(ուժը կորցրել է 02.07.01 թիվ 588 որոշում)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
20 դեկտեմբերի 1993 թվականի թիվ 635
i
ՊԱՇՏՈՆԵԱԿԱՆ (ԾԱՌԱՅՈՂԱԿԱՆ), ԻՆՉՊԵՍ ՆԱԵՎ ՀԱՆՐԱԿԱՑԱՐԱՆԱՅԻՆ ԲՆԱԿԵԼԻ ՏԱՐԱԾՈՒԹՅՈՒՆՆԵՐԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՔԱՂԱՔԱՑԻՆԵՐԻՆ ՀԱՏԿԱՑՆԵԼՈՒ ԿԱՐԳԻ ՀԱՍՏԱՏՄԱՆ ՄԱՍԻՆ
Ի կատարումն Հայաստանի Հանրապետության Գերագույն խորհրդի 1993 թվականի հունիսի 23-ի «Հայաստանի Հանրապետության պետական և հանրային բնակֆոնդի սեփականաշնորհման մասին» Հայաստանի Հանրապետության օրենքի կիրարկման կարգի մասին» որոշման, Հայաստանի Հանրապետության կառավարությունը որոշում է.
Հաստատել պաշտոնեական (ծառայողական), ինչպես նաև հանրակացարանային բնակելի տարածությունները սեփականության իրավունքով քաղաքացիներին հատկացնելու կարգը (կցվում է):
ՀԱՍՏԱՏՎԱԾ Է
ՀՀ կառավարության 1993թ.
դեկտեմբերի 20-ի թիվ 635 որոշմամբ
Կ Ա Ր Գ
ՊԱՇՏՈՆԵԱԿԱՆ (ԾԱՌԱՅՈՂԱԿԱՆ), ԻՆՉՊԵՍ ՆԱԵՎ ՀԱՆՐԱԿԱՑԱՐԱՆԱՅԻՆ ԲՆԱԿԵԼԻ ՏԱՐԱԾՈՒԹՅՈՒՆՆԵՐԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՔԱՂԱՔԱՑԻՆԵՐԻՆ ՀԱՏԿԱՑՆԵԼՈՒ
i
1. Գերատեսչությունների, ձեռնարկությունների, հիմնարկների, կազմակերպությունների տնօրինության տակ գտնվող և իրենց աշխատողների կողմից զբաղեցված պաշտոնեական (ծառայողական), ինչպես նաև հանրակացարանային բնակելի տարածությունների (բացառությամբ մահճակալային տիպի հանրակացարանների) սեփականաշնորհման վերաբերյալ կոլեկտիվների միջնորդություններն ընդունվում են տվյալ գերատեսչությունների, ձեռնարկությունների, հիմնարկների, կազմակերպությունների ադմինիստրացիաների հետ համատեղ` կոլեկտիվի ընդհանուր ժողովում:
Միջնորդությունները կարող են հարուցվել այն աշխատողների նկատմամբ, որոնց սեփականաշնորհման համար դիմումը ներկայացնելու պահից առնվազն մեկ տարի առաջ սահմանված կարգով հատկացվել են տվյալ պաշտոնեական (ծառայողական) կամ հանրակացարանային բնակելի տարածությունները:
(1-ին կետը փոփ. 13.08.98 թիվ 505 որոշում)
i
2. Պաշտոնեական (ծառայողական), ինչպես նաև հանրակացարանային բնակելի տարածությունների սեփականաշնորհման մասին միջնորդությունները ներկայացվում են համապատասխան տեղական ինքնակառավարման մարմնին:
Ձեռնարկությունների, հիմնարկների, կազմակերպությունների տնօրինության տակ գտնվող և իրենց աշխատողների կողմից զբաղեցված պաշտոնեական (ծառայողական), ինչպես նաև հանրակացարանային բնակելի տարածությունների սեփականաշնորհման մասին միջնորդությունները անվանական կարգով համապատասխան տեղական ինքնակառավարման մարմնին ներկայացվում վերադաս կառավարման մարմնի համաձայնությամբ:
Կոլեկտիվի ընդհանուր ժողովի և վերադաս կառավարման մարմնի կողմից համաձայնություն տալու և Հայաստանի Հանրապետության սեփականաշնորհման նախարարություն միջնորդություն ներկայացնելու ժամկետը չպետք է գերազանցի 6 ամիսը:
/փոփ. 01.05.97 թիվ 113, 29.12.97 թիվ 619 որոշումներ/
i
3. Համապատասխան տեղական ինքնակառավարման մարմինները պաշտոնեական (ծառայողական), ինչպես նաև հանրակացարանային բնակելի տարածությունների սեփականաշնորհման մասին միջնորդություններն իրենց եզրակացությունների և այդ բնակելի տարածքների հատկացման հիմնավորումների հետ 20-օրյա ժամկետում ներկայացնում են համապատասխան մարզպետներին (Երևանում` Երևանի քաղաքապետին), որոնք դրանց ստացման օրվանից 20-օրյա ժամկետում ներկայացնում են Հայաստանի Հանրապետության սեփականաշնորհման նախարարություն:
Հայաստանի Հանրապետության սեփականաշնորհման նախարարությունը նշված նյութերն ամփոփելուց հետո 20-օրյա ժամկետում սահմանված կարգով առաջարկություն է ներկայացնում Հայաստանի Հանրապետության կառավարություն:
/փոփ. 01.05.97 թիվ 113, 29.12.97 թիվ 619 որոշումներ/
i
4. Հայաստանի Հանրապետության կառավարության կողմից պաշտոնեական (ծառայողական), ինչպես նաև հանրակացարանային բնակելի տարածությունները սեփականության իրավունքով աշխատողներին հատկացնելու մասին համաձայնության դեպքում համապատասխան տեղական ինքնակառավարման մարմինները, մարզպետները և Երևանի քաղաքապետն իրականացնում են դրանց սեփականաշնորհումը` Հայաստանի Հանրապետության օրենսդրությամբ սահմանված կարգով: