«ԿՈՆԴԻ ԱՌԱՆՁՆԱՏՆԵՐԻ ՏՆՏԵՍՈՒԹՅՈՒՆ» ՊԵՏԱԿԱՆ ՈՉ ԱՌԵՎՏ ...

040.1635.251002

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«25» հոկտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

26 սեպտեմբերի 2002 թվականի N 1635-Ա

«ԿԱՌԱՎԱՐԱԿԱՆ ԱՌԱՆՁՆԱՏՆԵՐԻ ՏՆՏԵՍՈՒԹՅՈՒՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ ՄԱՍԻՆ

Ղեկավարվելով «Պետական ոչ առևտրային կազմակերպությունների մասին» օրենքի 9-րդ հոդվածի 2-րդ և 3-րդ մասերով` Հայաստանի Հանրապետության կառավարությունը որոշում է.

1. Հայաստանի Հանրապետության Նախագահի աշխատակազմի ենթակայության «Կոնդի առանձնատների տնտեսություն» պետական հիմնարկը վերակազմավորման ձևով վերակազմակերպել «Կառավարական առանձնատների տնտեսություն» պետական ոչ առևտրային կազմակերպության:

2. Սահմանել, որ`

ա) «Կառավարական առանձնատների տնտեսություն» պետական ոչ առևտրային կազմակերպության գործունեության առարկան և հիմնական նպատակը Հայաստանի Հանրապետության բարձրաստիճան պաշտոնատար անձանց ծառայողական առանձնատների սպասարկումն ու շահագործումն է, ինչպես նաև ծառայողական առանձնատներում բնակվող «Հատուկ պետական պաշտպանության ենթակա անձանց անվտանգության ապահովման մասին» օրենքի 5-րդ հոդվածի 2-րդ մասով նախատեսված պաշտոնատար անձանց կեցության և սննդի սպասարկումն ու ապահովումն է.

բ) «Կառավարական առանձնատների տնտեսություն» պետական ոչ առևտրային կազմակերպության գործունեությունը ֆինանսավորվում է Հայաստանի Հանրապետության օրենսդրությամբ սահմանված կարգով:

(2-րդ կետը փոփ. 05.04.18 թիվ 396-Ա, 04.10.18 թիվ 1095-Ա, 30.12.2021 թիվ 2194-Ա որոշումներ)

3. Հայաստանի Հանրապետության Նախագահի աշխատակազմի ղեկավարին` «Կառավարական առանձնատների տնտեսություն» պետական ոչ առևտրային կազմակերպության բնականոն գործունեությունն ապահովելու նպատակով «Կառավարական առանձնատների տնտեսություն» պետական ոչ առևտրային կազմակերպությանը սեփականության իրավունքով հանձնել «Կոնդի առանձնատների տնտեսություն» պետական հիմնարկի` մինչև նվազագույն աշխատավարձի 10000-ապատիկ արժողությամբ պետական սեփականություն հանդիսացող գույքը` բացառությամբ շենքերի, շինությունների և պատմամշակութային նշանակության գույքի:

«Կոնդի առանձնատների տնտեսություն» պետական հիմնարկի տնօրինության շենքերը, շինությունները, պատմամշակութային նշանակության գույքը և նվազագույն աշխատավարձի 10000-ապատիկից ավելի արժողությամբ գույքն անհատույց օգտագործման իրավունքով ամրացնել «Կառավարական առանձնատների տնտեսություն» պետական ոչ առևտրային կազմակերպությանը:

4. «Կառավարական առանձնատների տնտեսություն» պետական ոչ առևտրային կազմակերպության կառավարումն իրականացնող լիազորված պետական մարմնի իրավասությունները, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 8-րդ հոդվածի առաջին մասի ու 13-րդ հոդվածի երկրորդ մասի «գ», «դ», «ե» և «է» ենթակետերով սահմանված հիմնադրի լիազորությունները վերապահել Հայաստանի Հանրապետության վարչապետի աշխատակազմին:

(4-րդ կետը փոփ. 29.03.18 թիվ 335-Ա, 04.10.18 թիվ 1095-Ա որոշումներ)

5. «Կառավարական առանձնատների տնտեսություն» պետական ոչ առևտրային կազմակերպության իրավաբանական անձանց պետական ռեգիստրում պետական գրանցման, ինչպես նաև կնիքների պատրաստման թույլտվության համար «Պետական տուրքի մասին» Հայաստանի Հանրապետության օրենքով սահմանված վճարումները կատարել Հայաստանի Հանրապետության 2002 թվականի պետական բյուջեից` համաձայն «Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքի 11-րդ հոդվածի «ժէ» կետի, իսկ սույն որոշմանը համապատասխան հանձնվող գույքի նկատմամբ իրավունքների պետական գրանցման հետ կապված ծախսերը` «Հայաստանի Հանրապետության 2002 թվականի պետական բյուջեի մասին» Հայաստանի Հանրապետության օրենքով տվյալ պետական հիմնարկի պահպանման համար նախատեսված միջոցների հաշվին:

6. Սույն որոշումն ուժի մեջ է մտնում 2003 թվականի հունվարի 1-ից:

(նախաբանը փոփ. 30.12.2021 թիվ 2194-Ա որոշում)

(որոշումը փոփ. 04.05.2023 թիվ 671-Ա որոշումներ)

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2002 ԹՎԱԿԱՆԻ ՀՈԿՏԵՄԲԵՐԻ 23-ԻՆ