(ուժը կորցրել է 14.03.12 թիվ 34-Ն հրաման)
i
102.0026.260405
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«26» 04 2005 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10205172
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐ ՀՐԱՄԱՆ
21 ապրիլի 2005 թվականի թիվ ՔՀ-26-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ՔՐԵԱԿԱՏԱՐՈՂԱԿԱՆ ԾԱՌԱՅՈՒԹՅԱՆ ԿԵՆՏՐՈՆԱԿԱՆ ՄԱՐՄՆՈՒՄ ՏԵՂԱԲԱՇԽՄԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ԴՐԱ ԳՈՐԾՈՒՆԵՈՒԹՅԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով Հայաստանի Հանրապետության քրեակատարողական օրենսգրքի 100-րդ, 101-րդ և 110-րդ հոդվածներով.
ՀՐԱՄԱՅՈՒՄ ԵՄ`
i
1. Հայաստանի Հանրապետության արդարադատության քրեակատարողական ծառայության կենտրոնական մարմնում ստեղծել տեղաբաշխման հանձնաժողով (այսուհետ` Հանձնաժողով) հետևյալ կազմով`
i
Հանձնաժողովի նախագահ` Հայաստանի Հանրապետության արդարադատության նախարարության քրեակատարողական վարչության պետի տեղակալ
Հանձնաժողովի նախագահի տեղակալ` Հայաստանի Հանրապետության
արդարադատության նախարարության
քրեակատարողական վարչության կալանավորված
անձանց և դատապարտյալների հաշվառման
բաժնի պետ
Հանձնաժողովի անդամներ` Հայաստանի Հանրապետության
արդարադատության նախարարության
քրեակատարողական վարչության
անվտանգության ապահովման բաժնի պետ
Հայաստանի Հանրապետության
արդարադատության նախարարության
քրեակատարողական վարչության սոցիալական,
հոգեբանական և իրավական աշխատանքների
բաժնի պետ
Հայաստանի Հանրապետության
արդարադատության նախարարության
քրեակատարողական վարչության բժշկական
սպասարկման բաժնի գլխավոր մասնագետ
Հայաստանի Հանրապետության
արդարադատության նախարարության
քրեակատարողական վարչության
օպերատիվ բաժնի պետ
Հայաստանի Հանրապետության ոստիկանության
քրեական հետախուզության գլխավոր
վարչության 2-րդ վարչության 1-ին բաժնի
պետ (համաձայնությամբ)
Հայաստանի Հանրապետության ազգային
անվտանգության ծառայության
հակահետախուզության գլխավոր վարչության
5-րդ բաժնի 2-րդ բաժանմունքի պետ
(համաձայնությամբ)
Հանձնաժողովի քարտուղար` Հայաստանի Հանրապետության
արդարադատության նախարարության
քրեակատարողական վարչության կալանավորված
անձանց և դատապարտյալների հաշվառման
բաժնի ծառայող:
(1-ին կետը փոփ. 14.11.06 թիվ ՔՀ-63-Ն, 03.02.09 թիվ 16-Ն, 31.03.10 թիվ 49-Ն հրամաններ)
2. Հաստատել տեղաբաշխման հանձնաժողովի գործունեության կարգը (Հավելված թիվ 1) կցվում է:
Հավելված թիվ 1
Հաստատված է
ՀՀ արդարադատության նախարարի
2005 թվականի ապրիլի 21-ի
թիվ ՔՀ-26-Ն հրամանով
ԿԱՐԳ
ՏԵՂԱԲԱՇԽՄԱՆ ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ
1. Սույն կարգը սահմանում է Հայաստանի Հանրապետության արդարադատության նախարարության քրեակատարողական ծառայության կենտրոնական մարմնում (այսուհետ` Քրեակատարողական վարչություն) ստեղծված տեղաբաշխման հանձնաժողովի (այսուհետ` Հանձնաժողով) գործունեության ընթացակարգն ու պայմանները:
2. Հանձնաժողովը յուրաքանչյուր ամիս առնվազն երկու անգամ հրավիրում է նիստ դատապարտյալների` օրենքով սահմանված կարգով պատիժը կատարելու համար ուղղիչ հիմնարկի տեսակը որոշելու, հիմնարկի տեսակը փոխելու, ինչպես նաև տեխնիկատնտեսական սպասարկման աշխատանքներ կատարելու համար փակ տիպի ուղղիչ հիմնարկ ուղարկելու կամ կալանավորվածներին պահելու վայրում թողնելու կամ այլ վայր ուղարկելու նպատակով:
3. Հանձնաժողովի նիստից յոթ օր առաջ քրեակատարողական հիմնարկներում Հանձնաժողովի քննարկմանը ենթակա յուրաքանչյուր դատապարտյալի վերաբերյալ կազմվում է միջնորդագիր և ներկայացվում Հանձնաժողովին: Միջնորդագրում նշվում է դատապարտյալի անունը, ազգանունը, հայրանունը, բնակության վայրը, Հայաստանի Հանրապետության քրեական օրենսգրքի հոդվածը, որով դատապարտվել է, պատժաչափը, պատժի սկիզբը և ավարտը, նախկին դատվածության(ների) առկայությունը: Միջնորդագրի հետ միասին հանձնաժողովին ներկայացվում է դատապարտյալի անձնական գործը, բնութագիրը, առողջական վիճակի և անվտանգության նկատառումների վերաբերյալ տեղեկանքները, ինչպես նաև վերջինիս նկատմամբ հետաքրքրություն ներկայացնող այլ տեղեկություններ:
4. Հանձնաժողովի նիստն անցկացվում է Հայաստանի Հանրապետության արդարադատության նախարարության Քրեակատարողական վարչությունում, այն կարող է անցկացվել նաև քրեակատարողական հիմնարկներում:
5. Նիստն իրավազոր է, եթե մասնակցում են Հանձնաժողովի անդամների կեսից ավելին:
6. Հանձնաժողովի նիստը վարում է Հանձնաժողովի նախագահը, նրա բացակայության դեպքում` նախագահի տեղակալը: Ներկայացված միջնորդությունները, ինչպես նաև անհրաժեշտ այլ փաստաթղթերը Հանձնաժողովին ներկայացնում է նախագահի տեղակալը:
Հանձնաժողովի նիստին Հանձնաժողովի անդամների մեծամասնության համաձայնությամբ կարող են մասնակցել տվյալ դատապարտյալը, քրեակատարողական այլ ծառայողներ, ինչպես նաև հրավիրված այլ անձինք:
Հանձնաժողովի նիստին կարող է մասնակցել վարչության պետը: Վարչության պետը կարող է նիստի ընթացքում կամ մինչև նիստի սկսվելը Հանձնաժողովի քննարկմանը ներկայացնել առաջարկություններ:
7. Հանձնաժողովի որոշումներն ընդունվում են բաց քվեարկությամբ, նիստին ներկա գտնվող Հանձնաժողովի անդամների ձայների մեծամասնությամբ: Ձայների հավասարության դեպքում վերջնական որոշում ընդունում է Հանձնաժողովի նախագահը: Քվեարկությունը տեղի է ունենում դատապարտյալի բացակայության պայմաններում:
8. Հանձնաժողովի նիստի վերաբերյալ կազմվում է արձանագրություն և գրանցվում դրա համար նախատեսված մատյանում: Արձանագրությունը կազմվում է հանձնաժողովի քարտուղարի, ստորագրվում ներկա գտնվող հանձնաժողովի անդամների կողմից:
9. Արձանագրությունից կազմվում է քաղվածք, որը կցվում է դատապարտյալի անձնական գործին:
10. Հանձնաժողովի որոշման արդյունքների հիման վրա քրեակատարողական վարչության կալանավորված անձանց և դատապարտյալների հաշվառման բաժնի կողմից կազմվում է տեղաբաշխման ենթակա դատապարտյալների ցուցակ (Հավելված թիվ 1, Ձև 1) կցվում է, որը հաստատվում է հանձնաժողովի կողմից:
11. Տեղաբաշխումն իրականացվում է երեք օրվա ընթացքում և կարգագիրն ուղարկվում է համապատասխան քրեակատարողական հիմնարկ:
12. Հանձնաժողովի փաստաթղթերի վարումը և պահպանումն իրականացնում է Հայաստանի Հանրապետության արդարադատության նախարարության քրեակատարողական վարչության կալանավորված անձանց և դատապարտյալների հաշվառման բաժինը:
Հավելված թիվ 1
Ձև 1
Հաստատված է
ՀՀ արդարադատության նախարարի
2005 թվականի ապրիլի 21-ի
թիվ ՔՀ-26-Ն հրամանով
«ՀԱՍՏԱՏՈՒՄ ԵՄ»
ՏԵՂԱԲԱՇԽՄԱՆ ՀԱՆՁՆԱԺՈՂՈՎԻ ՆԱԽԱԳԱՀ
_______________________________
« » _________________ 200 Թ.
ՑՈՒՑԱԿ ՈՒՂՂԻՉ ՀԻՄՆԱՐԿՆԵՐ ՈՒՂԱՐԿՎՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ « » ՔՐԵԱԿԱՏԱՐՈՂԱԿԱՆ
ՀԻՄՆԱՐԿԻ ԴԱՏԱՊԱՐՏՅԱԼՆԵՐԻ
._________________________________________________________________________.
|Հ/Հ|Անուն, |ՀՀ քր. |Ծննդյան|Բնակ- |Մասնագի- |Առող- |Նախկի- |Որտեղ է |
| |ազգանուն,|օր-ի |թիվը |վել է |տությունը|ջական |նում որ |տեղա- |
| |հայրանուն|հոդվածը, | | | |վիճակը|ՔԿՀ-ից է|բաշխվում|
| | |պատժաչափը| | | | |ազատվել | |
|___|_________|_________|_______|______|_________|______|________|________|
| 1 | 2 | 3 | 4 | 5 | 6 | 7 | 8 | 9 |
._________________________________________________________________________.