040.1048.210812
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
16 օգոստոսի 2012 թվականի N 1048-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀՈՂՕԳՏԱԳՈՐԾՈՂՆԵՐԻՆ 2012 ԹՎԱԿԱՆԻ ԱՇՆԱՆ ՀԱՄԱՐ ՄԱՏՉԵԼԻ ԳՆԵՐՈՎ ԱԶՈՏԱԿԱՆ ՊԱՐԱՐՏԱՆՅՈՒԹԻ ՁԵՌՔԲԵՐՄԱՆ ՆՊԱՏԱԿՈՎ ՊԵՏԱԿԱՆ ԱՋԱԿՑՈՒԹՅԱՆ ԾՐԱԳԻՐԸ ՀԱՍՏԱՏԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2012 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ԴԵԿՏԵՄԲԵՐԻ 22-Ի N 1919-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 10-րդ հոդվածին և 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.
1. Հաստատել Հայաստանի Հանրապետության հողօգտագործողներին 2012 թվականի աշնան համար մատչելի գներով ազոտական պարարտանյութի ձեռքբերման նպատակով պետական աջակցության ծրագիրը` համաձայն N 1 հավելվածի:
2. Սույն որոշման 1-ին կետում նշված ծրագիրն իրականացնելու համար նախնական հաշվարկով Հայաստանի Հանրապետության գյուղատնտեսության նախարարությանը 2012 թվականի երրորդ եռամսյակում հատկացնել 270200,0 հազ. դրամ, որից`
1) ներկրված պարարտանյութի դիմաց սուբսիդիա տրամադրելու նպատակով` 230200.0 հազ. դրամ` Հայաստանի Հանրապետության 2012 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Սուբսիդիաներ ոչ պետական ոչ ֆինանսական կազմակերպություններին» հոդվածով).
2) Հայաստանի Հանրապետության հողօգտագործողներին 2012 թվականի աշնան համար մատչելի գներով ազոտական պարարտանյութի ձեռքբերման նպատակով պետական աջակցության ծրագրի շրջանակներում Հայաստանի Հանրապետություն ներմուծված պարարտանյութի բեռնման և համայնքներ փոխադրման աշխատանքները կազմակերպելու նպատակով` 40000,0 հազ. դրամ` Հայաստանի Հանրապետության 2012 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Այլ ընթացիկ դրամաշնորհներ» հոդվածով):
i
3. Հայաստանի Հանրապետության ֆինանսների նախարարին` «Բերրիություն» ԱՄ-ի Մասիսի շրջանային միավորում» սահմանափակ պատասխանատվությամբ ընկերությանը (այսուհետ` ընկերություն) Հայաստանի Հանրապետության հողօգտագործողներին 2012 թվականի աշնան համար մատչելի գներով ազոտական պարարտանյութի ձեռքբերման նպատակով պետական աջակցության ծրագիրն իրականացնելու համար Հայաստանի Հանրապետության 2012 թվականի պետական բյուջեից 2012 թվականի երրորդ եռամսյակում տրամադրել 600000,0 հազ. դրամի չափով բյուջետային վարկ` (բյուջետային ծախսերի տնտեսագիտական դասակարգման «Ներքին վարկերի և փոխատվությունների տրամադրում» հոդվածով)` մինչև 2012 թվականի նոյեմբերի 30-ը մարման ժամկետով` առանց գրավի և տարեկան 0,001 տոկոս տոկոսադրույքով:
(3-րդ կետը փոփ. 08.11.12 թիվ 1418-Ն որոշում)
i
4. «Հայաստանի Հանրապետության 2012 թվականի պետական բյուջեի մասին» Հայաստանի Հանրապետության օրենքի N 4 հավելվածում և Հայաստանի Հանրապետության կառավարության 2011 թվականի դեկտեմբերի 22-ի «Հայաստանի Հանրապետության 2012 թվականի պետական բյուջեի կատարումն ապահովող միջոցառումների մասին» N 1919-Ն որոշման N 1 հավելվածում կատարել փոփոխություններ` համաձայն N 2 հավելվածի:
5. Սահմանել, որ Հայաստանի Հանրապետության մարզերին հատկացված և Հայաստանի Հանրապետության մարզպետների կողմից ըստ համայնքների հաստատված ազոտական պարարտանյութի գումարների հավաքագրումն ամբողջությամբ չապահովելու դեպքում չիրացված պարարտանյութի քանակի համար տրամադրված սուբսիդիան ենթակա է վերադարձման Հայաստանի Հանրապետության պետական բյուջե:
6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2012 ԹՎԱԿԱՆԻ ՕԳՈՍՏՈՍԻ 21-ԻՆ
Հավելված N 1
ՀՀ կառավարության
2012 թվականի օգոստոսի 16-ի
N 1048-Ն որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅՈՒՆ
ԾՐԱԳԻՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀՈՂՕԳՏԱԳՈՐԾՈՂՆԵՐԻՆ 2012 ԹՎԱԿԱՆԻ ԱՇՆԱՆ ՀԱՄԱՐ ՄԱՏՉԵԼԻ ԳՆԵՐՈՎ ԱԶՈՏԱԿԱՆ ՊԱՐԱՐՏԱՆՅՈՒԹԻ ՁԵՌՔԲԵՐՄԱՆ ՆՊԱՏԱԿՈՎ ՊԵՏԱԿԱՆ ԱՋԱԿՑՈՒԹՅԱՆ
ԵՐԵՎԱՆ 2012
ԾՐԱԳԻՐ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀՈՂՕԳՏԱԳՈՐԾՈՂՆԵՐԻՆ 2012 ԹՎԱԿԱՆԻ ԱՇՆԱՆ ՀԱՄԱՐ ՄԱՏՉԵԼԻ ԳՆԵՐՈՎ ԱԶՈՏԱԿԱՆ ՊԱՐԱՐՏԱՆՅՈՒԹԻ ՁԵՌՔԲԵՐՄԱՆ ՆՊԱՏԱԿՈՎ ՊԵՏԱԿԱՆ ԱՋԱԿՑՈՒԹՅԱՆ
1. Ծրագրի նպատակն է աջակցել Հայաստանի Հանրապետության մարզերի հողօգտագործողներին մատչելի գներով ազոտական պարարտանյութի ձեռքբերման հարցում, նպաստել գյուղատնտեսական մթերքների արտադրության ծավալների և գյուղացիական տնտեսությունների եկամուտների ավելացմանը:
2. Հայաստանի Հանրապետության գյուղատնտեսության նախարարությունը`
i
2.1. Պայմանագրային հիմունքներով 28.0 մլն դրամ է հատկացնում «Կոտայքի բերրիություն» բաց բաժնետիրական ընկերությանը 700 տոննա ազոտական պարարտանյութ «Ամոնիակային սելիտրա» (34,3% ազոտի պարունակությամբ) ձեռք բերելու և Հայաստանի Հանրապետության Արարատի, Արագածոտնի, Կոտայքի և Տավուշի մարզերին ամրագրված գնով վաճառելու համար` համաձայն N 2 աղյուսակի:
(2.1-ին կետը փոփ. 08.11.12 թիվ 1418-Ն որոշում)
2.2. Պայմանագրային հիմունքներով 7420,0 հազ. դրամ է հատկացնում «Կոտայքի բերրիություն» բաց բաժնետիրական ընկերությանը` 700 տոննա պարարտանյութի բեռնման և համայնքներ փոխադրման աշխատանքները կազմակերպելու նպատակով:
2.3. Պայմանագրային հիմունքներով 202200.0 հազ. դրամ է հատկացնում «Բերրիություն» ԱՄ-ի Մասիսի շրջանային միավորում» սահմանափակ պատասխանատվությամբ ընկերությանը (այսուհետ մատակարար)` 5000 տոննա ազոտական պարարտանյութ «Ամոնիակային սելիտրա» (34,3% ազոտի պարունակությամբ) ձեռք բերելու և Հայաստանի Հանրապետության մարզերի հողօգտագործողներին, Լեռնային Ղարաբաղի Հանրապետությանը ու Հայաստանի Հանրապետության գյուղատնտեսության նախարարության համակարգում գործող 4 կազմակերպություններին ծրագրում ամրագրված գնով վաճառելու համար:
2.4. Պայմանագրային հիմունքներով 32580,0 հազ. դրամ է հատկացնում «Բերրիություն» ԱՄ-ի Մասիսի շրջանային միավորում» սահմանափակ պատասխանատվությամբ ընկերությանը` ներմուծված պարարտանյութի բեռնման և համայնքներ փոխադրման աշխատանքները կազմակերպելու նպատակով:
3. Հայաստանի Հանրապետության մարզերում և Հայաստանի Հանրապետության գյուղատնտեսության նախարարության համակարգի կազմակերպություններում պարարտանյութի վաճառքն իրականացնելու համար հիմք ընդունել մարզպետների և կազմակերպությունների կողմից ներկայացված հայտերը` համաձայն N 1 աղյուսակի:
3.1. N 1 աղյուսակում նշված պարարտանյութի քանակությունը Հայաստանի Հանրապետության մարզերում ամբողջությամբ չվաճառվելու դեպքում մարզպետը 5-օրյա ժամկետում տեղեկատվություն է ներկայացնում Հայաստանի Հանրապետության գյուղատնտեսության նախարարություն` չիրացված պարարտանյութի խմբաքանակի վերաբերյալ:
3.2. Չիրացված պարարտանյութի խմբաքանակի` ըստ մարզերի վերաբաշխման իրավասությունը վերապահվում է Հայաստանի Հանրապետության գյուղատնտեսության նախարարությանը:
3.3. Հայաստանի Հանրապետության մարզպետները համայնքների ղեկավարների միջոցով ապահովում են պարարտանյութ գնել ցանկացող հողօգտագործողների ցուցակների կազմումը, ծրագրով նախատեսված գնով և քանակով գումարների հավաքագրումը: Պարարտանյութ ստացող հողօգտագործողների ցուցակները տրամադրվում և հավաքագրված գումարները փոխանցվում են «Բերրիություն» ԱՄ-ի Մասիսի շրջանային միավորում» սահմանափակ պատասխանատվությամբ ընկերությանը և «Կոտայքի բերրիություն» բաց բաժնետիրական ընկերությանը` համաձայն Հայաստանի Հանրապետության համապատասխան մարզպետի և «Բերրիություն» ԱՄ-ի Մասիսի շրջանային միավորում» սահմանափակ պատասխանատվությամբ ընկերության կամ «Կոտայքի բերրիություն» բաց բաժնետիրական ընկերության միջև կնքված պայմանագրի: Պարարտանյութ ստացող հողօգտագործողների ցուցակների մեկ օրինակը Հայաստանի Հանրապետության մարզպետների կողմից ներկայացվում է Հայաստանի Հանրապետության գյուղատնտեսության նախարարություն:
4. Հայաստանի Հանրապետության համայնքներում պարարտանյութի վաճառքն իրականացնել` համաձայն Հայաստանի Հանրապետության մարզպետների կողմից հաստատված ցանկերի` հիմք ընդունելով համայնքներում վերջին 3 տարիներին կատարված փաստացի ցանքերի և մշակվող բազմամյա տնկարկների տարածությունների միջին ցուցանիշը:
4.1. Ծրագիրը հաստատվելուց հետո 10-օրյա ժամկետում Հայաստանի Հանրապետության մարզպետներն իրենց կողմից հաստատված ցանկերը մատակարարին տրամադրելու համար ներկայացնում են Հայաստանի Հանրապետության գյուղատնտեսության նախարարություն` համաձայն N 1 ձևի:
4.2. Մարզպետների կողմից հաստատված ցանկով պարարտանյութը համայնքներում ամբողջությամբ չվաճառվելու դեպքում` 5-օրյա ժամկետում մարզպետի կողմից հաստատվում է չիրացված խմբաքանակի վերաբաշխման նոր ցանկ և ներկայացվում Հայաստանի Հանրապետության գյուղատնտեսության նախարարություն` մատակարարին ներկայացնելու համար:
4.3. Համայնքներում հողօգտագործողներին պարարտանյութի վաճառքն իրականացնելիս համայնքների ղեկավարների միջոցով մարզպետներն ապահովում են տեղեկատվության` համաձայն NN 2 և 3 ձևերի, հավաքագրումը և մինչև 2012 թվականի դեկտեմբերի 20-ը ներկայացնում Հայաստանի Հանրապետության գյուղատնտեսության նախարարություն:
5. Մատակարարը պարտավոր է`
5.1. Հայաստանի Հանրապետություն ներմուծել 5000.0 տոննա ազոտական պարարտանյութ «Ամոնիակային սելիտրա» 34,3% ազոտի պարունակությամբ (այսուհետ` պարարտանյութ):
5.2. Պարարտանյութը մատակարարել համայնքներին` 50 կգ քաշով 1 պարկը 6000 դրամ արժեքով:
5.3. Պարարտանյութը մատակարարել համայնքներին` համաձայն մարզպետների կողմից հաստատված ցանկերի:
5.4. Հայաստանի Հանրապետության մարզերին հատկացված և Հայաստանի Հանրապետության մարզպետների կողմից ըստ համայնքների հաստատված ազոտական պարարտանյութի գումարների հավաքագրումն ամբողջությամբ չապահովելու դեպքում չիրացված պարարտանյութի քանակի համար տրամադրված սուբսիդիան ենթակա է վերադարձման Հայաստանի Հանրապետության պետական բյուջե` ծրագրի կատարման մասին հաշվետվությունները Հայաստանի Հանրապետության գյուղատնտեսության նախարարություն ներկայացնելուց հետո` 5 աշխատանքային օրվա ընթացքում:
5.5. Հայաստանի Հանրապետության կառավարության աշխատակազմ ներկայացնելու համար Հայաստանի Հանրապետության մարզերում 5000.0 տոննա պարարտանյութի վաճառքն ավարտելուց հետո մինչև 2012 թվականի դեկտեմբերի 20-ը Հայաստանի Հանրապետության գյուղատնտեսության նախարարություն ներկայացնել`
5.5.1. հաշվետվություն ծրագրի կատարման մասին.
5.5.2. ֆինանսական հաշվետվություն:
Ձև N 1
Հաստատում եմ`
ՀՀ _________________ մարզպետ
____________________________
____________________________
____ ___________ 2012 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ____________________________ ՄԱՐԶԻՆ ՀԱՏԿԱՑՎԱԾ ԴԻԶԵԼԱՅԻՆ ՎԱՌԵԼԱՆՅՈՒԹԻ ՔԱՆԱԿԸ` ԸՍՏ ՀԱՄԱՅՆՔՆԵՐԻ
.__________________________________________.
|NN |Համայնքը|Հատկացված |Հատկացված |
|ը/կ| |ազոտական |ազոտական |
| | |պարարտանյութի |պարարտանյութի |
| | |քանակը |հավաքագրման |
| | |(տոննա) |ենթակա գումարը|
| | | |(դրամ) |
|___|________|______________|______________|
|1. | | | |
|___|________|______________|______________|
|2. | | | |
|___|________|______________|______________|
|3. | | | |
|___|________|______________|______________|
|4. | | | |
|___|________|______________|______________|
|5. | | | |
|___|________|______________|______________|
|6. | | | |
|___|________|______________|______________|
|7. | | | |
|___|________|______________|______________|
|8. | | | |
|____________|______________|______________|
|Ընդամենը | | |
.__________________________________________.
Ձև N 2
ՑԱՆԿ
ՀՀ __________________________ՄԱՐԶԻ _____________________ ՀԱՄԱՅՆՔՈՒՄ ՀՀ ՀՈՂՕԳՏԱԳՈՐԾՈՂՆԵՐԻՆ ՄԱՏՉԵԼԻ ԳՆԵՐՈՎ ԱԶՈՏԱԿԱՆ ՊԱՐԱՐՏԱՆՅՈՒԹԻ ՁԵՌՔԲԵՐՄԱՆ ՆՊԱՏԱԿՈՎ ՊԵՏԱԿԱՆ ԱՋԱԿՑՈՒԹՅԱՆ ԾՐԱԳՐԻ ՇՐՋԱՆԱԿՆԵՐՈՒՄ ՊԱՐԱՐՏԱՆՅՈՒԹ ԳՆԱԾ ՇԱՀԱՌՈՒՆԵՐԻ _______________________________
._____________________________________________________________________.
|NN |Անունը, ազգանունը, |Անձնագրի |Գնված պարարտանյութի|Ստորագրությունը|
|ը/կ|հայրանունը |տվյալները|քանակը | |
|___|___________________|_________|___________________|_______________|
|___|___________________|_________|___________________|_______________|
|___|___________________|_________|___________________|_______________|
|___|___________________|_________|___________________|_______________|
|_______________________|_________|___________________|_______________|
| Ընդամենը | | | |
._____________________________________________________________________.
Համայնքի ղեկավար ______________________
(ստորագրությունը)
Կ.Տ.
Ձև N 3
Հաստատում եմ
մարզպետ _____________________
ՏԵՂԵԿԱՆՔ
ՀՀ ՀՈՂՕԳՏԱԳՈՐԾՈՂՆԵՐԻՆ ՄԱՏՉԵԼԻ ԳՆԵՐՈՎ ԱԶՈՏԱԿԱՆ ՊԱՐԱՐՏԱՆՅՈՒԹԻ ՁԵՌՔԲԵՐՄԱՆ ՆՊԱՏԱԿՈՎ ՊԵՏԱԿԱՆ ԱՋԱԿՑՈՒԹՅԱՆ ԾՐԱԳՐԻ ՇՐՋԱՆԱԿՆԵՐՈՒՄ ՀՀ _____________________ ՄԱՐԶԻ ՀԱՄԱՅՆՔՆԵՐԻՆ ՆԱԽԱՏԵՍՎԱԾ, ՓԱՍՏԱՑԻ ՎԱՃԱՌՎԱԾ ԱԶՈՏԱԿԱՆ ՊԱՐԱՐՏԱՆՅՈՒԹԻ ՔԱՆԱԿՈՒԹՅԱՆ ԵՎ ՇԱՀԱՌՈՒՆԵՐԻ ՄԱՍԻՆ 2012 Թ. ____________-Ի ԴՐՈՒԹՅԱՄԲ
._____________________________________________________________________.
|NN |Համայնքը|Համայնքի |Համայնքին |Համայնքում |Պարարտա- |Համայնքի |
|ը/կ| |ղեկավարի |նախատեսված |փաստացի |նյութ գնած |ղեկավարի |
| | |անունը, |քանակու- |վաճառված |շահառուների|ստորագրու-|
| | |ազգանունը|թյունը |քանակու- |թիվը |թյունը |
| | | | |թյունը | | |
|___|________|_________|___________|___________|___________|__________|
|___|________|_________|___________|___________|___________|__________|
|___|________|_________|___________|___________|___________|__________|
|___|________|_________|___________|___________|___________|__________|
|___|________|_________|___________|___________|___________|__________|
|____________|_________|___________|___________|___________|__________|
|Ընդամենը | | | | | |
._____________________________________________________________________.
Մատակարար կազմակերպության անվանումը ______________________
(ստորագրությունը)
Կ.Տ.
Աղյուսակ N 1
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶԵՐԻՆ ՀԱՏԿԱՑՎՈՂ ՊԱՐԱՐՏԱՆՅՈՒԹԻ ՔԱՆԱԿՈՒԹՅՈՒՆԸ
._____________________________________________________________________.
|Մարզերի և այլ ստացողների անվանումները |Պարարտանյութի|
| |հատկացվող |
| |քանակությունը|
| |(տոննա) |
|_______________________________________________________|_____________|
|Արագածոտն | 45,0|
|_______________________________________________________|_____________|
|Արարատ | 422,0|
|_______________________________________________________|_____________|
|Արմավիր | 497,0|
|_______________________________________________________|_____________|
|Գեղարքունիք | 1851,0|
|_______________________________________________________|_____________|
|Լոռի | 134,0|
|_______________________________________________________|_____________|
|Կոտայք | 0,0|
|_______________________________________________________|_____________|
|Շիրակ | 993,0|
|_______________________________________________________|_____________|
|Սյունիք | 497,0|
|_______________________________________________________|_____________|
|Վայոց ձոր | 202,0|
|_______________________________________________________|_____________|
|Տավուշ | 5,0|
|_______________________________________________________|_____________|
|Լեռնային Ղարաբաղի Հանրապետություն | 250,0|
|_______________________________________________________|_____________|
|«Երկրագործության գիտական կենտրոն» ՊՈԱԿ | 20,0|
|_______________________________________________________|_____________|
|«Գյումրիի սելեկցիոն կայան» ՓԲԸ | 70,0|
|_______________________________________________________|_____________|
|«Բանջարաբոստանային և տեխնիկական մշակաբույսերի ԳԿ» ՊՈԱԿ| 4,0|
|_______________________________________________________|_____________|
|«Սերմերի գործակալություն» ՊՈԱԿ | 10,0|
|_______________________________________________________|_____________|
|Ընդամենը | 5000.0|
._____________________________________________________________________.
Աղյուսակ N 2
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶԵՐԻՆ ՀԱՏԿԱՑՎՈՂ 700 ՏՈՆՆԱ ԱԶՈՏԱԿԱՆ ՊԱՐԱՐՏԱՆՅՈՒԹԻ ԲԱՇԽՈՒՄԸ
.___________________________________.
|Մարզերի անվանումները|Հատկացվող |
| |պարարտանյութի |
| |քանակը (տոննա)|
|____________________|______________|
|Արագածոտն | 300 |
|____________________|______________|
|Արարատ | 256 |
|____________________|______________|
|Կոտայք | 132 |
|____________________|______________|
|Տավուշ | 12 |
|____________________|______________|
|Ընդամենը | 700 |
.___________________________________.
(2-րդ աղյուսակը լրաց. փոփ. 08.11.12 թիվ 1418-Ն որոշում)
Հավելված N 2
i
ՀՀ կառավարության
2012 թվականի օգոստոսի 16-ի
N 1048-Ն որոշման
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2012 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ N 4 ՀԱՎԵԼՎԱԾԻ N 1 ԱՂՅՈՒՍԱԿՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ԴԵԿՏԵՄԲԵՐԻ 22-Ի N 1919-Ն ՈՐՈՇՄԱՆ N 1 ՀԱՎԵԼՎԱԾԻ N 1 ԱՂՅՈՒՍԱԿՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ
(հազ. դրամ)
.__________________________________________________________________.
|Պետական բյուջեի դեֆիցիտի ֆինանսավորման|Բյուջետային մուտքերի |
|աղբյուրներն ու դրանց տարրերի |ավելացումները նշված են |
|անվանումները |դրական նշանով, իսկ |
| |բյուջետային ելքերի |
| |ավելացումները` փակագծերում |
|______________________________________|___________________________|
| | ինն ամիս | տարի |
|______________________________________|_____________|_____________|
|ԸՆԴԱՄԵՆԸ | - | - |
|______________________________________|_____________|_____________|
|այդ թվում` | | |
|______________________________________|_____________|_____________|
|Ա. Ներքին աղբյուրներ-ընդամենը | - | - |
|______________________________________|_____________|_____________|
|այդ թվում` | | |
|______________________________________|_____________|_____________|
|2.4. Վարկերի և փոխատվությունների | | |
|տրամադրում | (600,000.0)| (600,000.0)|
|______________________________________|_____________|_____________|
|զ) «Բերրիություն» ԱՄ-ի Մասիսի | | |
|շրջանային միավորում» ՍՊԸ | (600,000.0)| (600,000.0)|
|______________________________________|_____________|_____________|
|ՀՀ ֆինանսների նախարարություն | (600,000.0)| (600,000.0)|
|______________________________________|_____________|_____________|
|2.5. Տրամադրված վարկերի և | | |
|փոխատվությունների վերադարձից մուտքեր | - | 600,000.0|
|______________________________________|_____________|_____________|
|որից` | | |
|______________________________________|_____________|_____________|
|զ) «Բերրիություն» ԱՄ-ի Մասիսի | | |
|շրջանային միավորում» ՍՊԸ | - | 600,000.0|
|______________________________________|_____________|_____________|
|2.6. Այլ | 600,000.0| - |
|______________________________________|_____________|_____________|
|Ժամանակավորապես ազատ միջոցներ | 600,000.0| - |
.__________________________________________________________________.
(2-րդ հավելվածը փոփ. 27.12.12 թիվ 1695-Ն որոշում)