ազոտական պարարտանյութ «Ամոնիակային սելիտրա» 34,4 տոկոս ազոտի պարունակությամբ (այսուհետ` պարարտանյութ).
2) Հայաստանի Հանրապետություն ներմուծված պարարտանյութի որակը հավաստելու համար Հայաստանի Հանրապետության գյուղատնտեսության նախարարություն ներկայացնել դրա լաբորատոր փորձաքննության արդյունքները.
3) պարարտանյութի վաճառքն իրականացնել համաձայն մարզպետների կողմից հաստատված ցանկերի.
4) պարարտանյութի վաճառքն իրականացնել 1 կիլոգրամը 120 դրամ արժեքով (50 կգ քաշով 1 պարկը 6000 դրամ).
5) մարզպետների կողմից հաստատված ցանկով պարարտանյութը համայնքներում ամբողջությամբ չվաճառվելու դեպքում տեղեկացնել համապատասխան մարզպետարան` չիրացված խմբաքանակի վերաբաշխման նոր ցանկ հաստատելու համար.
6) ստուգել և հաստատել Հայաստանի Հանրապետության մարզպետարանների կողմից լրացված N 3 ձևերը և պատճենները ներկայացնել Հայաստանի Հանրապետության գյուղատնտեսության նախարարություն ու համապատասխան մարզպետարաններ.
7) N 3 ձևում ներկայացված տեղեկատվության մեջ անճշտություններ հայտնաբերելու դեպքում տեղեկատվություն ներկայացնել համապատասխան մարզպետարան` ճշտումներ կատարելու համար.
8) (8-րդ ենթակետն ուժը կորցրել է 22.08.13 թիվ 906-Ն որոշում)
9) Հայաստանի Հանրապետության կառավարության աշխատակազմ ներկայացնելու համար, Հայաստանի Հանրապետության մարզերում և Հայաստանի Հանրապետության գյուղատնտեսության նախարարության համակարգի կազմակերպություններում 31.298 տոննա պարարտանյութի վաճառքը մինչև 2013 թվականի հուլիսի 1-ը ավարտելուց հետո մեկամսյա ժամկետում Հայաստանի Հանրապետության գյուղատնտեսության նախարարություն ներկայացնել`
ա. հաշվետվություն ծրագրի կատարման մասին,
բ. ֆինանսական հաշվետվություն:
(5-րդ կետը փոփ. 28.02.13 թիվ 189-Ն, 22.08.13 թիվ 906-Ն որոշումներ)
Աղյուսակ
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶԵՐԻՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆ ԿԱԶՄՈՒՄ ԳՈՐԾՈՂ ԿԱԶՄԱԿԵՐՊՈՒԹՅՈՒՆՆԵՐԻՆ 2013 ԹՎԱԿԱՆԻ ԳԱՐՆԱՆ ԳՅՈՒՂԱՏՆՏԵՍԱԿԱՆ ԱՇԽԱՏԱՆՔՆԵՐԻ ՀԱՄԱՐ ՀԱՏԿԱՑՎՈՂ ՊԱՐԱՐՏԱՆՅՈՒԹԻ ՔԱՆԱԿՈՒԹՅՈՒՆԸ
._______________________________________________________________.
| Մարզի անվանումը |Ազոտական պարարտանյութի`|
| |գարնան գյուղատնտեսական |
| |աշխատանքների համար |
| |հատկացված քանակը |
| | (տոննա) |
|_______________________________________|_______________________|
| 1 | 2 |
|_______________________________________|_______________________|
|Արագածոտն | 3300,0 |
|_______________________________________|_______________________|
|Արարատ | 4570,0 |
|_______________________________________|_______________________|
|Արմավիր | 7670,0 |
|_______________________________________|_______________________|
|Գեղարքունիք | 3162,0 |
|_______________________________________|_______________________|
|Լոռի | 2545,0 |
|_______________________________________|_______________________|
|Կոտայք | 1641,0 |
|_______________________________________|_______________________|
|Շիրակ | 4250,0 |
|_______________________________________|_______________________|
|Սյունիք | 2000,0 |
|_______________________________________|_______________________|
|Վայոց ձոր | 440,0 |
|_______________________________________|_______________________|
|Տավուշ | 363,9 |
|_______________________________________|_______________________|
|Լեռնային Ղարաբաղի Հանրապետություն | 900,0 |
|_______________________________________|_______________________|
|«Երկրագործության գիտական կենտրոն» ՊՈԱԿ | 15,0 |
|_______________________________________|_______________________|
|«Բանջարաբոստանային և տեխնիկական | 2,0 |
|մշակաբույսերի գիտական կենտրոն» ՊՈԱԿ | |
|_______________________________________|_______________________|
|Հայաստանի ազգային ագրարային համալսարան | 50,0 |
|_______________________________________|_______________________|
|ՀՀ արդարադատության նախարարության | 6,0 |
|«Աջակցություն դատապարտյալին» հիմնադրամ | |
|_______________________________________|_______________________|
|Պահուստ | 383.1 |
|_______________________________________|_______________________|
|Ընդամենը | 31298,0 |
._______________________________________________________________.
(աղյուսակը փոփ. 28.02.13 թիվ 189-Ն, 13.06.13 թիվ 668-Ն որոշումներ)
Ձև N 1
Հաստատում եմ`
ՀՀ ________________ մարզպետ
___________________________
___________________________
____ ___________ 20 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ _______________________ ՄԱՐԶԻՆ
ՀԱՏԿԱՑՎԱԾ ԱԶՈՏԱԿԱՆ ՊԱՐԱՐՏԱՆՅՈՒԹԻ ՔԱՆԱԿԸ` ԸՍՏ ՀԱՄԱՅՆՔՆԵՐԻ
._______________________________________________.
|NN |Համայնքը |Հատկացված |Հատկացված ազոտական |
|ը/կ| |ազոտական |պարարտանյութի դիմաց|
| | |պարարտանյութի|հավաքագրման |
| | |քանակը |ենթակա գումարը |
| | |(լիտր) |(դրամ) |
|___|_________|_____________|___________________|
|1. | | | |
|___|_________|_____________|___________________|
|2. | | | |
|___|_________|_____________|___________________|
|3. | | | |
|___|_________|_____________|___________________|
|4. | | | |
|___|_________|_____________|___________________|
|5. | | | |
|___|_________|_____________|___________________|
|6. | | | |
|___|_________|_____________|___________________|
|7. | | | |
|___|_________|_____________|___________________|
|8. | | | |
|_____________|_____________|___________________|
|Ընդամենը | | |
._______________________________________________.
Գյուղատնտեսության և
բնապահպանության վարչության պետ _____________________________________
(անունը, ազգանունը, ստորագրությունը)
Ձև N 2
ՑԱՆԿ
ՀՀ ____________________ ՄԱՐԶԻ ______________________ՀԱՄԱՅՆՔՈՒՄ ՀՀ ՀՈՂՕԳՏԱԳՈՐԾՈՂՆԵՐԻՆ ՄԱՏՉԵԼԻ ԳՆԵՐՈՎ ԱԶՈՏԱԿԱՆ ՊԱՐԱՐՏԱՆՅՈՒԹԻ ՁԵՌՔԲԵՐՄԱՆ ՆՊԱՏԱԿՈՎ ՊԵՏԱԿԱՆ ԱՋԱԿՑՈՒԹՅԱՆ ԾՐԱԳՐԻ ՇՐՋԱՆԱԿՆԵՐՈՒՄ ՊԱՐԱՐՏԱՆՅՈՒԹ ԳՆԱԾ ՇԱՀԱՌՈՒՆԵՐԻ
._________________________________________________________________.
|NN |Անունը, հայրանունը,|Անձնագրի |Գնված |Ստորագրությունը|
|ը/կ|ազգանունը |տվյալները|պարարտանյութի | |
| | | |քանակը | |
|___|___________________|_________|_______________|_______________|
| | | | | |
|___|___________________|_________|_______________|_______________|
| | | | | |
|___|___________________|_________|_______________|_______________|
| | | | | |
|_______________________|_________|_______________|_______________|
| Ընդամենը | | | |
._________________________________________________________________.
Համայնքի ղեկավար _________________________ _____________________
(Կ.Տ.) (անունը, ազգանունը, ստորագրությունը)
Ձև N 3
Հաստատում եմ
մարզպետ
_________________
ՏԵՂԵԿԱՆՔ
ՀՀ ՀՈՂՕԳՏԱԳՈՐԾՈՂՆԵՐԻՆ ՄԱՏՉԵԼԻ ԳՆԵՐՈՎ ԱԶՈՏԱԿԱՆ ՊԱՐԱՐՏԱՆՅՈՒԹԻ ՁԵՌՔԲԵՐՄԱՆ ՆՊԱՏԱԿՈՎ ՊԵՏԱԿԱՆ ԱՋԱԿՑՈՒԹՅԱՆ ԾՐԱԳՐԻ ՇՐՋԱՆԱԿՆԵՐՈՒՄ ՀՀ ________________ ՄԱՐԶԻ ՀԱՄԱՅՆՔՆԵՐԻ ՀԱՄԱՐ ՆԱԽԱՏԵՍՎԱԾ, ՓԱՍՏԱՑԻ ՎԱՃԱՌՎԱԾ ԱԶՈՏԱԿԱՆ ՊԱՐԱՐՏԱՆՅՈՒԹԻ ՔԱՆԱԿՈՒԹՅԱՆ ԵՎ ՇԱՀԱՌՈՒՆԵՐԻ ՄԱՍԻՆ (20 Թ. ______________-Ի ԴՐՈՒԹՅԱՄԲ)
._____________________________________________________________________.
|NN |Համայնքը |Համայնքի |Համայնքին |Համայնքում|Պարարտա- |Համայնքի |
|ը/կ| |ղեկավարի |նախատեսված|փաստացի |նյութ գնած |ղեկավարի |
| | |անունը, |քանակու- |վաճառված |շահառուների|ստորագրու-|
| | |ազգանունը |թյունը |քանակու- |թիվը |թյունը |
| | | | |թյունը | | |
|___|_________|__________|__________|__________|___________|__________|
| | | | | | | |
|___|_________|__________|__________|__________|___________|__________|
| | | | | | | |
|___|_________|__________|__________|__________|___________|__________|
| | | | | | | |
|___|_________|__________|__________|__________|___________|__________|
| | | | | | | |
|_____________|__________|__________|__________|___________|__________|
|Ընդամենը | | | | | |
._____________________________________________________________________.
Մատակարար կազմակերպության անվանումը _________________________
(Կ.Տ.) (ստորագրությունը)