(ուժը կորցրել է 11.03.08 թիվ 68-Ն որոշում)
i
050.0080.240507
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«24» 05 2007 Թ.
ՊԵՏԱԿԱՆ ԳՐԱՆՑՄԱՆ ԹԻՎ 05007220
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
20 մարտի 2007 թվականի N 80-Ն
i
«ԹՈՂԱՐԿՈՂՆԵՐԻ, ՀԱՇՎԵՏՈՒ ԹՈՂԱՐԿՈՂՆԵՐԻ ԲԱԺՆԱՅԻՆ ԱՐԺԵԹՂԹԵՐԻ ՆՇԱՆԱԿԱԼԻՑ ԿԱՄ ԽՈՇՈՐ ՍԵՓԱԿԱՆԱՏԵՐԵՐԻ ԵՎ ՂԵԿԱՎԱՐՆԵՐԻ ԿՈՂՄԻՑ ԳԱՂՏՆԻ ՀԱՄԱՐՎՈՂ ՏԵՂԵԿՈՒԹՅՈՒՆՆԵՐԻ ԵՎ ՓԱՍՏԱԹՂԹԵՐԻ ՆԵՐԿԱՅԱՑՄԱՆ ԿԱՐԳԸ» ԵՎ «ԳԱՂՏՆԻՈՒԹՅՈՒՆԸ ՀԱՐԳԵԼՈՒ ՄԱՍԻՆ» ԴԻՄՈՒՄԻ ՁԵՎԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Արժեթղթերի շուկայի կարգավորման մասին» Հայաստանի Հանրապետության օրենքի 39-րդ հոդվածը և ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով, «Իրավական ակտերի մասին» Հայաստանի Հանրապետության օրենքի 16-րդ հոդվածով` Հայաստանի Հանրապետության կենտրոնական բանկի խորհուրդը որոշում է.
1. Հաստատել «Թողարկողների, հաշվետու թողարկողների բաժնային արժեթղթերի նշանակալից կամ խոշոր սեփականատերի և ղեկավարների կողմից գաղտնի համարվող տեղեկությունների և փաստաթղթերի ներկայացման կարգը»` համաձայն հավելված 1-ի (կցվում է):
2. Հաստատել «Գաղտնիությունը հարգելու մասին» դիմումի ձևը` համաձայն հավելված 2-ի (կցվում է):
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀՀ ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀԻ ԿՈՂՄԻՑ
2007 ԹՎԱԿԱՆԻ ՄԱՐՏԻ 26-ԻՆ
Հավելված 1
Հաստատված է
ՀՀ կենտրոնական բանկի խորհրդի
2007 թվականի մարտի 20-ի
թիվ 80-Ն որոշմամբ
ԹՈՂԱՐԿՈՂՆԵՐԻ, ՀԱՇՎԵՏՈՒ ԹՈՂԱՐԿՈՂՆԵՐԻ ԲԱԺՆԱՅԻՆ ԱՐԺԵԹՂԹԵՐԻ ՆՇԱՆԱԿԱԼԻՑ ԿԱՄ ԽՈՇՈՐ ՍԵՓԱԿԱՆԱՏԵՐԵՐԻ ԵՎ ՂԵԿԱՎԱՐՆԵՐԻ ԿՈՂՄԻՑ ԳԱՂՏՆԻ ՀԱՄԱՐՎՈՂ ՏԵՂԵԿՈՒԹՅՈՒՆՆԵՐԻ ԵՎ ՓԱՍՏԱԹՂԹԵՐԻ ՆԵՐԿԱՅԱՑՄԱՆ ԿԱՐԳ
| ԳԼՈՒԽ 1. |
ԸՆԴՀԱՆՈՒՐ ԴՐՈՒՅԹՆԵՐ |
1. Սույն կարգը սահմանում է թողարկողների, հաշվետու թողարկողների բաժնային արժեթղթերի նշանակալից կամ խոշոր սեփականատերի և ղեկավարների կողմից գաղտնի համարվող տեղեկությունների և փաստաթղթերի ներկայացման կարգը:
2. Սույն կարգի իմաստով` հաշվետու թողարկողի ղեկավար է համարվում հաշվետու թողարկողի տնօրենների խորհրդի (նման իրավասություն ունեցող այլ մարմնի) անդամը, գործադիր տնօրենը (գործադիր մարմնի անդամը), վերստուգիչ մարմնի անդամը կամ այլ պաշտոնատար անձը (ստորաբաժանման ղեկավար կամ խորհրդատու):
3. Սույն կարգում օգտագործված այլ հասկացություններն ունեն «Արժեթղթերի շուկայի կարգավորման մասին» Հայաստանի Հանրապետության օրենքում կիրառվող նշանակությունը:
4. Յուրաքանչյուր թողարկող, հաշվետու թողարկողի բաժնային արժեթղթերի նշանակալից կամ խոշոր սեփականատեր, հաշվետու թողարկողի ղեկավար (այսուհետ` պատասխանատու անձ) հաշվետվության մեջ կամ հայտարարագրում ներառման ենթակա որևէ տեղեկություն կամ փաստաթուղթ իրավունք ունի համարել գաղտնի (որպես առևտրային կամ այլ գաղտնիք պարունակող) և խուսափել դրա հրապարակումից: Այս դեպքում նշված տեղեկությունները կամ փաստաթղթերը ներկայացվում են միայն Կենտրոնական բանկ` սույն կարգի 2-րդ գլխով սահմանված կարգով:
| ԳԼՈՒԽ 2. |
ԳԱՂՏՆԻ ՏԵՂԵԿՈՒԹՅՈՒՆՆԵՐԻ ԵՎ ՓԱՍՏԱԹՂԹԵՐԻ ՆԵՐԿԱՅԱՑՈՒՄԸ |
5. Պատասխանատու անձը կարող է գաղտնի տեղեկատվությունը չլրացնել հաշվետվության մեջ կամ հայտարարագրում, իսկ գաղտնի փաստաթուղթը չկցել հաշվետվությանը կամ հայտարարագրին: Այս դեպքում հաշվետվության կամ հայտարարագրի համապատասխան մասում պետք է բացահայտվի.
5.1) գաղտնի տեղեկատվության կամ փաստաթղթի գոյության փաստը, և
5.2) այն հանգամանքը, որ գաղտնի տեղեկատվությունը չի լրացվել հաշվետվության մեջ կամ հայտարարագրում և ներկայացվել է Կենտրոնական բանկ առանձին տեղեկանքով, և/կամ
5.3) այն հանգամանքը, որ գաղտնի փաստաթուղթը չի կցվել հաշվետվությանը կամ հայտարարագրին և ներկայացվել է միայն Կենտրոնական բանկ:
6. 5.2 և 5.3 ենթակետերում նշված տեղեկանքը կամ գաղտնի փաստաթուղթը պետք է պարունակի «ԳԱՂՏՆԻ ՄԱՍ» նշումը և կցվի գաղտնիությունը հարգելու մասին դիմումին: Դիմումը պետք է ներառի.
6.1) կից ներկայացվող գաղտնի տեղեկատվության կամ փաստաթղթերի ցանկը և էջերի քանակը,
6.2) նշում այն մասին, թե կոնկրետ որ հաշվետվության մեջ կամ հայտարարագրում է բաց թողնված տվյալ տեղեկատվությունը կամ փաստաթուղթը (հաշվետվության կամ հայտարարագրի անվանումը և ներկայացման ամսաթիվը),
6.3) այն ժամանակահատվածը, որի ընթացքում կից ներկայացվող տեղեկատվությունը կամ փաստաթուղթը համարվում է գաղտնի,
6.4) մանրամասն հիմնավորում, թե ինչու և ինչ հանգամանքների պատճառով է կից ներկայացվող տեղեկատվության կամ փաստաթղթի հրապարակման բացառումն անհրաժեշտ ներդրողների շահերը պաշտպանելու տեսակետից,
6.5) այն անձի անունը, ազգանունը և հեռախոսի համարը, ում հետ կարելի է կապվել ներկայացվող տեղեկատվության կամ փաստաթղթի առնչությամբ:
7. Դիմումի ձևը սահմանված է հավելված 2-ում:
8. 5.2 և 5.3 ենթակետերում նշված տեղեկանքը կամ գաղտնի փաստաթուղթը և դիմումը պետք է Կենտրոնական բանկ ներկայացվեն փակ ծրարով, որի վրա պետք է լինի.
8.1) վերևի աջ անկյունում` «ԳԱՂՏՆԻ» նշագիրը և առաքողի ստորագրությունը (եթե պատասխանատու անձն իրավաբանական անձ է, ապա պետք է նաև վավերացված լինի կնիքով).
8.2) ներքևի ձախ անկյունում` պատասխանատու անձի կողմից լրացված` փաստաթղթի ներքին գրանցման համարը.
8.3) նշում այն մասին, թե ում է հասցեագրված.
8.4) պատասխանատու անձի անվանումը և գտնվելու վայրը (ֆիզիկական անձանց դեպքում` անունը, ազգանունը և բնակության վայրը):
9. Եթե պատասխանատու անձը ներկայացնում է պետական գաղտնիք համարվող տեղեկություններ, ապա ներկայացվող փակ ծրարի վերևի աջ անկյունում «ԳԱՂՏՆԻ» նշագրի փոխարեն պետք է լինի «ՀՈՒՅԺ ԳԱՂՏՆԻ» կամ «ՀԱՏՈՒԿ ԿԱՐԵՎՈՐՈՒԹՅԱՆ» նշագիրը:
10. Փակ ծրարը Կենտրոնական բանկ պետք է ներկայացվի այն աշխատանքային օրվա ընթացքում, երբ ներկայացվում է հաշվետվությունը կամ հայտարարագիրը, որի համապատասխան մասում բացահայտվել է գաղտնի տեղեկատվության կամ փաստաթղթի գոյության փաստը:
11. Եթե պատասխանատու անձը չի պահպանել սույն կարգով սահմանված պահանջները, ապա գաղտնիության դիմումը ենթակա չէ քննարկման:
Հավելված 2
Հաստատված է
ՀՀ կենտրոնական բանկի խորհրդի
2007 թվականի մարտի 20-ի
թիվ 80-Ն որոշմամբ
Հայաստանի Հանրապետության
կենտրոնական բանկ
ՁԵՎ
ԳԱՂՏՆԻՈՒԹՅՈՒՆԸ ՀԱՐԳԵԼՈՒ ՄԱՍԻՆ ԴԻՄՈՒՄԻ
Խնդրում եմ հարգել կից ներկայացվող հետևյալ տեղեկատվության (փաստաթղթերի) գաղտնիությունը.
.___________________________________________________________________.
|Հ/հ|Կից |Էջերի |Հաշվետվության կամ |Ժամանակահատվածը, |
| |ներկայացվող |քանակը|հայտարարագրի |որի ընթացքում կից |
| |տեղեկատվության| |անվանումը և |ներկայացվող |
| |(փաստաթղթերի) | |ներկայացման ամսաթիվը, |տեղեկատվությունը |
| |ցանկը | |որում բաց թողնված է |(փաստաթուղթը) |
| | | |տվյալ տեղեկատվությունը|համարվում է գաղտնի|
| | | |(փաստաթուղթը) |(օր, ամիս, տարի) |
|___|______________|______|______________________|__________________|
|___|______________|______|______________________|__________________|
|___|______________|______|______________________|__________________|
.___________________________________________________________________.
.___________________________________________________________________.
|Մանրամասն հիմնավորում, թե ինչու և ինչ հանգամանքների առկայության |
|պատճառով է կից ներկայացվող տեղեկատվության (փաստաթղթի) հրապարակման |
|բացառումն անհրաժեշտ ներդրողների շահերը պաշտպանելու տեսակետից |
|___________________________________________________________________|
| |
|___________________________________________________________________|
|Անձի անունը, ազգանունը և հեռախոսի համարը, ում հետ կարելի է կապվել |
|ներկայացվող տեղեկատվության կամ փաստաթղթի առնչությամբ |
|___________________________________________________________________|
| |
.___________________________________________________________________.
_________________________________________
Դիմողի անունը, ազգանունը, ստորագրությունը
__________
ամսաթիվը