(ուժը կորցրել է 15.08.02 թիվ 1401-Ն որոշում)
i
040.1125.191101
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«19» նոյեմբերի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
19 նոյեմբերի 2001 թվականի N 1125
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅԱՆ «ԱԼԵՔՍԱՆԴՐ ԹԱՄԱՆՅԱՆԻ ԱՆՎԱՆ ԹԱՆԳԱՐԱՆ-ԻՆՍՏԻՏՈՒՏ» ՊԵՏԱԿԱՆ ՀԻՄՆԱՐԿ ՍՏԵՂԾԵԼՈՒ ՄԱՍԻՆ
Հայաստանի Հանրապետության վարչապետի 1998 թվականի օգոստոսի 5-ի «Ճարտարապետ, ակադեմիկոս Ա. Թամանյանի ծննդյան 120-ամյա հոբելյանին նվիրված միջոցառումների անցկացման մասին» N 476 որոշման (Հայաստանի Հանրապետության վարչապետի 1998 թվականի նոյեմբերի 23-ի N 677 որոշման խմբագրությամբ), Հայաստանի Հանրապետության կառավարության 1999 թվականի մայիսի 5-ի «Հայաստանի Հանրապետության կառավարության 1999 թվականի մարտի 23-ի N 176 որոշման մեջ փոփոխություններ կատարելու մասին» N 288 ու 2001 թվականի ապրիլի 12-ի «Հայաստանի Հանրապետության քաղաքաշինության նախարարությանը գումար հատկացնելու մասին» N 279 որոշումների պահանջների համաձայն Հայաստանի Հանրապետության կառավարությունը որոշում է.
1. Հայ ականավոր ճարտարապետ, ակադեմիկոս Ա. Թամանյանի հիշատակը հավերժացնելու և նրա գործունեությունը հայ հասարակության լայն շրջաններում լուսաբանելու նպատակով ստեղծել Հայաստանի Հանրապետության քաղաքաշինության նախարարության «Ալեքսանդր Թամանյանի անվան թանգարան-ինստիտուտ» պետական հիմնարկը:
2. Սույն որոշումն ուժի մեջ է մտնում 2002 թվականի հունվարի 1-ից: