050.0534.191006
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«19» 10 2006 Թ.
ՊԵՏԱԿԱՆ ԳՐԱՆՑՄԱՆ ԹԻՎ 05006348
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
12 սեպտեմբերի 2006 թվականի թիվ 534-Ն
i
«ԳՐԱՎԱՏՆԱՅԻՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԱՆՁԱՆՑ ԿՈՂՄԻՑ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ, ԴՐԱՆՑ ՁԵՎԵՐԸ ԵՎ ԼՐԱՑՄԱՆ ԿԱՐԳԸ» ՀԱՍՏԱՏԵԼՈՒ ՄԱՍԻՆ
Հիմք ընդունելով «Գրավատների և գրավատնային գործունեության մասին» Հայաստանի Հանրապետության օրենքի 15-րդ հոդվածի 2-րդ մասը և «Իրավական ակտերի մասին» Հայաստանի Հանրապետության օրենքի 16-րդ հոդվածը, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով` Հայաստանի Հանրապետության կենտրոնական բանկի խորհուրդը որոշում է.
1. Հաստատել «Գրավատնային գործունեություն իրականացնող անձանց կողմից ներկայացվող հաշվետվությունները, դրանց ձևերը և լրացման կարգը»` համաձայն հավելվածի (կցվում է):
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀՀ ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀԻ ԿՈՂՄԻՑ
2006 ԹՎԱԿԱՆԻ ՍԵՊՏԵՄԲԵՐԻ 15-ԻՆ
Հավելված
i
Հաստատված է
ՀՀ կենտրոնական բանկի խորհրդի
2006 թ-ի սեպտեմբերի 12-ի
թիվ 534-Ն որոշմամբ
ԳՐԱՎԱՏՆԱՅԻՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԱՆՁԱՆՑ ԿՈՂՄԻՑ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ, ԴՐԱՆՑ ՁԵՎԵՐԸ ԵՎ ԼՐԱՑՄԱՆ ԿԱՐԳԸ
ԳԼՈՒԽ I
ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգը սահմանում է Հայաստանի Հանրապետության տարածքում գործող գրավատների կողմից Հայաստանի Հանրապետության կենտրոնական բանկ (այսուհետ` Կենտրոնական բանկ) ներկայացվող հաշվետվությունների ձևերը և դրանց լրացման կարգը:
ԳԼՈՒԽ II
ԳՐԱՎԱՏՆԵՐԻ ԿՈՂՄԻՑ ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ
2. Գրավատները Կենտրոնական բանկ են ներկայացնում հաշվետվությունների հետևյալ ձևերը` նշված պարբերականությամբ.
.__________________________________________________________________.
| |Հաշվետվության անվանումը |Հաշվետվու-|Ներկայացման |
| | |թյան |հաճախակա- |
| | |համարը |նությունը |
|__|_______________________________________|__________|____________|
|1 |Վարկային միջոցների ընդհանուր ծավալի, | 1 |ամսական |
| |տեղաբաշխված վարկերի, գրավի առարկաների | | |
| |և ի պահ ընդունված գույքի գնահատված | | |
| |արժեքի, ներգրավված միջոցների` | | |
| |յուրաքանչյուր օրվա վերջի դրությամբ | | |
| |մնացորդի վերաբերյալ | | |
|__|_______________________________________|__________|____________|
|2 |Տեղաբաշխված վարկերի և այլ ակտիվների, | 2 |եռամսյակային|
| |սեփական ու ներգրավված միջոցների և | | |
| |այլ պարտավորությունների, ինչպես նաև | | |
| |գրավի առարկաների վերաբերյալ | | |
.__________________________________________________________________.
ԳԼՈՒԽ III
ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ ԵՎ ՆԵՐԿԱՅԱՑՄԱՆ ԿԱՐԳԸ
3. Գրավատնային գործունեություն իրականացնող անձինք սույն կարգով սահմանված հաշվետվությունները Կենտրոնական բանկ են ներկայացնում էլեկտրոնային տարբերակով` Կենտրոնական բանկի կողմից ուղարկված պաշտպանված ֆայլերով, որոնք փոփոխելն արգելվում է, ընդ որում` Կենտրոնական բանկի կողմից ուղարկված պաշտպանված ֆայլերը պետք է վավերացված լինեն Կենտրոնական բանկի կողմից տրամադրված գրավատան էլեկտրոնային թվային ստորագրությամբ: Հաշվետվությունների էլեկտրոնային տարբերակները ներկայացվում են Կենտրոնական բանկ ինտերնետով` հաշվետվությունների ընդունման համակարգով: Այդ համակարգի խափանման դեպքում հաշվետվությունները ներկայացվում են մագնիսական կամ էլեկտրոնային կրիչներով` կից ներկայացնելով խափանման վերաբերյալ գրություն: Սույն կետում նշվածից բացի այլ կերպ ներկայացված հաշվետվությունը համարվում է չընդունված:
Հաշվետվություններում նշվում են հաշվետու ժամանակաշրջանի վերջին օրվա ամսաթվերը (օրինակ` ամսական և եռամսյակային հաշվետվություններում նշվում է ամսվա վերջին օրվա ամսաթիվը): Ամսաթիվը նշվում է հետևյալ ֆորմատով` օր/ամիս/տարի (օրինակ` 31/01/2006): Եթե հաշվետու ժամանակաշրջանի վերջին օրը համընկնում է գրավատան ոչ աշխատանքային օրվա հետ, ապա հաշվետվությունների կազմման համար հիմք են ընդունվում այդ օրվան նախորդող վերջին աշխատանքային օրվա տվյալները:
Հաշվետվությունների մեջ դրամական միավորները արտահայտվում են հազար դրամով:
Սույն կետով սահմանված պահանջներին համապատասխան` Կենտրոնական բանկի կողմից ընդունված հաշվետվությունները հանդիսանում են Հայաստանի Հանրապետության քաղաքացիական դատավարության օրենսգրքի 54-րդ հոդվածով սահմանված գրավոր ապացույցներ:
4. Հաշվետվությունը համարվում է ներկայացված և ընդունված, եթե հաշվետվությունների էլեկտրոնային տարբերակները հնարավոր է ընթերցել էլեկտրոնային ֆորմատով, և նրանք չունեն ծրագրային կամ տեխնիկական թերություններ: Սույն կետի պահանջը չի տարածվում գրավատների վրա, եթե հաշվետվության էլեկտրոնային տարբերակի ծրագրային կամ այլ տեխնիկական թերությունն առկա է Կենտրոնական բանկի կողմից տրամադրված ֆայլերում: «Գրավատների և գրավատնային գործունեության մասին» Հայաստանի Հանրապետության օրենքի 15-րդ հոդվածով սահմանված ժամկետներից հետո ներկայացվող ճշգրտված հաշվետվությունները ներկայացվում են էլեկտրոնային տարբերակով` զուգահեռաբար հաշվետվությունների փոփոխման (ճշգրտման) վերաբերյալ գրավոր տեղեկացնելով Կենտրոնական բանկի նախագահին: Ճշգրտված հաշվետվության էլեկտրոնային տարբերակների և գրավոր տեղեկանքի առկայության դեպքում միայն փոփոխված հաշվետվությունները համարվում են Կենտրոնական բանկ ներկայացված:
5. Կենտրոնական բանկի գրավատների վերահսկողության համար պատասխանատու ստորաբաժանման համապատասխան վերահսկողը հաշվետվությունների պարզաբանման և մեկնաբանման կարիք ունեցող կետերի վերաբերյալ, ինչպես նաև առանձին վերլուծական նպատակներից ելնելով` ծանուցման միջոցով գրավատներից կարող է պահանջել լրացուցիչ տեղեկություններ և պարզաբանումներ:
Հաշվի առնելով գրավատան գտնվելու վայրը` գրավատանը ծանուցումը կարող է տրվել նաև հեռախոսի (հեռախոսագրի) միջոցով:
Գրավատունը պարտավոր է ծանուցումը ստանալուց հետո ոչ ուշ, քան մեկ օրվա ընթացքում (եթե ծանուցման մեջ այլ ժամկետ նշված չէ) ծանուցմամբ պահանջվող պարզաբանումները և (կամ) այլ տեղեկատվությունը ներկայացնել Կենտրոնական բանկ:
6. Հաշվետվությունները մագնիսական կրիչներով կամ էլեկտրոնային փոստով ներկայացնելիս ֆայլերը կոդավորվում են:
Ֆայլի կոդն ունի հետևյալ կառուցվածքը.
.______________________________________________________.
|Գրավատնային |գծիկ|հաշվետվության|կետ|հապավումը|
|գործունեություն | |համարը | | |
|իրականացնող անձի կոդը| | | | |
.______________________________________________________.
| | | | |
\|/ \|/ \|/ \|/ \|/
.__________________________________________.
|XXXXX-XX |- |XX |. |xls |
.__________________________________________.
Կոդավորման նշված կարգի պահպանումը պարտադիր է:
7. Ձև թիվ 1 հաշվետվությունը լրացվում է հետևյալ կերպ` համաձայն սույն կարգի Հավելված 1-ի.
Հաշվետվությունը կազմվում է օրվա վերջի դրությամբ գրավատանն առկա տվյալների համաձայն:
1-ին սյունակում լրացված է ամսվա հերթական օրը:
2-րդ սյունակում լրացվում է գրավատան տրամադրած վարկերի դիմաց ընդունված գրավի առարկաների գնահատված արժեքի մնացորդը` օրվա վերջի դրությամբ (Գր.օր.մն.) (այդ թվում` նաև իրացման ենթակա գրավի առարկաների արժեքը), որը հաշվարկվում է հետևյալ բանաձևով`
Գր.օր.մն.=Գր.նախ.օր.մն.+Գր.ստ.օր-Գր.վեր.օր.,
որտեղ`
Գր.նախ.օր.մն.-ը գրավատան կողմից տրամադրված վարկերի դիմաց ընդունված գրավի առարկաների մնացորդն է` նախորդ օրվա վերջի դրությամբ:
Գր.ստ.օր.-ը գրավատան կողմից տվյալ օրվա ընթացքում տրամադրված վարկերի դիմաց ընդունված գրավի առարկաների գնահատված արժեքն է:
Գր.վեր.օր.-ը գրավատան կողմից տվյալ օրվա ընթացքում մարված վարկերի դիմաց վերադարձված գրավի առարկաների և տվյալ օրվա ընթացքում վաճառված գրավի արժեքների հանրագումարն է:
3-րդ սյունակում լրացվում է գրավատան կողմից տրամադրված վարկերի մնացորդը` տվյալ օրվա վերջի դրությամբ (Վրկ.օր.մն.), որը հաշվարկվում է հետևյալ բանաձևով`
Վրկ.օր.մն. = Վրկ.նախ.օր.մն. + Վրկ.օր.տր- Վրկ.օր.մար.,
որտեղ`
Վրկ.նախ.օր.մն.-ը գրավատան կողմից տրամադրված ընդհանուր վարկերի մնացորդն է` նախորդ օրվա վերջի դրությամբ:
Վրկ.օր.տր.-ը գրավատան կողմից տվյալ օրվա ընթացքում տրամադրված վարկերի հանրագումարի չափն է:
Վրկ.օր.մար.-ը գրավատան կողմից տվյալ օրվա ընթացքում կատարված վարկերի մարումների (ներառյալ` գրավի իրացման ճանապարհով մարված վարկերի, ինչպես նաև գրավատան կողմից ներված կամ զիջված վարկերի) հանրագումարն է:
4-րդ սյունակում լրացվում է գրավատան կողմից ի պահ ընդունված արժեքների մնացորդը` օրվա վերջի դրությամբ (Պ.օր.մն.) (այդ թվում` նաև իրացման ենթակա ի պահ ընդունված արժեքները), որը հաշվարկվում է հետևյալ բանաձևով`
Պ.օր.մն. = Պ.նախ.օր.մն. + Պ.ստ.օր - Պ.վեր.օր.,
որտեղ`
Պ.նախ.օր.մն.-ը գրավատան կողմից ի պահ ընդունված արժեքների մնացորդն է` նախորդ օրվա վերջի դրությամբ:
Պ.ստ.օր.-ը գրավատան կողմից տվյալ օրվա ընթացքում ի պահ ընդունված առարկաների արժեքն է:
Պ.վեր.օր.-ը գրավատան կողմից տվյալ օրվա ընթացքում վերադարձված և վաճառված ի պահ ընդունված արժեքների հանրագումարն է:
5-րդ սյունակում լրացվում է գրավատան կողմից գրավ ընդունված գույքի և ի պահ ընդունված գույքի ապահովագրական գումարի չափը` տվյալ օրվա վերջի դրությամբ (բացառությամբ` բեռնափոխադրումների ապահովագրության գումարի):
6-րդ սյունակում լրացվում է գրավատան դրամական միջոցների ընդհանուր գումարը` տվյալ օրվա վերջի դրությամբ, որը գրավատան կանխիկ դրամական միջոցների և բանկային հաշիվների հանրագումարն է:
7-րդ սյունակում լրացվում է գրավատան կողմից ներգրավված դրամական միջոցների ընդհանուր գումարը` տվյալ օրվա վերջի դրությամբ:
Եթե գրավատունը միջոցներ է ներգրավել արտարժույթով, ապա հաշվետվությունում ներգրավված միջոցներն արտացոլվում են Հայաստանի Հանրապետության դրամով` հաշվարկված տվյալ օրվա դրությամբ Կենտրոնական բանկի հայտարարած համապատասխան արտարժույթի փոխարժեքով:
Եթե գրավատան կողմից վարկառուի պարտավորությունները չկատարելու դեպքում գրավադրված (պահատվության հանձնված) իրացման ենթակա գույքի վաճառքի ամսաթիվը համընկնում է ոչ աշխատանքային օրվա հետ, գրավատունը 2-րդ, 3-րդ, 4-րդ, 5-րդ և 6-րդ սյունակներում փոփոխությունն իրականացնում է գրավադրված (պահատվության հանձնված) գույքը սահմանված կարգով իրացնելու դեպքում գույքի իրացումից (վաճառքից) գոյացած և գրավատան օգտին գանձման ենթակա գումարները գրավատան դրամարկղ մուտքագրելու ամսաթվին:
8. Ձև թիվ 2 հաշվետվությունը բաղկացած է երկու էջից (ֆայլով` երկու շիթից), որոնք լրացվում են հետևյալ կերպ` համաձայն սույն կարգի Հավելված 2-ի.
Հաշվետվության առաջին էջի աղյուսակը կազմվում է հաշվետու և նախորդ եռամսյակի վերջին օրվա դրությամբ` գրավատանն առկա տվյալների համաձայն:
Առաջին էջի աղյուսակի 3-րդ և 4-րդ սյունակների.
1-ին տողում լրացվում է 2, 3, 4, 5, 6 տողերի հանրագումարը:
2-րդ տողում լրացվում են հաշվետու ժամանակաշրջանի վերջին օրվա դրությամբ գրավատան կողմից տրամադրված գործող վարկերի մնացորդները (գործող են համարվում այն վարկերը, որոնք մարված չեն, և որոնց ապահովվածություն հանդիսացող գրավը իրացված չէ):
2.1 տողում լրացվում են բոլոր երկարաձգված վարկերը, որոնք գործել են հաշվետու ժամանակաշրջանի վերջին օրվա դրությամբ (երկարաձգված են համարվում այն վարկերը, որոնց գծով իրականացվող մարումների ժամկետները երկարաձգվել են): Ընդ որում` երկարաձգված վարկը ժամկետանց դառնալու դեպքում, վարկի գումարը արտացոլվում է միայն 2.2 տողում:
2.2 տողում լրացվում է գրավատան ժամկետանց վարկերի ընդհանուր գումարը (ժամկետանց են համարվում այն վարկերը, որոնք պայմանագրով սահմանված ժամկետում չեն մարվել կամ երկարաձգվել):
3-րդ տողում լրացվում են գրավատան կողմից տրամադրված վարկերի դիմաց հաշվետու ժամանակաշրջանի վերջին օրվա դրությամբ հաշվեգրված և դեռևս չստացված տոկոսները:
3.1 տողում լրացվում են գրավատան կողմից հաշվետու ժամանակաշրջանի ընթացքում տրամադրված վարկերի դիմաց հաշվեգրված և չստացված տոկոսները:
4-րդ տողում լրացվում է հաշվետու ժամանակաշրջանի վերջին օրվա դրությամբ գրավատան դրամարկղի մնացորդը:
5-րդ տողում լրացվում են հաշվետու ժամանակաշրջանի վերջին օրվա դրությամբ գրավատան բանկային հաշիվներում առկա դրամական միջոցների մնացորդները:
6-րդ տողում լրացվում է գրավատան բոլոր այն ակտիվների գումարը, որոնք չեն ընդգրկվել 2, 2.1, 2.2, 3, 3.1, 4, 5 տողերում:
7-րդ տողում լրացվում է գրավատան և քաղաքացիների միջև կնքված հաշվետու ժամանակաշրջանի վերջին օրվա դրությամբ գործող վարկային պայմանագրերի թիվը (այդ թվում` նաև ժամկետանց պայմանագրերը):
7.1 տողում լրացվում է գրավատան և քաղաքացիների միջև կնքված երկարաձգված վարկային պայմանագրերի թիվը հաշվետու ժամանակաշրջանի վերջին օրվա դրությամբ: Ընդ որում` այն վարկային պայմանագրերը, որոնք երկարաձգվելուց հետո դառնում են ժամկետանց, արտացոլվում են միայն 7.2 տողում:
7.2 տողում լրացվում է գրավատան և քաղաքացիների միջև կնքված ժամկետանց վարկային պայմանագրերի թիվը հաշվետու ժամանակաշրջանի վերջին օրվա դրությամբ:
8-րդ տողում լրացվում է 9, 10, 11 տողերի հանրագումարը:
9-րդ տողում լրացվում են 9.1, 9.2 և 9.3 տողերի հանրագումարը:
9.1 տողում լրացվում է բանկերից և վարկային կազմակերպություններից ներգրավված միջոցների մնացորդները` հաշվետու ժամանակաշրջանի վերջին օրվա դրությամբ:
9.2 տողում լրացվում է գրավատան մասնակիցներից ներգրավված միջոցների մնացորդները` հաշվետու ժամանակաշրջանի վերջին օրվա դրությամբ:
9.3 տողում լրացվում է այլ կազմակերպություններից ներգրավված միջոցների մնացորդները` հաշվետու ժամանակաշրջանի վերջին օրվա դրությամբ:
Եթե գրավատունը միջոցներ է ներգրավել արտարժույթով, ապա հաշվետվությունում ներգրավված միջոցներն արտացոլվում են Հայաստանի Հանրապետության դրամով` հաշվարկված հաշվետու ժամանակաշրջանի վերջին օրվա դրությամբ Կենտրոնական բանկի հայտարարած համապատասխան արտարժույթի փոխարժեքով:
10-րդ տողում լրացվում են գրավատան կողմից ներգրավված միջոցների դիմաց հաշվետու ժամանակաշրջանի վերջին օրվա դրությամբ հաշվեգրված և դեռևս չվճարված տոկոսները:
10.1 տողում լրացվում են գրավատան կողմից հաշվետու ժամանակաշրջանի ընթացքում ներգրավված միջոցների դիմաց հաշվեգրված և դեռևս չվճարված տոկոսները:
11-րդ տողում լրացվում են գրավատան այն պարտավորությունները, որոնք չեն ընդգրկվել 9-րդ և 10-րդ տողերում:
12-րդ տողում լրացվում է 12.1, 12.2, 12.3, 12.4 տողերի հանրագումարը:
12.1 տողում լրացվում է գրավատան կանոնադրական կապիտալի մեծությունը` հաշվետու ժամանակաշրջանի վերջին օրվա դրությամբ:
12.2 տողում լրացվում է գրավատան շահույթը (վնասը)` հաշվետու ժամանակաշրջանի վերջին օրվա դրությամբ: Լրացվում է աճողական կարգով` ֆինանսական տարվա սկզբից:
12.2.1 տողում լրացվում է գրավատան` հաշվետու ժամանակաշրջանի ընթացքում ստացված շահույթը:
12.3 տողում լրացվում է գրավատան գլխավոր պահուստ մեծությունը` հաշվետու ժամանակաշրջանի վերջին օրվա դրությամբ:
12.4 տողում լրացվում են սեփական կապիտալի այլ (որոնք չեն ընդգրկվել 12.1, 12.2, 12.3 տողերի մեջ) տարրերը` հաշվետու ժամանակաշրջանի վերջին օրվա դրությամբ:
13-րդ տողում լրացվում է գրավատան կողմից տրամադրված վարկերի դիմաց ընդունված գրավի առարկաների գնահատված ընդհանուր արժեքը (բացառությամբ իրացման ենթակա գրավի արժեքի)` հաշվետու ժամանակաշրջանի վերջին օրվա դրությամբ, որը ներառում է` ոսկերչական իրերի (13.1 տող), փոխադրամիջոցների (13.2 տող), կենցաղային տեխնիկայի (13.3 տող) և այլ շարժական գույքի (13.4 տող) արժեքների հանրագումարը:
14-րդ տողում լրացվում է գրավատան կողմից ի պահ ընդունված գույքի ընդհանուր արժեքը` հաշվետու ժամանակաշրջանի վերջին օրվա դրությամբ (բացառությամբ իրացման ենթակա ի պահ ընդունված գույքի ընդհանուր արժեքի), որը ներառում է` ոսկերչական իրերի (14.1 տող), փոխադրամիջոցների (14.2 տող), կենցաղային տեխնիկայի (14.3 տող) և այլ շարժական գույքի (14.4 տող) արժեքների հանրագումարը:
15-րդ տողում լրացվում է գրավատան իրացման ենթակա գրավի առարկաների գնահատված ընդհանուր արժեքը` հաշվետու ժամանակաշրջանի վերջին օրվա դրությամբ, որը ներառում է` ոսկերչական իրերի (15.1 տող), փոխադրամիջոցների (15.2 տող), կենցաղային տեխնիկայի (15.3 տող) և այլ շարժական գույքի (15.4 տողի 4-րդ սյունակ) արժեքների հանրագումարը:
16-րդ տողում լրացվում է գրավատան իրացման ենթակա ի պահ ընդունված գույքի ընդհանուր արժեքը` հաշվետու ժամանակաշրջանի վերջին օրվա դրությամբ, որը ներառում է` ոսկերչական իրերի (16.1 տող), փոխադրամիջոցների (16.2 տող), կենցաղային տեխնիկայի (16.3 տող) և այլ շարժական գույքի (16.4 տող) արժեքների հանրագումարը:
Սույն կարգի իմաստով իրացման ենթակա գրավ է համարվում գրավի այն առարկան, որի բռնագանձման մասին պարտապանը ծանուցվել է:
Հաշվետվության երկրորդ էջի աղյուսակը կազմվում է հաշվետու և նախորդ ժամանակաշրջանների դրությամբ գրավատանն առկա տվյալների համաձայն:
Երկրորդ էջի աղյուսակի 3-րդ և 4-րդ սյունակների.
1-ին տողում լրացվում է գրավատան կողմից մեկ վարկային պայմանագրով տրամադրված գործող վարկի առավելագույն գումարը հաշվետու ժամանակաշրջանի վերջին օրվա դրությամբ:
2-րդ տողում լրացվում է գրավատան կողմից մեկ վարկային պայմանագրով տրամադրված գործող վարկի նվազագույն գումարը հաշվետու ժամանակաշրջանի վերջին օրվա դրությամբ:
3-րդ տողում լրացվում է գրավատան կողմից տրամադրված գործող վարկերի առավելագույն տարեկան տոկոսադրույքը հաշվետու ժամանակաշրջանի վերջին օրվա դրությամբ:
4-րդ տողում լրացվում է գրավատան կողմից տրամադրված գործող վարկերի նվազագույն տարեկան տոկոսադրույքը հաշվետու ժամանակաշրջանի վերջին օրվա դրությամբ:
5-րդ տողում լրացվում է գրավատան կողմից տրամադրված գործող վարկերի առավելագույն պայմանագրային ժամկետը հաշվետու ժամանակաշրջանի վերջին օրվա դրությամբ` արտահայտված օրերով (եթե հաշվետու ժամանակաշրջանում տեղի է ունեցել վարկային պայմանագրերի երկարաձգում, որոնց երկարաձգման ժամկետներն ավելի երկար են, քան տվյալ պահին գործող առավելագույն ժամկետով պայմանագիրը, ապա լրացվում է երկարաձգված վարկի ժամկետը):
6-րդ տողում լրացվում է գրավատան կողմից տրամադրված գործող վարկերի նվազագույն պայմանագրային ժամկետը հաշվետու ժամանակաշրջանի վերջին օրվա դրությամբ` արտահայտված օրերով:
7-րդ տողում լրացվում է գրավատան կողմից գործող ներգրավված դրամական միջոցների, այդ թվում` վարկային գծի օգտագործված մասի առավելագույն տարեկան տոկոսադրույքը հաշվետու ժամանակաշրջանի վերջին օրվա դրությամբ:
8-րդ տողում լրացվում է գրավատան կողմից գործող ներգրավված դրամական միջոցների, այդ թվում` վարկային գծի օգտագործված մասի նվազագույն տարեկան տոկոսադրույքը հաշվետու ժամանակաշրջանի վերջին օրվա դրությամբ:
9-րդ տողում լրացվում է գրավատան կողմից գործող ներգրավված միջոցների, այդ թվում` վարկային գծի օգտագործված մասի առավելագույն ժամկետը հաշվետու ժամանակաշրջանի վերջին օրվա դրությամբ` արտահայտված օրերով: Եթե գրավատունը միջոցները ներգրավվել է անժամկետ, ապա հաշվետվությունում լրացվում է «անժամկետ» բառը:
10-րդ տողում լրացվում է գրավատան կողմից գործող ներգրավված միջոցների, այդ թվում` վարկային գծի օգտագործված մասի նվազագույն ժամկետը հաշվետու ժամանակաշրջանի վերջին օրվա դրությամբ` արտահայտված օրերով: Եթե գրավատունը միջոցները ներգրավվել է անժամկետ, ապա հաշվետվությունում լրացվում է «անժամկետ» բառը:
11-րդ տողում լրացվում է գրավատան կողմից հաշվետու ժամանակաշրջանի ընթացքում գրավի առարկաների իրացումից ստացված հասույթը, որը ներառում է` ոսկերչական իրերի (11.1 տող), փոխադրամիջոցների (11.2 տող), կենցաղային տեխնիկայի (11.3 տող) և այլ շարժական գույքի (11.4 տող) իրացումից ստացված հասույթների հանրագումարը:
12-րդ տողում լրացվում է գրավի առարկաների իրացումից ստացված հասույթի և վարկերի (ներառյալ` տոկոսագումարները և տույժերը) մարմանն ուղղված գումարների դրական կամ բացասական տարբերությունը:
13-րդ տողում լրացվում են գրավատան կողմից հաշվետու ժամանակաշրջանում վարկերի դիմաց փաստացի ստացված տոկոսները, որոնք մուտքագրվել են դրամարկղ կամ բանկային հաշվին:
14-րդ տողում լրացվում են գրավատան կողմից ներգրավված միջոցների, այդ թվում` վարկային գծի օգտագործված մասի դիմաց հաշվետու ժամանակաշրջանում փաստացի վճարված տոկոսները, որոնք ելքագրվել են դրամարկղից կամ բանկային հաշվից:
ՀԱՎԵԼՎԱԾ 1
«Գրավատնային գործունեություն
իրականացնող անձանց կողմից ներկայացվող
հաշվետվությունները, դրանց ձևերը և
լրացման կարգը»
Ձև թիվ 1
(ամսական)
ՀԱՇՎԵՏՎՈՒԹՅՈՒՆ ՎԱՐԿԱՅԻՆ ՄԻՋՈՑՆԵՐԻ ԸՆԴՀԱՆՈՒՐ ԾԱՎԱԼԻ, ՏԵՂԱԲԱՇԽՎԱԾ ՎԱՐԿԵՐԻ, ԳՐԱՎԻ ԱՌԱՐԿԱՆԵՐԻ ԵՎ Ի ՊԱՀ ԸՆԴՈՒՆՎԱԾ ԳՈՒՅՔԻ ԳՆԱՀԱՏՎԱԾ ԱՐԺԵՔԻ, ՆԵՐԳՐԱՎՎԱԾ ՄԻՋՈՑՆԵՐԻ` ՅՈՒՐԱՔԱՆՉՅՈՒՐ ՕՐՎԱ ՎԵՐՋԻ ԴՐՈՒԹՅԱՄԲ ՄՆԱՑՈՐԴԻ ՎԵՐԱԲԵՐՅԱԼ
Գրավատան անվանումը ________________________
Ամսաթիվը ________________թ.
հազար դրամ
.____________________________________________________________________.
|Հաշվետու|Գրավի |Տրամա- |Ի պահ |Ապահովա-|Դրամական |Ներգրավված|
|ամսվա |առարկա- |դրված |ընդունված|գրական |միջոցների|միջոցների |
|հերթական|ների |վարկերի |առարկա- |գումարի |ընդհանուր|ընդհանուր |
|օրը |գնահատված|ընդհանուր|ների |չափը |ծավալը |ծավալը |
| |արժեքը |գումարը |արժեքը | | | |
|________|_________|_________|_________|________|_________|__________|
| 1 |2 | 3 | 4 | 5 | 6 | 7 |
|________|_________|_________|_________|________|_________|__________|
|1. | | | | | | |
|________|_________|_________|_________|________|_________|__________|
|2. | | | | | | |
|________|_________|_________|_________|________|_________|__________|
|3. | | | | | | |
|________|_________|_________|_________|________|_________|__________|
|4. | | | | | | |
|________|_________|_________|_________|________|_________|__________|
|5. | | | | | | |
|________|_________|_________|_________|________|_________|__________|
|... | | | | | | |
|________|_________|_________|_________|________|_________|__________|
|31. | | | | | | |
.____________________________________________________________________.
Կ.Տ. Հանձնման ամսաթիվ ______________թ. Գրավատան տնօրեն _____________
Գլխավոր հաշվապահ _____________________
ՀԱՎԵԼՎԱԾ 2
«Գրավատնային գործունեություն
իրականացնող անձանց կողմից ներկայացվող
հաշվետվությունները, դրանց ձևերը և
լրացման կարգը»
Ձև թիվ 2
(եռամսյակային)
ՀԱՇՎԵՏՎՈՒԹՅՈՒՆ
ՏԵՂԱԲԱՇԽՎԱԾ ՎԱՐԿԵՐԻ ԵՎ ԱՅԼ ԱԿՏԻՎՆԵՐԻ, ՍԵՓԱԿԱՆ ՆԵՐԳՐԱՎՎԱԾ ՄԻՋՈՑՆԵՐԻ ԵՎ ԱՅԼ ՏԱՐՐԵՐԻ, ԻՆՉՊԵՍ ՆԱԵՎ ԳՐԱՎԻ ԱՌԱՐԿԱՆԵՐԻ ՎԵՐԱԲԵՐՅԱԼ
Գրավատան անվանումը ________________________
Ամսաթիվը ________________թ.
(հազար դրամ)
._____________________________________________________________________.
|հ/հ |Ցուցանիշների անվանումը |Նախորդ|Հաշվետու |
| | |ժամա- |ժամանակա-|
| | |նակա- |շրջանի |
| | |շրջա- |վերջին |
| | |նում |օրվա |
| | | |դրությամբ|
|______|_____________________________________________|______|_________|
| 1 | 2 | 3 | 4 |
|______|_____________________________________________|______|_________|
|1 |Ընդհանուր ակտիվներ | | |
|______|_____________________________________________|______|_________|
|2 |Տրամադրված վարկերի ընդհանուր ծավալ, | | |
| |այդ թվում` | | |
|______|_____________________________________________|______|_________|
|2.1 |Երկարաձգված վարկերի ընդհանուր ծավալ | | |
|______|_____________________________________________|______|_________|
|2.2 |Ժամկետանց վարկերի ընդհանուր ծավալ | | |
|______|_____________________________________________|______|_________|
|3 |Տրամադրված վարկերի դիմաց հաշվեգրված տոկոսներ,| | |
| |այդ թվում` | | |
|______|_____________________________________________|______|_________|
|3.1 |Հաշվետու ժամանակաշրջանում տրամադրված վարկերի | | |
| |դիմաց հաշվեգրված տոկոսներ | | |
|______|_____________________________________________|______|_________|
|4 |Դրամարկղի մնացորդ | | |
|______|_____________________________________________|______|_________|
|5 |Բանկային հաշիվներում դրամական միջոցների | | |
| |գումար | | |
|______|_____________________________________________|______|_________|
|6 |Այլ ակտիվներ | | |
|______|_____________________________________________|______|_________|
|7 |Վարկային պայմանագրերի ընդհանուր թիվը, այդ | | |
| |թվում` | | |
|______|_____________________________________________|______|_________|
|7.1 |Երկարաձգված վարկային պայմանագրերի թիվը | | |
|______|_____________________________________________|______|_________|
|7.2 |Ժամկետանց վարկային պայմանագրերի թիվը | | |
|______|_____________________________________________|______|_________|
|8 |Ընդհանուր պարտավորություններ | | |
|______|_____________________________________________|______|_________|
|9 |Ներգրավված դրամական միջոցների ընդհանուր | | |
| |գումար, այդ թվում` | | |
|______|_____________________________________________|______|_________|
|9.1 |Բանկերից/վարկային կազմակերպություններից | | |
| |ներգրավված միջոցներ | | |
|______|_____________________________________________|______|_________|
|9.2 |Մասնակիցներից ներգրավված միջոցներ | | |
|______|_____________________________________________|______|_________|
|9.3 |Այլ կազմակերպություններից ներգրավված | | |
| |միջոցներ | | |
|______|_____________________________________________|______|_________|
|10 |Ներգրավված միջոցների դիմաց հաշվեգրված | | |
| |տոկոսներ, այդ թվում` | | |
|______|_____________________________________________|______|_________|
|10.1 |Հաշվետու ժամանակաշրջանում ներգրավված | | |
| |միջոցների դիմաց հաշվեգրված տոկոսներ | | |
|______|_____________________________________________|______|_________|
|11 |Այլ պարտավորություններ | | |
|______|_____________________________________________|______|_________|
|12 |Սեփական կապիտալ, այդ թվում` | | |
|______|_____________________________________________|______|_________|
|12.1 |Կանոնադրական կապիտալ | | |
|______|_____________________________________________|______|_________|
|12.2 |Շահույթ/վնաս, այդ թվում` | | |
|______|_____________________________________________|______|_________|
|12.2.1|Հաշվետու ժամանակաշրջանում ստացված շահույթ | | |
|______|_____________________________________________|______|_________|
|12.3 |Գլխավոր պահուստ | | |
|______|_____________________________________________|______|_________|
|12.4 |Սեփական կապիտալի այլ տարրեր | | |
|______|_____________________________________________|______|_________|
|13 |Գրավ ընդունված առարկաների ընդհանուր արժեք, | | |
| |այդ թվում` | | |
|______|_____________________________________________|______|_________|
|13.1 |ոսկերչական իրեր | | |
|______|_____________________________________________|______|_________|
|13.2 |փոխադրամիջոցներ | | |
|______|_____________________________________________|______|_________|
|13.3 |կենցաղային տեխնիկա | | |
|______|_____________________________________________|______|_________|
|13.4 |այլ շարժական գույք | | |
|______|_____________________________________________|______|_________|
|14 |Ի պահ ընդունված առարկաների ընդհանուր արժեք, | | |
| |այդ թվում` | | |
|______|_____________________________________________|______|_________|
|14.1 |ոսկերչական իրեր | | |
|______|_____________________________________________|______|_________|
|14.2 |փոխադրամիջոցներ | | |
|______|_____________________________________________|______|_________|
|14.3 |կենցաղային տեխնիկա | | |
|______|_____________________________________________|______|_________|
|14.4 |այլ շարժական գույք | | |
|______|_____________________________________________|______|_________|
|15 |Իրացման ենթակա գրավի առարկաների ընդհանուր | | |
| |արժեք, այդ թվում` | | |
|______|_____________________________________________|______|_________|
|15.1 |ոսկերչական իրեր | | |
|______|_____________________________________________|______|_________|
|15.2 |փոխադրամիջոցներ | | |
|______|_____________________________________________|______|_________|
|15.3 |կենցաղային տեխնիկա | | |
|______|_____________________________________________|______|_________|
|15.4 |այլ շարժական գույք | | |
|______|_____________________________________________|______|_________|
|16 |Իրացման ենթակա ի պահ ընդունված գույքի | | |
| |ընդհանուր արժեք, այդ թվում` | | |
|______|_____________________________________________|______|_________|
|16.1 |ոսկերչական իրեր | | |
|______|_____________________________________________|______|_________|
|16.2 |փոխադրամիջոցներ | | |
|______|_____________________________________________|______|_________|
|16.3 |կենցաղային տեխնիկա | | |
|______|_____________________________________________|______|_________|
|16.4 |այլ շարժական գույք | | |
._____________________________________________________________________.
Կ.Տ. Հանձնման ամսաթիվ ______________թ. Գրավատան տնօրեն _____________
Գլխավոր հաշվապահ _____________________
Ձև թիվ 2
(շարունակություն)
(հազար դրամ)
._____________________________________________________________________.
|հ/հ |Ցուցանիշների անվանումը |Նախորդ|Հաշվետու |
| | |ժամա- |ժամանակա-|
| | |նակա- |շրջանի |
| | |շրջա- |վերջին |
| | |նում |օրվա |
| | | |դրությամբ|
|______|_____________________________________________|______|_________|
| 1 | 2 | 3 | 4 |
|______|_____________________________________________|______|_________|
|1 |Մեկ վարկային պայմանագրով տրամադրված վարկի | | |
| |առավելագույն ծավալ | | |
|______|_____________________________________________|______|_________|
|2 |Մեկ վարկային պայմանագրով տրամադրված վարկի | | |
| |նվազագույն ծավալ | | |
|______|_____________________________________________|______|_________|
|3 |Տրամադրված վարկերի առավելագույն տարեկան | | |
| |տոկոսադրույք | | |
|______|_____________________________________________|______|_________|
|4 |Տրամադրված վարկերի նվազագույն տարեկան | | |
| |տոկոսադրույք | | |
|______|_____________________________________________|______|_________|
|5 |Տրամադրված վարկերի առավելագույն ժամկետ | | |
|______|_____________________________________________|______|_________|
|6 |Տրամադրված վարկերի նվազագույն ժամկետ | | |
|______|_____________________________________________|______|_________|
|7 |Ներգրավված դրամական միջոցների առավելագույն | | |
| |տարեկան տոկոսադրույք | | |
|______|_____________________________________________|______|_________|
|8 |Ներգրավված դրամական միջոցների նվազագույն | | |
| |տարեկան տոկոսադրույք | | |
|______|_____________________________________________|______|_________|
|9 |Ներգրավված դրամական միջոցների առավելագույն | | |
| |ժամկետ | | |
|______|_____________________________________________|______|_________|
|10 |Ներգրավված դրամական միջոցների նվազագույն | | |
| |ժամկետ | | |
|______|_____________________________________________|______|_________|
|11 |Գրավի առարկաների իրացումից ստացված հասույթ, | | |
| |այդ թվում` | | |
|______|_____________________________________________|______|_________|
|11.1 |ոսկերչական իրեր | | |
|______|_____________________________________________|______|_________|
|11.2 |փոխադրամիջոցներ | | |
|______|_____________________________________________|______|_________|
|11.3 |կենցաղային տեխնիկա | | |
|______|_____________________________________________|______|_________|
|11.4 |այլ շարժական գույք | | |
|______|_____________________________________________|______|_________|
|12 |Գրավի առարկաների իրացումից ստացված հասույթի | | |
| |և վարկերի (ներառյալ տոկոսագումարները և | | |
| |տույժերը) մարմանն ուղղված գումարների դրական | | |
| |և բացասական տարբերությունը | | |
|______|_____________________________________________|______|_________|
|13 |Տրամադրված վարկերի դիմաց փաստացի ստացված | | |
| |տոկոսները | | |
|______|_____________________________________________|______|_________|
|14 |Ներգրավված դրամական միջոցների դիմաց փաստացի | | |
| |վճարված տոկոսները | | |
._____________________________________________________________________.
(հավելվածը խմբ. 10.02.15 թիվ 11-Ն որոշում)
(հավելվածը փոփ. 07.08.07 թիվ 258-Ն. 08.09.09 թիվ 263-Ն, 01.02.11 թիվ 19-Ն որոշումներ)