ՀՀ-ՈՒՄ ԱՇԽԱՏԱՆՔԻ ՎԱՐՁԱՏՐՈՒԹՅԱՆ ՆՎԱԶԱԳՈՒՅՆ ՉԱՓԻ, ԲՅ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

29 դեկտեմբերի 1995 թվականի թիվ 367

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՇԽԱՏԱՆՔԻ ՎԱՐՁԱՏՐՈՒԹՅԱՆ ՆՎԱԶԱԳՈՒՅՆ ՉԱՓԻ, ԲՅՈՒՋԵՏԱՅԻՆ ՀԻՄՆԱՐԿՆԵՐԻ ԱՇԽԱՏՈՂՆԵՐԻ ԱՇԽԱՏԱՎԱՐՁԻ, ՆՊԱՍՏՆԵՐԻ ԵՎ ԿՐԹԱԹՈՇԱԿՆԵՐԻ ՉԱՓԵՐԻ ԲԱՐՁՐԱՑՄԱՆ ՄԱՍԻՆ

Հաշվի առնելով կարգավորվող գների և սակագների աճի հետևանքով բնակչության սոցիալական պաշտպանվածության լրացուցիչ միջոցառումների իրականացման անհրաժեշտությունը`

1. 1996 թվականի հունվարի 1-ից Հայաստանի Հանրապետությունում աշխատավարձի նվազագույն չափը սահմանել 720 դրամ:

Նվազագույն աշխատավարձի նկատմամբ բազմապատիկ գործակցով չվարձատրվող բյուջետային հիմնարկների աշխատողներին փաստացի վճարվող աշխատավարձերը (ներառյալ Հայաստանի Հանրապետության կառավարության կողմից սահմանված բոլոր տեսակի լրացուցիչ վարձատրությունները) ավելացնել 25 տոկոսի չափով:

Ժամային տարիֆային դրույքի նվազագույն չափերը սահմանել`

աշխատաժամանակի նորմալ տևողության դեպքում` 4.26 դրամ.

աշխատաժամանակի կրճատ տևողության դեպքում`

36-ժամյա աշխատանքային շաբաթ` 4.68 դրամ.

30-ժամյա աշխատանքային շաբաթ` 5.60 դրամ:

Հայաստանի Հանրապետությունում սահմանված նվազագույն աշխատավարձի նկատմամբ 1.0-5.9 բազմապատիկ գործակցով վարձատրվող բյուջետային հիմնարկների, ներառյալ Հայաստանի Հանրապետության գիտությունների ազգային ակադեմիայի աշխատողների աշխատավարձներին սահմանել լրացուցիչ հավելումներ, համաձայն հավելվածի:

/1-ին կետն ուժը կորցրել է 04.11.96 թիվ 603 որոշում/

2. Հայաստանի Հանրապետության պետական իշխանության բյուջետային ոլորտի, Հայաստանի Հանրապետության գիտությունների ազգային ակադեմիայի` Հայաստանի Հանրապետության Գերագույն խորհրդի նախագահության 1992 թվականի հոկտեմբերի 2-ի որոշմամբ սահմանված ղեկավար աշխատողների աշխատանքի վարձատրության չափն ավելացնել 33.3 տոկոսով:

/2-րդ կետն ուժը կորցրել է 05.04.96 թիվ 211 որոշում/

3. Գործադիր իշխանության, տարածքային կառավարման և տեղական ինքնակառավարման, ինչպես նաև Հայաստանի Հանրապետության գիտությունների ազգային ակադեմիայի կառուցվածքային ստորաբաժանումների ղեկավար աշխատողների և մասնագետների աշխատանքի վարձատրության չափը բարձրացնել 100 տոկոսով:

/3-րդ կետն ուժը կորցրել է 04.11.96 թիվ 603 որոշում/

4. Չաշխատող և կենսաթոշակ չստացող անձանց աշխատանքային խեղման կամ մասնագիտական հիվանդության հետևանքով պատճառված վնասի փոխհատուցման գումարներին, ինչպես նաև աշխատողի մահվան դեպքում նրա ընտանիքի անդամներին տրվող փոխհատուցման գումարներին սահմանել հավելում` 180 դրամի չափով:

5. Պետական բարձրագույն ուսումնական հաստատությունների պետական պատվերով սովորող ուսանողների կրթաթոշակի չափը սահմանել 2770 դրամ, իսկ ավարտական կուրսերի ուսանողների համար` 2880 դրամ, միջնակարգ մասնագիտական ուսումնական հաստատությունների (այդ թվում` քոլեջների) սովորողների կրթաթոշակի չափը` 2650 դրամ, պրոֆեսիոնալ-տեխնիկական ուսումնարանների սովորողների կրթաթոշակի չափը` 2590 դրամ:

Պետական բարձրագույն ուսումնական հաստատությունների քննաշրջանի արդյունքով միայն «գերազանց» գնահատականներ ունեցող ուսանողների կրթաթոշակը սահմանել 2880 դրամ, իսկ ավարտական կուրսերի ուսանողների համար` 3000 դրամ: Անկախ գերատեսչական համակարգից, ասպիրանտների կրթաթոշակը սահմանել 3540 դրամ, իսկ դոկտորանտներինը` 4290 դրամ:

/5 կետն ուժը կորցրել է 10.01.97 թիվ 6 որոշում/

6. Պետական բուհերի և միջնակարգ մասնագիտական հաստատությունների (այդ թվում` քոլեջների) բժշկական ցուցումով ակադեմիական արձակուրդում գտնվող ուսանողներին և սովորողներին ուսումնական հաստատությունների հաշվին վճարել ամսական 720 դրամի չափով նպաստ:

/6 կետն ուժը կորցրել է 10.01.97 թիվ 6 որոշում/

7. Մինչև 6 տարեկան երեխաների համար տրվող ամենամսյա նպաստների չափերը սահմանել 1200 դրամ:

Մինչև 6 տարեկան երեխաների համար սահմանված նպաստների վճարումը շարունակել ծնողազուրկ, մանկուց հաշմանդամ, 4 և ավելի անչափահաս երեխաներ ունեցող ընտանիքների երեխաներին, ինչպես նաև միայնակ մայրերին` մինչև այդ երեխաների 17 տարին լրանալը (պետական պատվերով սովորող և կրթաթոշակ չստացող երեխաների համար` մինչև 18 տարին լրանալը, բացի 10 ամսից ավելի ուսման տևողությամբ պրոֆեսիոնալ-տեխնիկական ուսումնարանների սովորողներից):

/լրաց. 02.03.96 թիվ 103 որոշում/ /ուժը կորցրել է 04.11.96 թիվ 602 որոշում/

8. Մինչև երեխայի 2 տարին լրանալը նրա խնամքի համար մասնակի վճարովի արձակուրդում գտնվելու դեպքում ամսական նպաստի չափը սահմանել 1500 դրամ:

/ուժը կորցրել է 04.11.96 թիվ 602 որոշում/

9. Մինչև 17 տարեկան (պետական պատվերով սովորող և կրթաթոշակ չստացող երեխաների համար` մինչև 18 տարեկան, բացի 10 ամսից ավելի ուսման տևողությամբ պրոֆեսիոնալ-տեխնիկական ուսումնարանների սովորողներից) երեխաներ ունեցող միայնակ մայրերի ամենամսյա նպաստի չափը սահմանել 1500 դրամ:

/ուժը կորցրել է 04.11.96 թիվ 602 որոշում/

10. Գործազուրկի կարգավիճակ ստացած և մինչև 2 տարեկան երեխա ունեցող մայրերին երեխայի խնամքի համար վճարվող ամսական նպաստի չափը սահմանել 1500 դրամ:

/ուժը կորցրել է 04.11.96 թիվ 602 որոշում/

11. Երեխայի ծննդյան կապակցությամբ տրվող միանվագ նպաստի չափը սահմանել 3840 դրամ:

/ուժը կորցրել է 04.11.96 թիվ 602 որոշում/

12. Նպաստառու գործազուրկների նպաստների փաստացի վճարվող չափերին սահմանել հավելում` 180 դրամի չափով:

13. Ձեռնարկությունում (անկախ սեփականության ձևից) աշխատողների աշխատանքի վարձատրության նվազագույն չափն ապահովվում է ձեռնարկությունների սեփական եկամուտների հաշվին:

14. 1996 թվականի հունվարի 1-ից կորցրած ճանաչել Հայաստանի Հանրապետության կառավարության 1995 թվականի մայիսի 30-ի «Հայաստանի Հանրապետությունում աշխատանքի վարձատրության նվազագույն չափի, բյուջետային հիմնարկների աշխատողների աշխատավարձի, կենսաթոշակների, նպաստների և կրթաթոշակների չափերի բարձրացման մասին» թիվ 296 որոշման 1-ին, 2, 3, 5, 6, 7, 8, 9, 10, 11 և 13-րդ կետերը:

15. Սույն որոշումն ուժի մեջ է մտնում 1996 թվականի հունվարի 1-ից:

Հավելված

ՀՀ կառավարության 1995 թվականի

դեկտեմբերի 29-ի N 367 որոշման

/հավելվածն ուժը կորցրել է 04.11.96 թիվ 603 որոշում/

Հայաստանի Հանրապետությունում սահմանված նվազագույն

աշխատավարձի նկատմամբ 1.0-5.9 բազմապատիկ գործակցով

վարձատրվող աշխատողների պաշտոնային դրույքաչափերին

սահմանվող հավելումները

--------------------------------------------------------------------------

Բազմապատիկ      Նոր նվազագույն            Հավելման չափը     Ընդամենը

գործակիցը       աշխատավարձի նկատմամբ      (դրամ)            աշխատավարձը

                հաշվարկված պաշտոնային                       (դրամ)

                դրույքաչափը (դրամ)

--------------------------------------------------------------------------

  1                   2                       3                4

--------------------------------------------------------------------------

  1.0               720                      2455             3175

  1.1               792                      2408             3200

  1.2               864                      2356             3220

  1.3               936                      2304             3240

  1.4              1008                      2252             3260

  1.5              1080                      2200             3280

  1.6              1152                      2148             3300

  1.7              1224                      2101             3325

  1.8              1296                      2054             3350

  1.9              1368                      2002             3370

  2.0              1440                      1950             3390

  2.1              1512                      1898             3410

  2.2              1584                      1846             3430

  2.3              1656                      1794             3450

  2.4              1728                      1747             3475

  2.5              1800                      1695             3495

  2.6              1872                      1638             3510

  2.7              1944                      1591             3535

  2.8              2016                      1539             3555

  2.9              2088                      1487             3575

  3.0              2160                      1440             3600

  3.1              2232                      1388             3620

  3.2              2304                      1341             3645

  3.3              2376                      1284             3660

  3.4              2448                      1232             3680

  3.5              2520                      1180             3700

  3.6              2592                      1133             3725

  3.7              2664                      1086             3750

  3.8              2736                      1034             3770

  3.9              2808                       982             3740

  4.0              2880                       930             3810

  4.1              2952                       872             3830

  4.2              3024                       826             3850

  4.3              3096                       774             3870

  4.4              3168                       722             3890

  4.5              3240                       670             3910

  4.6              3312                       613             3925

  4.7              3384                       566             3950

  4.8              3456                       514             3970

  4.9              3528                       462             3990

  5.0              3600                       410             4010

  5.1              3672                       373             4045

  5.2              3744                       326             4070

  5.3              3816                       284             4100

  5.4              3888                       237             4125

  5.5              3960                       195             4155

  5.6              4032                       158             4190

  5.7              4104                       106             4210

  5.8              4176                        64             4240

  5.9              4248                        27             4275

--------------------------------------------------------------------------

*) Հայաստանի Հանրապետության լուսավորության նախարարության հանրակրթական դպրոցներում, հատուկ օժանդակ դպրոցներում ու մանկատներում աշխատող մանկավարժների աշխատավարձներին ավելացնել Հայաստանի Հանրապետության նախագահի 1994 թվականի նոյեմբերի 24-ի հրամանագրի 2-րդ կետով սահմանված հավելումը` 120 դրամի չափով: