/ուժը կորցրել է 09.08.96 թիվ 134 որոշում/
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅԱՆ
ՈՐՈՇՈՒՄ
15 փետրվարի 1995 թվականի թիվ 24
Հայաստանի Հանրապետության տարածքում գործող բանկերի
և այլ ֆինանսավարկային կազմակերպությունների կողմից
Հայաստանի Հանրապետության կենտրոնական բանկ ներկայացվող
հաշվետվությունների ձևերի և դրանց ներկայացման
ժամկետների մասին
Ի կատարումն «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 3 և 40 հոդվածների ու «Բանկերի և բանկային գործունեության մասին» Հայաստանի Հանրապետության օրենքի 28 հոդվածի պահանջների, բանկերի և այլ ֆինանսավարկային կազմակերպությունների գործունեության լիարժեք հսկողությունը, հաշվետվություններում դրանց գործունեության վերաբերյալ տեղեկատվության ամբողջականությունը ապահովելու նպատակով Հայաստանի Հանրապետության կենտրոնական բանկի վարչությունը որոշում է.
1. Հաստատել Հայաստանի Հանրապետության տարածքում գործող բանկերի և այլ ֆինանսավարկային կազմակերպությունների կողմից Հայաստանի Հանրապետության կենտրոնական բանկ ներկայացվող հաշվետվությունների ձևերը և դրանց ներկայացման ժամկետները (հավելվածներ 1,2,3):
2. Սահմանել, որ Հայաստանի Հանրապետության կենտրոնական բանկի կողմից բանկային գործառնություն իրականացնելու համար արտոնագիր ստացած այլ կազմակերպությունների կողմից ներկայացվող հաշվետվությունների ձևերը և ներկայացման ժամկետները հաստատում է Հայաստանի Հանրապետության կենտրոնական բանկի նախագահը:
3. Սահմանել, որ սույն որոշմամբ հաստատված հաշվետվությունների ձևերից բացի, բանկերի գործունեության վերահսկողության, թեմատիկ ուսումնասիրությունների կատարման, բանկային վիճակագրության կազմակերպման նպատակով Հայաստանի Հանրապետության կենտրոնական բանկի նախագահի որոշմամբ կարող են պահանջվել նաև լրացուցիչ տեղեկություններ:
4. Հայաստանի Հանրապետության կենտրոնական բանկի դրամաշրջանառության կարգավորման վարչությանը` մեկշաբաթյա ժամկետում մշակել և Հայաստանի Հանրապետության ֆինանսների նախարարության հետ համաձայնեցնել Հայաստանի Հանրապետության պետական բյուջեի դրամարկղային սպասարկման և կանխիկ դրամաշրջանառության կանխատեսման համար անհրաժեշտ հաշվետվությունների ձևերը և ներկայացնել Հայաստանի Հանրապետության կենտրոնական բանկի վարչության հաստատմանը:
5. Սույն որոշման ընդունման պահից ուժը կորցրած ճանաչել Հայաստանի Հանրապետության կենտրոնական բանկի վարչության 1994 թվականի սեպտեմբերի 5-ի թիվ 74 որոշման 4-րդ կետը:
Հավելված թիվ 1
Հայաստանի Հանրապետության տարածքում գործող բանկերի կողմից
Հայաստանի Հանրապետության կենտրոնական բանկ ներկայացվող
հաշվետվության ձևերը.
1 Հաշվեկշիռ (ամսական) ձև N 1
2 Հաշվապահական հաշվառման
հավաքական (կոնսոլիդացված) ձև N 2
հաշվեկշիռ (եռամսյակային)
3 Հաշվետվություն բանկի
շահույթի (վնասի) մասին ձև N 3
(եռամսյակային)
4 Հաշվետվություն շահույթի
բաշխման վերաբերյալ ձև N 4
(եռամսյակային)
5 Հաշվետվություն բանկի
ֆոնդերի շարժի վերաբերյալ ձև N 5
(տարեկան)
6 Հաշվետվություն վարկային
ներդրումների վերաբերյալ
(եռամսյակային) ձև N 7
7 Տեղեկանք խոշոր վարկերի
մասին (եռամսյակային) ձև N 7/1
8 Հաշվետվություն արտարժույթի
տնօրինման նորմատիվների ձև N 8
վերաբերյալ (շաբաթական)
9 Հաշվետվություն տնտեսական
նորմատիվների վերաբերյալ ձև N 9
(ամսական)
10 Հաշվետվություն կանոնադրական
կապիտալի ձևավորման
մասին (ամսական) ձև N 10
11 Հաշվետվություն հիմնական
միջոցների շարժի վերաբերյալ ձև N 11
(տարեկան)
12 Հաշվետվություն կապիտալ
ներդրումների վերաբերյալ ձև N 12
(տարեկան)
13 Հաշվետվություն ՀՀ կենտրոնական
բանկում տեղաբաշխվող
պարտադիր պահուստավորման ձև N 13
վերաբերյալ (դրամով,
ամսական)
14 Հաշվետվություն ՀՀ կենտրոնական
բանկում տեղաբաշխվող
պարտադիր պահուստավորման
վերաբերյալ արտարժույթով, ձև N 13/1
(շաբաթական)
15 Հաշվետվություն արտարժույթի
փոխանակման կետերի գործունեության
վերաբերյալ (տասնօրյա) ձև N 20
16 Հաշվետվություն հաճախորդների
արտարժույթի առք ու վաճառքի
գործառնությունների վերաբերյալ
(շաբաթական) ձև N 21
17 Հաշվետվություն արտարժույթով
միջոցների ներգրավման և
տեղաբաշխման մասին (ամսական) ձև N 22
18 Հաշվետվություն արտարժույթի
պարտադիր վաճառքի մասին (յուր. ձև N 23
օրական գործարքի համար,
մինչև ապրիլի 10-ը)
19 Հաշվետվություն արժեթղթերի
թողարկման արդյունքների մասին
(յուրաքանչյուր թողարկման համար)
20 Հաշվետվություն արժեթղթերի
թողարկման մասին (տարեկան)
21 Տեղեկանք բնակչությունից
ներգրաված ավանդների ակտիվային ձև N 25
ապահովվածության վերաբերյալ
(տասնհինգօրյա )
22 Հաշվետվություն բանկի
արտասահմանյան ակտիվների
և պասսիվների շարժի մասին
(եռամսյակային) ձև N 26
23 Հաշվետվություն
ձեռնարկությունների,
բնակչության ցպահանջ և
ժամկետային դեպոզիտների
(ավանդների) միջին
տոկոսադրույքների
վերաբերյալ (շաբաթական) ձև N 27
24 Հաշվետվություն տրված
վարկերի միջին տոկոսադրույքների
վերաբերյալ (շաբաթական) ձև N 28
25 Հաշվետվություն արտարժութային
թղթակցային հաշիվների վերաբերյալ ձև N 29
Հաշվետվության ներկայացման ժամկետները
- Արդշինբանկ, Հայագրոբանկ, Հայէկոնոմբանկ բանկերը ամսական և
եռամսյակային հաշվետվությունները ներկայացնում են մինչև հաշվետու
ժամանակաշրջանին հաջորդող ամսվա 10-ը, տարեկան հաշվետվությունները`
մինչև հաջորդող տարվա փետրվարի 5-ը:
- Հայխնայբանկը ամսական և եռամսյակային հաշվետվությունները
ներկայացնում է մինչև հաշվետու ժամանակաշրջանին հաջորդող ամսվա
20-ը, տարեկան հաշվետվությունները` մինչև հաջորդող տարվա փետրվարի
15-ը:
- մյուս բանկերը ամսական և եռամսյակային հաշվետվությունները
ներկայացնում են մինչև հաշվետու ժամանակաշրջանին հաջորդող ամսվա
5-ը, տարեկան հաշվետվությունները` մինչև հաշվետու տարվան հաջորդող
տարվա հունվարի 20-ը:
- շաբաթական հաշվետվությունները ներկայացվում են հաշվետու
շաբաթվան հաջորդող երկուշաբթի օրը, 10-օրյա հաշվետվությունները`
հաջորդող 2 աշխատանքային օրերի ընթացքում, 15-օրյա հաշվետվությունները`
ամսվա առաջին կեսի համար մինչև ամսի 20-ը, երկրորդ կեսի
համար մինչև հաջորդ ամսվա 5-ը:
Անհրաժեշտության դեպքում Հայաստանի Հանրապետության կենտրոնական
բանկը կարող է վերանայել հաշվետվությունների ներկայացման ժամկետները:
Տարեկան հաշվապահական հաշվետվությանը կից տրվում են թղթակցային
հաշիվների, այլ դեբիտորներ և կրեդիտորներ ու այլ ծախսեր հաշիվների,
ինչպես նաև ֆոնդերի բացատրությունները:
Հավելված թիվ 2
Հայաստանի Հանրապետության տարածքում գործող ապահովագրական
ընկերությունների կողմից Հայաստանի Հանրապետության կենտրոնական
բանկ ներկայացվող հաշվետվության ձևերը
1 Հաշվեկշիռ ձև N 54
2 Հաշվետվություն ապահովագրական
ընկերության գործունեության
արդյունքների ձև N 1 ԱՊ
մասին (ամսական)
3 Հաշվետվություն ապահովագրական
ընկերության կանոնադրական
կապիտալի ձև N 4 ԱՊ
ձևավորման մասին (ամսական)
4 Հաշվետվություն
ապահովագրական ընկերության
վարկային ներդրումների մասին
(եռամսյակային) ձև N 6 ԱՊ
5 Հաշվետվություն
ապահովագրական ընկերության
ֆոնդերի կազմի և շարժի
մասին (տարեկան) ձև N 7 ԱՊ
Հաշվետվության ներկայացման ժամկետները
Ամսական և եռամսյակային հաշվետվությունները ներկայացվում են մինչև հաշվետու ժամանակաշրջանին հաջորդող ամսվա 5-ը, տարեկան հաշվետվությունները` մինչև հաջորդող տարվա հունվարի 20-ը:
Անհրաժեշտության դեպքում Հայաստանի Հանրապետության կենտրոնական բանկը կարող է վերանայել հաշվետվությունների ներկայացման ժամկետները:
Տարեկան հաշվապահական հաշվետվությանը կից տրվում են թղթակցային հաշիվների, այլ դեբիտորներ և կրեդիտորներ ու այլ ծախսեր հաշիվների, ինչպես նաև ֆոնդերի բացատրությունները:
Հավելված թիվ 3
Հայաստանի Հանրապետության տարածքում գործող
գրավատների կողմից Հայաստանի Հանրապետության
կենտրոնական բանկ ներկայացվող հաշվետվության
ձևերը
1 Հաշվեկշիռ (ամսական)
(ՀՀ ֆինանսների նախարարության
կողմից հաստատված
ձևով) ձև N 1
2 Հաշվետվություն ֆինանսական
արդյունքների և դրանց
օգտագործման մասին
(եռամսյակային)
(ՀՀ ֆինանսների նախարարության
կողմից հաստատված ձևով) ձև N 2
3 Հաշվետվություն գրավատան
գործունեության արդյունքների ձև N 3-Գ
մասին (ամսական)
4 Հաշվետվություն գրավատան
կանոնադրական կապիտալի
ձևավորման մասին (եռամսյակային) ձև N 4-Գ
5 Հաշվետվություն գրավատան
ֆոնդերի կազմի և շարժի մասին
(տարեկան) ձև N 7-Գ
Հաշվետվության ներկայացման ժամկետները
Ամսական և եռամսյակային հաշվետվությունները ներկայացվում են
մինչև հաշվետու ժամանակաշրջանին հաջորդող ամսվա 5-ը, տարեկան
հաշվետվությունները` մինչև հաջորդող տարվա հունվարի 20-ը:
Անհրաժեշտության դեպքում Հայաստանի Հանրապետության կենտրոնական
բանկը կարող է վերանայել հաշվետվությունների ներկայացման ժամկետները:
Տարեկան հաշվապահական հաշվետվությանը կից տրվում են թղթակցային
հաշիվների, այլ դեբիտորներ և կրեդիտորներ ու այլ ծախսեր հաշիվների,
ինչպես նաև ֆոնդերի բացատրությունները: