i
ԱՐՁԱՆԱԳՐՈՒԹՅՈՒՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԵՎ ԲԵԼԱՌՈՒՍԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻՋԵՎ 2000 ԹՎԱԿԱՆԻ ՀՈՒՆՎԱՐԻ 18-Ի` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԵՎ ԲԵԼԱՌՈՒՍԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻՋԵՎ ԱԶԱՏ ԱՌԵՎՏՐԻ ՄԱՍԻՆ ՀԱՄԱՁԱՅՆԱԳՐԻՆ ԿԻՑ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԵՎ ԲԵԼԱՌՈՒՍԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻՋԵՎ ԱԶԱՏ ԱՌԵՎՏՐԻ ՌԵԺԻՄԻՑ ՀԱՆՈՒՄՆԵՐԻ ՄԱՍԻՆ ԱՐՁԱՆԱԳՐՈՒԹՅԱՆ ՄԵՋ ԿԱՏԱՐՎՈՂ ԱԶԱՏ ԱՌԵՎՏՐԻ ՌԵԺԻՄԻՑ ՀԱՆՈՒՄՆԵՐԻ ՎԵՐԱՑՄԱՆ ՄԱՍԻՆ
Հայաստանի Հանրապետության Կառավարությունը և Բելառուսի Հանրապետության Կառավարությունը, այսուհետ` Կողմեր,
համաձայն 2000 թվականի հունվարի 18-ի` Հայաստանի Հանրապետության Կառավարության և Բելառուսի Հանրապետության Կառավարության միջև ազատ առևտրի մասին Համաձայնագրի,
հիմնվելով 2000 թվականի հունվարի 18-ին Մինսկ քաղաքում ստորագրված Հայաստանի Հանրապետության Կառավարության և Բելառուսի Հանրապետության Կառավարության միջև ազատ առևտրի մասին Համաձայնագրին կից` 2002 թվականի հունիսի 6-ի` Հայաստանի Հանրապետության Կառավարության և Բելառուսի Հանրապետության Կառավարության միջև ազատ առևտրի ռեժիմից հանումների մասին Արձանագրության վրա,
ղեկավարվելով 1994 թվականի ապրիլի 15-ի` Ազատ առևտրի գոտի ստեղծելու մասին Համաձայնագրի և 1999 թվականի ապրիլի 2-ի` 1994 թվականի ապրիլի 15-ի` ազատ առևտրի գոտի ստեղծելու մասին Համաձայնագրում փոփոխություններ և լրացումներ կատարելու մասին Արձանագրության դրույթներով,
կնքեցին սույն Արձանագրությունը ներքոհիշյալի վերաբերյալ.
ՀՈԴՎԱԾ 1
Կողմերը համաձայնության եկան այն մասին, որ 2002 թվականի հունիսի 6-ի Արձանագրությամբ կատարված` ազատ առևտրի ռեժիմից հանումները կիրականացվեն սույն Արձանագրությանը կից Ժամանակացույցի համաձայն:
2002 թվականի հունիսի 6-ի Արձանագրությունն ուժը կորցնում է սույն Արձանագրության ուժը կորցնելու հետ միաժամանակ:
ՀՈԴՎԱԾ 2
Սույն Արձանագրության մեջ Կողմերի գրավոր համաձայնությամբ կարող են կատարվել փոփոխություններ և լրացումներ, որոնք ձևակերպվում են սույն Արձանագրության անբաժանելի մաս հանդիսացող համապատասխան արձանագրություններով և ուժի մեջ են մտնում սույն Արձանագրության 3-րդ հոդվածին համապատասխան:
ՀՈԴՎԱԾ 3
Սույն Արձանագրությունը հանդիսանում է 2000 թվականի հունվարի 18-ի` Հայաստանի Հանրապետության Կառավարության և Բելառուսի Հանրապետության Կառավարության միջև ազատ առևտրի մասին Համաձայնագրի անբաժանելի մասը և ուժի մեջ է մտնում դրա համար անհրաժեշտ ներպետական ընթացակարգերի կատարման մասին Կողմերի վերջին ծանուցման ստացման օրվանից: Սույն Արձանագրությունը գործում է մինչև 01.01.2012 թվականը:
Կատարված է Մինսկ քաղաքում 2005 թվականի մայիսի 3-ին, երկու բնօրինակով, յուրաքանչյուրը` հայերեն և ռուսերեն, ընդ որում` երկու տեքստերն ունեն միանման ուժ:
Հավելված
2000 թվականի հունվարի 18-ի` Հայաստանի Հանրապետության Կառավարության
և Բելառուսի Հանրապետության Կառավարության միջև ազատ առևտրի մասին
Համաձայնագրին կից` Հայաստանի Հանրապետության Կառավարության և
Բելառուսի Հանրապետության Կառավարության միջև ազատ առևտրի ռեժիմից
հանումների մասին Արձանագրության մեջ կատարվող` Հայաստանի
Հանրապետության Կառավարության և Բելառուսի Հանրապետության
Կառավարության միջև ազատ առևտրի ռեժիմից հանումների վերացման մասին
Արձանագրության
ԺԱՄԱՆԱԿԱՑՈՒՅՑ
ազատ առևտրի ռեժիմից հանումների վերացման
._____________________________________________________________________.
| ԱՊՀ ԱՏԳ ԱԱ | Ապրանքի անվանումը | Հանումների |
| ծածկագիր | | վերացման |
| | | ժամկետները |
._____________________________________________________________________.
Հայաստանի Հանրապետության կողմից հանումներ
._____________________________________________________________________.
| 2207 |Սպիրտ էթիլային, չդենատուրացված, 80% ծավ. |1-ը հունվարի,|
| |կամ ավելի, սպիրտ էթիլային և այլ սպիրտներ,|2012 թ. |
| |չդենատուրացված, ցանկացած խտության | |
|____________|__________________________________________|_____________|
| 220890910, |Սպիրտ էթիլային, չդենատուրացված սպիրտի |1-ը հունվարի,|
| 220890990 |խտությամբ, 80% ծավալից պակաս |2012 թ. |
._____________________________________________________________________.
Բելառուսի Հանրապետության կողմից հանումներ
._____________________________________________________________________.
| 1701 99 100|Սպիտակ շաքար |1-ը հունվարի,|
| | |2007 թ. |
|____________|__________________________________________|_____________|
| 2207 |Սպիրտ էթիլային, չդենատուրացված, 80% ծավ. |1-ը հունվարի,|
| |կամ ավելի, սպիրտ էթիլային և այլ սպիրտներ,|2012 թ. |
| |չդենատուրացված, ցանկացած խտության | |
|____________|__________________________________________|_____________|
| 220890910, |Սպիրտ էթիլային, չդենատուրացված սպիրտի |1-ը հունվարի,|
| 220890990 |խտությամբ, 80% ծավալից պակաս |2012 թ. |
._____________________________________________________________________.
Արձանագրությունն ուժի մեջ է մտել 2006 թ. հունիսի 23-ին: