(ուժը կորցրել է 07.03.2019 թիվ 236-Ն որոշում)
i
040.0383.090405
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«9» ապրիլի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 մարտի 2005 թվականի N 383-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՐՏԱԿԱՐԳ ԻՐԱՎԻՃԱԿՆԵՐԻ ՎԱՐՉՈՒԹՅԱՆ ՊԵՏԱԿԱՆ ՀԱԿԱՀՐԴԵՀԱՅԻՆ ԾԱՌԱՅՈՒԹՅՈՒՆԸ ՎԵՐԱԿԱԶՄԱԿԵՐՊԵԼՈՒ, ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ՊԵՏԱԿԱՆ ՀՐԴԵՀԱՅԻՆ ԵՎ ՏԵԽՆԻԿԱԿԱՆ ԱՆՎՏԱՆԳՈՒԹՅԱՆ ՏԵՍՉՈՒԹՅՈՒՆ ՍՏԵՂԾԵԼՈՒ, ԱՅԴ ՏԵՍՉՈՒԹՅԱՆ ԿԱՆՈՆԱԴՐՈՒԹՅՈՒՆԸ ԵՎ ԿԱՌՈՒՑՎԱԾՔԸ ՀԱՍՏԱՏԵԼՈՒ ՄԱՍԻՆ
«Պետական կառավարչական հիմնարկների մասին» Հայաստանի Հանրապետության օրենքի 9-րդ հոդվածին և 11-րդ հոդվածի 1-ին կետին համապատասխան` Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարությանն առընթեր արտակարգ իրավիճակների վարչության պետական հակահրդեհային ծառայությունը (վարչությունը) բաժանման միջոցով վերակազմակերպել Հայաստանի Հանրապետության կառավարությանն առընթեր Հայաստանի փրկարար ծառայության պետական հակահրդեհային ծառայության (վարչության)` կառուցվածքային ստորաբաժանման կարգավիճակով, և Հայաստանի Հանրապետության արտակարգ իրավիճակների նախարարության աշխատակազմի պետական հրդեհային և տեխնիկական անվտանգության տեսչություն` հիմնարկի առանձնացված ստորաբաժանման կարգավիճակով:
(1-ին կետը փոփ. 19.05.05 թիվ 634-Ն, 22.12.05 թիվ 2309-Ն, 26.08.10 թիվ 1087-Ն որոշումներ)
2. Հաստատել`
i
ա) Հայաստանի Հանրապետության արտակարգ իրավիճակների նախարարության աշխատակազմի պետական հրդեհային և տեխնիկական անվտանգության տեսչության կանոնադրությունը` համաձայն N 1 հավելվածի.
բ) Հայաստանի Հանրապետության արտակարգ իրավիճակների նախարարության Հայաստանի փրկարար ծառայության պետական հրդեհային և տեխնիկական անվտանգության տեսչության կառուցվածքը` համաձայն N 2 հավելվածի:
(2-րդ կետը փոփ. 19.05.05 թիվ 634-Ն, 22.12.05 թիվ 2309-Ն, 26.08.10 թիվ 1087-Ն որոշումներ)
i
3. ՈՒժը կորցրած ճանաչել Հայաստանի Հանրապետության կառավարության 2001 թվականի հուլիսի 19-ի «Հայաստանի Հանրապետության պետական հրդեհային հսկողության կանոնադրությունը հաստատելու մասին» N 654 որոշումը:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
(վերնագիրը փոփ. 19.05.05 թիվ 634-Ն, 22.12.05 թիվ 2309-Ն, 26.08.10 թիվ 1087-Ն որոշումներ)
(որոշումը փոփ. 15.05.08 թիվ 533-Ն, 28.07.11 թիվ 1183-Ն, 25.12.14 թիվ 1527-Ն, 03.03.16 թիվ 259-Ն որոշումներ)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ԱՊՐԻԼԻ 4-ԻՆ
Հավելված N 1
ՀՀ կառավարության
2005 թվականի մարտի 10-ի
N 383-Ն որոշման
i
ԿԱՆՈՆԱԴՐՈՒԹՅՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ՊԵՏԱԿԱՆ ՀՐԴԵՀԱՅԻՆ ԵՎ ՏԵԽՆԻԿԱԿԱՆ ԱՆՎՏԱՆԳՈՒԹՅԱՆ ՏԵՍՉՈՒԹՅԱՆ
I. ԸՆԴՀԱՆՈՒՐ ԴՐՈՒՅԹՆԵՐ
i
1. Հայաստանի Հանրապետության արտակարգ իրավիճակների նախարարության (այսուհետ` նախարարություն) աշխատակազմի պետական հրդեհային և տեխնիկական անվտանգության տեսչությունը (այսուհետ` տեսչություն) նախարարության աշխատակազմի առանձնացված ստորաբաժանում է, որն իրականացնում է օրենքով Հայաստանի Հանրապետության արտակարգ իրավիճակների նախարարությանը վերապահված վերահսկողական գործառույթներ և կիրառում պատասխանատվության միջոցներ հրդեհային անվտանգության ապահովման բնագավառում` հանդես գալով Հայաստանի Հանրապետության անունից:
(1-ին կետը փոփ. 19.05.05 թիվ 634-Ն, 22.12.05 թիվ 2309-Ն, 26.08.10 թիվ 1087-Ն, 26.05.11 թիվ 690-Ն որոշումներ)
i
2. Տեսչությունն ստեղծվում, վերակազմակերպվում է, և նրա գործունեությունը դադարում է Հայաստանի Հանրապետության կառավարության որոշմամբ: Տեսչությունը գործում է իր կանոնադրության համաձայն, որը, Հայաստանի Հանրապետության արտակարգ իրավիճակների նախարարի ներկայացմամբ, հաստատում է Հայաստանի Հանրապետության կառավարությունը:
(2-րդ կետը փոփ. 19.05.05 թիվ 634-Ն որոշում)
3. Տեսչության լիազորությունները սահմանվում են օրենքով, Հայաստանի Հանրապետության Նախագահի հրամանագրերով, Հայաստանի Հանրապետության կառավարության որոշումներով, ինչպես նաև Հայաստանի Հանրապետության միջազգային պայմանագրերով:
4. Տեսչությունն իր գործունեությունն իրականացնում է Հայաստանի Հանրապետության օրենսդրությանը և այլ իրավական ակտերին համապատասխան:
5. Տեսչությունն օրենքով և այլ իրավական ակտերով նախատեսված դեպքերում իրավունք ունի Հայաստանի Հանրապետության անունից ձեռք բերելու և իրականացնելու գույքային ու անձնական ոչ գույքային իրավունքներ, կրելու պարտականություններ, դատարանում հանդես գալու որպես հայցվոր կամ պատասխանող:
6. Տեսչությունն ունի Հայաստանի Հանրապետության զինանշանի պատկերով և իր` հայերեն անվանմամբ կլոր կնիք, ձևաթղթեր, խորհրդանիշ և այլ անհատականացման միջոցներ:
II. ՏԵՍՉՈՒԹՅԱՆ ՆՊԱՏԱԿՆԵՐԸ ԵՎ ԽՆԴԻՐՆԵՐԸ
i
7. Տեսչության հիմնական նպատակը և խնդիրը հակահրդեհային քարոզչության իրականացումն ու հրդեհային և տեխնիկական անվտանգության նորմատիվ փաստաթղթերի պահանջների կատարման նկատմամբ հսկողություն սահմանելու միջոցով քաղաքացիների կյանքը, առողջությունը, գույքը, ինչպես նաև նյութական ու մշակութային արժեքները հրդեհներից պահպանելն է:
(7-րդ կետը փոփ. 28.07.11 թիվ 1183-Ն որոշում)
8. Տեսչությունն իր նպատակները և խնդիրները կատարելու համար իրականացնում է հետևյալ գործառույթները`
ա) պետական կառավարման և տեղական ինքնակառավարման մարմինների, կազմակերպությունների, ինչպես նաև պաշտոնատար անձանց ու քաղաքացիների կողմից հրդեհային և տեխնիկական անվտանգության նորմատիվ փաստաթղթերի պահանջների կատարման նկատմամբ հսկողության իրականացում.
ա.1) «Տեխնիկական անվտանգության ապահովման պետական կարգավորման մասին» Հայաստանի Հանրապետության օրենքի 17-րդ հոդվածի 1-ին մասի «է» կետով նախատեսված վերահսկողության իրականացում.
ա.2) արտադրական վտանգավոր օբյեկտի շահագործման արգելում, արտադրական վտանգավոր օբյեկտում տեղակայված առանձին տեխնիկական միջոցի կամ տեխնոլոգիական սարքավորման շահագործման արգելմանն ուղղված կարգադրագրի արձակում.
ա.3) Հայաստանի Հանրապետության կառավարության 2006 թվականի փետրվարի 16-ի N 302-Ն որոշմամբ նախատեսված տեխնիկական անվտանգության փորձաքննություն իրականացնող անձանց հավատարմագրման և հաշվառման կարգով նախատեսված պարբերական գնահատման իրականացումը.
բ) շահագրգիռ կազմակերպությունների հետ համատեղ շենքերի, շինությունների, շինարարական և դրանց շահագործման հրդեհային անվտանգության նորմատիվ փաստաթղթերի մշակում, որոնց պահանջները պարտադիր են կատարման պետական կառավարման և տեղական ինքնակառավարման մարմինների, կազմակերպությունների ու քաղաքացիների կողմից.
գ) բնակավայրերի, շենքերի և շինությունների նախագծման, կառուցման, շահագործման, հիմնանորոգման ու վերակառուցման ժամանակ հրդեհային նորմատիվ փաստաթղթերի պահանջների կիրառման մասին եզրակացություններ տալը.
դ) նորմատիվ փաստաթղթերով չսահմանված հրդեհային անվտանգության ապահովման առանձին լուծումներ պահանջող հարցերի վերաբերյալ լրացուցիչ հակահրդեհային միջոցառումներ մշակելը և ներկայացնելը.
ե) Հայաստանի Հանրապետության օրենսդրությանը համապատասխան ստուգումների և հրդեհային հետազոտությունների իրականացում կազմակերպություններում, հիմնարկներում, բնակելի շենքերում և առանձնատներում.
զ) շենքերը և շինությունները շահագործման ընդունող հանձնաժողովների աշխատանքներին մասնակցություն.
է) բնակավայրերում և օբյեկտներում հրդեհային անվտանգության ու պահպանության կազմակերպմանը վերաբերող հարցերի քննարկմանն ու լուծմանը մասնակցություն.
ը) հրդեհների հաշվառում և դրանց պատճառների վերլուծության իրականացում` հրդեհների առաջացմանը նպաստող պատճառների ու պայմանների վերացման միջոցառումների մշակման համար.
թ) Հայաստանի Հանրապետության օրենսդրությանը համապատասխան` հրդեհներին վերաբերող գործերով հետաքննության իրականացում.
ժ) վարչական պատասխանատվության միջոցների կիրառում` Հայաստանի Հանրապետության օրենսդրությանը համապատասխան.
ժա) հակահրդեհային քարոզչության իրականացում` համագործակցելով զանգվածային լրատվության միջոցների, պետական կառավարման և տեղական ինքնակառավարման մարմինների հետ.
ժբ) նորմատիվ փաստաթղթերով չսահմանված հակահրդեհային պահանջներին չհամապատասխանող առանձին ապրանքների արտադրության, իրացման և օգտագործման արգելում.
ժգ) պետական կառավարման և տեղական ինքնակառավարման մարմիններ նրանց ենթակա օբյեկտներում հրդեհները կանխելու վերաբերյալ առաջարկություններ ներկայացնելն ու ձեռնարկված միջոցների մասին տեղեկատվություն պահանջելը.
ժդ) օբյեկտի կամ առանձին արտադրամասերի, տեղամասերի, ագրեգատների, շենքերի և շինությունների շահագործման դադարեցում (արգելում) հրդեհի կամ տեխնածին այլ վթարի սպառնալիք առաջանալու դեպքում:
(8-րդ կետը փոփ. 28.07.11 թիվ 1183-Ն որոշում)
III. ՏԵՍՉՈՒԹՅԱՆ ԿԱՌԱՎԱՐՈՒՄԸ
i
9. Տեսչությունը կառավարում է Հայաստանի Հանրապետության արտակարգ իրավիճակների նախարարը (այսուհետ` նախարար): Տեսչության անմիջական ղեկավարումն իրականացնում է տեսչության պետը, որին պաշտոնի նշանակում և պաշտոնից ազատում է նախարարը` «Քաղաքացիական ծառայության մասին» Հայաստանի Հանրապետության օրենքով սահմանված կարգով:
Տեսչության պետն իր գործունեության ընթացքում առաջնորդվում է Հայաստանի Հանրապետության Սահմանադրությամբ, օրենքներով, նախարարության կանոնադրությամբ և սույն կանոնադրությամբ, ինչպես նաև այլ իրավական ակտերով ու Հայաստանի Հանրապետության միջազգային պայմանագրերով:
(9-րդ կետը փոփ. 22.12.05 թիվ 2309-Ն, 26.08.10 թիվ 1087-Ն որոշումներ)
10. Տեսչության պետն ի պաշտոնե Հայաստանի Հանրապետության հրդեհային հսկողության գլխավոր պետական տեսուչն է, իսկ նրա տեղակալները` գլխավոր պետական տեսուչի տեղակալները:
11. Տեսչության պետը`
i
ա) ղեկավարում է տեսչության ընթացիկ գործունեությունը, պատասխանատու է իր առջև դրված խնդիրների և գործառույթների իրականացման համար.
բ) օրենքով, այլ իրավական ակտերով և սույն կանոնադրությամբ նախատեսված գործունեության բնագավառի, նպատակների ու խնդիրների վերաբերյալ համապատասխան առաջարկություններ է ներկայացնում նախարարին կամ նախարարության աշխատակազմի ղեկավարին.
գ) նախարարին կամ նախարարության աշխատակազմի ղեկավարին պարբերաբար ներկայացնում է տեղեկատվություն տեսչության կողմից իրականացվող աշխատանքների ընթացքի մասին.
դ) ապահովում է նախարարի հրամանների և ցուցումների, ինչպես նաև ծառայության աշխատակազմի ղեկավարի ցուցումների, հանձնարարականների ու առաջադրանքների կատարումը և արդյունքների մասին տեղեկացնում նախարարին կամ նախարարության աշխատակազմի ղեկավարին.
ե) նախարարության կանոնադրությանը և սույն կանոնադրությանը համապատասխան` սահմանում է տեսչության կառուցվածքային ստորաբաժանումների ու տարածքային մարմինների իրավասությունները.
զ) կատարում է աշխատանքի բաշխում տեղակալների միջև.
է) իրականացնում է վերահսկողություն տեսչության կառուցվածքային ստորաբաժանումների և տարածքային մարմինների օգտագործմանը հանձնված պետական սեփականության պահպանման նկատմամբ.
ը) նախարարին ներկայացնում է առաջարկություններ տեսչության կառուցվածքի ու աշխատողների թվի վերաբերյալ.
ը.1) իր իրավասության սահմաններում նախարարության աշխատակազմի ղեկավարին ներկայացնում է առաջարկություններ տեսչության աշխատողների նկատմամբ խրախուսանքի և կարգապահական տույժի միջոցների կիրառման վերաբերյալ.
թ) իրականացնում է օրենքով, այլ իրավական ակտերով և սույն կանոնադրությամբ նախատեսված այլ լիազորություններ:
(11-րդ կետը փոփ. 22.12.05 թիվ 2309-Ն, 26.08.10 թիվ 1087-Ն որոշումներ)
i
12. Տեսչության պետի բացակայության կամ պաշտոնական պարտականությունների կատարման անհնարինության դեպքում նրան փոխարինելու հարցը կարգավորվում է քաղաքացիական ծառայության մասին Հայաստանի Հանրապետության օրենսդրությամբ սահմանված կարգով:
(12-րդ կետը փոփ. 22.12.05 թիվ 2309-Ն, 26.08.10 թիվ 1087-Ն որոշումներ)
13. Տեսչության կառուցվածքային ստորաբաժանումների և տարածքային մարմինների պետերն ի պաշտոնե Հայաստանի Հանրապետության հրդեհային հսկողության ավագ պետական տեսուչներ են:
14. Տեսչության տեսչական գործառույթներ իրականացնող ծառայողներն ի պաշտոնե Հայաստանի Հանրապետության հրդեհային հսկողության պետական տեսուչներ են:
IV. ՏԵՍՉՈՒԹՅԱՆ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ
i
15. Օրենքով, այլ իրավական ակտերով, նախարարության կանոնադրությամբ և սույն կանոնադրությամբ տեսչությանը վերապահված լիազորությունների լիարժեք ու արդյունավետ իրականացումը, ինչպես նաև քաղաքացիաիրավական հարաբերություններին նրա մասնակցությունն ապահովում է նախարարությանը:
(15-րդ կետը փոփ. 22.12.05 թիվ 2309-Ն, 26.08.10 թիվ 1087-Ն, 26.05.11 թիվ 690-Ն որոշումներ)
i
16. Տեսչությունն ունի կառուցվածքային ստորաբաժանումներ և տարածքային մարմիններ, որոնց կանոնադրությունը հաստատում է նախարարը: Տեսչության կառուցվածքային ստորաբաժանումների և տարածքային մարմինների աշխատողները քաղաքացիական ծառայողներ են: Տեսչության կազմում կարող է լինել տեխնիկական սպասարկող անձնակազմ:
(16-րդ կետը փոփ. 26.08.10 թիվ 1087-Ն որոշում)
17. Տեսչության վերակազմակերպման և նրա գործունեության դադարման կարգն ու պայմանները սահմանվում են օրենքով և այլ իրավական ակտերով:
(կանոնադրությունը փոփ. 28.07.11 թիվ 1183-Ն որոշում)
Հավելված N 2
ՀՀ կառավարության
2005 թվականի մարտի 10-ի
N 383-Ն որոշման
i
ԿԱՌՈՒՑՎԱԾՔ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ՊԵՏԱԿԱՆ ՀՐԴԵՀԱՅԻՆ ԵՎ ՏԵԽՆԻԿԱԿԱՆ ԱՆՎՏԱՆԳՈՒԹՅԱՆ ՏԵՍՉՈՒԹՅԱՆ
I. Կառուցվածքային ստորաբաժանումներ
Հրդեհային և տեխնիկական անվտանգության տեսչական բաժին
Հետաքննության և վարչական վարույթի բաժին
Նորմատիվ տեխնիկական աշխատանքների բաժին
Հրդեհների հաշվառման, վերլուծության և հակահրդեհային քարոզչության բաժին
II. Տարածքային մարմիններ
Երևանի հրդեհային և տեխնիկական անվտանգության տեսչություն
Արագածոտնի մարզային հրդեհային և տեխնիկական անվտանգության տեսչություն
Արարատի մարզային հրդեհային և տեխնիկական անվտանգության տեսչություն
Արմավիրի մարզային հրդեհային և տեխնիկական անվտանգության տեսչություն
Գեղարքունիքի մարզային հրդեհային և տեխնիկական անվտանգության տեսչություն
Լոռու մարզային հրդեհային և տեխնիկական անվտանգության տեսչություն
Կոտայքի մարզային հրդեհային և տեխնիկական անվտանգության տեսչություն
Շիրակի մարզային հրդեհային և տեխնիկական անվտանգության տեսչություն
Սյունիքի մարզային հրդեհային և տեխնիկական անվտանգության տեսչություն
Վայոց ձորի մարզային հրդեհային և տեխնիկական անվտանգության տեսչություն
Տավուշի մարզային հրդեհային և տեխնիկական անվտանգության տեսչություն
(կառուցվածքը փոփ. 19.05.05 թիվ 634-Ն, 22.12.05 թիվ 2309-Ն, 26.08.10 թիվ 1087-Ն, 28.07.11 թիվ 1183-Ն որոշումներ)
համ