040.1205.300806
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«30» օգոստոսի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
24 օգոստոսի 2006 թվականի N 1205-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ՄԱՐՏԻ 30-Ի N 420-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2006 թվականի մարտի 30-ի «Առողջության առաջնային պահպանման ծառայություններ մատուցող բժշկի ընտրության և նրա մոտ բնակչության գրանցման կարգը հաստատելու մասին» N 420-Ն որոշման մեջ կատարել հետևյալ լրացումները և փոփոխությունները`
ա) որոշումը լրացնել հետևյալ բովանդակությամբ նոր` 1.1-ին կետով.
i
«1.1. Հաստատել առաջնային բուժօգնություն և սպասարկում իրականացնող բժշկի կողմից սպասարկվող բնակչության նվազագույն, օպտիմալ և առավելագույն թույլատրելի թվաքանակները` համաձայն N 2 հավելվածի».
բ) որոշման 1-ին կետով հաստատված կարգում`
i
3-րդ կետի «գ» ենթակետը շարադրել նոր խմբագրությամբ.
«գ) առողջապահական ավտոմատացված ռեգիստր` համակարգիչ մուտքագրվող տվյալներով ձևավորվող բնակչության առողջապահական տվյալների միասնական բազա, որի հիման վրա իրականացվում է առաջնային բուժօգնության ծառայությունների ֆինանսավորում, նպատակային պլանավորում և արդյունավետ կառավարում, տարբերակված ֆինանսական միջոցների հատկացում, առաջնային օղակում իրականացվող ծառայությունների ծավալի ընդլայնում և մատուցվող ծառայությունների որակի բարելավում` բնակչության կողմից բժշկի կամավոր ընտրության մրցակցային միջավայրում: Բնակչության առողջապահական տվյալները մուտքագրվում են առողջապահական ավտոմատացված ռեգիստր այն բուժհաստատությունում, որտեղ տվյալ անձը հաշվառվում է:»,
7-րդ կետում`
«գրանցման ձևով» բառերը փոխարինել «սույն որոշմամբ սահմանված» բառերով, «ա» և «բ» ենթակետերում «18» թիվը փոխարինել «16» թվով,
8-րդ կետից հանել «երեխայի ծնողը կամ» բառերը,
12-րդ կետը շարադրել նոր խմբագրությամբ.
«12. Առաջնային բուժօգնություն մատուցող բժիշկը կարող է գրանցել այդ նպատակով իրեն դիմած յուրաքանչյուր քաղաքացու` համաձայն սույն կարգի պայմանների և պահանջների: Բժիշկը կարող է մերժել գրանցելու նպատակով իրեն ընտրած և դիմող բնակչին միայն այն դեպքում, եթե լրացել է բժշկի կողմից սպասարկվող բնակիչների առավելագույն թույլատրելի թվաքանակները:
Բժիշկը կարող է գրանցել իրեն ընտրած բնակչին բուժհաստատությունում (բնակչի այցելության ժամանակ) կամ կանխարգելիչ, վերականգնողական, բուժական միջոցառումներ իրականացնելու նպատակով բնակչի տուն կամ այլ վայր կատարած այցի ընթացքում:»,
15-րդ կետում «բոլոր կողմերը» բառերը փոխարինել «բուժաշխատողները» բառով.
18-րդ կետում` «տեղափոխման ձևը» բառերը փոխարինել «տեղափոխման կտրոնը» բառերով,
20-րդ կետը «նշված» բառից առաջ լրացնել «Սույն կարգի 19-րդ կետում» բառերով և «հայտարարագիր» բառից հետո` «, որի ձևը և լրացման կարգը հաստատում է Հայաստանի Հանրապետության առողջապահության նախարարը» բառերով.
գ) որոշումը լրացնել N 2 հավելվածով` համաձայն հավելվածի:
i
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2006 ԹՎԱԿԱՆԻ ՕԳՈՍՏՈՍԻ 26-ԻՆ
Հավելված
ՀՀ կառավարության
2006 թվականի օգոստոսի 24-ի
N 1205-Ն որոշման
«Հավելված N 2
ՀՀ կառավարության
2006 թվականի մարտի 30-ի
N 420-Ն որոշման
ԱՌԱՋՆԱՅԻՆ ԲՈՒԺՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԲԺՇԿԻ ԿՈՂՄԻՑ ՍՊԱՍԱՐԿՎՈՂ ԲՆԱԿՉՈՒԹՅԱՆ ՆՎԱԶԱԳՈՒՅՆ, ՕՊՏԻՄԱԼ ԵՎ ԱՌԱՎԵԼԱԳՈՒՅՆ ԹՈՒՅԼԱՏՐԵԼԻ ԹՎԱՔԱՆԱԿՆԵՐԸ
._______________________________________________________________________.
|Քաղաքային |Քաղաքային |Առողջության |Առողջության |Ընտանեկան |
|պոլիկլինիկանե- |մանկական |կենտրոնների |կենտրոնների |բժշկի կողմից|
|րում |պոլիկլինիկանե- |և գյուղական|և գյուղական|սպասարկվող |
|բուժմիավորման |րում և |բժշկական |բժշկական |բնակչության |
|պոլիկլինիկական |պոլիկլինիկաների |ամբուլատորիա|ամբուլատորիա|թիվը |
|ստորաբաժանումնե|մանկական |ների կողմից |ների կողմից | |
|րում |բաժանմունքներում|սպասարկվող` |սպասարկվող` | |
|սպասարկվող` 18 |սպասարկվող` |18 և ավելի |մինչև 18 | |
|տարեկան և |մինչև 18 |բարձր տարիքի|տարեկան | |
|ավելի բարձր |տարեկան |բնակչության |բնակչության | |
|տարիքի |բնակչության թիվը|թիվը |թիվը | |
|բնակչության | | | | |
|թիվը | | | | |
|_______________|________________|____________|____________|____________|
|նվազագույն |նվազագույն թիվը`|նվազագույն |նվազագույն |նվազագույն |
|թիվը` 1000 |500 |թիվը` 1000 |թիվը` 500 |թիվը` 1000, |
| | | | |որից` |
| | | | |երեխաներ` |
| | | | |300, |
| | | | |մեծահասակ- |
| | | | |ներ` 700 |
|_______________|________________|____________|____________|____________|
|օպտիմալ թիվը` |օպտիմալ թիվը` |օպտիմալ |օպտիմալ |օպտիմալ |
|2000 |1000 |թիվը` 2000 |թիվը` 1000 |թիվը` 1700, |
| | | | |որից` |
| | | | |երեխաներ` |
| | | | |500, |
| | | | |մեծահասակ- |
| | | | |ներ` 1200 |
|_______________|________________|____________|____________|____________|
|առավելագույն |առավելագույն |առավելագույն|առավելագույն|առավելագույն|
|թիվը` 2500 |թիվը` 1200 |թիվը` 2700 |թիվը` 1400 |թիվը` 2300, |
| | | | |որից` |
| | | | |երեխաներ` |
| | | | |800, |
| | | | |մեծահասակ- |
| | | | |ներ` 1500 |
._______________________________________________________________________.»: