(չեղյալ է ճանաչվել 29.05.13 թիվ 390-Ա որոշում)
i
041.0356.180513
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
18 մայիսի 2013 թվականի N 356-Ա
Ա. ՂԱՀՐԱՄԱՆՅԱՆԻՆ ԳՈՄԵԼԻ ՄԱՐԶ ԳՈՐԾՈՒՂԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`
1. Հայաստանի Հանրապետության Արմավիրի մարզպետ Ա. Ղահրամանյանին 2013 թվականի մայիսի 15-19-ը գործուղել Գոմելի մարզ (Բելառուսի Հանրապետություն)` Հայաստանի Հանրապետության Արմավիրի մարզի և Բելառուսի Հանրապետության Գոմելի մարզի միջև ծավալված համագործակցության շրջանակներում հետագա աշխատանքները կազմակերպելու, ինչպես նաև Գոմելի տասներորդ տնտեսական ֆորումին մասնակցելու համար:
2. Ա. Ղահրամանյանի` Գոմելի մարզ գործուղման հետ կապված ծախսերը կատարել Հայաստանի Հանրապետության 2013 թվականի պետական բյուջեով Հայաստանի Հանրապետության Արմավիրի մարզպետարանի պահպանման համար նախատեսված ընդհանուր միջոցների հաշվին:
3. Հայաստանի Հանրապետության Արմավիրի մարզպետ Ա. Ղահրամանյանին` գործուղումից վերադառնալուց հետո եռօրյա ժամկետում Հայաստանի Հանրապետության վարչապետին ներկայացնել գործուղման արդյունքների մասին հաշվետվություն:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2013 ԹՎԱԿԱՆԻ ՄԱՅԻՍԻ 18-ԻՆ