(ուժը կորցրել է 24.02.14 թիվ 04-Ն որոշում)
i
603.0212.111202
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«11» 12 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60302343
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
ՈՐՈՇՈՒՄ
10 սեպտեմբերի 2002 թվականի N 212-Ն
«ՀԱՇՎԵՏՎՈՒԹՅՈՒՆ ՕԳՏԱԿԱՐ ՀԱՆԱԾՈՆԵՐԻ ԿՈՐԶՈՒՄՆ ԱՐԴՅՈՒՆԱՀԱՆՄԱՆ ԺԱՄԱՆԱԿ» ՁԵՎ ԹԻՎ 70-ՏԱ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի 3-րդ մասի ե/ կետով` Հայաստանի Հանրապետության վիճակագրության պետական խորհուրդը որոշում է.
Հաստատել «Հաշվետվություն օգտակար հանածոների կորզումն արդյունահանման ժամանակ» Ձև թիվ 70-տա պետական վիճակագրական հաշվետվության ձևը և լրացման հրահանգը` համաձայն հավելված 1-ի:
Հավելված 1
Հաստատված է
Հայաստանի Հանրապետության
վիճակագրության պետական խորհրդի
10 սեպտեմբերի 2002 թվականի
թիվ 212-Ն որոշմամբ
ՀՐԱՀԱՆԳ «ՕԳՏԱԿԱՐ ՀԱՆԱԾՈՆԵՐԻ ԿՈՐԶՈՒՄՆ ԱՐԴՅՈՒՆԱՀԱՆՄԱՆ ԺԱՄԱՆԱԿ» ՁԵՎ N 70-ՏԱ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Հրահանգը սահմանում է «Օգտակար հանածոների կորզումն արդյունահանման ժամանակ» ձև N 70-տա (տարեկան) պետական վիճակագրական հաշվետվության լրացման կարգը:
2. Հաշվետվությունը կազմում են պինդ օգտակար հանածոների արդյունահանմամբ զբաղվող իրավաբանական անձինք, հիմնարկները, անհատ ձեռնարկատերերը, որոնք նախապես տեղեկացվում են այդ մասին:
3. Հաշվետու ժամանակաշրջանում սահմանված աշխատանքները չավարտելու դեպքում հաշվետվություններում բերվում են փաստացի կատարված աշխատանքները` նշելով դրանց ընթացքի մեջ գտնվելը:
4. Կազմակերպությունները հաշվետվությունը ներկայացնում են Հայաստանի Հանրապետության Ազգային վիճակագրական ծառայության մարզային գործակալության տարածքային բաժին մինչև փետրվարի 25-ը, որն` Հայաստանի Հանրապետության Ազգային վիճակագրական ծառայության մարզային գործակալություն մինչև մարտի 5-ը, որն` Հայաստանի Հանրապետության Ազգային վիճակագրական ծառայություն մինչև մարտի 10-ը:
5. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:
II. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ
6. Սյունակ 1-ում բերվում է մարված պաշարների քանակը:
7. Սյունակ 2-ում բերվում են այն հաշվեկշռային պաշարների քանակները, որոնք հանվել են ընդերքից (ստորգետնյա աշխատանքների ժամանակ) կամ հանքավայրերից (վերգետնյա աշխատանքների ժամանակ): Ընդ որում այստեղ հաշվի չեն առնվում պահանջարկ չունեցող օգտակար հանածոները, որոնք ընդգրկված չեն եղել հաշվեկշռային պաշարներում:
8. Օգտակար հանածոների արդյունահանման հաշվառումը, որպես կանոն, իրականացվում է ըստ հանքաքարի չոր կշռի: Բոքսիտների, սիլիկատային, նիկելային, երկաթի, մանգանի հանքերի, ինչպես նաև բնական տեսքով օգտագործվող օգտակար հանածոների (կրի, կավի, հանքային աղերի և այլնի) համար արդյունահանման հաշվառումը տարվում է պաշարների հաշվարկման ժամանակ ընդունված խոնավությամբ:
9. Սահմանված խոնավությամբ արդյունահանման ծավալը որոշվում է հետևյալ բանաձևով.
Ահ = Ափ 100 - Wփ
100 - Wհ
որտեղ Ահ - փաստացի արդյունահանումն է` բերված հաստատված հաշվեկշռային պաշարների խոնավության, տոննա
Ափ - փաստացի արդյունահանումը, տոննա
Wփ - արդյունահանվող հանքաքարի փաստացի խոնավությունը, տոկոս
Wհ - հաստատված պաշարներում բնական խոնավությունը, տոկոս
10. Սյունակ 3-ում բերվում են կորուստներն արդյունահանման ժամանակ: Կորուստներն օգտակար հանածոների հաշվեկշռային պաշարների այն քանակներն են, որոնք հանքամշակման ժամանակ ընդերքից դուրս չեն հանվում: Կորուստներ են համարվում նաև այն պաշարները, որոնք արդյունահանվել և ուղարկվել են հանքամշակումից գոյացած հողաշեղջ` պահեստավորման, թափվել են բեռնման և տեղափոխման ժամանակ:
11. Սյունակ 6-ում բերվում են անօգուտ ապարների և պահանջվող նորմային չհամապատասխանող հանքաքարերի փաստացի քանակները, որոնք արդյունահանվել են օգտակար հանածոների հետ և ընդգրկված չեն պաշարների հաշվարկներում:
12. «Գերչափորոշային կորուստներն արդյունահանման ժամանակ» սյունակում (8) բերվում է փաստացի և նորմատիվային կորուստների տարբերությունը:
13. Սյունակ 9-ում բերվում են գերչափորոշային կորուստների դիմաց պետբյուջե կատարված վճարները:
ՀԱՇՎԵՏՎՈՒԹՅՈՒՆ ՕԳՏԱԿԱՐ ՀԱՆԱԾՈՆԵՐԻ ԿՈՐԶՈՒՄՆ ԱՐԴՅՈՒՆԱՀԱՆՄԱՆ ԺԱՄԱՆԱԿ
200...թ. համար
Կատարող _____________ Ղեկավար
հեռ. ________________ Անուն, ազգանուն ___________________
«___» _________ 200 .. թ. Պաշտոն ____________________________
Ստորագրություն ____________________
-----------------------------------------------
ԻՐՏԵԿ - հաշվետվության ձևը չի բերվում