(ուժը կորցրել է 13.04.11 թիվ 169-Ն որոշում)
i
600.0211.130510
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«13» 05 2010 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60010191
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ
ՈՐՈՇՈՒՄ
28 ապրիլի 2010 թվականի N 211-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2006 ԹՎԱԿԱՆԻ ՄԱՐՏԻ 7-Ի N 28-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Էլեկտրոնային հաղորդակցության մասին» Հայաստանի Հանրապետության օրենքի 5-րդ հոդվածի 1-ին մասի 1-ին կետի դ) ենթակետը, 2-րդ կետի բ) ենթակետը, 6-րդ հոդվածի 1-ին մասը, 2-րդ մասի 1-ին կետը, 17-րդ հոդվածի 5-րդ մասը և «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասը` Հայաստանի Հանրապետության հանրային ծառայությունները կարգավորող հանձնաժողովը որոշում է.
1. Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի «Ռադիոհաճախականությունների օգտագործման թույլտվությունների տրամադրման կարգը հաստատելու մասին» N 28-Ն որոշման 1-ին կետով հաստատված հավելվածում` «Ռադիոհաճախականությունների օգտագործման թույլտվությունների տրամադրման կարգում» (այսուհետ` Կարգ), կատարել հետևյալ լրացումները և փոփոխությունները.
1) Կարգի 1.3 կետը լրացնել հետևյալ բովանդակությամբ ժե) ենթակետով.
i
«ժե) երկրի մակերևույթից 3000 մետրից բարձր թռիչքի ժամանակ օդանավերում`
ա. 125 - 135 կՀց ռադիոհաճախականության շերտերում աշխատող, մինչև 10 մՎտ համարժեք - իզոտրոպ հզորությամբ անվադողերը վերահսկող անլար կապի սարքավորումների օգտագործման համար,
բ. 5150 - 5350 ՄՀց, 5470 - 5725 ՄՀց, 5725 - 5825 ՄՀց ռադիոհաճախականությունների շերտերում աշխատող, <- 100="" մվտ="" համարժեք="" -="" իզոտրոպ="" հզորությամբ="" ներսրահային="" անլար="" ցանցերի="" օգտագործման="">
գ. 10,7 - 12,75 ԳՀց, 14,0 - 14,5 ԳՀց ռադիոհաճախականությունների շերտերում աշխատող, ինքնաթիռ - արբանյակ կապուղու կազմակերպման նպատակով արբանյակային կապի երկրային կայանների (Հայաստանի Հանրապետության տարածքում Թույլտվություն ունեցող անձանց ռադիոսարքավորումներում խանգարումներ չառաջացնելու պայմանով) օգտագործման համար,
դ. 1710-1785/1805-1880 ՄՀց ռադիոհաճախականությունների շերտերում աշխատող ներսրահային բջջային հեռախոսակապի (Հայաստանի Հանրապետության տարածքում Թույլտվություն ունեցող անձանց ռադիոսարքավորումներում խանգարումներ չառաջացնելու պայմանով, Հայաստանի Հանրապետության շարժական կապի օպերատորների հետ ռոումինգային համաձայնագրի առկայության դեպքում) օգտագործման համար:».
2) Կարգը լրացնել հետևյալ բովանդակությամբ 1.4 կետով.
i
«1.4 Սույն կարգի 1.3 կետի ե) - ժգ) ենթակետերում և ժե) ենթակետի բ. պարբերությունում նշված փոքր շառավղով անլար կապի համակարգերն օգտագործվում են Հեռահաղորդակցության միջազգային միության ITՍ-R SM.1538-2 ուղեցույցի համաձայն, Հայաստանի Հանրապետության տարածքում Թույլտվություն ունեցող անձանց ռադիոսարքավորումներում խանգարումներ չառաջացնելու և այդ ռադիոսարքավորումներից առաջացող խանգարումներից պաշտպանություն չպահանջելու պայմանով:».
i
3) Կարգի 2.4 կետից հանել «կամ Թույլտվության կորստի դեպքում Թույլտվության կրկնօրինակն ստանալու» բառերը.
4) Կարգի 3.1 կետից հանել «երկու օրինակից,» բառերը.
i
5) Կարգի N 8-րդ հավելվածի 2.4 կետը շարադրել նոր խմբագրությամբ.
i
«2.4 Անձին Թույլտվություն տրամադրելու մասին Հանձնաժողովի որոշումն ընդունելուց հետո 10 աշխատանքային օրվա ընթացքում Թույլտվություն ստացած Անձի կողմից Թույլտվության տրամադրման վճարի 99 տոկոսի չվճարման դեպքում Հանձնաժողովն իրավասու է ուժը կորցրած ճանաչել Թույլտվություն տրամադրելու մասին իր որոշումը:».
6) ուժը կորցրած ճանաչել Կարգի 8-րդ հավելվածի 2.5 կետը:
i
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: