040.0741.061299
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«6» դեկտեմբերի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
6 դեկտեմբերի 1999 թվականի թիվ 741
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՆԱՊԱՀՊԱՆՈՒԹՅԱՆ ՆԱԽԱՐԱՐՈՒԹՅԱՆ ԲՆՈՒԹՅԱՆ ՀԱՏՈՒԿ ՊԱՀՊԱՆՎՈՂ ՏԱՐԱԾՔՆԵՐԻ ՎԱՐՉՈՒԹՅՈՒՆԸ ԼՈՒԾԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Լուծարել Հայաստանի Հանրապետության բնապահպանության նախարարության բնության հատուկ պահպանվող տարածքների վարչությունը:
2. Հայաստանի Հանրապետության բնապահպանության նախարարությանը`
ա) նախարարության կենտրոնական ապարատում ստեղծել բնության հատուկ պահպանվող տարածքների վարչություն.
բ) մեկամսյա ժամկետում Հայաստանի Հանրապետության կառավարություն ներկայացնել առաջարկություն Հայաստանի Հանրապետության բնապահպանության նախարարության կենտրոնական ապարատի կառուցվածքում և աշխատողների առավելագույն թվաքանակում սույն որոշումից բխող համապատասխան փոփոխություններ կատարելու վերաբերյալ.
գ) ձեռնարկել միջոցներ վարչության լուծարման գործընթացը սահմանված կարգով իրականացնելու, ինչպես նաև աշխատանքից ազատման ենթակա աշխատողների աշխատանքային իրավունքներն ու երաշխիքներն ապահովելու համար:
i
3. Ուժը կորցրած ճանաչել Հայաստանի Հանրապետության կառավարության 1998 թվականի հունվարի 28-ի «Հայաստանի Հանրապետության բնապահպանության նախարարության բնության հատուկ պահպանվող տարածքների վարչություն և երկրաբանական վարչություն ստեղծելու մասին» N 36 որոշման 1-ին կետի «ա» ենթակետը` բնության հատուկ պահպանվող տարածքների վարչության մասով:
4. Սույն որոշումն ուժի մեջ է մտնում 1999 թվականի դեկտեմբերի 6-ից: