(ուժը կորցրել է 01.06.11 թիվ 485-Ա որոշում)
i
041.0926.181108
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
18 նոյեմբերի 2008 թվականի N 926-Ա
ՎԵՐԱԿԱՆԳՆՎՈՂ ԷՆԵՐԳԵՏԻԿԱՅԻ ՈԼՈՐՏԻ ԶԱՐԳԱՑՄԱՆ ՀԱՄԱՐ ԱՌԿԱ ԽՈՉԸՆԴՈՏՆԵՐՆ ՈՒՍՈՒՄՆԱՍԻՐԵԼՈՒ ԵՎ ՀԱՄԱՊԱՏԱՍԽԱՆ ԼՈՒԾՈՒՄՆԵՐ ԱՌԱՋԱՐԿԵԼՈՒ ՆՊԱՏԱԿՈՎ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 2-րդ ենթակետը` վերականգնվող էներգետիկայի ոլորտի զարգացման համար առկա խոչընդոտներն ուսումնասիրելու և համապատասխան լուծումներ առաջարկելու նպատակով`
1. Ստեղծել միջգերատեսչական հանձնաժողով` համաձայն հավելվածի:
2. Միջգերատեսչական հանձնաժողովին` իր գործունեության ընթացքում ուսումնասիրել Հայաստանի Հանրապետության վերականգնվող էներգետիկայի և էներգախնայողության հիմնադրամի կողմից պատրաստված և Հայաստանի Հանրապետության վարչապետին ներկայացրած վերականգնվող էներգետիկայի ոլորտի զարգացման խոչընդոտների ցանկը, ինչպես նաև առկա այլ խոչընդոտներ: Միջգերատեսչական հանձնաժողովի աշխատանքների արդյունքում ձևավորված, վերականգնվող էներգետիկայի ոլորտի զարգացման խոչընդոտների վերացման համար անհրաժեշտ օրենսդրական փոփոխությունները, Հայաստանի Հանրապետության կառավարության որոշման նախագծերի փաթեթները պարբերաբար ներկայացնել Հայաստանի Հանրապետության կառավարության քննարկմանը:
3. Սույն որոշման կատարման նկատմամբ հսկողությունը վերապահել Հայաստանի Հանրապետության էներգետիկայի և բնական պաշարների նախարար Ա. Մովսիսյանին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2008 ԹՎԱԿԱՆԻ ՆՈՅԵՄԲԵՐԻ 18-ԻՆ
Հավելված
ՀՀ վարչապետի
2008 թվականի նոյեմբերի 18-ի
N 926-Ա որոշման
ԿԱԶՄ
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
Ա. Գալստյան - ՀՀ էներգետիկայի և բնական պաշարների նախարարի
տեղակալ (հանձնաժողովի նախագահ)
Լ. Վարդանյան - ՀՀ էներգետիկայի և բնական պաշարների նախարարության
աշխատակազմի զարգացման վարչության պետ
Դ. Ստեփանյան - ՀՀ էներգետիկայի և բնական պաշարների նախարարության
աշխատակազմի զարգացման վարչության վերականգնվող
էներգետիկայի բաժնի պետ
Վ. Միրումյան - ՀՀ ֆինանսների նախարարության աշխատակազմի պետական
եկամուտների քաղաքականության վարչության պետ
Տ. Դանիելյան - ՀՀ բնապահպանության նախարարության շրջակա միջավայրի
պահպանության վարչության կենսաբազմազանության և
ջրային ռեսուրսների պահպանության բաժնի պետ
Ա. Զարգարյան - ՀՀ կառավարությանն առընթեր պետական եկամուտների
կոմիտեի հարկային վարչարարության ռազմավարության և
պլանավորման վարչության պետի տեղակալ
Ա. Գիլոյան - ՀՀ տարածքային կառավարման նախարարության աշխատակազմի
տեղական ինքնակառավարման վարչության պետ
Ֆ. Եգորյան - ՀՀ կառավարությանն առընթեր անշարժ գույքի կադաստրի
պետական կոմիտեի հողաշինարարության և հողային
պետական տեսչության վարչության պետ
Ս. Սրապյան - ՀՀ քաղաքաշինության նախարարության աշխատակազմի
բնակարանային և կոմունալ քաղաքականության վարչության
կոմունալ բաժնի պետ
Ա. Բուդաղյան - ՀՀ հանրային ծառայությունները կարգավորող հանձնաժողովի
լիցենզավորված գործունեության մոնիթորինգի և
ներդրումային ծրագրերի վարչության ներդրումային
ծրագրերի բաժնի պետ