(ուժը կորցրել է 11.01.02 թիվ 5 որոշում)
i
050.0200.021299
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
2 դեկտեմբերի 1999 թվականի թիվ 200
i
ԱՐԺՈՒԹԱՅԻՆ ԴԻԼԵՐՆԵՐԻ ԵՎ ԱՐՏԱՐԺՈՒՅԹԻ ՓՈԽԱՆԱԿՄԱՆ ԿԵՏԵՐԻ ՏԱՐԱԾՔԱՅԻՆ ՏԵՂԱԲԱՇԽՎԱԾՈՒԹՅԱՆ ՀԱՄԱՄԱՍՆԱԿԱՆՈՒԹՅԱՆ ԱՊԱՀՈՎՄԱՆ ՆՊԱՏԱԿՈՎ ՏԱՐԱԾՔՆԵՐԻ ԳՈՏԻԱԿԱՆՈՒԹՅՈՒՆ ԵՎ ԳՈՐԾԱԿԻՑՆԵՐ ՍԱՀՄԱՆԵԼՈՒ ՄԱՍԻՆ
Առաջնորդվելով Հայաստանի Հանրապետության արժութային շուկայի տարածքային կառավարման կատարելագործման և արժութային շուկայի մասնակիցների տարածքային գերկուտակումներ թույլ չտալու նպատակներով, ղեկավարվելով «Արժութային կարգավորման և արժութային վերահսկողության մասին» Հայաստանի Հանրապետության օրենքի 12-րդ և 13-րդ հոդվածների, ինչպես նաև «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի դրույթներով` Հայաստանի Հանրապետության կենտրոնական բանկի խորհուրդը որոշում է.
1. Հաստատել արժութային դիլերների և արտարժույթի փոխանակման կետերի լիցենզավորման ժամանակ կիրառվող տարածքների գոտիականությունը և դրամարկղում, ցպահանջ ու ժամկետային հաշիվներում (արտարժույթի փոխանակման կետերի համար), ինչպես նաև արժեթղթերում (արժութային դիլերների համար) ներդրված միջոցների ընդհանուր գումարի նկատմամբ հետևյալ գործակիցները`
ա) գոտի I (գործակիցը` 3.0) - Երևան քաղաքի Տիգրան Մեծի պողոտայի` Մելիք-Ադամյան և Ագաթանգեղոսի փողոցների միջև ընկած հատվածը, Սվաճյան փողոցի` Սեբաստիայի փողոցի և Սվաճյան փողոցի փակուղու միջև ընկած հատվածը, Կասյան փողոցը.
բ) գոտի II (գործակիցը` 1.0) - Երևան քաղաքի, ինչպես նաև հանրապետության մնացած տարածքները:
2. Սույն որոշումն ուժի մեջ է մտնում`
ա) նոր հիմնադրվող արժութային դիլերների և արտարժույթի փոխանակման կետերի համար` 2000 թվականի հունվարի 1-ից,
բ) գործող արժութային դիլերների և արտարժույթի փոխանակման կետերի համար` 2000 թվականի ապրիլի 1-ից:
3. Սույն որոշումն ուժի մեջ է մտնում ընդունման պահից: