110.0404.060511
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«06» 05 2011 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11011215
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ ՀՐԱՄԱՆ
26 ապրիլի 2011 թվականի N 404-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2010 ԹՎԱԿԱՆԻ ՄԱՅԻՍԻ 18-Ի N 396-Ն ՀՐԱՄԱՆՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի պահանջով`
Հրամայում եմ`
1. Հայաստանի Հանրապետության կրթության և գիտության նախարարի 2010 թվականի մայիսի 18-ի «Հանրակրթական ուսումնական հաստատության ղեկավարման իրավունքի հավաստագրման լիազոր մարմնի կազմավորման և գործունեության կարգը հաստատելու մասին» N 396-Ն հրամանի հավելվածում կատարել հետևյալ լրացումները և փոփոխությունները.
i
1) Հրամանով հաստատված կարգի (այսուհետ` կարգ) 1-ին կետի «(այսուհետ` Հավաստագրման հանձնաժողով)» բառերը փոխարինել «(այսուհետ` Հանձնաժողով)» բառերով,
i
2) Կարգի ամբողջ տեքստում «Հավաստագրման հանձնաժողով» բառերը փոխարինել «Հանձնաժողով» բառով,
3) Կարգի 6-րդ կետը շարադրել նոր խմբագրությամբ.
i
«6. Հավակնորդների քանակից ելնելով (մինչև 30 կամ 70-ից 100), յուրաքանչյուր խմբի համար, Նախարարի հրամանով ձևավորվում են Հավաստագրման կամ հավաստագրման քննությունների (թեստավորման և/կամ հարցազրույցի) հանձնաժողովներ (այսուհետ` հանձնաժողով).
1) մինչև 30 մասնակցի դեպքում մեկ հանձնաժողով` քննությունը (թեստավորում և հարցազրույց) և հավաստագրումը անցկացնելու իրավասությամբ,
2) 70-ից 100 մասնակցի դեպքում ձևավորվում է` քննություն թեստավորման փուլը անցկացնող 1 և հարցազրույցը հավաստագրման հետ անցկացնող 2 առանձին գործող հանձնաժողովներ:»,
4) 2-րդ բաժնի վերնագիրը շարադրել նոր խմբագրությամբ.
i
«II. ՀԱՎԱՍՏԱԳՐՄԱՆ ԵՎ ՀԱՎԱՍՏԱԳՐՄԱՆ ՔՆՆՈՒԹՅՈՒՆՆԵՐԻ ՀԱՆՁՆԱԺՈՂՈՎՆԵՐԻ ԿԱԶՄԱՎՈՐՈՒՄԸ»,
i
5) կարգի 7-րդ կետում «Հանձնաժողովի» բառը փոխարինել «Հավաստագրման և հավաստագրման քննական հանձնաժողովների (այսուհետ` հանձնաժողով)» բառերով,
6) կարգի 9-րդ կետի 1-ին մասը շարադրել նոր խմբագրությամբ.
i
7) «6-րդ կետի պահանջներին բավարարող համապատասխան հանձնաժողովը կազմվում է համակարգչում նախօրոք զետեղված և համակարգչի կողմից ընտրված 7 թեկնածուներից, քննությունները և հավաստագրումը կամ քննությունների գրավոր փուլը, հարցազրույցը և հավաստագրումը անցկացնելուց 24 ժամ առաջ` հետևյալ համամասնությամբ.»,
8) կարգի 10-րդ կետը շարադրել նոր խմբագրությամբ.
i
«10. Սույն կարգի 9-րդ կետով կազմավորված հանձնաժողովների կազմերը հաստատում է Նախարարը:»,
9) կարգի 11-րդ կետը շարադրել նոր խմբագրությամբ.
«11. Նախարարության աշխատակազմը, Հավաստագրման քննությունների հանձնաժողովների կազմավորումից հետո 12 ժամվա ընթացքում տեղեկացնում է քննությունների և հավաստագրման անցկացնելու օրվա, ժամի և վայրի մասին:»,
10) կարգի 14-րդ կետը շարադրել նոր խմբագրությամբ.
i
«Հանձնաժողովներն իրենց լիազորություններն իրականացնում են համապատասխան հանձնաժողովի կազմը հաստատվելու պահից և դադարեցնում է Նախարարի հրամանով սահմանված գործողություններն ավարտելուց հետո:»,
11) 3-րդ բաժնի վերնագիրը շարադրել նոր խմբագրությամբ.
i
«III. ՀԱՆՁՆԱԺՈՂՈՎՆԵՐԻ ԼԻԱԶՈՐՈՒԹՅՈՒՆՆԵՐԸ»,
12) 15-րդ կետը շարադրել նոր խմբագրությամբ.
i
«15. Համապատասխան հանձնաժողովի խնդիրն է ուսումնական հաստատության ղեկավարման իրավունքի (հավաստագրի) ստացման համար վերապատրաստված անձի համար սահմանված քննության և հավաստագրման կամ քննության գրավոր փուլի կամ քննության հարցազրույցի և հավաստագրման փուլերի անցկացման կազմակերպումն է:»,
13) կարգի 16-րդ կետը շարադրել նոր խմբագրությամբ.
«Հանձնաժողովների գործունեությունը նպատակաուղղված է Հավակնորդների.
1) քննությունների անցկացմանը,
2) ուսումնական հաստատության ղեկավարման իրավունքի (հավաստագրի) շնորհման ներկայացնելը,
3) բողոքների քննարկմանը և դրանց հիման վրա` արդյունքների վերանայման իրականացումը:»,
14) կարգի 17-րդ կետը շարադրել նոր խմբագրությամբ.
«17. Հավաստագրման և հավաստագրման քննությունների հանձնաժողովները`
1) Նախարարության աշխատակազմից ստանում է հավաստագրման ենթակա կամ հարցազրույցի փուլ անցած հավակնորդ անձանց ցանկը և Նախարարության 2010 թվականի մայիսի 18 «Հանրակրթական ուսումնական հաստատության ղեկավարման իրավունքի (հավաստագրման) համար քննությունների կազմակերպման և անցկացման կարգը հաստատելու մասին» N 395 հրամանով սահմանված փաստաթղթերի փաթեթը, ինչպես նաև Հավաստագրման հանձնաժողովի (կամ քննական հանձնաժողովի) կնիքը և հավակնորդների վերաբերյալ ամփոփ տեղեկանքը,
2) անցկացնում են` հավաստագրման ամբողջական քննությունը /գրավոր, հարցազրույց և հավաստագրման շնորհման ներկայացնել/ կամ քննության հարցազրույցի փուլը և հավաստագրման շնորհման ներկայացնել` համաձայն Նախարարի 2010 թվականի մայիսի 18-ի N 395-Ն հրամանով հաստատված «Հանրակրթական ուսումնական հաստատության ղեկավարման իրավունքի (հավաստագրման) համար քննությունների կազմակերպման և անցկացման կարգի» պահանջներին համապատասխան,
3) իրականացնում է Օրենքով, սույն կարգով և այլ իրավական ակտերով իր իրավասությանը վերապահված այլ լիազորություններ:»,
7) կարգի 26-րդ կետը ուժը կորցրած ճանաչել:
i
2. Հայաստանի Հանրապետության կրթության և գիտության նախարարության աշխատակազմի հանրակրթության վարչությանը և իրավաբանական վարչությանը` փաստաթուղթը սահմանված կարգով ներկայացնել Հայաստանի Հանրապետության արդարադատության նախարարություն` պետական գրանցման:
3. Սույն հրամանի կատարման վերահսկողությունը վերապահել Հայաստանի Հանրապետության կրթության և գիտության նախարարի տեղակալ` Մ. Մկրտչյանին: