320.0062.280416
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«28» 04 2016 Թ.
ՊԵՏԱԿԱՆ ԳՐԱՆՑՄԱՆ ԹԻՎ 32016136
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅՈՒՆ ՀՐԱՄԱՆ
14 ապրիլի 2016 թվականի N 62-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅԱՆ ՊԵՏԻ 2007 ԹՎԱԿԱՆԻ ԱՊՐԻԼԻ 23-Ի N 64-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Ավիացիայի մասին» Հայաստանի Հանրապետության օրենքի 12-րդ հոդվածի 4-րդ մասով և «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին և 2-րդ մասերով.
ՀՐԱՄԱՅՈՒՄ ԵՄ`
1. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետի 2007 թվականի ապրիլի 23-ի «Հայաստանի Հանրապետության սերտիֆիկացված աերոդրոմների շահագործման պայմանները հաստատելու մասին» N 64-Ն հրամանի հավելվածի (այսուհետ` Հավելված) մեջ կատարել հետևյալ փոփոխությունները և լրացումները.
i
1) Հավելվածի 3-րդ կետի 26-րդ ենթակետում «Հայաստանի Հանրապետության քաղաքացիական ավիացիայի բնագավառում պետական կառավարումն իրականացնող Հայաստանի Հանրապետության կառավարության կառուցվածքում գործող պետական կառավարման հանրապետական մարմնի (այսուհետ` Լիազորված մարմին)» բառերը փոխարինել «Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության (այսուհետ` Գլխավոր վարչություն)» բառերով.
i
2) Հավելվածի 31-րդ կետում «Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետի» բառերը փոխարինել «Գլխավոր վարչության պետի» բառերով.
i
3) Հավելվածի 32-րդ կետում «Լիազորված մարմնի» բառերը փոխարինել «Գլխավոր վարչության» բառերով.
i
4) Հավելվածի 45-րդ կետում «Լիազոր մարմնին» բառերը փոխարինել «Գլխավոր վարչությանը» բառերով.
5) Հավելվածը լրացնել հետևյալ բովանդակությամբ նոր 83.1-րդ կետով.
i
«83.1. Աերոդրոմ շահագործողը մշակում է կանոնակարգեր` ուղղված աերոդրոմի տարածքում թռիչքների անվտանգության ապահովմանը:
1) Սույն կետում նշված կանոնակարգերը տարածվում են աերոդրոմի տարածքում գործունեություն իրականացնող բոլոր ծառայությունների և աշխատակիցների վրա, անկախ նրանց կազմակերպչական ենթակայությունից.
2) Տարին առնվազն երկու անգամ Աերոդրոմ շահագործողը կազմակերպում և անցկացնում է աերոդրոմի տարածքում աշխատանքներ իրականացնող աշխատակիցների տեսական վերապատրաստում` ուղղված թռիչքների անվտանգության և անհատական անվտանգության կանոնների ապահովմանը:».
6) Հավելվածը լրացնել հետևյալ բովանդակությամբ նոր 84.1-րդ կետով.
i
«84.1. Աերոդրոմում վերգետնյա երթևեկման կառավարման համակարգը պետք է մշակվի այնպես, որպեսզի բացառվեն օդանավերի կամ տրանսպորտային միջոցների չարտոնագրված մուտքը վազքուղի, ինչպես նաև գետնավարող օդանավերի միջև և տրանսպորտային միջոցների հետ բախումները:».
i
7) Հավելվածի 90-րդ կետում «Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության» բառերը փոխարինել «Գլխավոր վարչության պետի» բառերով.
i
8) Հավելվածի 91-րդ կետը լրացնել նոր 4-րդ ենթակետով հետևյալ բովանդակությամբ`
«4) Թռիչք/վայրէջքի գոտիների սահմաններում բնակավայրերի առկայությունը. օդանավերի արտանետումների և աղմուկի ազդեցությունը նվազեցնելու նպատակով:».
9) Հավելվածը լրացնել նոր 91.1-րդ կետով հետևյալ բովանդակությամբ.
i
«91.1. Նոր աերոդրոմների նախագծման և կառուցման, ինչպես նաև գործող աերոդրոմների վերակառուցման ընթացքում հաշվի են առնվում կառուցվածքներին և ենթակառուցվածքներին ներկայացվող պահանջները` ուղղված թռիչքների անվտանգության ապահովմանը:».
i
10) Հավելվածի 92-րդ կետի 1-ին ենթակետում «Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությանը (այսուհետ` Գլխավոր վարչություն)» բառերը փոխարինել «Գլխավոր վարչությանը» բառերով.
11) Հավելվածի Հավելված 1-ի 19-րդ կետը շարադրել նոր խմբագրությամբ.
i
«19. Սույն Հավելվածում ներկայացված հարթությունների սահմաններից դուրս տեղակայված անշարժ օբյեկտները, որոնց բարձրությունը գետնի մակերևույթի նկատմամբ գերազանցում է 60 և ավելի մետրը, կարող են դիտարկվել որպես խոչընդոտ, եթե աերոնավիգացիոն հետազոտությունների արդյունքում սահմանվում է, որ դրանք կարող են սպառնալ թռիչքների անվտանգությանը:
1) Աերոնավիգացիոն հետազոտություններն իրականացվում են Գլխավոր վարչության կողմից: Գլխավոր վարչության հրավերով աերոնավիգացիոն հետազոտություններում կարող են մասնակցել Աերոդրոմ շահագործողի և ՕԵԿ մարմնի մասնագետները:»:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը: