(ուժը կորցրել է 07.08.01 թիվ 719 որոշում)
i
040.0359.290599
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«29» մայիսի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
29 մայիսի 1999 թվականի թիվ 359
ԵՐԵՎԱՆՈՒՄ «ՀԱՅԱՍՏԱՆ-01» ՖԻԼԱՏԵԼԻԱՅԻ ՄԻՋԱԶԳԱՅԻՆ ՑՈՒՑԱՀԱՆԴԵՍ ԿԱԶՄԱԿԵՐՊԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
i
1. Սահմանել, որ Երևանում 2001 թվականի սեպտեմբերին կազմակերպվող` Հայաստանում քրիստոնեությունը պետական կրոն հռչակման 1700-ամյակին նվիրված «Հայաստան-01» ֆիլատելիայի միջազգային ցուցահանդեսի կազմակերպիչը Հայաստանի Հանրապետության տրանսպորտի և կապի նախարարությունն է:
(1-ին կետը փոփ. 13.07.00 թիվ 396 որոշում)
2. Ստեղծել «Հայաստան-01» ֆիլատելիայի միջազգային ցուցահանդեսի կազմակերպման կոմիտե և հաստատել դրա կազմը (կցվում է):
3. Ընդունել ի գիտություն, որ «Հայաստան-01» ֆիլատելիայի միջազգային ցուցահանդեսի նախապատրաստման և կազմակերպման աշխատանքների ծախսերը կատարվում են հովանավորների ու ֆինանսական այլ աղբյուրների հաշվին:
i
4. Թույլատրել Հայաստանի Հանրապետության տրանսպորտի և կապի նախարարությանը «Հայաստան-01» ֆիլատելիայի միջազգային ցուցահանդեսին նվիրված փոստային թողարկումների 5 տոկոսի իրացումից առաջացած միջոցներն օգտագործել ցուցահանդեսի կազմակերպման աշխատանքները ֆինանսավորելու համար:
(4-րդ կետը փոփ. 13.07.00 թիվ 396 որոշում)
i
5. Ուժը կորցրած ճանաչել Հայաստանի Հանրապետության կառավարության 1994 թվականի ապրիլի 8-ի «2001 թվականին Երևան քաղաքում «Հայաստան-01» (ԱրմՖիլԷքՍ` 01) ֆիլատելիայի միջազգային ցուցահանդես անցկացնելու մասին» N 160 որոշումը:
6. Սույն որոշումն ուժի մեջ է մտնում 1999 թվականի մայիսի 29-ից:
Հաստատված է
ՀՀ կառավարության 1999 թ.
մայիսի 29-ի N 359 որոշմամբ
i
ԿԱԶՄ «ՀԱՅԱՍՏԱՆ-01» ՖԻԼԱՏԵԼԻԱՅԻ ՄԻՋԱԶԳԱՅԻՆ ՑՈՒՑԱՀԱՆԴԵՍԻ ԿԱԶՄԱԿԵՐՊՄԱՆ ԿՈՄԻՏԵԻ
Ե. Զախարյան - ՀՀ տրանսպորտի և կապի նախարար (կազմկոմիտեի
նախագահ)
Վ. Քոչարյան - ՀՀ տրանսպորտի և կապի նախարարի տեղակալ- կապի և
տեղեկատվայնացման գլխավոր վարչության պետ
(կազմկոմիտեի նախագահի տեղակալ)
Գ. Թորոսյան - ֆիլատելիստների հայկական միության նախագահ
(կազմկոմիտեի նախագահի տեղակալ)
Ֆ. Զաքարյան - Երևանի քաղաքապետի տեղակալ
Մ. Երանոսյան - ՀՀ ֆինանսների և էկոնոմիկայի նախարարության
բյուջետային ծախսերի ֆինանսական ծրագրավորման
գլխավոր վարչության պետ
Ս. Ղարաբաղցյան - ՀՀ մշակույթի, երիտասարդության հարցերի և սպորտի
նախարարության սփյուռքի հետ համագործակցության
վարչության պետ
Ս. Սիմոնյան - «Նամականիշ» ՊՓԲԸ-ի տնօրեն
Վ. Առաքելյան - «Հայփոստ» ՊՓԲԸ-ի գլխավոր տնօրեն
Ա. Բաբախանյան - ֆիլատելիստների հայկական միության նախագահի տեղակալ
Ա. Քեչեյան - ֆիլատելիստների հայկական միության պատվավոր անդամ
(Արգենտինա)
Ս. Հայրապետյան - ֆիլատելիստների հայկական միության վարչության անդամ
(պատասխանատու քարտուղար)
(կազմը խմբ. 13.07.00 թիվ 396, 28.11.00 թիվ 786, 08.05.01 թիվ 402 որոշումներ)