ՀԱՄԱՅՆՔԻ ԿԱՌԱՎԱՐՄԱՆԸ ՀԱՆՁՆՎԱԾ ՊԵՏԱԿԱՆ ՀԱՆՐԱԿՐԹԱԿԱՆ ...

(ուժը կորցրել է 22.12.00 թիվ 420-Մ հրաման)

110.0091.300499

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅՈՒՆ
ՀՐԱՄԱՆ

22 մարտի 1999 թվականի թիվ 93-Մ

ՀԱՄԱՅՆՔԻ ԿԱՌԱՎԱՐՄԱՆԸ ՀԱՆՁՆՎԱԾ ՊԵՏԱԿԱՆ ՀԱՆՐԱԿՐԹԱԿԱՆ ՀԱՍՏԱՏՈՒԹՅԱՆ ԳՈՐԾԱԴԻՐ ՏՆՕՐԵՆԻ ԸՆՏՐՈՒԹՅԱՆ ԵՎ ՆՇԱՆԱԿՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ի կատարումն ՀՀ կառավարության 28-ը հոկտեմբերի 1998 թ. «Պետական

հանրակրթական հաստատությունների համակարգի հետագա ապակենտրոնացման մասին»

թիվ 661 որոշման

Հ Ր Ա Մ Ա Յ ՈՒ Մ ԵՄ`

1. Հաստատել «Համայնքի կառավարմանը հանձնված պետական հանրակրթական

հաստատության գործադիր տնօրենի ընտրության և նշանակման» կարգը:

2. Նախարարության իրավաբանին /Վ. Սարգսյան/` փաստաթուղթը սահմանված

կարգով ներկայացնել ՀՀ արդարադատության նախարարություն պետական

գրանցման:

3. Հրամանի կատարման վերահսկողությունը հանձնարարել նախարարի տեղակալ

Ա. Թոփուզյանին:

ՀԱՍՏԱՏՈՒՄ ԵՄ

ՀՀ ԿՐԹՈՒԹՅԱՆ ԵՎ ԳԻՏՈՒԹՅԱՆ

ՆԱԽԱՐԱՐ Լ. ՄԿՐՏՉՅԱՆԻՆ

«22» 03  1999 Թ.

ՄՐՑՈՒԹԱՅԻՆ ԿԱՐԳ

ՀԱՄԱՅՆՔԻ ԿԱՌԱՎԱՐՄԱՆԸ ՀԱՆՁՆՎԱԾ ՊԵՏԱԿԱՆ ՀԱՆՐԱԿՐԹԱԿԱՆ ՀԱՍՏԱՏՈՒԹՅԱՆ ԳՈՐԾԱԴԻՐ ՏՆՕՐԵՆԻ ԸՆՏՐՈՒԹՅԱՆ ԵՎ ՆՇԱՆԱԿՄԱՆ

Սույն կարգը սահմանվում է Հայաստանի Հանրապետության կառավարության

1998 թ. հոկտեմբերի 28-ի «Պետական հանրակրթական հաստատությունների

համակարգի կառավարման հետագա ապապետականացման մասին» թիվ 661 որոշմամբ

համայնքների կառավարմանը հանձնված պետական հանրակրթական հաստատության

գործադիր տնօրենի (այսուհետև տնօրեն) ընտրության կատարումն ապահովելու

նպատակով:

1. Պետական հանրակրթական հաստատության (այսուհետև` հաստատություն)

տնօրենի թափուր պաշտոնի համար բաց մրցույթ հայտարարելու մասին որոշումն

ընդունում է հաստատության կառավարման բարձրագույն մարմինը`

հաստատության խորհուրդը (այսուհետև խորհուրդ):

2. Տնօրենի թափուր պաշտոնի համար մրցույթ հայտարարելու մասին խորհրդի

կողմից որոշում ընդունվելուց հետո, խորհրդի նախագահը այդ մասին տեղյակ

է պահում համայնքի ղեկավարին:

3. Տնօրենի թափուր պաշտոնի համար բաց մրցույթ անցկացնելու մասին խորհրդի

որոշումը և մրցույթի պայմանները խորհուրդը տասնօրյա ժամկետում առնվազն

մեկ անգամ հայտարարում է զանգվածային լրատվության միջոցներով:

4. Տնօրենի պաշտոնի համար մրցույթ անցկացնելու մասին հայտարարության

տեքստում պարտադիր է նշել`

. մրցույթին մասնակցելու համար դիմումների ընդունման ժամկետը, որը չի

կարող պակաս լինել մրցույթ անցկացնելու մասին հայտարարության

հրապարակման պահից հաշված` մեկ ամսից.

. մրցույթի անցկացման օրը, ժամը, վայրը

. մրցույթին մասնակցելու պայմանները

. հավակնորդներին ներկայացվող պահանջները /չափանիշները/

5. Մրցույթին մասնակցելու համար պահանջվող փաստաթղթերն են`

քաղվածք աշխատանքային գրքույկից

ինքնակենսագրություն

բարձրագույն կրթության դիպլոմի պատճենը

կադրերի հաշվառման անձնական թերթիկ

. տեղեկանք բնակավայրից

. հրատարակված հոդվածներից ցանկ /առկայության դեպքում/

. գիտական կոչումը հաստատող փաստաթղթերի պատճեններ /առկայության դեպքում/

գործունեության ծրագիր հաստատության գործունեության մասին:

6. Մրցույթի հավակնորդներին ներկայացվող պահանջները /չափանիշներն / են`

պարտադիր չափանիշներ

. բարձրագույն կրթություն

. առնվազն 3 տարվա մանկավարժական աշխատանքի փորձ

. գրական հայերենի տիրապետում

. կրթության համակարգի օրենսդրության և ենթաօրենսդրական ակտերի,

աշխատանքային օրենսգրքի և նորմացույց փաստաթղթերի /այդ թվում

ֆինանսատնտեսական գործունեության վերաբերյալ/ իմացություն

. հաստատության բարեփոխման ծրագիր /հայեցակարգ, հիմնադրույթներ/

մշակելու ունակություն

ցանկալի չափանիշներ

. կրթական հաստատության կառավարման և ղեկավարման հիմունքների

իմացություն

. ֆինանսատնտեսական գործունեության իրականացման կարողություն

. ներդպրոցական կառավարման և վերահսկողության փաստաթղթեր կազմելու

ունակություն

. աշխատանքային կոլեկտիվի ղեկավարման հմտություններ

. բարձրագույն մանկավարժական կրթություն

. ուսուցչի որակավորման բարձր տարակարգ

. ղեկավար կամ վարչական աշխատանքի փորձ

. ռուսաց և օտար լեզվի իմացություն

. հաստատության կառավարման, տնտեսավարման, ֆինանսավորման խնդիրների

լուծմանը համայնքը և ծնողներին ներգրավելու կարողություն

. կրթության բնագավառում պետական քաղաքականությանը համապատասխան

հաստատության զարգացման հայեցակարգ մշակելու ունակություն

. համակարգչով աշխատելու հմտություն:

7. Մրցույթն անցկացնելու համար խորհուրդը ստեղծում է մրցութային

հանձնաժողով, որի կազմում ընդգրկվում են խորհրդի նախագահը և անդամները

/վճռական ձայնի իրավունքով/: Խորհուրդը կարող է հանձնաժողովի մեջ

ընդգրկել նաև երկու անկախ փորձագետների /խորհրդակցական ձայնի

իրավունքով/: Մրցույթը հանձնաժողովի նիստերն արձանագրվում են:

Հանձնաժողովի նախագահը ի պաշտոնե խորհրդի նախագահն է: Նիստն իրավազոր է

համարվում, եթե դրան մասնակցել է հանձնաժողովի անդամների առնվազն

2/3-ը: Հանձնաժողովի որոշումը համարվում է ընդունված, եթե խորհրդի

անդամների կեսից ավելին քվեարկել է կողմ:

8. Մրցույթի արդյունքները հայտարարվում են մրցութային հանձնաժողովի

որոշմամբ: Եթե ոչ մի հավակնորդ մրցույթով չի անցնում, ապա հայտարարվում է

լրացուցիչ /նոր/ մրցույթ` նույն կարգով:

Մրցութային կարգով ընտրված տնօրենի պաշտոնի հավակնորդի հետ խորհրդի

որոշմամբ համայնքի ղեկավարը կնքում է պայմանագիր` մրցույթի` ավարտից 10-

օրյա ժամկետում:

9. Մրցույթի անցկացման արդյունքները ենթակա են վերանայման օրենսդրությամբ

սահմանված կարգով:

10. Վերադասության կարգով փաստարկները ճշտելու նպատակով ստեղծվում է 5

հոգուց բաղկացած հանձնաժողով, որի մեջ ընդգրկվում են երկու անկախ

փորձագետներ և մեկական ներկայացուցիչ համայնքից, մարզպետարանից և

նախարարությունից: Մրցութային կարգի խախտումներ հայտնաբերելու դեպքում,

նախարարությունը առաջարկություն է ներկայացնում համայնքի ղեկավարին

մրցույթի արդյունքները չեղյալ հայտարարելու համար և առաջարկում խորհրդին

անցկացնելու նոր մրցույթ:

11. Մրցույթը չեղյալ է համարվում այն դեպքում, երբ մրցույթի մասնակիցները

կամ կազմակերպիչները թույլ են տվել, մրցույթի արդյունքների վրա էապես

ազդող, սույն կարգի խախտում:

ԳՐԱՆՑՎԱԾ Է ՀԱՅԱՍՏԱՆԻ  ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ ԿՈՂՄԻՑ

30.04.1999թ.

ՊԵՏԱԿԱՆ ԳՐԱՆՑՄԱՆ ԹԻՎ 11099067