17.01.2025 -
040.1420.181214
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
18 դեկտեմբերի 2014 թվականի N 1420-Ն
ՊԵՏԱԿԱՆ ՊԱՇՏՈՆՆԵՐ ԵՎ ՊԵՏԱԿԱՆ ԾԱՌԱՅՈՒԹՅԱՆ ՊԱՇՏՈՆՆԵՐ ԶԲԱՂԵՑՆՈՂ ԱՆՁԱՆՑ ԲԱԶԱՅԻՆ ԱՇԽԱՏԱՎԱՐՁԻ ԵՎ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ՀԱՇՎԱՐԿՄԱՆ ԳՈՐԾԱԿԻՑՆԵՐԻ ՓՈՓՈԽՈՒԹՅԱՆ ՆՊԱՏԱԿՈՎ` ԸՍՏ ՄԱՍՆԱԳԻՏՈՒԹՅՈՒՆՆԵՐԻ ՈՒ ՏԱՐԱԾՔՆԵՐԻ ԱՇԽԱՏԱՆՔԻ ՇՈՒԿԱՅԻ ՎԵՐԼՈՒԾՈՒԹՅԱՆ ԻՐԱԿԱՆԱՑՄԱՆ ԿԱՐԳԸ ԵՎ ԱՅԴ ՎԵՐԼՈՒԾՈՒԹՅԱՆ ՀԱՄԱՐ ԱՆՀՐԱԺԵՇՏ ՏԵՂԵԿԱՏՎՈՒԹՅՈՒՆԸ ՆԵՐԿԱՅԱՑՆԵԼՈՒ ՁԵՎԵՐԸ, ՊԵՏԱԿԱՆ ՄԱՐՄԻՆՆԵՐԻՆ ՀԱՏԿԱՑՎԱԾ ԱՇԽԱՏԱՎԱՐՁԻ, ՊԱՐԳԵՎԱՏՐՄԱՆ ՖՈՆԴԵՐԻ ՎԵՐԼՈՒԾՈՒԹՅԱՆ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2012 ԹՎԱԿԱՆԻ ԴԵԿՏԵՄԲԵՐԻ 20-Ի N 1676-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հիմք ընդունելով «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» Հայաստանի Հանրապետության օրենքի 5-րդ հոդվածի 4-րդ մասը, 27.1-ին հոդվածի 1-ին մասը, «Քաղաքացիական ծառայության մասին» Հայաստանի Հանրապետության օրենքի 38-րդ հոդվածի 3-րդ մասի 5-րդ կետը` Հայաստանի Հանրապետության կառավարությունը որոշում է.
1. Հաստատել`
1) պետական պաշտոններ և պետական ծառայության պաշտոններ զբաղեցնող անձանց բազային աշխատավարձի և պաշտոնային դրույքաչափերի հաշվարկման գործակիցների փոփոխության նպատակով` ըստ մասնագիտությունների և տարածքների աշխատանքի շուկայի վերլուծության իրականացման կարգը` համաձայն N 1 հավելվածի.
2) պետական պաշտոն և պետական ծառայության պաշտոն զբաղեցնող անձանց աշխատավարձերի չափերի, ինչպես նաև պետական մարմիններին հատկացված աշխատավարձի, պարգևատրման ֆոնդերից վճարված վարձատրության չափերի վերաբերյալ տեղեկատվությունը ներկայացնելու, ինչպես նաև ըստ մասնագիտությունների և տարածքների աշխատանքի շուկայի վերլուծության ու պետական մարմիններին հատկացված աշխատավարձի, պարգևատրման ֆոնդերի վերլուծությունների արդյունքում սույն որոշման NN 1 և 3 հավելվածներով սահմանված ցուցանիշները քաղաքացիական ծառայության տեղեկատվական հարթակում ինքնաշխատ եղանակով հաշվարկելու նպատակով աշխատավարձի և պարգևատրման ֆոնդերից վճարվող վարձատրության տեսակների պայմանանիշերի ցանկը հաստատելու ձևերը` համաձայն N 2 հավելվածի.
3) պետական մարմիններին հատկացված աշխատավարձի, պարգևատրման ֆոնդերի վերլուծության կարգը` համաձայն N 3 հավելվածի:
(1-ին կետը փոփ. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
2. Հանձնարարել Հայաստանի Հանրապետության վարչապետի աշխատակազմի ղեկավարին, Հայաստանի Հանրապետության պետական կառավարման համակարգի մարմինների ղեկավարներին, Հայաստանի Հանրապետության մարզպետներին և առաջարկել Հայաստանի Հանրապետության Նախագահի աշխատակազմի ղեկավարին, Հայաստանի Հանրապետության Ազգային ժողովի աշխատակազմի ղեկավարին, Հայաստանի Հանրապետության սահմանադրական դատարանի նախագահին, անկախ պետական մարմինների և ինքնավար մարմինների ղեկավարներին, Հայաստանի Հանրապետության մարդու իրավունքների պաշտպանին, Հայաստանի Հանրապետության գլխավոր դատախազին, քննչական մարմինների ղեկավարներին յուրաքանչյուր երեք տարին մեկ անգամ, մինչև յուրաքանչյուր երրորդ տարվա ապրիլի 1-ը, Հայաստանի Հանրապետության վարչապետի աշխատակազմի քաղաքացիական ծառայության գրասենյակ ներկայացնել սույն որոշման N 2 հավելվածով նախատեսված տեղեկատվությունը:
(2-րդ կետը փոփ. 29.11.2018 թիվ 1420-Ն /գործողությունը տարածվում է 2018 թվականի հուլիսի 1-ից հետո ծագած հարաբերությունների վրա/,
16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշումներ)
2.1. Սահմանել, որ դիվանագետների (դիվանագիտական և դիվանագիտական ծառայության պաշտոն զբաղեցնող անձանց), Հակակոռուպցիոն կոմիտեում օպերատիվ-հետախուզական գործառույթներ իրականացնող աշխատողների վերաբերյալ սույն որոշման 2-րդ կետով պահանջվող տեղեկատվությունը (բացառությամբ աշխատավարձի ֆոնդի միջոցների վերաբերյալ տեղեկատվության) մինչև հաջորդ ամսվա 20-ը Հայաստանի Հանրապետության ֆինանսների նախարարությանը և Հայաստանի Հանրապետության վարչապետի աշխատակազմի քաղաքացիական ծառայության գրասենյակին է փոխանցվում «Պետական գաղտնիքի մասին» Հայաստանի Հանրապետության օրենքի պահանջներին համապատասխան:
(2.1-ին կետը լրաց. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
3. Սահմանել, որ`
1) սույն որոշման N 2 հավելվածով նախատեսված տեղեկատվությունն առաջին անգամ Հայաստանի Հանրապետության աշխատանքի և սոցիալական հարցերի նախարարություն է ներկայացվում 2018 թվականին` մինչև 2018 թվականի ապրիլի 1-ը.
2) սույն որոշման N 2 հավելվածով նախատեսված տեղեկատվությունը չի ընդգրկում զինծառայողների, քրեակատարողական ծառայողների և փրկարար ծառայության ծառայողների մասին տվյալները.
3) սույն որոշման N 2 հավելվածի N 1 ձևի 2-15-րդ կետերով նախատեսված տեղեկատվությունն աղյուսակում ինքնաշխատ եղանակով լրացվում է քաղաքացիական ծառայության տեղեկատվական հարթակում առկա տվյալների հիման վրա, իսկ 16-29-րդ կետերով նախատեսված տեղեկատվությունը` ինքնաշխատ եղանակով լրացվում է սույն որոշման 2-րդ կետով սահմանված կարգով քաղաքացիական ծառայության տեղեկատվական հարթակ ներբեռնվող տվյալների հիման վրա.
4) սույն որոշման N 2 հավելվածի N 1 ձևով նախատեսված տեղեկատվությունը համապատասխան մարմինները քաղաքացիական ծառայության տեղեկատվական հարթակ են ներբեռնում մինչև Հայաստանի Հանրապետության կառավարության ֆինանսների կառավարման տեղեկատվական համակարգի գործարկումը.
5) սույն որոշման N 2 հավելվածի N 1 ձևով նախատեսված տեղեկատվությունը Հայաստանի Հանրապետության ֆինանսների նախարարությանը հասանելի է քաղաքացիական ծառայության տեղեկատվական հարթակում:
(3-րդ կետը փոփ. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
4. (4-րդ կետն ուժը կորցրել է 29.11.2018 թիվ 1420-Ն /գործողությունը տարածվում է 2018 թվականի հուլիսի 1-ից հետո ծագած հարաբերությունների վրա/
որոշում)
5. Հայաստանի Հանրապետության վարչապետի աշխատակազմի քաղաքացիական ծառայության գրասենյակի ղեկավարին` պետական պաշտոն և պետական ծառայության պաշտոն զբաղեցնող անձանց բազային աշխատավարձի և պաշտոնային դրույքաչափերի հաշվարկման գործակիցների փոփոխության նպատակով յուրաքանչյուր տարի մինչև հունիսի 1-ը Հայաստանի Հանրապետության վարչապետի աշխատակազմ ներկայացնել զեկույց` ըստ մասնագիտությունների և տարածքների աշխատանքի շուկայի վերլուծության, ինչպես նաև պետական մարմիններին հատկացված աշխատավարձի, պարգևատրման ֆոնդերի վերլուծության արդյունքների ամփոփմամբ և զեկույցը հրապարակել քաղաքացիական ծառայության գրասենյակի պաշտոնական կայքէջում: Զեկույցում ներկայացված` բազային աշխատավարձի և (կամ) գործակիցների փոփոխությանը վերաբերող առաջարկությունները քննարկվում են պետական միջնաժամկետ ծախսային ծրագրի նախապատրաստման ժամանակ:
(5-րդ կետը փոփ. 29.11.2018 թիվ 1420-Ն /գործողությունը տարածվում է 2018 թվականի հուլիսի 1-ից հետո ծագած հարաբերությունների վրա/,
փոփ. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշումներ)
6. Հայաստանի Հանրապետության կառավարության 2012 թվականի դեկտեմբերի 20-ի «Եկամտային հարկի և սոցիալական վճարի անձնավորված հաշվառման մասին» Հայաստանի Հանրապետության օրենքի կիրարկումն ապահովելու մասին» N 1676-Ն որոշման N 1 հավելվածի 8-րդ կետի 6-րդ ենթակետը «պաշտոնը» բառից հետո լրացնել «, մասնագիտությունը» բառով:
7. Հայաստանի Հանրապետության ֆինանսների նախարարին` մինչև 2015 թվականի ապրիլի 1-ը ապահովել սույն որոշման 6-րդ կետից բխող` անձնավորված հաշվառման տեղեկատվական բազայի ծրագրային ապահովման անհրաժեշտ փոփոխությունները:
7.1. Առաջարկել պետական մարմիններում հաշվապահական հաշվառման ծրագրեր սպասարկող ընկերությունների ղեկավարներին հաշվապահական հաշվառման ծրագրերում վարձատրության տեսակների կոդավորումն ապահովել սույն որոշման N 2 հավելվածի N 3 ձևով հաստատված պայմանանիշերի համաձայն:
(7.1-ին կետը լրաց. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
8. Սույն որոշումն ուժի մեջ է մտնում 2015 թվականի ապրիլի 1-ից:
(վերնագիրն ու նախաբանը փոփ. 29.11.2018 թիվ 1420-Ն /գործողությունը տարածվում է 2018 թվականի հուլիսի 1-ից հետո ծագած հարաբերությունների վրա/,
16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշումներ)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2014 ԹՎԱԿԱՆԻ ԴԵԿՏԵՄԲԵՐԻ 18-ԻՆ
Հավելված N 1
ՀՀ կառավարության
2014 թվականի դեկտեմբերի 18-ի
N 1420-Ն որոշման
ԿԱՐԳ ՊԵՏԱԿԱՆ ՊԱՇՏՈՆՆԵՐ ԵՎ ՊԵՏԱԿԱՆ ԾԱՌԱՅՈՒԹՅԱՆ ՊԱՇՏՈՆՆԵՐ ԶԲԱՂԵՑՆՈՂ ԱՆՁԱՆՑ ԲԱԶԱՅԻՆ ԱՇԽԱՏԱՎԱՐՁԻ ԵՎ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ՀԱՇՎԱՐԿՄԱՆ ԳՈՐԾԱԿԻՑՆԵՐԻ ՓՈՓՈԽՈՒԹՅԱՆ ՆՊԱՏԱԿՈՎ` ԸՍՏ ՄԱՍՆԱԳԻՏՈՒԹՅՈՒՆՆԵՐԻ ՈՒ ՏԱՐԱԾՔՆԵՐԻ ԱՇԽԱՏԱՆՔԻ ՇՈՒԿԱՅԻ ՎԵՐԼՈՒԾՈՒԹՅԱՆ ԻՐԱԿԱՆԱՑՄԱՆ
1. Պետական պաշտոն և պետական ծառայության պաշտոն զբաղեցնող անձանց բազային աշխատավարձի և պաշտոնային դրույքաչափերի հաշվարկման գործակիցների փոփոխության անհրաժեշտությունը գնահատելու, ինչպես նաև դրանց չափերի վերաբերյալ առաջարկություններ մշակելու նպատակով «Պետական պաշտոն և պետական ծառայության պաշտոն զբաղեցնող անձանց վարձատրության մասին» Հայաստանի Հանրապետության օրենքի կիրարկումն ապահովող` Հայաստանի Հանրապետության կառավարության լիազոր մարմինը (այսուհետ` լիազոր մարմին) յուրաքանչյուր տարի իրականացնում է` ըստ մասնագիտությունների և տարածքների աշխատանքի շուկայի վերլուծություն:
(1-ին կետը փոփ. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
2. Լիազոր մարմինն ըստ մասնագիտությունների և տարածքների աշխատանքի շուկայի վերլուծության իրականացման համար Հայաստանի Հանրապետության կառավարության 2014 թվականի դեկտեմբերի 18-ի N 1420-Ն որոշման 2-րդ կետով սահմանված կարգով քաղաքացիական ծառայության տեղեկատվական հարթակ ներբեռնվող տեղեկատվության հիման վրա վերլուծում է պետական պաշտոն զբաղեցնող անձանց և պետական բոլոր ծառայողների (բացառությամբ Հայաստանի Հանրապետության պաշտպանության, ներքին գործերի նախարարություններում, Հայաստանի Հանրապետության ազգային անվտանգության, պետական պահպանության, արտաքին հետախուզության ծառայություններում պետական պաշտոն, զինվորական ծառայության պաշտոն և արտաքին հետախուզության ծառայության պաշտոն զբաղեցնող անձանց) աշխատավարձերի չափերը, ինչպես նաև նրանց վարձատրությանն ուղղված այլ միջոցները:
(2-րդ կետը փոփ. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
3. (3-րդ կետն ուժը կորցրել է 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
4. Լիազոր մարմինը սույն կարգի 2-րդ կետում նշված տեղեկատվության վերլուծության արդյունքում` հաշվարկում և (կամ) գնահատում է հետևյալ ցուցանիշները`
1) պետական ծառայության համակարգում գերիշխող մասնագիտությունները և միջին աշխատավարձը` ըստ գերիշխող մասնագիտությունների, այդ թվում` ըստ ծառայությունների.
2) միջին աշխատավարձը պետական ծառայության համակարգում.
3) միջին աշխատավարձը` ըստ պետական ծառայությունների.
4) միջին աշխատավարձը պետական առանձին ծառայություններում` ըստ պաշտոնների խմբերի.
4.1) պետական ծառայողների միջին աշխատավարձը` ըստ սեռի.
4.2) պետական պաշտոն զբաղեցնող անձանց միջին աշխատավարձը` ըստ սեռի.
4.3) աշխատավարձի միջնարժեքը (մեդիանը) պետական ծառայության համակարգում.
4.4) պետական պաշտոն և պետական ծառայության պաշտոն զբաղեցնող անձանց թիվը` ըստ պաշտոնների տեսակների.
4.5) պետական թափուր պաշտոնների և պետական ծառայության թափուր պաշտոնների թիվը.
4.6) պետական ծառայողների թիվը պաշտոնների խմբերում` ըստ սեռի.
4.7) պետական ծառայողների միջին աշխատավարձը` ըստ տարիքային խմբերի.
4.8) ամենաբարձր և ամենացածր աշխատավարձ ստացող պետական ծառայողների աշխատավարձերի չափերի հարաբերակցությունը` ըստ պաշտոնների խմբերի.
4.9) նախորդ տարվա արդյունքներով կատարողականի հիման վրա պարգևատրված պետական ծառայողների թիվը` ըստ պաշտոնների խմբերի:
5) (5-րդ ենթակետն ուժը կորցրել է 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
6) (6-րդ ենթակետն ուժը կորցրել է 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
(4-րդ կետը փոփ. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
4.1. Սույն կարգի 4-րդ կետի 4.3-րդ ենթակետով նախատեսված աշխատավարձի միջնարժեքը (մեդիանը) փոքրից մեծ հաջորդականությամբ դասավորված աշխատավարձերի տվյալների բազմության մեջտեղի արժեքն է, իսկ եթե այդ արժեքները երկուսն են, ապա դրանց միջինն է:
(4.1-ին լրաց. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
4.2. Դիտարկվող ժամանակահատվածում պետական ծառայողների հոսունության մակարդակը լիազոր մարմինը վերլուծում և գնահատում է` հիմք ընդունելով քաղաքացիական ծառայության տեղեկատվական հարթակում պետական ծառայողների (բացառությամբ զինծառայողների, արտաքին հետախուզության ծառայության, քրեակատարողական և փրկարար ծառայության ծառայողների)` անձնական դիմումի համաձայն պաշտոնից ազատման հիմքերի վերաբերյալ առկա տվյալները, որը հաշվարկվում է հետևյալ բանաձևով`
անձնական դիմումի համաձայն ազատված պետական ծառայողների թիվ
Հոսունություն = ----------------------------------------* 100%:
պետական ծառայողների միջին թիվ
(4.2-րդ կետը լրաց. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
5. Լիազոր մարմինն անձնավորված հաշվառման տեղեկատվական բազայից ստացված տվյալների հիման վրա իրականացնում է ընթացիկ տարվան նախորդող տարում ոչ պետական հատվածի կազմակերպություններում (Երևան քաղաքում և մարզերում) աշխատողների աշխատավարձերի չափերի վերլուծություն` ըստ աշխատողների մասնագիտության և աշխատաժամանակի ռեժիմի:
(5-րդ կետը փոփ. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
6. Սույն կարգի 5-րդ կետով նախատեսված վերլուծության արդյունքների հիման վրա լիազոր մարմինը հաշվարկում է միջին աշխատավարձի չափերի, աշխատավարձի միջնարժեքների տարբերությունները պետական ծառայության համակարգում և ոչ պետական հատվածում, այդ թվում նաև` ստորին դեցիլի (ցածր աշխատավարձ ստացողների 10 տոկոսի) և վերին դեցիլի (բարձր աշխատավարձ ստացողների 10 տոկոսի) միջին աշխատավարձերի, դրանց միջնարժեքների տարբերությունները:
(6-րդ կետը փոփ. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
7. Սույն կարգի 6-րդ կետով նախատեսված վերլուծության շրջանակներում գնահատվում է նաև նվազագույն, միջին և առավելագույն աշխատավարձեր ստացող աշխատողների թվի տեսակարար կշիռը` համապատասխանաբար ուսումնասիրվող աշխատողների ընդհանուր թվի մեջ:
8. Լիազոր մարմինը սույն կարգի 6-րդ և 7-րդ կետերով նախատեսված վերլուծությունների և գնահատումների արդյունքներն ամփոփելուց հետո Հայաստանի Հանրապետության վարչապետի աշխատակազմ է ներկայացնում զեկույց, որը ներառում է հետևյալ առաջարկությունները`
1) պետական պաշտոններ և պետական ծառայության պաշտոններ զբաղեցնող անձանց բազային աշխատավարձի չափի բարձրացման և (կամ) հիմնական աշխատավարձի չափը որոշող գործակիցների փոփոխության վերաբերյալ.
2) համաձայն «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» Հայաստանի Հանրապետության օրենքի 5-րդ հոդվածի 5-րդ մասի` Հայաստանի Հանրապետության կառավարությանը վերապահված` առանձին մասնագիտությունների համար հիմնական աշխատավարձի (բազային աշխատավարձի ու գործակցի արտադրյալի) նկատմամբ տոկոսային ավելացում կիրառելու անհրաժեշտության և դրա չափերի վերաբերյալ:
(8-րդ կետը փոփ. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
Հավելված N 2
ՀՀ կառավարության
2014 թվականի դեկտեմբերի 18-ի
N 1420-Ն որոշման
Ձև N 1
ՏԵՂԵԿԱՏՎՈՒԹՅՈՒՆ ՊԵՏԱԿԱՆ ՊԱՇՏՈՆՆԵՐ ԵՎ ՊԵՏԱԿԱՆ ԾԱՌԱՅՈՒԹՅԱՆ ՊԱՇՏՈՆՆԵՐ ԶԲԱՂԵՑՆՈՂ ԱՆՁԱՆՑ ԱՇԽԱՏԱՎԱՐՁԵՐԻ ՉԱՓԵՐԻ, ԻՆՉՊԵՍ ՆԱԵՎ ՊԵՏԱԿԱՆ ՄԱՐՄԻՆՆԵՐԻՆ ՀԱՏԿԱՑՎԱԾ ԱՇԽԱՏԱՎԱՐՁԻ, ՊԱՐԳԵՎԱՏՐՄԱՆ ՖՈՆԴԵՐԻՑ ՎՃԱՐՎՈՂ ՎԱՐՁԱՏՐՈՒԹՅԱՆ ՉԱՓԵՐԻ ՎԵՐԱԲԵՐՅԱԼ
.__________________________________________________________________________
| N |Մարմնի|Ծառա- |ՀԾՀ|Ստորա-|Պաշտոնի |Պաշտոնի |Պաշտոնի |Տվյալ |Գործա- |
| |անվա- |յության| |բաժա- |անվանումը|պայմանա-|խումբը և |պաշտո-|կիցը |
| |նումը |տեսակը | |նումը | |նիշը |ենթա- |նում | |
| | | | | | | |խումբը |աշխա- | |
| | | | | | | | |տան- | |
| | | | | | | | |քային | |
| | | | | | | | |ստաժը | |
|___|______|_______|___|______|_________|________|_________|______|_______|
|1 |2 |3 |4 |5 |6 |7 |8 |9 |10 |
|___|______|_______|___|______|_________|________|_________|______|_______|
| | | | | | | | | | |
.__________________________________________________________________________
________________________________________.
|Պաշ- |Ծննդյան|Սեռը|Կրթու-|Մասնագիտու-|
|տոնի |օրը, | |թյունը|թյունը` ըստ|
|զբաղ- |ամիսը, | | |պաշտոնի |
|վածու- |տարե- | | |անձնագրի |
|թյան |թիվը | | | |
|բնույթը| | | | |
|_______|_______|____|______|___________|
|11 |12 |13 |14 |15 |
|_______|_______|____|______|___________|
| | | | | |
________________________________________.
.__________________________________________________________________________
| ԱՇԽԱՏԱՎԱՐՁԻ ՎՃԱՐՈՒՄ |
|_________________________________________________________________________|
|Հիմնա-| Լրացուցիչ աշխատավարձ |
|կան |__________________________________________________________________|
|աշխա- | Հավելավճար | Հավելում |
|տա- |______________________________________________|___________________|
|վարձ |Դասա-|Դիվա-|Կոչ-|Օտար|Աշխա-|Ատես- |Սահ- |Կատա-|Առող- |Բարձր-|Ծառա-|
|(պաշ- |յին |նա- |ման |լե- |տան- |տավոր-|մանա-|րողա-|ջու- |լեռնա-|յութ-|
|տո- |աստի-|գիտա-|հա- |զու-|քային|ման |դրա- |կանի |թյան |յին |յան |
|նային |ճանի |կան |մար |ների|և |արդ- |կան |գնա- |համար |վայրե-|ա- |
|դրույ-|համար|աստի-| |իմա-|(կամ)|յունք-|դատա-|հատ- |վնա- |րում |ռանձ-|
|քաչափ)| |ճանի | |ցու-|ծառա-|ներով |րանի |ման |սա- |աշխա- |նա- |
| | |համար| |թյան|յութ-|որակա-|նախա-|հիման|կար, |տելու |հատ- |
| | | | |հա- |յան |վորման|գահի,|վրա |ծանր |համար |կութ-|
| | | | |մար |ստաժի|համար |փոխ- | |կամ | |յուն-|
| | | | | |համար| |նախա-| |առանձ-| |ներով|
| | | | | | | |գահի,| |նապես | |պայ- |
| | | | | | | |դատա-| |ծանր, | |մանա-|
| | | | | | | |վորի | |առանձ-| |վոր- |
| | | | | | | |պաշ- | |նապես | |ված |
| | | | | | | |տոն | |վնասա-| | |
| | | | | | | |զբա- | |կար | | |
| | | | | | | |ղեց- | |աշխա- | | |
| | | | | | | |նե- | |տանքի | | |
| | | | | | | |լու | |համար | | |
| | | | | | | |համար| | | | |
|______|_____|_____|____|____|_____|______|_____|_____|______|______|_____|
| 16 |17.1 |17.2 |17.3|17.4|17.5 |17.6 |17.7 |17.8 |18.1 |18.2 |18.3 |
|______|_____|_____|____|____|_____|______|_____|_____|______|______|_____|
| | | | | | | | | | | | |
.__________________________________________________________________________
__________________________________________________________.
| |
|_________________________________________________________|
| | | Պարգևատրում |
|_________________________| |__________________________|
|Արտա-|Առանձ-|Դատա-|Պետա- |Լրա-|Կատա-|Աշխա- |Աշխա- |Օրեն- |
|ժամ- |նակի |վորի |կան |վճար|րողա-|տավար-|տանք- |քով |
|յա, |ռիս- |պաշ- |և | |կանի |ձի |ների |չար- |
|գիշե-|կայ- |տոն |ծառա- | |կամ |ֆոնդի |փորձա-|գել- |
|րային|նու- |զբա- |յողա- | |հաշ- |տնտես-|րարա- |ված |
|կամ |թյան, |ղեց- |կան | |վե- |ված |կան |այլ |
|հան- |ինչպես|նելու|գաղտ- | |տվու-|միջոց-|կազմա-|աղ- |
|գըս- |նաև |համար|նիք | |թյան |ներից |կերպ- |բյուր-|
|տյան |հատուկ| |պարու-| |հիման| |ման |ներից |
|կամ |մասնա-| |նակող | |վրա | |համար | |
|տոնա-|գիտաց-| |տեղե- | | | |օպտի- | |
|կան |ման | |կութ- | | | |մալաց-| |
|օրե- |առանձ-| |յուն- | | | |ված | |
|րին |նահատ-| |ներին | | | |միջոց-| |
|աշխա-|կութ- | |առնչ- | | | |ներից | |
|տանքի|յուն- | |վելու | | | | | |
|համար|ներով | |համար | | | | | |
| |պայմա-| | | | | | | |
| |նավոր-| | | | | | | |
| |ված | | | | | | | |
|_____|______|_____|______|____|_____|______|______|______|
|18.4 |18.5 |18.6 |18.7 | 19 | 20.1|20.2 | 20.3 | 20.4 |
|_____|______|_____|______|____|_____|______|______|______|
| | | | | | | | | |
__________________________________________________________.
.__________________________________________________________________________
| ԱՅԼ ՎՃԱՐՈՒՄՆԵՐ |
|_________________________________________________________________________|
| Արձակուրդային վճար |Վերջնա-| | |Հատուցում |
| |հաշվարկ| | | |
|_______________________________|_______| | |____________________|
|Ամե- |Լրա-|Ուսում-|Պետա-|Հայ- |Չօգտա- |Արձակ-|Կադ- |Հարկա-|Մեղա-|Դատական|
|նամյա |ցու-|նական |կան |րու- |գործած |ման |րերի |դիր |դրյա-|կարգով |
|արձա- |ցիչ |արձա- |կամ |թյան |արձա- |նպաստ |ռե- |պարա- |լի |արդա- |
|կուրդի|միա-|կուրդի |հասա-|արձա-|կուրդի | |զեր- |պուր- |կար- |րացվա- |
|համար |նվագ|համար |րակա-|կուր-|հատու- | |վում |դի |գա- |ծին |
| | | |կան |դի |ցում | |գտնը-|համար |վի- | |
| | | |պար- |համար| | |վելու| |ճակ | |
| | | |տա- | | | |ըն- | |ունե-| |
| | | |կա- | | | |թաց- | |ցո- | |
| | | |նութ-| | | |քում | |ղին | |
| | | |յուն | | | |վար- | | | |
| | | |ների | | | |ձա- | | | |
| | | |կա- | | | |տրու-| | | |
| | | |տար- | | | |թյուն| | | |
| | | |ման | | | | | | | |
| | | |համար| | | | | | | |
| | | |տրա- | | | | | | | |
| | | |մա- | | | | | | | |
| | | |դրվող| | | | | | | |
| | | |արձա-| | | | | | | |
| | | |կուր-| | | | | | | |
| | | |դի | | | | | | | |
| | | |համար| | | | | | | |
|______|____|_______|_____|_____|_______|______|_____|______|_____|_______|
|21.1 |21.2|21.3 |21.4 |21.5 |22 |23 |24 |25.1 |25.2 |25.3 |
|______|____|_______|_____|_____|_______|______|_____|______|_____|_______|
| | | | | | | | | | | |
.__________________________________________________________________________
____________________________.
| |
|___________________________|
| |Դրամա-|Ժամանա-|Մայ- |
|______|կան |կավոր |րու- |
|Տույժ |օգնու-|անաշխա-|թյան |
|աշխա- |թյուն |տունա- |նպաստ|
|տավար-| |կության| |
|ձի | |նպաստ | |
|ժամ- | | | |
|կե- | | | |
|տանց | | | |
|վճար- | | | |
|ման | | | |
|համար | | | |
|______|______|_______|_____|
|26 |27 |28 |29 |
|______|______|_______|_____|
| | | | |
____________________________.
(1-ին ձևը խմբ. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
Ձև N 2
ՏԵՂԵԿԱՏՎՈՒԹՅՈՒՆ ՊԵՏԱԿԱՆ ԾԱՌԱՅՈՂՆԵՐԻ ՇԱՐԺԻ ԵՎ ՀՈՍՈՒՆՈՒԹՅԱՆ, ԿՐԿՆՎՈՂ ԹԱՓՈՒՐ ԱՇԽԱՏԱՏԵՂԵՐԻ ՄԱՍԻՆ
(2-րդ ձևն ուժը կորցրել է 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
Ձև N 3
ՑԱՆԿ
ԱՇԽԱՏԱՎԱՐՁԻ ԵՎ ՊԱՐԳԵՎԱՏՐՄԱՆ ՖՈՆԴԵՐԻՑ ՎՃԱՐՎՈՂ ՎԱՐՁԱՏՐՈՒԹՅԱՆ ՏԵՍԱԿՆԵՐԻ ՊԱՅՄԱՆԱՆԻՇԵՐԻ
1. 0 Աշխատավարձ
2. 01 Հիմնական աշխատավարձ (պաշտոնային դրույքաչափ)
3. 02 Լրացուցիչ աշխատավարձ
4. 21 Հավելավճար
5. 211 Դասային աստիճանի համար
6. 212 Դիվանագիտական աստիճանի համար
7. 213 Կոչման համար
8. 214 Օտար լեզուների իմացության համար
9. 215 Աշխատանքային և (կամ) ծառայության ստաժի համար
10. 216 Ատեստավորման արդյունքներով որակավորման համար
11. 217 Կատարողականի հիման վրա
12. 218 Սահմանադրական դատարանի դատավորի պաշտոն զբաղեցնելու համար
13. 22 Հավելում
14. 221 Առողջության համար ծանր, վնասակար աշխատանքներ կատարելու համար
15. 222 Առանձնապես ծանր, առանձնապես վնասակար աշխատանքներ կատարելու համար
16. 223 Բարձրլեռնային վայրերում աշխատելու համար
17. 224 Ծառայության առանձնահատկություններով պայմանավորված
18. 225 Արտաժամյա, գիշերային, հանգստյան և օրենքով սահմանված ոչ աշխատանքային` տոնական և հիշատակի օրերի աշխատանքի համար
19. 226 Առանձնակի ռիսկայնության, ինչպես նաև հատուկ մասնագիտացման առանձնահատկություններով պայմանավորված
20. 227 Վճռաբեկ դատարանի դատավորի պաշտոն զբաղեցնելու համար
21. 228 Բարձրագույն դատական խորհրդի անդամի պաշտոն զբաղեցնելու համար
22. 229 Վերաքննիչ քրեական դատարանի, վերաքննիչ քաղաքացիական դատարանի, վերաքննիչ վարչական դատարանի դատավորի պաշտոն զբաղեցնելու համար
23. 230 Առաջին ատյանի ընդհանուր իրավասության դատարանի դատավորի պաշտոն զբաղեցնելու համար
24. 231 Սնանկության դատարանի դատավորի պաշտոն զբաղեցնելու համար
25. 232 Վարչական դատարանի դատավորի պաշտոն զբաղեցնելու համար
26. 233 Պետական և ծառայողական գաղտնիք պարունակող տեղեկությունների հետ առնչվելու համար
27. 03 Լրավճար
28. 04 Պարգևատրում
29. 41 Կատարողականի կամ հաշվետվության հիման վրա
30. 42 Աշխատավարձի ֆոնդի տնտեսված միջոցներից
31. 43 Օրենքով չարգելված այլ աղբյուրներից
32. 44 Աշխատանքների փորձարարական կազմակերպման համար օպտիմալացված միջոցներից
33. 1 ԱՅԼ ՎՃԱՐՆԵՐ
34. 05 Արձակուրդային վճար
35. 51 Ամենամյա արձակուրդի համար
36. 52 Լրացուցիչ միանվագ արձակուրդային վճար
37. 53 ՈՒսումնական արձակուրդի համար
38. 54 Պետական կամ հասարակական պարտականությունների կատարման համար տրամադրվող արձակուրդի համար
39. 55 Հայրության արձակուրդի համար
40. 06 Վերջնահաշվարկ
41. 61 Չօգտագործած արձակուրդի հատուցում
42. 07 Արձակման նպաստ
43. 08 Կադրերի ռեզերվում գտնվելու ընթացքում վարձատրություն
44. 09 Հատուցում
45. 91 Հարկադիր պարապուրդի համար
46. 92 Մեղադրյալի կարգավիճակ ունեցողին
47. 93 Դատական կարգով արդարացվածին
48. 10 Տույժ աշխատավարձի ժամկետանց վճարման համար
49. 11 Դրամական օգնություն
50. 12 Ժամանակավոր անաշխատունակության նպաստ
51. 13 Մայրության նպաստ
(3-րդ ձևը լրաց. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)
Հավելված N 3
ՀՀ կառավարության
2014 թվականի դեկտեմբերի 18-ի
N 1420-Ն որոշման
ԿԱՐԳ
ՊԵՏԱԿԱՆ ՄԱՐՄԻՆՆԵՐԻՆ ՀԱՏԿԱՑՎԱԾ ԱՇԽԱՏԱՎԱՐՁԻ, ՊԱՐԳԵՎԱՏՐՄԱՆ ՖՈՆԴԵՐԻ ՎԵՐԼՈՒԾՈՒԹՅԱՆ
1. Պետական մարմինների` մարդկային ռեսուրսների պահպանման ծախսերի արդյունավետությունը գնահատելու և դրա հիման վրա վարձատրության քաղաքականության բարելավման միջոցառումներ մշակելու նպատակով պետական մարմիններում վարձատրության քաղաքականությունը մշակող լիազոր մարմինը (այսուհետ` լիազոր մարմին) յուրաքանչյուր տարի իրականացնում է պետական մարմիններին հատկացված աշխատավարձի, պարգևատրման ֆոնդերի վերլուծություն:
2. Պետական մարմիններին հատկացված աշխատավարձի, պարգևատրման ֆոնդերի վերլուծությունը ֆինանսների ոլորտում Հայաստանի Հանրապետության կառավարության լիազոր մարմինը կիրառում է պետական մարմինների աշխատավարձի ծախսերի պլանավորման և վերահսկողության նպատակով:
3. Հայաստանի Հանրապետության կառավարության 2014 թվականի դեկտեմբերի 18-ի N 1420-Ն որոշման 2-րդ կետով սահմանված կարգով տրամադրված տեղեկատվության վերլուծության արդյունքում լիազոր մարմինը հաշվարկում և (կամ) գնահատում է պետական պաշտոն և պետական ծառայության պաշտոն զբաղեցնող անձանց, «Հանրային ծառայության մասին» Հայաստանի Հանրապետության օրենքով սահմանված փորձագետներին, քաղաքացիական աշխատանք կատարող և տեխնիկական սպասարկում իրականացնող անձանց աշխատավարձի, պարգևատրման ֆոնդերից տրված վարձատրությունը` ըստ հետևյալ տեսակների.
1) հիմնական և լրացուցիչ աշխատավարձի վճարմանն ուղղված միջոցներ, որից`
ա. աշխատավարձի ֆոնդից հիմնական աշխատավարձի (պաշտոնային դրույքաչափի) վճարմանն ուղղված միջոցների չափը,
բ. աշխատավարձի ֆոնդից լրացուցիչ աշխատավարձի վճարմանն ուղղված ընդհանուր միջոցների չափը, ըստ լրացուցիչ աշխատավարձի տեսակների.
2) պարգևատրմանն ուղղված միջոցների չափը, որից`
ա. աշխատավարձի ֆոնդի տնտեսված միջոցներից պարգևատրմանն ուղղված միջոցների ընդհանուր չափը, պարգևատրում ստացած աշխատողների թիվը` ըստ պաշտոնների տեսակների, պարգևատրման միջին չափը,
բ. կատարողականի կամ հաշվետվության հիման վրա պարգևատրմանն ուղղված միջոցների ընդհանուր չափը և պարգևատրված պետական ծառայողների թիվը,
գ. օրենքով չարգելված այլ աղբյուրներից պարգևատրմանն ուղղված միջոցների չափը, պարգևատրում ստացած անձանց թիվը և պարգևատրման միջին չափը,
դ. աշխատանքների փորձարարական կազմակերպման համար օպտիմալացված միջոցներից պարգևատրմանն ուղղված միջոցների չափը, պարգևատրում ստացած քաղաքացիական ծառայողների թիվը և պարգևատրման միջին չափը.
3) արձակուրդների վճարմանն ուղղված միջոցների չափը, որից`
ա. ամենամյա արձակուրդի վճարմանն ուղղված միջոցների չափը,
բ. լրացուցիչ միանվագ արձակուրդային վճարին ուղղված միջոցների չափը,
գ. ուսումնական արձակուրդի վճարմանն ուղղված միջոցների չափը,
դ. պետական կամ հասարակական պարտականությունների կատարման համար տրամադրվող արձակուրդի վճարմանն ուղղված միջոցների չափը և այդ արձակուրդից օգտված անձանց թիվը,
ե. հայրության արձակուրդի վճարմանն ուղղված միջոցների չափը և այդ արձակուրդից օգտված անձանց թիվը.
4) վերջնահաշվարկին ուղղված միջոցների չափը, որից`
ա. չօգտագործած արձակուրդի հատուցման վճարմանն ուղղված միջոցների չափը և հատուցում ստացած անձանց թիվը,
բ. արձակման նպաստի վճարմանն ուղղված միջոցների չափը և արձակման նպաստ ստացած անձանց թիվը.
5) կադրերի ռեզերվում գտնվելու ընթացքում պետական ծառայողների վարձատրությանն ուղղված միջոցների չափը և այդ անձանց թիվը.
6) այլ հատուցումների վճարմանն ուղղված միջոցների չափը, որից`
ա. հարկադիր պարապուրդի համար հատուցմանն ուղղված միջոցների չափը և այդ անձանց թիվը,
բ. մեղադրյալի կարգավիճակ ունեցողին տրվող հատուցումների վճարմանն ուղղված միջոցների չափը և այդ անձանց թիվը,
գ. դատական կարգով արդարացվածին կամ ռեաբիլիտացնող այլ հիմքով տրվող հատուցումների վճարմանն ուղղված միջոցների չափը և այդ անձանց թիվը.
7) սոցիալական այլ երաշխիքների վճարմանն ուղղված միջոցները, որից`
ա. դրամական օգնությունների վճարմանն ուղղված միջոցների չափը և դրամական օգնություն ստացած անձանց թիվը,
բ. ժամանակավոր անաշխատունակության նպաստի վճարմանն ուղղված միջոցների չափը և ժամանակավոր անաշխատունակության նպաստ ստացած անձանց թիվը,
գ. մայրության նպաստի վճարմանն ուղղված միջոցների չափը և մայրության նպաստ ստացած անձանց թիվը:
4. Սույն կարգի 3-րդ կետով սահմանված ցուցանիշների վերաբերյալ ամփոփ գնահատումները լիազոր մարմինը ներկայացնում է ըստ յուրաքանչյուր պետական մարմնի, ըստ պետական ծառայության ամբողջ համակարգի և պետական ծառայության առանձին տեսակների Հայաստանի Հանրապետության կառավարության 2014 թվականի դեկտեմբերի 18-ի N 1420-Ն որոշման N 1 հավելվածով նախատեսված զեկույցում:
5. Սույն կարգի 3-րդ կետի 1-ին ենթակետի «ա» և «բ», 2-րդ ենթակետի «ա» և «գ», 3-րդ ենթակետի «ա», «գ», «դ», «ե» պարբերություններով, 4-րդ և 6-րդ ենթակետերով, 7-րդ ենթակետի «բ» և «գ» պարբերություններով սահմանված ցուցանիշները լիազոր մարմինը հաշվարկում և գնահատում է պետական պաշտոն և պետական ծառայության պաշտոն զբաղեցնող անձանց, «Հանրային ծառայության մասին» Հայաստանի Հանրապետության օրենքով սահմանված փորձագետների, քաղաքացիական աշխատանք կատարող և տեխնիկական սպասարկում իրականացնող անձանց համար ըստ պաշտոնների և զբաղմունքների տեսակի:
(3-րդ հավելվածը լրաց. 16.01.2025 թիվ 47-Ն /գործողությունը տարածվում է 2025 թվականի հունվարի 1-ից հետո ծագած հարաբերությունների վրա / որոշում)