(չեղյալ է ճանաչվել 23.07.09 թիվ 851-Ն որոշում)
i
040.0516.220404
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«22» ապրիլի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
14 ապրիլի 2004 թվականի N 516-Ա
ԳՅՈՒՄՐՈՒ ՀԱՇՄԱՆԴԱՄ ԿԱՆԱՆՑ «ՀԱՎԱՏ» ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆԸ ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ
Հիմք ընդունելով Հայաստանի Հանրապետության քաղաքացիական օրենսգրքի 605-րդ հոդվածը` Հայաստանի Հանրապետության կառավարությունը որոշում է.
1. Աղետի գոտու վերականգնման ռազմավարությանը համապատասխան` երկրաշարժից հետո կառուցված անավարտ շինարարությունների վերակառուցման գործում ոչ պետական միջոցներ ներգրավելու նպատակով Հայաստանի Հանրապետության Շիրակի մարզպետարանի տնօրինության` Գյումրի քաղաքի Անի-7 շինարարական թաղամասի ջերմակայանի շենքի անավարտ շինարարության օբյեկտի (այսուհետ` օբյեկտ) 2/3 մասը նվիրաբերել Գյումրու հաշմանդամ կանանց «Հավատ» հասարակական կազմակերպությանը` 1988 թվականի երկրաշարժից տուժած հաշմանդամ կանանց առողջությունը վերականգնող կենտրոն ստեղծելու համար:
2. Հայաստանի Հանրապետության Շիրակի մարզպետին`
ա) մեկամսյա ժամկետում Գյումրու հաշմանդամ կանանց «Հավատ» հասարակական կազմակերպության հետ կնքել նվիրաբերության պայմանագիր` պայմանագրում ներառելով շինարարությունը երեք տարվա ընթացքում ավարտին հասցնելու պայմանը.
բ) երկամսյա ժամկետում` Գյումրու քաղաքապետի հետ համատեղ ապահովել օբյեկտի շինարարության և սպասարկման համար անհրաժեշտ հողահատկացման փաստաթղթերի ձևակերպումը:
3. Սահմանել, որ գույքային իրավունքների պետական գրանցման հետ կապված վճարներն ու տուրքերը կատարվելու են Գյումրու հաշմանդամ կանանց «Հավատ» հասարակական կազմակերպության միջոցների հաշվին` Հայաստանի Հանրապետության օրենսդրությամբ սահմանված կարգով:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ԱՊՐԻԼԻ 20-ԻՆ