(ուժը կորցրել է 01.06.18 թիվ 613-Ն որոշում)
i
040.1775.020211
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 դեկտեմբերի 2010 թվականի N 1775-Ն
i
ԳՈՒՅՔԸ ՀԱՇՎԱՌՈՂ ԿԱՄ ԳՈՒՅՔԻ ՆԿԱՏՄԱՄԲ ԻՐԱՎՈՒՆՔՆԵՐԸ ԳՐԱՆՑՈՂ ՄԱՐՄԻՆՆԵՐԻ ԿՈՂՄԻՑ ԳՈՒՅՔԻ ԵՎ ԳՈՒՅՔԻ ՆԿԱՏՄԱՄԲ ԳՐԱՆՑՎԱԾ ԻՐԱՎՈՒՆՔՆԵՐԻ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ ՆԵՐԿԱՅԱՑՆԵԼՈՒ ՄԱՍԻՆ
«Հարկերի մասին» Հայաստանի Հանրապետության օրենքի 20-րդ հոդվածին համապատասխան` Հայաստանի Հանրապետության կառավարությունը որոշում է.
1. Հաստատել`
i
1) Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից անշարժ գույքի և դրա նկատմամբ գրանցված իրավունքների, Հայաստանի Հանրապետության կառավարությանն առընթեր Հայաստանի Հանրապետության ոստիկանության կողմից ավտոմոբիլային տրանսպորտային միջոցների վերաբերյալ տեղեկությունները Հայաստանի Հանրապետության կառավարությանն առընթեր պետական եկամուտների կոմիտե ներկայացնելու կարգը` համաձայն N 1 հավելվածի.
2) շարժական գույքը հաշվառող կամ շարժական գույքի նկատմամբ իրավունքները գրանցող մարմինների կողմից շարժական գույքի և դրանց սեփականատերերի վերաբերյալ տեղեկությունները Հայաստանի Հանրապետության կառավարությանն առընթեր պետական եկամուտների կոմիտե ներկայացնելու կարգը` համաձայն N 2 հավելվածի:
(1-ին կետը փոփ. 29.08.13 թիվ 925-Ն որոշում)
2. Սույն որոշման համաձայն առաջին տեղեկությունը ներկայացվում է 2011 թվականի առաջին եռամսյակի համար` մինչև 2011 թվականի հուլիսի 15-ը:
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2011 ԹՎԱԿԱՆԻ ՓԵՏՐՎԱՐԻ 2-ԻՆ
Հավելված N 1
i
ՀՀ կառավարության
2010 թվականի դեկտեմբերի 30-ի
N 1775-Ն որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵԻ ԿՈՂՄԻՑ ԱՆՇԱՐԺ ԳՈՒՅՔԻ ԵՎ ԴՐԱ ՆԿԱՏՄԱՄԲ ԳՐԱՆՑՎԱԾ ԻՐԱՎՈՒՆՔՆԵՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԿՈՂՄԻՑ ԱՎՏՈՄՈԲԻԼԱՅԻՆ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ ՆԵՐԿԱՅԱՑՆԵԼՈՒ
1. Սույն կարգով կարգավորվում են անշարժ գույքի և դրա նկատմամբ գրանցված իրավունքների և ավտոմոբիլային տրանսպորտային միջոցների հետ կատարված գործարքների վերաբերյալ տեղեկությունները (այսուհետ` տեղեկություններ) Հայաստանի Հանրապետության կառավարությանն առընթեր պետական եկամուտների կոմիտե տրամադրելու կարգի հետ կապված հարաբերությունները:
2. Անշարժ գույքի և դրա նկատմամբ գրանցված իրավունքների հետ կատարված գործարքների վերաբերյալ տեղեկությունները ներկայացնում է Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեն:
3. Ավտոմոբիլային տրանսպորտային միջոցների հետ կատարված գործարքների վերաբերյալ տեղեկությունները ներկայացնում է Հայաստանի Հանրապետության կառավարությանն առընթեր Հայաստանի Հանրապետության ոստիկանությունը:
4. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի և Հայաստանի Հանրապետության կառավարությանն առընթեր Հայաստանի Հանրապետության ոստիկանության կողմից տեղեկությունները Հայաստանի Հանրապետության կառավարությանն առընթեր պետական եկամուտների կոմիտեին տրամադրվում են առցանց ռեժիմով` ՎԵԲ ծառայության միջոցով:
5. Տեղեկությունների տրամադրման հետ կապված ծրագրային հարցերը, ինչպես նաև տեղեկությունների ներկայացման պարբերականությունը, կարգավորվում են Հայաստանի Հանրապետության կառավարությանն առընթեր պետական եկամուտների կոմիտեի նախագահի, Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի և Հայաստանի Հանրապետության կառավարությանն առընթեր Հայաստանի Հանրապետության ոստիկանության պետի համատեղ հրամաններով:
6. Հայաստանի Հանրապետության կառավարությանն առընթեր պետական եկամուտների կոմիտեին Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից տրամադրվող տեղեկություններն են`
1) գույքի ծածկագիրը (կոդը)`
._____________________________________________________________________.
|Անշարժ |Անշարժ գույքի նպատակային նշանակությունը |
|գույքի | |
|ծածկագիրը| |
|(կոդը) | |
|_________|___________________________________________________________|
|110 |անհատական բնակելի տուն |
|_________|___________________________________________________________|
|120 |բազմաբնակարան բնակելի շենքի բնակարան |
|_________|___________________________________________________________|
|130 |այգետնակ (ամառանոց) |
|_________|___________________________________________________________|
|140 |բազմաբնակարան բնակելի շենք |
|_________|___________________________________________________________|
|150 |բազմաբնակարան շենքի ծավալում գտնվող այլ շինություններ |
|_________|___________________________________________________________|
|160 |առանձին կանգնած ավտոտնակ |
|_________|___________________________________________________________|
|200 |հասարակական նշանակության շենք կամ շինություն |
|_________|___________________________________________________________|
|300 |արտադրական նշանակության շենք կամ շինություն |
|_________|___________________________________________________________|
|400 |հողամաս |
._____________________________________________________________________.
2) գույքի հետ կապված գործարքի ծածկագիրը (կոդը)`
._____________________________________________________________________.
|Գործարքի | Գործարքի տեսակը |
|ծածկագիրը| |
|(կոդը) | |
|_________|___________________________________________________________|
|01 |նվիրատվություն |
|_________|___________________________________________________________|
|02 |ներդրում կանոնադրական կապիտալ |
|_________|___________________________________________________________|
|03 |առուվաճառք |
|_________|___________________________________________________________|
|04 |վարձակալություն |
|_________|___________________________________________________________|
|05 |անհատույց օգտագործում |
|_________|___________________________________________________________|
|06 |նոր կառուցված (նոր ստեղծված) գույքի նկատմամբ սեփականության |
| |իրավունքի պետական գրանցում |
|_________|___________________________________________________________|
|07 |գույքի նկատմամբ սեփականության իրավունքի դադարում |
|_________|___________________________________________________________|
|08 |ժառանգություն |
._____________________________________________________________________.
3) անշարժ գույքի գտնվելու վայրը.
4) օտարման գործարքի պետական գրանցման ամսաթիվը.
5) անշարժ գույքի միավորի էլեկտրոնային նույնականացման համարը.
6) պայմանագրի գումարը` լրացվում է դրամով`
ա. գույքի օտարման դեպքում` առք ու վաճառքի պայմանագրում արտացոլված ամբողջ գումարի մեծությունը,
բ. գույքի վարձակալության դեպքերում` պայմանագրով սահմանված վարձավճարի չափը և վճարման կարգը.
գ. նվիրատվության, անհատույց օգտագործման կամ հատուցում չենթադրող այլ դեպքերում` նշվում է «0».
7) անշարժ գույքի կադաստրային արժեքը` տվյալ անշարժ գույքի կադաստրային արժեքը դրամով.
8) օտարողի (վարձատուի)` բաժնեմասը` նշված գույքի նկատմամբ օտարողին պատկանող բաժնային սեփականության չափը` տոկոսներով կամ կոտորակով: Ընդ որում, եթե`
ա. գույքն օտարողին (վարձատուին) պատկանում է միանձնյա սեփականության իրավունքով, ապա նշվում է «100»,
բ. գույքն ընդհանուր համատեղ սեփականության իրավունքով պատկանում է մի քանի անձանց, ապա նշված գույքի հետ կապված գործարքն արտացոլվում է մեկ հերթական համարի տակ (նույն գործարքի նույնականացման համարի տակ), իսկ յուրաքանչյուր համասեփականատիրոջ տվյալների դիմաց, նշվում է «համատեղ» բառը,
գ. գույքը բաժնային սեփականություն իրավունքով պատկանում է մի քանի անձանց, ապա նշված գույքի հետ կապված գործարքն արտացոլվում է մեկ հերթական համարի տակ (նույն գործարքի նույնականացման համարի տակ), իսկ յուրաքանչյուր սեփականատիրոջ տվյալների դիմաց, լրացվում է իր բաժնեմասի չափը` տոկոսներով կամ կոտորակով.
9) օտարողի համար նշված գույքի նկատմամբ սեփականության առաջացման (իրավունքների պետական գրանցման) ամսաթիվը.
10) օտարողի (վարձատուի)` անունը ազգանունը հայրանունը, իսկ իրավաբանական անձի դեպքում` լրիվ անվանումը.
11) օտարողի (վարձատուի) հանրային ծառայությունների համարանիշը, եթե օտարողը (վարձատուն) իրավաբանական անձ է, ապա հարկ վճարողի հաշվառման համարը.
12) օտարողի (վարձատուի)` հաշվառման վայրը, իսկ դրա բացակայության դեպքում` Հայաստանի Հանրապետությունում հիմնական բնակության վայրը, եթե օտարողը (վարձատուն) ֆիզիկական անձ է կամ օտարողի (վարձատուի)` հաշվառման վայրը, եթե օտարողն իրավաբանական անձ է.
13) օտարողի (վարձատուի)` անձնագրի տվյալները` անձնագրի սերիան, համարը.
14) գույքի նկատմամբ ձեռք բերողին (վարձակալին) պատկանող բաժնային սեփականության չափը` տոկոսներով կամ կոտորակով: Ընդ որում, եթե`
ա. գույքը ձեռք բերողին պատկանում է միանձնյա սեփականության իրավունքով, ապա նշվում է «100»,
բ. գույքն ընդհանուր համատեղ սեփականության իրավունքով ձեռք է բերվում մի քանի անձանց կողմից, ապա նշված գույքի հետ կապված գործարքն արտացոլվում է մեկ հերթական համարի տակ (նույն գործարքի նույնականացման համարի տակ), իսկ յուրաքանչյուր համասեփականատիրոջ տվյալների դիմաց նշվում է «համատեղ» բառը,
գ. գույքը բաժնային սեփականության իրավունքով ձեռք է բերվում մի քանի անձանց կողմից, ապա նշված գույքի հետ կապված գործարքն արտացոլվում է մեկ հերթական համարի տակ (նույն գործարքի նույնականացման համարի տակ), իսկ յուրաքանչյուր սեփականատիրոջ տվյալների դիմաց լրացվում է իր բաժնեմասի չափը` տոկոսներով կամ կոտորակով.
15) ձեռք բերողի (վարձակալի)` անունը, ազգանունը, հայրանունը, իսկ եթե ձեռք բերողը (վարձակալը) իրավաբանական անձ է, ապա իրավաբանական անձի լրիվ անվանումը.
16) ձեռք բերողի (վարձակալի)` հանրային ծառայությունների համարանիշը, իսկ եթե ձեռք բերողը (վարձակալը) իրավաբանական անձ է, ապա նշվում է հարկ վճարողի հաշվառման համարը.
17) ձեռք բերողի (վարձակալի)` հաշվառման վայրը, իսկ դրա բացակայության դեպքում` Հայաստանի Հանրապետությունում հիմնական բնակության վայրը, եթե ձեռք բերողը (վարձակալը) ֆիզիկական անձ է կամ ձեռք բերողի (վարձակալի)` հաշվառման վայրը, եթե ձեռք բերողն իրավաբանական անձ է.
18) ձեռք բերողի (վարձակալի)` անձնագրի տվյալները` անձնագրի սերիան, համարը.
19) վճարման ձևը` պայմանագրով նախատեսված գումարի վճարման ձևը` «միանվագ», «տարաժամկետ», «փուլային» կամ նշվում է «0».
20) վարձակալության գործարքների մասով նշվում է պայմանագրի ժամկետը (սկզբի և ավարտի օրերը, ամիսները և տարեթվերը կամ ժամկետը), իսկ եթե պայմանագրով ժամկետ սահմանված չէ նշվում է «անժամկետ».
21) եթե գործարքը միաժամանակ վերաբերում է անշարժ գույքի տարբեր միավորներին (հողամասին, շենքին, շինությանը, այլ անշարժ գույքին կամ դրանց տարբեր համակցություններին), ապա այդ գործարքը լրացվում է նույն հերթական համարի տակ և «Պայմանագրի գումարը» սյունակը լրացվում է միայն առաջին տողում.
22) գույքի փոխանակության գործարքների դեպքում, եթե`
ա. անշարժ գույքը փոխանակվում է անշարժ գույքով, ապա գործարքը լրացվում է մեկ հերթական համարով` տարբեր գույքի առք ու վաճառքի գործարքների լրացման համար սահմանված կարգով, իսկ այն դեպքում, երբ բացակայում է պայմանագրային գումարը` ապա նշվում է «0»,
բ. անշարժ գույքը փոխանակվում է այլ գույքի հետ, ապա գործարքը լրացվում է առք ու վաճառքի գործարքների լրացման համար սահմանված կարգով, առանձին տողերով, իսկ եթե բացակայում է պայմանագրի գումարը, ապա նշվում է «0», իսկ փոխանակվող այլ գույքի վերաբերյալ տվյալներ չեն լրացվում.
23) գույքը կանոնադրական կապիտալում ներդրվելու դեպքում` տեղեկությունները լրացվում են առք ու վաճառքի գործարքների լրացման համար սահմանված կարգով:
7. Հայաստանի Հանրապետության կառավարությանն առընթեր պետական եկամուտների կոմիտեին Հայաստանի Հանրապետության կառավարությանն առընթեր Հայաստանի Հանրապետության ոստիկանության կողմից տրամադրվող տեղեկություններն են`
1) գույքի ծածկագիրը (կոդը)`
._____________________________________________________________________.
|Ավտոմոբիլային| Ավտոմոբիլային տրանսպորտի միջոցի տեսակը |
|տրանսպորտի | |
|միջոցի | |
|ծածկագիրը | |
|(կոդը) | |
|_____________|_______________________________________________________|
|201 |ավտոմոբիլային տրանսպորտի միջոց, ինչպես նաև |
| |ավտոմոբիլային տրանսպորտի միջոցի կցորդ, կիսակցորդ |
._____________________________________________________________________.
2) գույքի հետ կապված գործարքի ծածկագիրը (կոդը)`
._____________________________________________________________________.
|Գործարքի | Գործարքի տեսակը |
|ծածկագիրը| |
|(կոդը) | |
|_________|___________________________________________________________|
|01 |նվիրատվություն |
|_________|___________________________________________________________|
|02 |ներդրում կանոնադրական կապիտալ |
|_________|___________________________________________________________|
|03 |առուվաճառք |
|_________|___________________________________________________________|
|04 |վարձակալություն |
|_________|___________________________________________________________|
|05 |անհատույց օգտագործում |
|_________|___________________________________________________________|
|06 |նոր արտադրված (նոր ստեղծված) ավտոմոբիլային տրանսպորտի |
| |միջոցի նկատմամբ սեփականության իրավունքի գրանցում |
|_________|___________________________________________________________|
|07 |խոտանման հիմքով հաշվառումից հանում |
|_________|___________________________________________________________|
|08 |ժառանգություն |
._____________________________________________________________________.
3) ավտոմոբիլային տրանսպորտի միջոցի մակնիշը և թողարկման տարեթիվը.
4) գույքի օտարման ամսաթիվը.
5) ավտոմոբիլային տրանսպորտի միջոցի հաշվառման համարը` «VIN-կոդը» (Vehicle identification number)` դրա առկայության դեպքում.
6) պայմանագրի գումարը` դրամով լրացվում են`
ա. գույքի օտարման դեպքում` առք ու վաճառքի պայմանագրում արտացոլված ամբողջ գումարի մեծությունը,
բ. գույքի վարձակալության դեպքերում` մեկ ամսվա համար նախատեսված գումարը,
գ. նվիրատվության, անհատույց օգտագործման կամ հատուցում չենթադրող այլ դեպքերում` նշվում է «0».
7) օտարողի (վարձատուի)` բաժնեմասը` նշված գույքի նկատմամբ օտարողին պատկանող բաժնային սեփականության չափը` տոկոսներով կամ կոտորակով: Ընդ որում, եթե`
ա. գույքն օտարողին (վարձատուին) պատկանում է միանձնյա սեփականության իրավունքով, ապա նշվում է «100»,
բ. գույքն ընդհանուր համատեղ սեփականության իրավունքով պատկանում է մի քանի անձանց, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր համասեփականատիրոջ տվյալների դիմաց, նշվում է «համատեղ» բառը,
գ. գույքը բաժնային սեփականության իրավունքով պատկանում է մի քանի անձանց, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր սեփականատիրոջ տվյալների դիմաց, լրացվում է իր բաժնեմասի չափը` տոկոսներով կամ կոտորակով.
8) օտարողի համար նշված գույքի նկատմամբ սեփականության առաջացման (իրավունքների պետական գրանցման) ամսաթիվը.
9) օտարողի (վարձատուի)` անունը ազգանունը հայրանունը, իսկ իրավաբանական անձի դեպքում` լրիվ անվանումը.
10) օտարողի (վարձատուի) հանրային ծառայությունների համարանիշը, եթե օտարողը (վարձատուն) իրավաբանական անձ է կամ անհատ ձեռնարկատեր է ապա հարկ վճարողի հաշվառման համարը.
11) օտարողի (վարձատուի)` հաշվառման վայրը, իսկ դրա բացակայության դեպքում` Հայաստանի Հանրապետությունում հիմնական բնակության վայրը, եթե օտարողը (վարձատուն) ֆիզիկական անձ է կամ օտարողի (վարձատուի)` հաշվառման վայրը, եթե օտարողն իրավաբանական անձ է.
12) օտարողի (վարձատուի)` անձնագրի տվյալները` անձնագրի սերիան, համարը, տալու օրը, ամիսը, տարեթիվը և անձնագիրը տրամադրած ոստիկանության մարմնի ծածկագիրը.
13) գույքի նկատմամբ ձեռք բերողին (վարձակալին) պատկանող բաժնային սեփականության չափը` տոկոսներով կամ կոտորակով: Ընդ որում, եթե`
ա. գույքը ձեռք բերողին պատկանում է միանձնյա սեփականության իրավունքով, ապա նշվում է «100»,
բ. գույքն ընդհանուր համատեղ սեփականության իրավունքով ձեռք է բերվում մի քանի անձանց կողմից, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր համասեփականատիրոջ տվյալների դիմաց նշվում է «համատեղ» բառը,
գ. գույքը բաժնային սեփականության իրավունքով ձեռք է բերվում մի քանի անձանց կողմից, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր սեփականատիրոջ տվյալների դիմաց լրացվում է իր բաժնեմասի չափը` տոկոսներով կամ կոտորակով.
14) ձեռք բերողի (վարձակալի)` անունը, ազգանունը, հայրանունը, իսկ եթե ձեռք բերողը (վարձակալը) իրավաբանական անձ է, ապա իրավաբանական անձի լրիվ անվանումը.
15) ձեռք բերողի (վարձակալի)` հանրային ծառայությունների համարանիշը, իսկ եթե ձեռք բերողը (վարձակալը) իրավաբանական անձ է կամ անհատ ձեռնարկատեր, ապա նշվում է հարկ վճարողի հաշվառման համարը.
16) ձեռք բերողի (վարձակալի)` հաշվառման վայրը, իսկ դրա բացակայության դեպքում` Հայաստանի Հանրապետությունում հիմնական բնակության վայրը, եթե ձեռք բերողը (վարձակալը) ֆիզիկական անձ է կամ ձեռք բերողի (վարձակալի)` հաշվառման վայրը, եթե ձեռք բերողն իրավաբանական անձ է.
17) ձեռք բերողի (վարձակալի)` անձնագրի տվյալները` անձնագրի սերիան, համարը, տալու օրը, ամիսը, տարեթիվը և անձնագիրը տրամադրած ոստիկանության մարմնի ծածկագիրը.
18) վճարման ձևը` պայմանագրով նախատեսված գումարի վճարման ձևը` «միանվագ», «տարաժամկետ», «փուլային» կամ նշվում է «0».
19) վարձակալության գործարքների մասով նշվում է պայմանագրի ժամկետը (սկզբի և ավարտի օրերը, ամիսները և տարեթվերը), իսկ եթե պայմանագրով ժամկետ սահմանված չէ նշվում է «անժամկետ».
20) գույքի փոխանակության գործարքների դեպքում, եթե`
ա. ավտոմոբիլային տրանսպորտի միջոցը փոխանակվում է ավտոմոբիլային տրանսպորտի միջոցով, ապա գործարքի բովանդակությունը լրացվում է մեկ հերթական համարով (առաջին սյունակում նշվում է նույն հերթական համարը), առանձին տողերով` տարբեր գույքի առք ու վաճառքի գործարքների լրացման համար սահմանված կարգով, իսկ այն դեպքում, երբ բացակայում է պայմանագրային գումարը, ապա նշվում է «0»,
բ. ավտոմոբիլային տրանսպորտի միջոցը փոխանակվում է այլ գույքի հետ, ապա գործարքը լրացվում է առք ու վաճառքի գործարքների լրացման համար սահմանված կարգով, առանձին տողերով, իսկ եթե բացակայում է պայմանագրի գումարը` «0», ավտոմոբիլային տրանսպորտի միջոցի հետ փոխանակվող այլ գույքի վերաբերյալ տվյալներ չեն լրացվում.
21) գույքը կանոնադրական կապիտալում ներդնելու դեպքում տեղեկությունները լրացվում են առք ու վաճառքի գործարքների լրացման համար սահմանված կարգով:
(1-ին հավելվածը փոփ. 29.08.13 թիվ 925-Ն որոշում)
Հավելված N 2
ՀՀ կառավարության
2010 թվականի դեկտեմբերի 30-ի
N 1775-Ն որոշման
ԿԱՐԳ
ՇԱՐԺԱԿԱՆ ԳՈՒՅՔԸ ՀԱՇՎԱՌՈՂ ԿԱՄ ՇԱՐԺԱԿԱՆ ԳՈՒՅՔԻ ՆԿԱՏՄԱՄԲ ԻՐԱՎՈՒՆՔՆԵՐԸ ԳՐԱՆՑՈՂ ՄԱՐՄԻՆՆԵՐԻ ԿՈՂՄԻՑ ՇԱՐԺԱԿԱՆ ԳՈՒՅՔԻ ԵՎ ԴՐԱՆՑ ՍԵՓԱԿԱՆԱՏԵՐԵՐԻ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ ՆԵՐԿԱՅԱՑՆԵԼՈՒ
1. Շարժական գույքի և դրանց սեփականատերերի վերաբերյալ տեղեկությունները (այսուհետ` տեղեկություններ) Հայաստանի Հանրապետության կառավարությանն առընթեր պետական եկամուտների կոմիտե են ներկայացվում յուրաքանչյուր եռամսյակի համար` մինչև տվյալ եռամսյակին հաջորդող ամսվա 15-ը (ներառյալ)` բացառությամբ Հայաստանի Հանրապետության կառավարության 2010 թվականի դեկտեմբերի 30-ի N 1775-Ն որոշման 2-րդ կետում նշված դեպքի:
2. Տեղեկությունները ներկայացվում են էլեկտրոնային եղանակով` «MS-Excel» էլեկտրոնային ֆայլի տեսքով:
3. Ներկայացվող տեղեկություններն ստորագրվում են տվյալ պետական մարմնի իրավասու պաշտոնատար անձի կամ նրան փոխարինող անձի կողմից` էլեկտրոնային ստորագրությամբ:
4. Հայաստանի Հանրապետության կառավարությանն առընթեր պետական եկամուտների կոմիտեին տեղեկությունները տրամադրվում են անվճար:
5. Ստացված տեղեկություններն օգտագործվում են բացառապես ծառայողական նպատակներով և հրապարակման ենթակա չեն:
i
6. Շարժական գույքի և դրանց սեփականատերերի վերաբերյալ տեղեկությունները` համաձայն Հայաստանի Հանրապետության կառավարության 2010 թվականի դեկտեմբերի 30-ի N 1775-Ն որոշման N 2 հավելվածի ձևի, ներկայացնում են`
1) (1-ին ենթակետն ուժը կորցրել է 29.08.13 թիվ 925-Ն որոշում)
2) ջրային փոխադրամիջոցների վերաբերյալ` Հայաստանի Հանրապետության տրանսպորտի և կապի նախարարություն.
3) օդային փոխադրամիջոցների վերաբերյալ` Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչություն.
4) գյուղատնտեսական տեխնիկայի վերաբերյալ` Հայաստանի Հանրապետության կառավարությանն առընթեր Հայաստանի Հանրապետության ոստիկանության «Ճանապարհային ոստիկանություն» ծառայություն.
5) ճանապարհաշինարարական և այլ մեքենաների, դրանց կցորդների և կիսակցորդների վերաբերյալ` Հայաստանի Հանրապետության տրանսպորտի և կապի նախարարություն:
(6-րդ կետը փոփ. 29.08.13 թիվ 925-Ն, 11.05.18 թիվ 569-Ն որոշումներ)
7. Ձևի տիտղոսային մասը լրացվում է հետևյալ կարգով`
1) «20 ...... թվականի» արտահայտության կետերով առանձնացված մասում լրացվում է այն թվականը, որի համար ներկայացվում են տեղեկությունները.
2) «................. եռամսյակը» արտահայտության կետերով առանձնացված մասում տառերով լրացվում է այն եռամսյակը, որի համար ներկայացվում են տեղեկությունները.
3) «I. Տեղեկություններ ներկայացնող մարմնի անվանումը» տողում նշվում է տեղեկություններ ներկայացնող մարմնի անվանումը.
4) «II. Հեռախոսահամարը» տողում լրացվում է տեղեկություններ ներկայացնող մարմնի` տեղեկությունները լրացնելու և ներկայացնելու համար պատասխանատու պաշտոնատար անձի հեռախոսահամարը.
5) «III. Ամսաթիվը» տողում լրացվում են տեղեկությունները ներկայացնելու օրը, ամիսը, տարեթիվը.
i
8. Գույքին առնչվող տեղեկությունները (ձևի 1-27-րդ սյունակները) լրացվում են հետևյալ կարգով`
1) «1. N/N» սյունակում լրացվում է տողի հերթական համարը.
2) «2. Գույքի ծածկագիրը (կոդը)» սյունակում լրացվում է տվյալ շարժական գույքի տեսակը բնութագրող ծածկագիրը (կոդը)`
.____________________________________________________________.
|Շարժական | Շարժական գույքի տեսակը |
|գույքի | |
|ծածկագիրը| |
|(կոդը) | |
|_________|__________________________________________________|
| 201 |(201 տողը հանվել է 29.08.13 թիվ 925-Ն որոշում) |
|_________|__________________________________________________|
| 202 |անվավոր, թրթուրավոր, ինքնագնաց մեքենա կամ մեխանիզմ|
|_________|__________________________________________________|
| 203 |կցորդ, կիսակցորդ |
|_________|__________________________________________________|
| 204 |օդային փոխադրամիջոց |
|_________|__________________________________________________|
| 205 |ջրային փոխադրամիջոց |
.____________________________________________________________.
3) «3. Գործարքի ծածկագիրը (կոդը)» սյունակում լրացվում է գործարքի տեսակը բնութագրող ծածկագիրը (կոդը).
.___________________________________________________________________.
|Գործարքի | Գործարքի տեսակը |
|ծածկագիրը| |
|(կոդը) | |
|_________|_________________________________________________________|
| 01 |շարժական գույքի նվիրատվություն |
|_________|_________________________________________________________|
| 02 |շարժական գույքի ժառանգություն |
|_________|_________________________________________________________|
| 03 |շարժական գույքի առուվաճառք |
|_________|_________________________________________________________|
| 04 |նոր շարժական գույքի առաջացում (այդ թվում` կառուցում) |
|_________|_________________________________________________________|
| 05 |շարժական գույքի նկատմամբ սեփականության իրավունքի դադարում|
|_________|_________________________________________________________|
| 06 |շարժական գույքի վարձակալություն |
|_________|_________________________________________________________|
| 07 |շարժական գույքի լուծարում |
.___________________________________________________________________.
4) «4. Մակնիշը և թողարկման տարեթիվը» սյունակում լրացվում են շարժական գույքի մակնիշը և թողարկման տարեթիվը.
5) «5. Օտարման ամսաթիվը» սյունակում լրացվում է շարժական գույքի օտարման ամսաթիվը.
6) «6. Պայմանագրի գումարը» սյունակում Հայաստանի Հանրապետության դրամով լրացվում են`
ա. գույքի օտարման դեպքում` առք ու վաճառքի պայմանագրում արտացոլված ամբողջ գումարի մեծությունը,
բ. գույքի վարձակալության դեպքերում` մեկ ամսվա համար նախատեսված գումարը, ընդ որում, եթե պայմանագրով մեկ ամսվա համար վարձակալական վճարի չափ նախատեսված չէ, ապա այն որոշվում է վարձակալական պայմանագրով նախատեսված վճարի ամբողջ գումարի և վարձակալության ժամանակահատվածի ամիսների թվի հարաբերությամբ կամ կոնկրետ ժամանակահատվածի (եռամսյակի, տարվա կամ այլ ժամանակահատվածի) համար նախատեսված վճարի` մեկ ամսվան բաժին ընկնող չափով,
գ. նվիրատվության, ժառանգության, անհատույց օգտագործման կամ հատուցում չենթադրող այլ դեպքերում` 6-րդ սյունակում նշվում է «0».
7) «7. VIN-կոդը» սյունակում լրացվում է շարժական գույքի հաշվառման համարը (Vehicle identification number, VIN)` դրա առկայության դեպքում.
8) «8. Օտարողի (վարձատուի)` բաժնեմասը» սյունակում լրացվում է նշված գույքի նկատմամբ օտարողին (վարձատուին) պատկանող բաժնային սեփականության չափը` տոկոսներով: Ընդ որում, եթե`
ա. գույքն օտարողին (վարձատուին) պատկանում է միանձնյա սեփականության իրավունքով, ապա 8-րդ սյունակում նշվում է «100»,
բ. գույքն ընդհանուր համատեղ սեփականության իրավունքով պատկանում է մի քանի անձանց, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր համասեփականատիրոջ տվյալների դիմաց, 8-րդ սյունակում, նշվում է «համատեղ» բառը,
գ. գույքը բաժնային սեփականություն իրավունքով պատկանում է մի քանի անձանց, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր սեփականատիրոջ տվյալների դիմաց, 8-րդ սյունակում, լրացվում է իր բաժնեմասի չափը` տոկոսներով.
9) «9. Օտարողի (վարձատուի)` անունը» սյունակում լրացվում է օտարողի (վարձատուի) անունը.
10) «10. Օտարողի (վարձատուի)` ազգանունը» սյունակում լրացվում է օտարողի (վարձատուի) ազգանունը.
11) «11. Օտարողի (վարձատուի)` հայրանունը» սյունակում լրացվում է օտարողի (վարձատուի) հայրանունը (առկայության դեպքում).
12) «12. Օտարողի (վարձատուի)` անվանումը» սյունակը լրացվում է, եթե օտարողը (վարձատուն) իրավաբանական անձ է: Սյունակում լրացվում է տվյալ իրավաբանական անձի լրիվ անվանումը.
13) «13. Օտարողի (վարձատուի)` սոցիալական քարտի համարը» սյունակում լրացվում է օտարողի (վարձատուի) սոցիալական ապահովության քարտի համարը, իսկ եթե օտարողը (վարձատուն) սոցիալական քարտ չունի, ապա լրացվում է «Սոցիալական ապահովության քարտերի մասին» Հայաստանի Հանրապետության օրենքի 9-րդ հոդվածի 3.1-ին կետով նախատեսված տեղեկանքի համարը.
14) «14. Օտարողի (վարձատուի)` ՀՎՀՀ» սյունակը լրացվում է, եթե օտարողը (վարձատուն) իրավաբանական անձ է կամ անհատ ձեռնարկատեր: Սյունակում լրացվում է օտարողի (վարձատուի) հարկ վճարողի հաշվառման համարը.
15) «15. Օտարողի (վարձատուի)` հաշվառման վայրը» սյունակում լրացվում է օտարողի (վարձատուի) հաշվառման վայրը, իսկ դրա բացակայության դեպքում` Հայաստանի Հանրապետությունում հիմնական բնակության վայրը.
16) «16. Օտարողի (վարձատուի)` անձնագրի տվյալները» սյունակում լրացվում է օտարողի (վարձատուի) անձնագրի սերիան, համարը, տալու օրը, ամիսը, տարեթիվը և անձնագիրը տրամադրած ոստիկանության մարմնի ծածկագիրը.
17) «17. Ձեռք բերողի (վարձակալի)` բաժնեմասը» սյունակում լրացվում է նշված գույքի նկատմամբ ձեռք բերողին պատկանող բաժնային սեփականության չափը` տոկոսներով: Ընդ որում, եթե`
ա. գույքը ձեռք բերողին պատկանում է միանձնյա սեփականության իրավունքով, ապա 17-րդ սյունակում նշվում է «100»,
բ. գույքն ընդհանուր համատեղ սեփականության իրավունքով ձեռք է բերվում մի քանի անձանց կողմից, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր համասեփականատիրոջ տվյալների դիմաց, 17-րդ սյունակում, նշվում է «համատեղ» բառը,
գ. գույքը բաժնային սեփականության իրավունքով ձեռք է բերվում մի քանի անձանց կողմից, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր սեփականատիրոջ տվյալների դիմաց, 17-րդ սյունակում, լրացվում է իր բաժնեմասի չափը` տոկոսներով.
18) «18. Ձեռք բերողի (վարձակալի)` անունը» սյունակում լրացվում է ձեռք բերողի (վարձակալի) անունը.
19) «19. Ձեռք բերողի (վարձակալի)` ազգանունը» սյունակում լրացվում է ձեռք բերողի (վարձակալի) ազգանունը.
20) «20. Ձեռք բերողի (վարձակալի)` հայրանունը» սյունակում լրացվում է ձեռք բերողի (վարձակալի) հայրանունը (առկայության դեպքում).
21) «21. Ձեռք բերողի (վարձակալի)` անվանումը» սյունակը լրացվում է, եթե ձեռք բերողը (վարձակալը) իրավաբանական անձ է: Սյունակում լրացվում է տվյալ իրավաբանական անձի լրիվ անվանումը.
22) «22. Ձեռք բերողի (վարձակալի)` սոցիալական քարտի համարը» սյունակում լրացվում է ձեռք բերողի (վարձակալի) սոցիալական ապահովության քարտի համարը, իսկ եթե ձեռք բերողը (վարձակալը) սոցիալական քարտ չունի, ապա լրացվում է «Սոցիալական ապահովության քարտերի մասին» Հայաստանի Հանրապետության օրենքի 9-րդ հոդվածի 3.1-ին կետով նախատեսված տեղեկանքի համարը.
23) «23. Ձեռք բերողի (վարձակալի)` ՀՎՀՀ» սյունակը լրացվում է, եթե ձեռք բերողը (վարձակալը) իրավաբանական անձ է կամ անհատ ձեռնարկատեր: Սյունակում լրացվում է ձեռք բերողի (վարձակալի) հարկ վճարողի հաշվառման համարը.
24) «24. Ձեռք բերողի (վարձակալի)` հաշվառման վայրը» սյունակում լրացվում է ձեռք բերողի (վարձակալի) հաշվառման վայրը, իսկ դրա բացակայության դեպքում` Հայաստանի Հանրապետությունում հիմնական բնակության վայրը.
25) «25. Ձեռք բերողի (վարձակալի)` անձնագրի տվյալները» սյունակում լրացվում է ձեռք բերողի (վարձակալի) անձնագրի սերիան, համարը, տալու օրը, ամիսը, տարեթիվը և անձնագիրը տրամադրած ոստիկանության մարմնի ծածկագիրը.
26) «26. Վճարման ձևը» սյունակում լրացվում է պայմանագրով նախատեսված գումարի վճարման ձևը` «միանվագ», «տարաժամկետ», «փուլային» կամ նշվում է «0».
27) շարժական գույքի վարձակալության գործարքներն արտացոլելիս «27. Ծանոթագրություն» սյունակում նշվում է պայմանագրի ժամկետը (սկզբի և ավարտի օրերը, ամիսները և տարեթվերը), իսկ եթե պայմանագրով ժամկետ սահմանված չէ, ապա «27. Ծանոթագրություն» սյունակում նշվում է «անժամկետ» բառը:
(8-րդ կետը փոփ. 29.08.13 թիվ 925-Ն որոշում)
9. Գույքի փոխանակության գործարքների դեպքում, եթե`
1) շարժական գույքը փոխանակվում է շարժական գույքով, ապա գործարքը լրացվում է մեկ հերթական համարով (առաջին սյունակում նշվում է նույն հերթական համարը)` տարբեր գույքի առք ու վաճառքի գործարքների լրացման համար սահմանված կարգով, իսկ այն դեպքում, երբ բացակայում է պայմանագրային գումարը, «7. Պայմանագրի գումարը» սյունակում նշվում է «0», իսկ 27-րդ սյունակում նշվում են «փոխանակում այլ շարժական գույքի հետ» բառերը.
2) շարժական գույքը փոխանակվում է այլ գույքի հետ, ապա գործարքը լրացվում է առք ու վաճառքի գործարքների լրացման համար սահմանված կարգով, իսկ եթե բացակայում է պայմանագրի գումարը, «7. Պայմանագրի գումարը» սյունակում նշվում է «0», իսկ 27-րդ սյունակում նշվում են «փոխանակում այլ գույքի հետ» բառերը: Շարժական գույքի հետ փոխանակվող այլ գույքի վերաբերյալ տվյալներ չեն լրացվում:
10. Նոր ստեղծված շարժական գույքի նկատմամբ իրավունքները գրանցելիս լրացվում են աղյուսակի 1-3-րդ, 17-25-րդ սյունակները:
11. Շարժական գույքը լուծարելու դեպքում լրացվում են աղյուսակի 1-4-րդ, 7-րդ` VIN-կոդի առկայության դեպքում, 8-16-րդ սյունակները:
12. Եթե օդային փոխադրամիջոցն օտարողը կամ վարձատուն օտարերկրյա քաղաքացի կամ իրավաբանական անձ է, ապա ձևի 6-րդ, 8-րդ և 26-րդ սյունակները լրացնելը պարտադիր չէ:
13. Գյուղատնտեսական տեխնիկայի օտարման կամ վարձակալության վերաբերյալ տեղեկությունները ներկայացնելիս` ձևի 13-րդ և 22-րդ սյունակները չեն լրացվում:
Ձև
ՏԵՂԵԿՈՒԹՅՈՒՆՆԵՐ
20.... թվականի .............. եռամսյակի ընթացքում շարժական գույքը հաշվառող կամ շարժական գույքի նկատմամբ իրավունքները գրանցող մարմինների կողմից ներկայացվող շարժական գույքի և դրանց սեփականատերերի վերաբերյալ
.__________________________________________________________________
|I |Տեղեկություններ ներկայացնող | |
| |մարմնի անվանումը | |
|___|______________________________|______________________________|
|II |Հեռախոսահամարը | |
|___|______________________________|______________________________|
|III|Ամսաթիվը | |
|___|______________________________|______________________________|
|NN |Գույքի |Գործարքի |Մակնիշը և |Օտարման |Պայմանագրի|VIN-կոդը |
|ը/կ|ծածկագիրը|ծածկագիրը|թողարկման |ամսաթիվը |գումարը | |
| |(կոդը) |(կոդը) |տարեթիվը | | | |
|___|_________|_________|__________|_________|__________|_________|
| 1.| 2. | 3. | 4. | 5. | 6. | 7. |
|___|_________|_________|__________|_________|__________|_________|
|___|_________|_________|__________|_________|__________|_________|
|___|_________|_________|__________|_________|__________|_________|
|___|_________|_________|__________|_________|__________|_________|
|___|_________|_________|__________|_________|__________|_________|
|___|_________|_________|__________|_________|__________|_________|
.__________________________________________________________________
.______________________________________________________________________
| Օտարողի (վարձատուի)` |
|_____________________________________________________________________|
|բաժնեմասը|անունը|ազգանունը|հայրանունը|անվա-|սոցիա-|ՀՎՀՀ|հաշ- |անձնա-|
| | | | |նումը|լական | |վառման|գրի |
| | | | | |քարտի | |վայրը |տվյալ-|
| | | | | |համարը| | |ները |
|_________|______|_________|__________|_____|______|____|______|______|
| 8. | 9. | 10. | 11. | 12. | 13. | 14.| 15. | 16. |
|_________|______|_________|__________|_____|______|____|______|______|
|_________|______|_________|__________|_____|______|____|______|______|
|_________|______|_________|__________|_____|______|____|______|______|
|_________|______|_________|__________|_____|______|____|______|______|
|_________|______|_________|__________|_____|______|____|______|______|
|_________|______|_________|__________|_____|______|____|______|______|
.______________________________________________________________________
.______________________________________________________________________.
| Ձեռք բերողի (վարձակալի)` |Վճար-|Ծանո-|
|__________________________________________________________|ման |թա- |
|բաժնե-|անունը|ազգա-|հայրա-|անվա-|սոցիա-|ՀՎՀՀ|հաշ- |անձնա-|ձևը |գրու-|
|մասը | |նունը|նունը |նումը|լական | |վառման|գրային| |թյուն|
| | | | | |քարտի | |վայրը |տվյալ-| | |
| | | | | |համարը| | |ները | | |
|______|______|_____|______|_____|______|____|______|______|_____|_____|
| 17. | 18. | 19.| 20. | 21.| 22. | 23.| 24. | 25. | 26. | 27. |
|______|______|_____|______|_____|______|____|______|______|_____|_____|
|______|______|_____|______|_____|______|____|______|______|_____|_____|
|______|______|_____|______|_____|______|____|______|______|_____|_____|
|______|______|_____|______|_____|______|____|______|______|_____|_____|
|______|______|_____|______|_____|______|____|______|______|_____|_____|
|______|______|_____|______|_____|______|____|______|______|_____|_____|
.______________________________________________________________________.