(չեղյալ է ճանաչվել 31.05.07 թիվ 729-Ա որոշում)
i
040.1084.310702
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«31» հուլիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
13 հունիսի 2002 թվականի N 1084-Ա
«ՍԻՆՔՐՈՏՐՈՆԱՅԻՆ ՃԱՌԱԳԱՅԹՄԱՆ ՕԳՏԱԳՈՐԾՄԱՄԲ ԳԻՏԱԿԱՆ ՀԵՏԱԶՈՏՈՒԹՅՈՒՆՆԵՐԻ ԿԵՆՏՐՈՆ» ԸՆԿԵՐՈՒԹՅԱՆԸ ՇԵՆՔ ՀԱՆՁՆԵԼՈՒ ՄԱՍԻՆ
Հայաստանի Հանրապետությունում գիտական հետազոտությունների մակարդակի արդիականացման և «ՔԱՆԴԼԵ» («CANDLE») ծրագրով սինքրոտրոնային ճառագայթման աղբյուր ստեղծելու նպատակով Հայաստանի Հանրապետության կառավարությունը որոշում է.
1. Հայաստանի Հանրապետության կրթության և գիտության նախարարության Բժշկակենսաբանական միջազգային ուսումնական կենտրոնի տնօրինության` Երևանի Ավան թաղամասում գտնվող մասնաշենքի 6900 քառ. մետր ընդհանուր մակերես ունեցող առաջնաշենքը 50 տարի ժամկետով անհատույց օգտագործման հանձնել «Սինքրոտրոնային ճառագայթման օգտագործմամբ գիտական հետազոտությունների կենտրոն» ընկերությանը:
2. Հայաստանի Հանրապետության կրթության և գիտության նախարարին`
ա) մեկամսյա ժամկետում «Սինքրոտրոնային ճառագայթման օգտագործմամբ գիտական հետազոտությունների կենտրոն» ընկերության հետ համատեղ ապահովել սույն որոշման 1-ին կետում նշված գույքի անհատույց օգտագործման պայմանագրի կնքումը, նոտարական վավերացումը և գույքային իրավունքների պետական գրանցումը.
բ) նշված պայմանագրում նախատեսել «ՔԱՆԴԼԵ» («CANDLE») ծրագրի ֆինանսավորման (ոչ Ամերիկայի Միացյալ Նախագահների կողմից Հայաստանի Հանրապետությանը հատկացվող ամենամյա օգնության գումարների հաշվին) իրականացման և սույն որոշման ընդունումից երեք տարի հետո, ելնելով ծրագրի իրականացման արդյունավետությունից, նշված շենքի օգտագործման հարցին անդրադառնալու պայմանները:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ՀՈՒԼԻՍԻ 26-ԻՆ