ԳՈՒՅՔ ՓՈԽԱՆՑԵԼՈՒ, ՀԵՏ ՎԵՐՑՆԵԼՈՒ ԵՎ ՆՎԻՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

17 փետրվարի 2022 թվականի N 176-Ա

ԳՈՒՅՔ ՓՈԽԱՆՑԵԼՈՒ, ՀԵՏ ՎԵՐՑՆԵԼՈՒ ԵՎ ՆՎԻՐԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 594-րդ հոդվածը, «Մաքսային կարգավորման մասին» Հայաստանի Հանրապետության օրենքի 145-րդ հոդվածը և «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 7-րդ մասը` Հայաստանի Հանրապետության կառավարությունը որոշում է.

1. Հայաստանի Հանրապետության պետական եկամուտների կոմիտեին` Հայաստանի Հանրապետության տարածք ներմուծված, «Հրաժարում հօգուտ պետության» մաքսային ընթացակարգով, N 05100010/290122/0005251 տարանցման հայտարարագրով ձևակերպված գույքը (այսուհետ` գույք) անհատույց փոխանցել Հայաստանի Հանրապետության բարձր տեխնոլոգիական արդյունաբերության նախարարությանը:

2. Հայաստանի Հանրապետության բարձր տեխնոլոգիական արդյունաբերության նախարարությանը հանձնված գույքը հետ վերցնել և նվիրել «Չարենցավանի հաստոցաշինական գործարան» բաց բաժնետիրական ընկերությանը` համաձայն հավելվածի:

3. Հայաստանի Հանրապետության բարձր տեխնոլոգիական արդյունաբերության նախարարին և Հայաստանի Հանրապետության պետական եկամուտների կոմիտեի նախագահին` սույն որոշումն ուժի մեջ մտնելուց հետո տասնօրյա ժամկետում ապահովել գույքի հանձնման-ընդունման աշխատանքների իրականացումը:

4. Հայաստանի Հանրապետության բարձր տեխնոլոգիական արդյունաբերության նախարարին` սույն որոշման 3-րդ կետում նշված աշխատանքներից հետո մեկամսյա ժամկետում ապահովել նվիրատվության պայմանագրի կնքումը որոշման 2-րդ կետում նշված ընկերության հետ:

Հայաստանի Հանրապետության

    վարչապետ                     Ն. Փաշինյան

2022 թ. փետրվարի

Երևան

Հավելված

ՀՀ կառավարության

2022 թվականի փետրվարի 17-ի

N 176-Ա որոշման

ՑԱՆԿ

ՆՎԻՐՎՈՂ ԳՈՒՅՔԻ

._____________________________________________________________________.

|NN |Անվանումը          |Ընդհանուր|Մաքսային   |Տեղերի|Գույքն ստացող   |

|ը/կ|                   |բրուտտո  |արժեքը     |քանակը|ընկերությունը   |

|   |                   |քաշը (կգ)|(դրամ)     |      |                |

|___|___________________|_________|___________|______|________________|

|1. |Լազերային կտրող    |13,000   |107,007,919|4     |«Չարենցավանի    |

|   |հաստոց`            |         |           |      |հաստոցաշինական  |

|   |(XTC-F2560GP)      |         |           |      |գործարան» ԲԲԸ   |

|___|___________________|_________|___________|      |                |

|2. |Լարման ավտոմատ     |7,000    |11,248,384 |      |                |

|   |կարգավորիչ         |         |           |      |                |

|___|___________________|_________|___________|      |                |

|3. |Ծխի ֆիլտր          |1,750    |5,743,709  |      |                |

|___|___________________|_________|___________|______|________________|

|4. |Ընդամենը           |21,750   |124,000,012|4     |                |

._____________________________________________________________________.

(հավելվածը փոփ. 10.03.2022 թիվ 285-Ա որոշում)