(ուժը կորցրել է 18.05.2022 թիվ 31-Ն հրաման)
i
100.0046.220814
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«22» 08 2014 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10014375
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ ՀՐԱՄԱՆ
3 հուլիսի 2014 թվականի N 46-Ն
«ԱՆՁՆԱԿԱՆ ՀԻԳԻԵՆԱՅԻ ՄԻՋՈՑՆԵՐԻՆ ՆԵՐԿԱՅԱՑՎՈՂ ՍԱՆԻՏԱՐԱՀԱՄԱՃԱՐԱԿԱԲԱՆԱԿԱՆ ԵՎ ՀԻԳԻԵՆԻԿ ՊԱՀԱՆՋՆԵՐ» N 2.1.7.009-14 ՍԱՆԻՏԱՐԱԿԱՆ ԿԱՆՈՆՆԵՐԸ ԵՎ ՆՈՐՄԵՐԸ ՀԱՍՏԱՏԵԼՈՒ ԵՎ ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2005 ԹՎԱԿԱՆԻ ԴԵԿՏԵՄԲԵՐԻ 16-Ի N 1206-Ն ՀՐԱՄԱՆԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հիմք ընդունելով «Հայաստանի Հանրապետության բնակչության սանիտարահամաճարակային անվտանգության ապահովման մասին» Հայաստանի Հանրապետության օրենքի 7-րդ հոդվածը և Հայաստանի Հանրապետության կառավարության 2002 թվականի օգոստոսի 15-ի «Հայաստանի Հանրապետության առողջապահության նախարարության աշխատակազմ պետական կառավարչական հիմնարկ ստեղծելու, Հայաստանի Հանրապետության առողջապահության նախարարության կանոնադրությունը և աշխատակազմի կառուցվածքը հաստատելու մասին» N 1300-Ն որոշման 12 կետի «դ» ենթակետը.
ՀՐԱՄԱՅՈՒՄ ԵՄ`
1. Հաստատել «Անձնական հիգիենայի միջոցներին ներկայացվող սանիտարահամաճարակաբանական և հիգիենիկ պահանջներ» N 2.2.7.009-14 սանիտարական կանոններ և նորմերը` համաձայն հավելվածի:
i
2. ՈՒժը կորցրած ճանաչել Հայաստանի Հանրապետության առողջապահության նախարարի 2005 թվականի դեկտեմբերի 16-ի N 1206-Ն հրամանը:
3. Սույն հրամանը ուժի մեջ է մտնում հրապարակման օրվան հաջորդող 10-րդ օրը:
Հավելված
ՀՀ առողջապահության նախարարի
2014 թվականի հուլիսի 3-ի
N 46-Ն հրամանի
«ԱՆՁՆԱԿԱՆ ՀԻԳԻԵՆԱՅԻ ՄԻՋՈՑՆԵՐԻՆ ՆԵՐԿԱՅԱՑՎՈՂ ՍԱՆԻՏԱՐԱՀԱՄԱՃԱՐԱԿԱԲԱՆԱԿԱՆ ԵՎ ՀԻԳԻԵՆԻԿ ՊԱՀԱՆՋՆԵՐ» N 2.1.7.009-14 ՍԱՆԻՏԱՐԱԿԱՆ ԿԱՆՈՆՆԵՐ ԵՎ ՆՈՐՄԵՐ
1. Անձնական հիգիենայի միջոցներին ներկայացվող սանիտարահամաճարակաբանական և հիգիենիկ պահանջներով (այսուհետ` սանիտարական կանոններ) սահմանվում են ընդհանուր սանիտարահիգիենիկ պահանջները և նորմատիվային հիգիենիկ ցուցանիշները, որոնցով ապահովվում է անձնական հիգիենայի միջոցների բնակչության առողջության համար անվտանգ օգտագործումը` հիգիենիկ, գեղագիտական, պաշտպանական և կանխարգելման նպատակներով օգտագործման դեպքում:
2. Սույն սանիտարական կանոնները տարածվում են մաքսային միության տարածքում արտադրվող կամ երրորդ երկրից ներմուծվող անձնական հիգիենայի միջոցների բոլոր տեսակների և անվանումների վրա` համաձայն աղյուսակ 2-ի:
3. Սանիտարական կանոններում ներառված պահանջները չեն տարածվում բժշկական նշանակության վերմաշկային օգտագործման միջոցների և արտադրատեսակների վրա` բացառությամբ հիգիենիկ (բժշկական) բամբակի:
4. Սույն սանիտարական կանոններով կանոնակարգվում է անձնական հիգիենայի միջոցներին դասվող` հսկողության ենթակա ապրանքների խմբերին ներկայացվող պահանջները` Մաքսային Միության արտաքին տնտեսական գործունեության ապրանքների անվանացանկի (այսուհետ` ՄՄ ԱՏԳ ԱԱ) ծածկագրերի համաձայն.4803 00, 4818, 9619 00 (Աղյուսակ 1):
5. Տերմիններ և սահմանումներ
1) ՄԹՔ` քիմիական նյութերի միգրացիայի թույլատրելի քանակություն, (մգ/լ)
2) ՆԻԱ` նորմատիվ իրավական ակտ,
3) Անձնական հիգիենայի միջոցների համար տիպային նմուշ` նմուշ, որն ընտրված է այն արտադրանքի խմբից, որը պատրաստված է մեկ արտադրողի կողմից` միասնական տեխնիկական պահանջներով, ունի միևնույն հումքային (բաղադրական) կազմը, կիրառման նույն ոլորտը և պայմաններն ու տարբերվում է փաթեթվածքի ծավալով (քանակությամբ), արտադրատեսակի ձևով և չափով (հաստությամբ), կիրառվող բուրավետիչի և (կամ) գունանյութի տեսակով:
| ԳԼՈՒԽ II. |
ԸՆԴՀԱՆՈՒՐ ԴՐՈՒՅԹՆԵՐ |
6. Կազմակերպություն, ցանկացած իրավաբանական անձ կամ անհատ ձեռնարկատեր, որն արտադրում և (կամ) իրացնում է անձնական հիգիենայի միջոցներ, օրենքով սահմանված կարգով պատասխանատվություն է կրում դրանց որակի և սպառողի առողջության համար անվտանգ լինելու համար ու երաշխավորում է անձնական հիգիենայի միջոցների համապատասխանությունը սույն սանիտարական կանոնների պահանջներին և անձնական հիգիենայի կոնկրետ տեսակին և անվանմանն առնչվող` գործող նորմատիվային փաստաթղթերին:
7. Ստանդարտները և անձնական հիգիենայի միջոցներին առնչվող նորմատիվային փաստաթղթերը մշակելիս պետք է հաշվի առնվեն սույն սանիտարահամաճարակաբանական պահանջների դրույթները: Սանիտարահամաճարակաբանական պահանջների խախտումը հանգեցնում է օրենքով սահմանված կարգապահական, վարչական և քրեական պատասխանատվություն:
| ԳԼՈՒԽ III. |
ԸՆԴՀԱՆՈՒՐ ՍԱՆԻՏԱՐԱՀԻԳԻԵՆԻԿ ՊԱՀԱՆՋՆԵՐԸ |
8. Անձնական հիգիենայի միջոցների հումքային նյութերին և պատրաստի արտադրանքի կոնկրետ տեսակին (ստանդարտներ, տեխնիկական պայմաններ, տեխնոլոգիական կանոնակարգեր և այլն) առնչվող նորմատիվային փաստաթղթերը, դրանք արտադրելիս, պահպանելիս, փոխադրելիս ու իրացնելիս, պետք է պարունակեն սույն և այլ գործող սանիտարական կանոնների և նորմերի պահանջները:
9. Հումքը և նյութերը, որոնցից պատրաստվում են անձնական հիգիենայի միջոցները, պետք է լինեն առողջապահության ոլորտի լիազոր մարմնի կողմից թույլատրված շարքից:
10. Ելակետային նյութերի և հումքի որակը (նախնական հսկողություն), արտադրանքի որակը` տեխնոլոգիական գործընթացի առանձին փուլերում (արտադրական հսկողություն) և պատրաստի արտադրանքի որակը, այդ թվում նաև դրա անվտանգության ցուցանիշներով, պետք է վերահսկվի արտադրող ձեռնարկության լաբորատորիաների կամ այլ հավատարմագրված լաբորատորիաների կողմից` համապատասխան ` նորմատիվ իրավական ակտով (այսուհետ` ՆԻԱ) նախատեսված ցուցանիշների ամբողջ ծավալով:
11. Անձնական հիգիենայի միջոցների փաթեթավորումն առավելապես պետք է լինի հերմետիկ (թույլատրվում են տեխնոլոգիական մակակտրվածքներ), պետք է պատրաստված լինի այնպիսի նյութերից, որոնք չեն ազդի որակական ու հիգիենիկ ցուցանիշների վրա և կապահովեն դրանցում տեղավորած արտադրանքի կայունությունը` սահմանված պիտանիության ժամկետում, և պետք է օգտագործման համար հարմարավետ լինի:
12. Անձնական հիգիենայի միջոցների պահպանման և փոխադրման ընթացքում պետք է պահպանվեն արտադրանքի տվյալ տեսակին առնչվող ՆԻԱ-ում նկարագրված պայմանները, որոնք ապահովում են արտադրանքի ելակետային որակի և հիգիենիկ անվտանգության ցուցանիշների պահպանությունը, դրանց պահպանումը շրջակա միջավայրի գործոնների ազդեցությունից, փաթեթների ոչնչացնելուց և վնասելուց:
13. ՆԻԱ-ում պետք է սահմանվեն այն պայմանները, որոնց առկայության դեպքում հնարավոր է խոտանի վերամշակումը` առանց վերջնական արտադրանքի որակին վնաս հասցնելու: Այլ պայմաններում խոտանված արտադրանքը ենթակա է օգտահանման` ՀՀ օրենսդրությամբ սահմանված կարգով:
14. Անձնական հիգիենայի միջոցների փաթեթվածքի վրա պետք է լինի հստակ կատարված և դյուրընթեռնելի, չջնջվող մակնշում` հայերենով և ռուսերենով, որը պարունակում է հետևյալ տեղեկությունները`
1) արտադրատեսակի անվանումը,
2) առևտրային նշանի անվանումը (անհրաժեշտության դեպքում) և արտադրատեսակի անվանումը (կարող են նշվել լատինական այբուբենի տառերով),
3) ծագման երկրի անվանումը, արտադրող ընկերության կամ դրա արտադրանքի մատակարարի անվանումն ու հասցեն (կարող են նշվել լատինական այբուբենի տառերով),
4) նպատակը և օգտագործման եղանակը (թույլատրվում է չներկայացնել օգտագործման ցուցումներ, եթե տվյալ արտադրատեսակի կիրառումն ակնհայտ է և հանրահայտ),
5) օգտագործման սահմանափակումը և նախազգուշացումները (անհրաժեշտության դեպքում),
6) թողարկման ամսաթիվը և պիտանիության ժամկետը, կամ պիտանիության վերջնական ժամկետը, խմբաքանակի կամ սերիայի համարը,
7) տվյալ արտադրանքին (ԱՊՀ երկրներում պատրաստված) առնչվող ՆԻԱ-ի գրանշումը,
8) քանակը և (կամ) զանգվածը (տակդիրների համար` դրանց չափսը կամ երեխայի քաշը, համընդհանուր նշում` երեխայի քաշին տակդիրների չափսի համապատասխանության մասին),
9) պահպանման պայմանները (անհրաժեշտության դեպքում):
15. Արտադրատեսակի կամ փաթեթավորման վրա անհրաժեշտ տեղեկատվության տեղադրման անհնարինության դեպքում (արտադրանքի փոքր չափերը և ձևը) այն պետք է ներկայացվի պիտակների, ապրանքանիշների, թերթ-ներդիրների և այլնի վրա, որոնք ամրացվում են արտադրատեսակին կամ կից ներկայացվում են:
16. Սույն սանիտարական կանոնների 7-8-րդ կետերում նշված պահանջները տարածվում են երրորդ երկրից ներմուծվող անձնական հիգիենայի բոլոր միջոցների վրա: Թույլատրվում է արտադրող երկրի լեզվով մակնշում կատարելը` յուրաքանչյուր առանձին փաթեթվածքին հայերեն և ռուսերենով ծանոթագրություն (պիտակ) կցելու պայմանով:
17. Անձնական հիգիենայի հայրենական արտադրության միջոցների սանիտարահամաճարակաբանական և հիգիենիկ գնահատումն իրականացվում է արտադրությունն սկսելու փուլում, իսկ ներմուծվող արտադրատեսակներինը` կոնկրետ արտադրանքի ներմուծման փուլում:
18. Անձնական հիգիենայի միջոցների սանիտարահամաճարակաբանական և հիգիենիկ գնահատումն իրականացվում է սույն սանիտարական կանոնների պահանջներին համապատասխան:
19. Կրկին մշակված և առաջին անգամ սերիական թողարկման համար նախատեսված 1-ին, 2-րդ խմբերի անձնական հիգիենայի միջոցների համար (աղյուսակ 2) պետք է անցկացվեն կլինիկական փորձարկումներ:
20. Սանիտարահամաճարակաբանական և հիգիենիկ գնահատման, ընտրովի լաբորատոր հսկողության համար նմուշառումը կատարվում է միատեսակ արտադրանքից` փորձարկումների համար անհրաժեշտ քանակությամբ, սակայն
1) տակդիրների 2 փաթեթից,
2) կանանց հիգիենիկ միջադիրների և տամպոնների 3 փաթեթից,
3) անձնական հիգիենայի միջոցների այլ տեսակների և անվանումների 3 փաթեթից ոչ պակաս:
4) Անձնական հիգիենայի միջոցների համար տիպային նմուշները պետք է կազմեն արտադրանքի վերաբերյալ հետազոտություններ անցկացնելու համար ներկայացված ցանկի առնվազն 30%-ը և հետազոտվեն ամբողջ ծավալով. մնացած բոլոր նմուշների համար որոշվում է միայն սեմսիբիլիզացնող ազդեցությունը:
21. Լաբորատոր փորձարկումների համար արտադրանքի նմուշառումը ձևակերպվում է` նմուշառման ակտով` 2 կամ 3 օրինակից (կախված փորձարկման նպատակից), որոնցից մեկը թողնվում է արտադրողի (մատակարարի կամ առևտրի կետի) կամ դիմողի մոտ, երկրորդը` փորձարկող լաբորատորիայում, երրորդը` մաքսային մարմնում (մաքսային պահեստում նմուշառման դեպքում): Հնարավոր է առաջին օրինակի` կապույտ կնիքով և ստորագրությամբ հաստատված պատճենների օգտագործումը:
22. Լաբորատոր փորձարկումների արդյունքների մասին ձևակերպումը կատարվում է փորձարկումների մասին արձանագրության մեջ:
23. Արտադրանքի ամբողջ խմբաքանակը, որի նմուշները լաբորատոր փորձարկումների արդյունքներով խոտանված են համարվել, շրջանառությունից հանվում է և (կամ) կասեցվում է նման արտադրանքի թողարկումը մինչև պետական վերահսկողություն (հսկողություն) իրականացնող լիազոր մարմինների կողմից հանձնարարված միջոցառումների ձեռնարկումը, այն ենթակա չէ իրացման` նպատակային նշանակությամբ և պետք է ուղարկվի մատակարարին, վերամշակվի, օգտահանվի կամ ոչնչացվի` օրենքով սահմանված կարգով:
24. Արտադրանքի վերամշակումը, օգտահանումը կամ ոչնչացումն իրականացվում է դրա տնօրինողի կողմից կամ այն անձի կողմից, որին տնօրինողը, պայմանագրի համաձայն, փոխանցում է այդ աշխատանքներն իրականացնելու իրավունքը:
25. Օրենքով սահմանված կարգով առգրավված արտադրանքը մինչև դրա վերամշակումը, օգտահանումը կամ օրենքով սահմանված կարգով ոչնչացումը ենթակա է պահպանման առանձնացված շինությունում` հատուկ հաշվառմամբ, վերամշակման, օգտահանման կամ ոչնչացման համար նախատեսված քանակի, միջոցների և պայմանների վերաբերյալ հստակ նշումով. այդպիսի արտադրանքի պահպանության համար պատասխանատվությունը կրում է դրա տնօրինողը:
26. Արտադրանքի տնօրինողը արտադրանքի իրացումը կամ թողարկումն արգելելու մասին որոշում կայացրած մարմին է ներկայացնում դրա վերամշակման, օգտահանման կամ օրենքով սահմանված կարգով ոչնչացման մասին տեղեկություններ:
| ԳԼՈՒԽ IV. |
ԱՆՁՆԱԿԱՆ ՀԻԳԻԵՆԱՅԻ ՄԻՋՈՑՆԵՐԻ ՀԻԳԻԵՆԻԿ ԱՆՎՏԱՆԳՈՒԹՅԱՆ ՆՈՐՄԱՏԻՎԱՅԻՆ ՑՈՒՑԱՆԻՇՆԵՐ |
27. Արտադրվող և իրացվող անձնական հիգիենայի միջոցները, ըստ նշանակության օգտագործվելու դեպքում, չպետք է օրգանիզմի վրա ընդհանուր թունաբանական, գրգռիչ, ալերգիկ կամ այլ անբարենպաստ ազդեցություն թողնեն, արտազատեն վնասակար քիմիական նյութեր` հիգիենիկ նորմերը (միգրացիայի թույլատրելի քանակությունը) գերազանցող քանակությամբ, աղտոտված լինեն մանրէային ֆլորայով` աղյուսակ 4-ում բերված նորմերը գերազանցող քանակությամբ:
28. Զգայորոշական և սանիտարաքիմիական ցուցանիշներով (աղյուսակ 3) փորձարկումների համար անձնական հիգիենայի միջոցներից ջրային լուծամզուկները պատրաստվում են հետևյալ եղանակով.
1) օգտագործում են թորած ջուր` pH 5,4-6,6.
2) 1-ին և 2-րդ խմբի անձնական հիգիենայի միջոցներից լուծամզուկներ ստանում են նմուշի զանգվածի (գ) և թորած ջրի ծավալի (սմ3) 1:100 հարաբերակցությամբ, որը 400 C պայմաններում պահվում է 6 ժամ և ժամանակ առ ժամանակ թափահարվում է (4-6 անգամ).
3) 3-րդ և 4-րդ խմբի անձնական հիգիենայի միջոցներից լուծամզուկներ ստանում են նմուշի մակերեսի (սմ2) և թորած ջրի ծավալի (սմ3) 1:2 հարաբերակցությամբ, որը 400 C պայմաններում պահվում է 6 ժամ.
4) 5-րդ խմբի անձնական հիգիենայի միջոցներից լուծամզուկներ ստանում են նմուշի զանգվածի (գ) և թորած ջրի ծավալի (սմ3) 1:10 հարաբերակցությամբ, որը 400 C պայմաններում պահվում է 2 ժամ, իսկ հիգիենիկ (բժշկական) բամբակից և դրանից պատրաստված արտադրատեսակներից` համաձայն ԳՈՍՏ 5556-ի` «Բամբակ բժշկական հիդրոսկոպիկ: Տեխնիկական պայմաններ» (այսուհետ` ԳՈՍՏ 5556):
29. Աղյուսակ 3-ում նշված պայմանական նշանը ունի հետևյալ իմաստը` (*) միգրացիայի ենթարկվող վնասակար նյութերը որոշելու համար հնարավոր է այլ մեթոդների օգտագործում, որոնք չեն զիջում իրենց զգայունությամբ և որոնք հաստատված են սահմանված կարգով:
30.Անձնական հիգիենայի միջոցների մանրէային աղտոտվածությունը (ախտահարվածություն) կախված է դրանց տեսակից (խմբից), չպետք է գերազանցի թույլատրելի մակարդակները` համաձայն աղյուսակ 4-ի:
31. Փորձարկված արտադրանքը մաշկի վրա չպետք է ունենա տեղային գրգռիչ ազդեցություն, լորձաթաղանթների վրա իրիտատիվ ազդեցություն, սենսիբիլիզացնող ունակություն (համաձայն աղյուսակ 5-ի):
32. 1-ին խմբի անձնական հիգիենայի միջոցների մակերեսին էլեկտրաստատիկ դաշտի լարվածությունը չպետք է գերազանցի թույլատրելի մակարդակը` համաձայն աղյուսակ 6-ի:
Աղյուսակ 1
Մաքսային սահմանի վրա և մաքսային միության մաքսային տարածքում
սանիտարահամաճարակաբանական վերահսկողության (հսկողության) ենթակա
ապրանքների միասնական ցանկը
._____________________________________________________________________.
| |Ապրանքի |Ապրանքի կրճատ անվանումը. |
| |ծածկագիրը`| |
| |ըստ ՄՄ | |
| |ԱՏԳ ԱԱ-ի | |
|_____________________________________________________________________|
| Խումբ 48 |
|Թուղթ և ստվարաթուղթ, թղթե զանգվածից արտադրատեսակներ` թղթից կամ |
| ստվարաթղթից |
|_____________________________________________________________________|
|1. |4803 00 |Զուգարանի թղթե անձեռոցիկներ կամ անձեռոցիկներ դեմքի |
| | |համար, սրբիչներ կամ խանձարուրներ և տնտեսական, |
| | |կենցաղային կամ սանիտարահիգիենիկ նշանակության թղթի այլ |
| | |տեսակներ, թաղանթանյութի բամբակ և թաղանթանյութի |
| | |մանրաթելից պաստառներ` խորշոմավորված կամ հարթ |
| | |մակերևույթով, ծալքավոր կամ ոչ ծալքավոր, դրոշմատպված |
| | |կամ առանց դրոշմատպման, ծակոտած կամ չծակոտած, ներկված |
| | |կամ չներկված մակերեսով, տպվածքով կամ առանց տպվածքի, |
| | |գլանափաթեթներով կամ թերթերով |
|___|__________|______________________________________________________|
|2. |4818 |Զուգարանի և համանման թուղթ, թաղանթանյութի բամբակ կամ |
| | |թաղանթանյութի բամբակից պաստառ կամ թաղանթանյութի |
| | |մանրաթելից պաստառ` տնտեսական, կենցաղային կամ |
| | |սանիտարահիգիենիկ նշանակությամբ, 36 սմ-ից ոչ ավելի |
| | |լայնություն ունեցող գլանափաթեթներով կամ կտրտած ըստ |
| | |չափսի կամ ձևի. թաշկինակներ, կոսմետիկ անձեռոցիկներ, |
| | |սրբիչներ, սփռոցներ, անձեռոցիկներ, մանկական |
| | |խանձարուրներ, վիրախծուծներ, սավաններ և տնտեսական, |
| | |կենցաղային կամ բժշկական նշանակության այլ համանման |
| | |արտադրատեսակներ, հագուստեղեն և դրա պատկանելիքները` |
| | |թղթե զանգվածից, թղթից, թաղանթանյութի բամբակից կամ |
| | |թաղանթանյութի մանրաթելի պաստառից |
|_____________________________________________________________________|
| Խումբ 96.Պատրաստի տարբեր արտադրատեսակներ |
|_____________________________________________________________________|
|3. |961900 |Կանացի հիգիենիկ միջադիրներ և տամպոններ, մանկական |
| | |խանձարուրներ և տակդիրներ ու բամբակից համանման |
| | |սանիտարահիգիենիկ արտադրատեսակներ |
._____________________________________________________________________.
Աղյուսակ 2
ԱՆՁՆԱԿԱՆ ՀԻԳԻԵՆԱՅԻ ՄԻՋՈՑՆԵՐ (տեսակներն ըստ նշանակության)
._____________________________________________________________________.
|Արտադրանքի | Անվանումը |
|խմբերը | |
|(տեսակները)| |
|___________|_________________________________________________________|
| 1 |Մեծահասակների համար տակդիրներ, միանվագ օգտագործման |
| |տակդիրներ, մոմլաթներ (միանվագ օգտագործման) և այլն |
|___________|_________________________________________________________|
| 2 |Կանացի հիգիենիկ միջադիրներ, տամպոններ, լակտացիոն |
| |միջարկներ և այլն |
|___________|_________________________________________________________|
| 3 |Հիգիենիկ և կոսմետիկ անձեռոցիկներ` (տոգորված և |
| |չտոգորված) և այլն |
|___________|_________________________________________________________|
| 4 |Սպասքավորման թղթե անձեռոցիկներ, սրբիչներ (միանվագ |
| |օգտագործման), թաշկինակներ (միանվագ օգտագործման), |
| |զուգարանի թուղթ (միաշերտ ու բազմաշերտ) և այլն |
|___________|_________________________________________________________|
| 5 |Հիգիենիկ (բժշկական) բամբակ, բամբակյա կոսմետիկ |
| |գնդիկներ, տամպոններ, բարձիկներ, բամբակով ձողիկներ և այլն|
._____________________________________________________________________.
Աղյուսակ 3
ԱՆՁՆԱԿԱՆ ՀԻԳԻԵՆԱՅԻ ՄԻՋՈՑՆԵՐԻ ԶԳԱՅՈՐՈՇԱԿԱՆ ԵՎ ՍԱՆԻՏԱՐԱՔԻՄԻԱԿԱՆ ՆՈՐՄԱՏԻՎԱՅԻՆ ՑՈՒՑԱՆԻՇՆԵՐԸ
._____________________________________________________________________.
|Արտադրանքի խմբերը |Ցուցանիշների անվանումը| Բնութագիրը և նորմը |
|(անվանումները) | | |
|_______________________|______________________|______________________|
| 1 | 2 | 3 |
|_______________________|______________________|______________________|
|1. Խանձարուրներ, |1) Արտաքին տեսք |Ամբողջական, հերմետիկ |
|միանվագ օգտագործման | |փաթեթավորում, |
|տակդիրներ և այլն | |արտադրատեսակի արտաքին |
|(մեծահասակների համար) | |թերությունների |
| | |բացակայություն |
| | |(հավասարաչափ, միատարր |
| | |մակերեսներ, կողմնակի |
| | |բծերի, շղարշի, |
| | |ներառումների, վնասման |
| | |բացակայություն) |
| |______________________|______________________|
| |2) Լուծամզուկի | |
| |զգայորոշիչներ | |
| |______________________|______________________|
| |ա. արտաքին տեսքը |Առանց պղտորման և |
| | |նստվածքի թափանցիկ |
| | |հեղուկ |
| |______________________|______________________|
| |բ. հոտ |1 բալից ոչ ավելի |
| |______________________|______________________|
| |3) Ջրածնային ցուցանիշ |pH-ի փոփոխություն` |
| |pH, միավոր |+- 1 միավորից ոչ ավելի|
| |______________________|______________________|
| |4) Լուծամզուկի |10,0-ից ոչ ավելի |
| |օքսիդացում (օրգանական | |
| |նյութերի ընդհանուր | |
| |քանակը) մգ O2/դմ3 | |
| |______________________|______________________|
| |5) Ֆորմալդեհիդ մգ/դմ3 |0.1-ից ոչ ավելի |
|_______________________|______________________|______________________|
|2. Կանացի հիգիենիկ |1) Արտաքին տեսք |Ամբողջական, հերմետիկ |
|միջադիրներ, տամպոններ, | |փաթեթավորում, |
|լակտացիոն միջարկներ | |արտադրատեսակի արտաքին |
|(ներդրուկ) և այլն | |թերությունների |
| | |բացակայություն |
| | |(հավասարաչափ, միատարր |
| | |մակերեսներ, կողմնակի |
| | |բծերի, ներխառնուկների |
| | |վնասվածքի |
| | |բացակայություն) |
| |______________________|______________________|
| |2) Լուծամզուկի | |
| |զգայորոշիչներ | |
| |______________________|______________________|
| |ա. արտաքին տեսքը |Առանց պղտորման և |
| | |նստվածքի թափանցիկ |
| | |հեղուկ |
| |______________________|______________________|
| |բ. հոտ |1 բալից ոչ ավելի |
| |______________________|______________________|
| |3) Ջրածնային ցուցանիշ |pH-ի փոփոխություն` +-1|
| |pH, միավոր |միավորից ոչ ավելի |
| |______________________|______________________|
| |4) Լուծամզուկի |10.0-ից ոչ ավելի |
| |օքսիդացում (օրգանական | |
| |նյութերի ընդհանուր | |
| |քանակը) մգ O2/դմ3 | |
| |______________________|______________________|
| |5) Ֆորմալդեհիդ մգ/դմ3 |0.1-ից ոչ ավելի |
|_______________________|______________________|______________________|
|3. Հիգիենիկ և կոսմետիկ|1) Արտաքին տեսք |Ամբողջական, հերմետիկ |
|անձեռոցիկներ (տոգորված | |փաթեթավորում, |
|և ոչ տոգորված) և այլն| |արտադրատեսակի արտաքին |
| | |թերությունների |
| | |բացակայություն |
| | |(հավասարաչափ, միատարր |
| | |մակերեսներ, կողմնակի |
| | |բծերի, վնասվածքի |
| | |բացակայություն) |
| |______________________|______________________|
| |2) Լուծամզուկի | |
| |զգայորոշիչներ | |
| |______________________|______________________|
| |ա. Հոտ |Հաճելի, կիրառվող |
| | |բուրավետիչին բնորոշ |
| |______________________|______________________|
| |բ. արտաքին տեսքը |Առանց պղտորման, |
| | |նստվածքի և |
| | |գունավորման թափանցիկ |
| | |հեղուկ, թույլատրվում է|
| | |աննշան լուսացրում |
| |______________________|______________________|
| |3) Ջրածնային ցուցանիշ |4.5-8.5 միավոր |
| |pH, | |
| |______________________|______________________|
| |4) Ֆորմալդեհիդ մգ/դմ3 |0.1-ից ոչ ավելի |
|_______________________|______________________|______________________|
|4. Սպասքավորման թղթե |1) Արտաքին տեսք |Ամբողջական |
|անձեռոցիկներ` | |փաթեթավորում, |
|խոհանոցային թղթե | |արտադրատեսակի արտաքին |
|սրբիչներ (միանվագ | |թերությունների |
|օգտագործման), | |բացակայություն |
|թաշկինակներ (միանվագ | |(միատարր մակերեսներ, |
|օգտագործման), զուգարանի| |կողմնակի բծերի, |
|թուղթ (միա և | |վնասվածքների |
|բազմաշերտ), և այլն | |բացակայություն), |
| | |գլանափաթեթային |
| | |արտադրատեսակների |
| | |եզրերն ուղիղ կտրված |
| |______________________|______________________|
| |2) Լուծամզուկի | |
| |զգայորոշիչներ | |
| |______________________|______________________|
| |ա. արտաքին տեսքը |Առանց պղտորման, |
| | |նստվածքի և |
| | |գունավորման թափանցիկ |
| | |հեղուկի |
| |______________________|______________________|
| |բ. Հոտ |1 բալից ոչ ավելի |
| |______________________|______________________|
| |3) Ջրածնային ցուցանիշ |4.5-9.1. միավոր |
| |pH, | |
| |______________________|______________________|
| |4) Ֆորմալդեհիդ մգ/դմ3 |0.1-ից ոչ ավելի |
|_______________________|______________________|______________________|
|5. Խոհանոցային թղթե |1) Կապար մգ/դմ3 |0.03-ից ոչ ավելի |
|սրբիչներ սպասքավորման |______________________|______________________|
|անձեռոցիկներ` |2) Ցինկ մգ/դմ3 |0.1-ից ոչ ավելի |
| |______________________|______________________|
| |3) Քրոմ (գումարային) |0.1-ից ոչ ավելի |
| |մգ/դմ3 | |
|_____________________________________________________________________|
|Գունավորում ապահովող ներկիչների օգտագործման |
|ժամանակ` |
|_____________________________________________________________________|
|1) կապույտ |ա. Կոբալտ մգ/դմ3 |0.1-ից ոչ ավելի |
|_______________________|______________________|______________________|
|2) դեղին |ա. Քրոմ (գումարային) |0.1-ից ոչ ավելի |
| |մգ/դմ3 | |
| |______________________|______________________|
| |բ. Կադմիում մգ/դմ3 |0.001-ից ոչ ավելի |
|_______________________|______________________|______________________|
|3) կարմիր |ա. Պղինձ մգ/դմ3 |1-ից ոչ ավելի |
| |______________________|______________________|
| |բ. Մանգան մգ/դմ3 |0.1-ից ոչ ավելի |
|_______________________|______________________|______________________|
|4) կանաչ |ա. Պղինձ մգ/դմ3 |1.0-ից ոչ ավելի |
| |______________________|______________________|
| |բ. Քրոմ (գումարային) |0.1-ից ոչ ավելի |
| |մգ/դմ3 | |
|_______________________|______________________|______________________|
|5) սև, |ա. Մանգան մգ/դմ3 |0.1-ից ոչ ավելի |
|վարդադարչնագույն | | |
|վարդագույն | | |
|_______________________|______________________|______________________|
|6) երկնագույն |ա. Կոբալտ մգ/դմ3 |0.1-ից ոչ ավելի |
| |______________________|______________________|
| |բ. Պղինձ մգ/դմ3 |1.0-ից ոչ ավելի |
|_______________________|______________________|______________________|
|7) դարչնագույն |ա. Երկաթ մգ/դմ3 |0.3-ից ոչ ավելի |
|_______________________|______________________|______________________|
|6. Հիգիենիկ բամբակ, |1) Արտաքին տեսք |Միատարր, լավ գզված |
|բամբակյա կոսմետիկ | |(սանրած) թելային |
|գնդիկներ, վիրախծուծներ,| |զանգված, առանց |
|բարձիկներ, բամբակով | |կողմնակի |
|ձողիկներ և այլն | |ներխառնուկների և |
| | |խառնուրդների: |
| | |Թույլատրվում է թելային|
| | |հանգույցների եզակի |
| | |կուտակումներ |
| |______________________|______________________|
| |2) Լուծամզուկի | |
| |զգայորոշիչներ. | |
| |______________________|______________________|
| |ա. արտաքին տեսքը |Առանց պղտորման, |
| | |նստվածքի և |
| | |գունավորման թափանցիկ |
| | |հեղուկ |
| |______________________|______________________|
| |բ. հոտը |Չի թույլատրվում 2 |
| | |բալից ոչ ավելի |
| |______________________|______________________|
| |3) Ջրային էքստրակտի |Չեզոք |
| |ռեակցիան | |
| |______________________|______________________|
| |4) Վերականգնող |Հետքեր |
| |նյութերի | |
| |պարունակություն | |
| |______________________|______________________|
| |5) Ֆորմալդեհիդ, մգ/դմ |0.1-ից ոչ ավելի |
| |______________________|______________________|
| |6) Ստիրոլ մգ/դմ3 |0.01-ից ոչ ավելի |
| |բամբակով ձողիկների | |
| |համար | |
._____________________________________________________________________.
Աղյուսակ 4
ԱՆՁՆԱԿԱՆ ՀԻԳԻԵՆԱՅԻ ՄԻՋՈՑՆԵՐԻ ՄԱՆՐԷԱԲԱՆԱԿԱՆ ՆՈՐՄԱՏԻՎԱՅԻՆ ՑՈՒՑԱՆԻՇՆԵՐԸ
(մանրէային աղտոտվածության թույլատրելի մակարդակները) միայն հերմետիկ
կամ ամբողջությամբ փաթեթավորված անձնական հիգիենայի միջոցների համար
.___________________________________________________________________.
|Արտադ-|10 գրամում |10 գրամում|10 գրամում |Մանրէների |Բորբոսասնկեր |
|րանքի |էնտերո- |ոսկեգույն |պսևդոմոնաս |ընդհանուր |և խմորասնկեր|
|խումբը|բակտերիաներ |ստաֆիլակոկ|աերոգինոզա |քանակը |ԳԱՄ/գ |
| |(Enterobate-|(Staphհylo|(Pseսdօmo- |(ՄԱՖԱՄ) |(ոչ ավելի) |
| |riaceae) |coccusau- |ոas |ԳԱՄ/գ | |
| | |reus) |aeruginosa)|(ոչ ավելի)| |
|______|____________|__________|___________|__________|_____________|
|1 |Բացակայու- |Բացակայու-|Բացակայու- |1x102 |Բացակայու- |
| |թյուն |թյուն |թյուն | |թյուն |
|______|____________|__________|___________|__________|_____________|
|2 | - // - | - // - | - // - | - // - | - // - |
|______|____________|__________|___________|__________|_____________|
|3 | - // - | - // - | - // - |1x103 |1x102 |
|______|____________|__________|___________|__________|_____________|
|4 | - // - | - // - | - // - | - // - | - // - |
|______|____________|__________|___________|__________|_____________|
|5 | - // - | - // - | - // - | - // - | - // - |
.___________________________________________________________________.
Աղյուսակ 5
ԱՆՁՆԱԿԱՆ ՀԻԳԻԵՆԱՅԻ ՄԻՋՈՑՆԵՐԻ ԹՈՒՆԱԲԱՆԱԿԱՆ ՑՈՒՑԱՆԻՇՆԵՐԸ
._____________________________________________________________________.
|Արտադ-|Ցուցանիշի անվանումը |Նորմը և բնութագիրը |
|րանքի | |___________________________|
|խումբը| |Նորմը|Ազդեցության |
| | | |թույլատրելի աստիճանը |
|______|__________________________________|_____|_____________________|
|1, 2 |Մաշկի տեղային գրգռիչ ազդեցության |0 |Գրգռիչ ազդեցության |
| |ինդեքս (Icut), բալ | |բացակայություն |
| |__________________________________|_____|_____________________|
| |Լորձաթաղանթի վրա իրիտատիվ |0 |Իրիտատիվ ազդեցության |
| |ազդեցության ինդեքս (Iir), բալ | |բացակայություն |
| |__________________________________|_____|_____________________|
| |Սենսիբիլիզացնող ազդեցության |0 |Գերզգայնացնող |
| |ինդեքս (Is), բալ | |ազդեցության |
| | | |բացակայություն |
|______|__________________________________|_____|_____________________|
|3, 4 |Մաշկի տեղային գրգռիչ ազդեցության |0 |Գրգռիչ ազդեցության |
| |ինդեքս (Icut), բալ | |բացակայություն |
| |__________________________________|_____|_____________________|
| |Աչքի լորձաթաղանթի վրա իրիտատիվ |0 |Իրիտատիվ ազդեցության |
| |ազդեցության ինդեքսը (Iir), բալ | |բացակայություն |
|______|__________________________________|_____|_____________________|
|5 |Մաշկի տեղային գրգռիչ ազդեցության |0 |Գրգռիչ ազդեցության |
| |ինդեքս (Icut), բալ | |բացակայություն |
| |__________________________________|_____|_____________________|
| |Աչքի լորձաթաղանթի վրա իրիտատիվ |0 |Իրիտատիվ ազդեցության |
| |ազդեցության ինդեքսը (Iir), բալ | |բացակայություն |
._____________________________________________________________________.
Աղյուսակ 6
ՖԻԶԻԿԱԿԱՆ ԳՈՐԾՈՆՆԵՐԻ ՉԱՓՈՐՈՇԻՉՆԵՐՈՎ ԱՆՁՆԱԿԱՆ ՀԻԳԻԵՆԱՅԻ ՄԻՋՈՑՆԵՐԻ ԱՆՎՏԱՆԳՈՒԹՅԱՆ ՑՈՒՑԱՆԻՇՆԵՐԸ
.______________________________________________________.
|Արտադրանքի |Ցուցանիշի անվանումը |Բնութագիրը և նորմը |
|խումբը | | |
|___________|____________________|_____________________|
| 1 |Էլեկտրաստատիկ դաշտի |15.0 կՎ/մ-ից ոչ ավելի|
| |լարվածությունը (ԷՍԴ)| |
.______________________________________________________.