ՀԱՐԿԱՅԻՆ ՄԱՐՄՆԻՆ` ՀՀ ՀԱՐԿԱՅԻՆ ՕՐԵՆՍԳՐՔՈՎ ՆԱԽԱՏԵՍՎԱ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

30 հունվարի 2025 թվականի N 104-Ն

ՀԱՐԿԱՅԻՆ ՄԱՐՄՆԻՆ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՎ ՆԱԽԱՏԵՍՎԱԾ ՀԱՐԿԱՅԻՆ ՀՍԿՈՂՈՒԹՅԱՆ ՇՐՋԱՆԱԿՈՒՄ ՕԳՏԱԳՈՐԾԵԼՈՒ ՆՊԱՏԱԿՈՎ ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԵՎ ՋՐԱՅԻՆ ՈԼՈՐՏՈՒՄ ԼԻՑԵՆԶԻԱ ՍՏԱՑԱԾ ԱՆՁԱՆՑ, ԻՆՉՊԵՍ ՆԱԵՎ ՋՐԱՅԻՆ ՈԼՈՐՏՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԱՅԼ ՀԱՐԿ ՎՃԱՐՈՂՆԵՐԻ ԿՈՂՄԻՑ ՏՐԱՄԱԴՐՎՈՂ ՏԵՂԵԿԱՏՎՈՒԹՅԱՆ ՑԱՆԿԸ ԵՎ ՏՐԱՄԱԴՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Հիմք ընդունելով Հայաստանի Հանրապետության հարկային օրենսգրքի 350-րդ հոդվածի 1-ին մասը, Հայաստանի Հանրապետության ջրային օրենսգրքի 42-րդ հոդվածի 3.1-ին մասը, «Էներգետիկայի մասին» օրենքի 20-րդ հոդվածի 5-րդ մասի «ե» կետը` Հայաստանի Հանրապետության կառավարությունը որոշում է.

1. Սահմանել հարկային մարմնին` Հայաստանի Հանրապետության հարկային օրենսգրքով նախատեսված հարկային հսկողության շրջանակում օգտագործելու նպատակով էներգետիկայի բնագավառում և ջրային ոլորտում լիցենզիա ստացած անձանց, ինչպես նաև ջրային ոլորտում գործունեություն իրականացնող այլ հարկ վճարողների կողմից տրամադրվող տեղեկատվության տրամադրման կարգը` համաձայն N 1 հավելվածի:

2. Սահմանել հարկային մարմնին` Հայաստանի Հանրապետության հարկային օրենսգրքով նախատեսված հարկային հսկողության շրջանակում օգտագործելու նպատակով էներգետիկայի բնագավառում և ջրային ոլորտում լիցենզիա ստացած անձանց, ինչպես նաև ջրային ոլորտում գործունեություն իրականացնող այլ հարկ վճարողների կողմից տրամադրվող տեղեկատվության ցանկը` համաձայն N 2 հավելվածի:

3. Սույն որոշումն ուժի մեջ է մտնում հարկային մարմնի` էլեկտրոնային եղանակով փաստաթղթերի ընդունման համակարգում սույն որոշմամբ նշված տեղեկությունների ներկայացման հնարավորության գործարկման օրվանից:

Հայաստանի Հանրապետության

    վարչապետ                     Ն. Փաշինյան

2025 թ. հունվարի 31

Երևան

Հավելված N 1

ՀՀ կառավարության

2025 թվականի հունվարի 30-ի

N 104-Ն որոշման

ԿԱՐԳ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՎ ՆԱԽԱՏԵՍՎԱԾ ՀԱՐԿԱՅԻՆ ՀՍԿՈՂՈՒԹՅԱՆ ՇՐՋԱՆԱԿՈՒՄ ՕԳՏԱԳՈՐԾԵԼՈՒ ՆՊԱՏԱԿՈՎ ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԵՎ ՋՐԱՅԻՆ ՈԼՈՐՏՈՒՄ ԼԻՑԵՆԶԻԱ ՍՏԱՑԱԾ ԱՆՁԱՆՑ, ԻՆՉՊԵՍ ՆԱԵՎ ՋՐԱՅԻՆ ՈԼՈՐՏՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԱՅԼ ՀԱՐԿ ՎՃԱՐՈՂՆԵՐԻ ԿՈՂՄԻՑ ՀԱՐԿԱՅԻՆ ՄԱՐՄՆԻՆ ՏՐԱՄԱԴՐՎՈՂ ՏԵՂԵԿԱՏՎՈՒԹՅԱՆ

1. Սույն կարգով կարգավորվում են էներգետիկայի բնագավառում և ջրային ոլորտում (այսուհետ` հանրային ծառայությունների մատուցման) լիցենզիա ստացած, ինչպես նաև ջրային ոլորտում գործունեություն իրականացնող այլ հարկ վճարողների (այսուհետ` հարկ վճարողներ) կողմից բաժանորդներին կամ սպառողներին (այդ թվում` ֆիզիկական անձանց) մատուցվող ծառայությունների շրջանակում մատակարարվող ապրանքների վերաբերյալ տեղեկությունները (այսուհետ` տեղեկություններ) հարկային մարմին ներկայացնելու հետ կապված հարաբերությունները:

2. Սույն կարգի դրույթները տարածվում են սույն որոշմամբ սահմանված N 2 հավելվածի ցանկում (այսուհետ` ցանկ) նշված ապրանքատեսակներ մատակարարող հարկ վճարողների վրա:

3. Սույն կարգում կիրառվող հասկացություններն ունեն Հայաստանի Հանրապետության հարկային օրենսգրքով տրված սահմանումների իմաստն ու նշանակությունը:

4. Սույն կարգի 2-րդ կետում նշված հարկ վճարողները, բացառությամբ` սույն կարգի 5-րդ կետով սահմանված դեպքի, յուրաքանչյուր ամսվա համար տեղեկություններն էլեկտրոնային եղանակով հարկային մարմին են ներկայացնում մինչև այդ ամսվան հաջորդող ամսվա 20-ը ներառյալ` համաձայն N 1 ձևի:

5. Ջրօգտագործող ընկերությունների համար հաշվետու ժամանակաշրջան է համարվում յուրաքանչյուր եռամսյակը: Նշված հարկ վճարողների կողմից սույն կարգի N 1 ձևով նախատեսված տեղեկություններն էլեկտրոնային եղանակով հարկային մարմին են ներկայացվում յուրաքանչյուր եռամսյակի համար` մինչև տվյալ եռամսյակին հաջորդող ամսվա 20-ը ներառյալ:

6. Հարկ վճարողները տեղեկությունները ներկայացնելուց հետո Հայաստանի Հանրապետության հարկային օրենսգրքով սահմանված կարգով կարող են ներկայացնել ճշտված տեղեկություններ:

7. Սույն կարգի իմաստով հաշվետու ժամանակաշրջան է համարվում ցանկում ներառված յուրաքանչյուր ապրանքատեսակի համար նշված ժամանակահատվածը (ամիսը կամ եռամսյակը):

8. Հարկ վճարողների կողմից տեղեկությունները ներկայացվում են յուրաքանչյուր հաշվետու ժամանակաշրջանում հանրային ծառայությունների մատուցման շրջանակներում բաժանորդներին կամ սպառողներին (այդ թվում` ֆիզիկական անձանց) մատակարարված ապրանքների վերաբերյալ:

Ձև N 1

._____________________________________________________________________.

|ՏԵՂԵԿՈՒԹՅՈՒՆՆԵՐ                                |Փաստաթղթի հերթական   |

|ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ            |համարը               |

|ՈԼՈՐՏՈՒՄ ԼԻՑԵՆԶԻԱ ՍՏԱՑԱԾ, ԻՆՉՊԵՍ ՆԱԵՎ          |                     |

|ՋՐԱՅԻՆ ՈԼՈՐՏՈՒՄ ԳՈՐԾՈՒՆԵՈՒԹՅՈՒՆ                |N____________________|

|ԻՐԱԿԱՆԱՑՆՈՂ ԱՅԼ ՀԱՐԿ ՎՃԱՐՈՂՆԵՐԻ ԿՈՂՄԻՑ         |(լրացվում է հարկային |

|ԲԱԺԱՆՈՐԴՆԵՐԻՆ ԿԱՄ ՍՊԱՌՈՂՆԵՐԻՆ (ԱՅԴ ԹՎՈՒՄ`      |մարմնի կողմից)       |

|ՖԻԶԻԿԱԿԱՆ ԱՆՁԱՆՑ) ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ   |                     |

|ՇՐՋԱՆԱԿՈՒՄ ՄԱՏԱԿԱՐԱՐՎՈՂ ԱՊՐԱՆՔՆԵՐԻ ՎԵՐԱԲԵՐՅԱԼ  |                     |

|_______________________________________________|_____________________|

|Տեղեկություն (20 թվական ամիսը կամ եռամսյակը [1]|                     |

|_______________________________________________|_____________________|

|Հարկ վճարողի հաշվառման համարը (ՀՎՀՀ-ն)     |[2]|  |  |  |  |  |  | | |

|___________________________________________|___|_____________________|

|Կազմակերպության անվանումը                  |[3]|                     |

|___________________________________________|___|_____________________|

|Անհատ ձեռնարկատիրոջ անունը, ազգանունը      |[4]|                     |

|___________________________________________|___|_____________________|

|Գտնվելու (բնակության) վայրը                |[5]|                     |

|___________________________________________|___|_____________________|

|Հեռախոսահամարը, էլ. փոստի հասցեն           |[6]|                     |

._____________________________________________________________________.

1) տողում նշվում է ամիսը կամ եռամսյակը, որի համար ներկայացվում է տեղեկությունը: Ճշտված տեղեկությունը ներկայացնելու դեպքում աջ սյունակում կատարվում է նաև «X» նշագրումը.

2) տողում նշվում է հարկ վճարողի հաշվառման համարը (ՀՎՀՀ-ն).

3) տողում նշվում է կազմակերպության անվանումը.

4) տողում նշվում է անհատ ձեռնարկատիրոջ անունը և ազգանունը.

5) և 6) տողերում նշվում են կազմակերպության գտնվելու վայրը և աշխատանքային հեռախոսահամարը, անհատ ձեռնարկատիրոջ բնակության վայրը և աշխատանքային (տան) հեռախոսահամարը, էլեկտրոնային փոստի հասցեն:

._________________________________________________________________________.

|Ապ-    |Չափի|Անվա- |Բաժա-|ՀՎՀՀ  |Ծախսը`|Ծախսը` |Սակա- |Սպառման հասցե|Նը- |

|րանքա- |միա-|նում  |նոր- |(ֆիզի-|ըստ   |գու-   |գինը` |             |շում|

|տեսակի |վորը|(ֆիզի-|դային|կական |չափի  |մարով  |ներառ-|             |ներ |

|անվա-  |    |կական |համար|անձի  |միա-  |(դրամ)`|յալ   |             |    |

|նումը  |    |անձի  |     |դեպ-  |վորի  |ներառ- |ԱԱՀ-ն |             |    |

|       |    |դեպ-  |     |քում` |      |յալ    |      |             |    |

|       |    |քում` |     |առ-   |      |ԱԱՀ-ն  |      |             |    |

|       |    |անուն,|     |կայու-|      |       |      |             |    |

|       |    |ազգա- |     |թյան  |      |       |      |             |    |

|       |    |նուն) |     |պարա- |      |       |      |             |    |

|       |    |      |     |գա-   |      |       |      |             |    |

|       |    |      |     |յում` |      |       |      |             |    |

|       |    |      |     |ՀԾՀ)  |      |       |      |             |    |

|_______|____|______|_____|______|______|_______|______|_____________|____|

|  [7]  | [8]| [9]  |[10] | [11] | [12] | [13]  | [14] |     [15]    |[16]|

|_______|____|______|_____|______|______|_______|______|_____________|____|

|       |    |      |     |      |      |       |      |Մ |Բ |Փ |Շ   |    |

|       |    |      |     |      |      |       |      |ա |ն |ո |ե   |    |

|       |    |      |     |      |      |       |      |ր |ա |ղ |ն   |    |

|       |    |      |     |      |      |       |      |զ,|կ |ո |ք,  |    |

|       |    |      |     |      |      |       |      |հ |ա |ց |բնա-|    |

|       |    |      |     |      |      |       |      |ա |վ |  |կա- |    |

|       |    |      |     |      |      |       |      |մ |ա |  |րան |    |

|       |    |      |     |      |      |       |      |ա |յ |  |    |    |

|       |    |      |     |      |      |       |      |յ |ր |  |    |    |

|       |    |      |     |      |      |       |      |ն |  |  |    |    |

|       |    |      |     |      |      |       |      |ք |  |  |    |    |

|_______|____|______|_____|______|______|_______|______|__|__|__|____|____|

|_______|____|______|_____|______|______|_______|______|__|__|__|____|____|

|_______|____|______|_____|______|______|_______|______|__|__|__|____|____|

._________________________________________________________________________.

7) սյունակում լրացվում է մատակարարված ապրանքատեսակի անվանումը.

8) սյունակում լրացվում է մատակարարված ապրանքատեսակի չափման միավորը.

9) սյունակում լրացվում է մատակարարված ապրանքատեսակի հասցեատիրոջ անվանումը, իսկ ֆիզիկական անձի դեպքում` անունը, ազգանունը.

10) սյունակում լրացվում է մատակարարված ապրանքատեսակի հասցեատիրոջ բաժանորդային համարը.

11) սյունակում լրացվում է մատակարարված ապրանքատեսակի հասցեատիրոջ հարկ վճարողի հաշվառման համարը, իսկ ֆիզիկական անձի դեպքում` հանրային ծառայությունների համարանիշը, դրա բացակայության պարագայում` անձը հաստատող փաստաթղթի տվյալները.

12) սյունակում լրացվում է հասցեատիրոջը մատակարարված ապրանքատեսակի ծախսը` ըստ չափման միավորի.

13) սյունակում լրացվում է հասցեատիրոջը մատակարարված ապրանքատեսակի ծախսը` ըստ գումարի (դրամ)` ներառյալ ԱԱՀ-ն.

14) սյունակում լրացվում է հասցեատիրոջը մատակարարված ապրանքատեսակի սակագինը` ներառյալ ԱԱՀ-ն.

15) սյունակում լրացվում է հասցեատիրոջը մատակարարված ապրանքատեսակի սպառման հասցեն` նշելով մարզ, համայնք, բնակավայր, փողոց, շենք, բնակարան, իսկ ոռոգման ջրի մատակարարման դեպքում` մարզ, համայնք, բնակավայր, փողոց (առկայության դեպքում).

16) սյունակը նախատեսված է լրացուցիչ նշումների համար:

Տնօրեն (անհատ ձեռնարկատեր) ___________________ _____________________

                               (ստորագրությունը)    (անունը, ազգանունը)

    Գլխավոր հաշվապահ           ___________________  _____________________

                               (ստորագրությունը)    (անունը, ազգանունը)

Հավելված N 2

ՀՀ կառավարության

2025 թվականի հունվարի 30-ի

N 104-Ն որոշման

ՑԱՆԿ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՎ ՆԱԽԱՏԵՍՎԱԾ ՀԱՐԿԱՅԻՆ ՀՍԿՈՂՈՒԹՅԱՆ ՇՐՋԱՆԱԿՈՒՄ ՕԳՏԱԳՈՐԾԵԼՈՒ ՆՊԱՏԱԿՈՎ ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԵՎ ՋՐԱՅԻՆ ՈԼՈՐՏՈՒՄ ԼԻՑԵՆԶԻԱ ՍՏԱՑԱԾ ԱՆՁԱՆՑ, ԻՆՉՊԵՍ ՆԱԵՎ ՋՐԱՅԻՆ ՈԼՈՐՏՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԱՅԼ ՀԱՐԿ ՎՃԱՐՈՂՆԵՐԻ ԿՈՂՄԻՑ ՀԱՐԿԱՅԻՆ ՄԱՐՄՆԻՆ ՏՐԱՄԱԴՐՎՈՂ ՏԵՂԵԿԱՏՎՈՒԹՅԱՆ

._____________________________________________________________________.

|Ապրանքատեսակի          |Չափի միավորը         |Ներկայացվող            |

|անվանումը              |                     |հաշվետվության          |

|                       |                     |պարբերականությունը     |

|_______________________|_____________________|_______________________|

|           1           |           2         |            3          |

|_______________________|_____________________|_______________________|

|ԳԱԶ (բնական)           |Խորանարդ մետր        |ամսական                |

|_______________________|_____________________|_______________________|

|ՋՈՒՐ (խմելու, ոռոգման, |Խորանարդ մետր        |Ամսական (ջրօգտագործող  |

|տեխնիկական             |                     |ընկերությունների համար`|

|արդյունաբերական)       |                     |եռամսյակային)          |

|_______________________|_____________________|_______________________|

|ԷԼԵԿՏՐԱԷՆԵՐԳԻԱ         |Կիլովատ              |ամսական                |

|_______________________|_____________________|_______________________|

|ՋԵՐՄԱՄԱՏԱԿԱՐԱՐՈՒՄ      |Կիլովատ, խորանարդ    |ամսական                |

|(տաք ջրամատակարարում,  |մետր, մետր քառակուսի |                       |

|ջեռուցում)             |                     |                       |

._____________________________________________________________________.

Պաշտոնական հրապարակման օրը` 31 հունվարի 2025 թվական: