(ուժը կորցրել է 29.08.11 թիվ 809-Ա որոշում)
i
041.0794.131005
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
13 հոկտեմբերի 2005 թվականի N 794-Ա
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2002 թվականի մարտի 16-ի ՆՀ-1064 հրամանագրի 67-րդ կետի «բ» ենթակետի`
1. Սահմանամերձ տարածաշրջանների ականապատված տարածքների հետախուզման, հումանիտար ականազերծման և դրանք տնտեսական շրջանառության մեջ դնելու հետ կապված աշխատանքների կազմակերպման, ինչպես նաև շահառու համայնքների բնականոն գործունեությունը կանոնակարգելու նպատակով ստեղծել միջգերատեսչական հանձնաժողով և հաստատել դրա անհատական կազմը` համաձայն հավելվածի:
2. Միջգերատեսչական հանձնաժողովին`
ա) հիմք ընդունելով Միացյալ ազգերի զարգացման ծրագրի կողմից ընդունված Հայաստանի ականազերծման (հակաականային) ծրագիրը` երկամսյա ժամկետում մշակել սահմանամերձ տարածաշրջանների ականապատված տարածքների հետախուզման, հումանիտար ականազերծման, դրանք տնտեսական շրջանառության մեջ դնելու հետ կապված աշխատանքների կազմակերպման և շահառու համայնքների բնականոն գործունեության 2005-2007 թվականների միջոցառումների ծրագիրը և այն ներկայացնել Հայաստանի Հանրապետության կառավարություն` հաստատման.
բ) ձեռնարկել միջոցներ` դոնոր կազմակերպությունների ներգրավման համար.
գ) յուրաքանչյուր տարվա ավարտին Հայաստանի Հանրապետության վարչապետին ներկայացնել տեղեկատվություն կատարված աշխատանքների մասին:
3. Հայաստանի Հանրապետության պետական կառավարման մարմիններին` ցուցաբերել համակողմանի աջակցություն միջգերատեսչական հանձնաժողովի աշխատանքներին:
i
4. ՈՒժը կորցրած ճանաչել Հայաստանի Հանրապետության վարչապետի 2001 թվականի դեկտեմբերի 26-ի «Միջգերատեսչական հանձնաժողով ստեղծելու մասին» N 906 որոշումը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՀՈԿՏԵՄԲԵՐԻ 13-ԻՆ
Հավելված
ՀՀ վարչապետի
2005 թվականի հոկտեմբերի 13-ի
N 794-Ա որոշման
ԿԱԶՄ
ՍԱՀՄԱՆԱՄԵՐՁ ՏԱՐԱԾԱՇՐՋԱՆՆԵՐԻ ԱԿԱՆԱՊԱՏՎԱԾ ՏԱՐԱԾՔՆԵՐԻ ՀԵՏԱԽՈՒԶՄԱՆ, ՀՈՒՄԱՆԻՏԱՐ ԱԿԱՆԱԶԵՐԾՄԱՆ, ԴՐԱՆՔ ՏՆՏԵՍԱԿԱՆ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ՀԵՏ ԿԱՊՎԱԾ ԱՇԽԱՏԱՆՔՆԵՐԻ ԿԱԶՄԱԿԵՐՊՄԱՆ ԵՎ ՇԱՀԱՌՈՒ ՀԱՄԱՅՆՔՆԵՐԻ ԲՆԱԿԱՆՈՆ ԳՈՐԾՈՒՆԵՈՒԹՅՈՒՆԸ ԿԱՆՈՆԱԿԱՐԳՈՂ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
Վ. Տերտերյան - ՀՀ տարածքային կառավարման և
ենթակառուցվածքների գործունեությունը
համակարգող նախարարի տեղակալ, ՄԱԶԾ-ի
համագործակցության «Ժողովրդավարական
կառավարում» ծրագրերի խմբի ազգային տնօրեն
(միջգերատեսչական հանձնաժողովի նախագահ)
Ռ. Ալավերդյան - ՀՀ քաղաքաշինության նախարարի տեղակալ
Ս. Գալստյան - ՀՀ գյուղատնտեսության նախարարի տեղակալ
Ա. Մինասյան - ՀՀ աշխատանքի և սոցիալական հարցերի
նախարարի տեղակալ
Վ. Ադոյան - ՀՀ պաշտպանության նախարարության վարչության
պետ
Ս. Թովմասյան - ՀՀ կառավարությանն առընթեր անշարժ գույքի
կադաստրի պետական կոմիտեի նախագահի տեղակալ
Ա. Թանանյան - ՀՀ տարածքային կառավարման նախարարության
արտակարգ իրավիճակների վարչության պետի
տեղակալ
Ս. Բարսեղյան - ՀՀ Գեղարքունիքի մարզպետ
Ս. Խաչատրյան - ՀՀ Սյունիքի մարզպետ
Ա. Ղուլարյան - ՀՀ Տավուշի մարզպետ
Ս. Սարգսյան - ՀՀ Վայոց ձորի մարզպետ
Ա. Գրիգորյան - Միավորված ազգերի կազմակերպության
Զարգացման ծրագրի ղեկավար
(համաձայնությամբ)
Հ. Սոխակյան - ՀՀ կառավարության աշխատակազմի տարածքային
կառավարման և տեղական ինքնակառավարման
վարչության առաջատար մասնագետ
(հանձնաժողովի քարտուղար)