040.0070.280102
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«28» հունվարի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 հունվարի 2002 թվականի N 70
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՀՈԿՏԵՄԲԵՐԻ 5-Ի N 953 ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2001 թվականի հոկտեմբերի 5-ի «Հայաստանի Հանրապետության պետական գույքի կառավարման նախարարության տնօրինությանը գույք հանձնելու և պետական սեփականություն հանդիսացող բաժնետոմսերի տնօրինման լիազորություններ վերապահելու մասին» N 953 որոշման մեջ (Հայաստանի Հանրապետության կառավարության 2001 թվականի դեկտեմբերի 15-ի N 1228 որոշման խմբագրությամբ) կատարել հետևյալ լրացումները`
ա) որոշման NN 1 և 2 ցանկերում կատարել լրացումներ (կցվում են).
i
բ) որոշման 2-րդ կետը «Հայաստանի Հանրապետության արդյունաբերության և առևտրի նախարարությանը» բառերից հետո լրացնել «Հայաստանի Հանրապետության բնապահպանության նախարարությանը» բառերով.
գ) որոշման 4-րդ կետը`
i
«Շինարար պանսիոնատ» բառերից հետո լրացնել «Հանգրվան», «Գուգարք» ճամբար», «Դիլիջան» առողջարան», «Սևան» մանկական առողջարան» բառերով.
լրացնել հետևյալ բովանդակությամբ նոր պարբերությամբ.
«Հայաստանի Հանրապետության առողջապահության նախարարությանը` տասնհինգօրյա ժամկետում ապահովել «Նաիրի» բուժառողջապահական միավորում» փակ բաժնետիրական ընկերության գույքի կազմից «Ջերմուկ» առողջարան», «Արզնի» առողջարան», «Կապույտ Սևան» առողջարան» դուստր փակ բաժնետիրական ընկերությունների պետական սեփականություն հանդիսացող բաժնետոմսերի` Հայաստանի Հանրապետության օրենսդրությամբ սահմանված կարգով առանձնացումը և դրանք հանձնել Հայաստանի Հանրապետության պետական գույքի կառավարման նախարարության կառավարմանը:»
2. Սույն որոշումն ուժի մեջ է մտնում 2002 թվականի հունվարի 28-ից:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՆԱԽԱՐԱՐՈՒԹՅԱՆԸ ՀԱՆՁՆՎՈՂ ԳՈՒՅՔԻ N 1 ՑԱՆԿՈՒՄ ԿԱՏԱՐՎՈՂ ԼՐԱՑՈՒՄԸ
._________________________________________________________________________.
|NN | Նախարարության, |Օբյեկտի անվանումը, |Ում հաշվեկշռում է |
|ը/կ| գերատեսչության անվանումը |գտնվելու վայրը |գտնվում |
|___|__________________________|______________________|___________________|
| 4.|ՀՀ բնապահպանության |պանսիոնատ |Սևանի ազգային պարկ|
| |նախարարություն |քաղ. Սևան | |
._________________________________________________________________________.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՆԱԽԱՐԱՐՈՒԹՅԱՆԸ ՀԱՆՁՆՎՈՂ ԳՈՒՅՔԻ N 2 ՑԱՆԿՈՒՄ ԿԱՏԱՐՎՈՂ ԼՐԱՑՈՒՄՆԵՐԸ
._________________________________________________________________________.
|NN |Ընկերության |Պետական կառավարման|Պետու- |Առանձնացվող գույքի|Ծանոթա-|
|ը/կ|անվանումը |մարմնի անվանումը |թյանը |անվանումը, |գրու- |
| | | |պատկանող|գտնվելու վայրը |թյուն |
| | | |բաժնե- | | |
| | | |մասը | | |
| | | |(տոկոս) | | |
|___|______________|__________________|________|__________________|_______|
|12.|«Էկոսերվիս» |ՀՀ բնապահպանության| 100 |»Երկրաբան» | |
| |ՓԲԸ |նախարարություն | |պանսիոնատ | |
| | | | |գ. Հանքավան | |
|___|______________|__________________|________|__________________|_______|
|13.|«Հայէներգո» |ՀՀ էներգետիկայի | 100 |ընդունելություն- | |
| |ՓԲԸ |նախարարություն | |ների տուն | |
| | | | |քաղ. Երևան, | |
| | | | |Ամառանոցային 123 | |
|___|______________|__________________|________|__________________|_______|
|14.|«Հրազդանի ՋԷԿ»|ՀՀ էներգետիկայի | 100 |պանսիոնատ | |
| |ՓԲԸ |նախարարություն | |գ. Աղավնաձոր | |
|___|______________|__________________|________|__________________|_______|
|15.|«Հայէներգո» |ՀՀ էներգետիկայի | 100 |»Էներգետիկ» | |
| |ՓԲԸ |նախարարություն | |հանգստյան տուն | |
| | | | |գ. Աղավնաձոր | |
|___|______________|__________________|________|__________________|_______|
|16.|«ՍՀԿՀ» ՓԲԸ |ՀՀ էներգետիկայի | 100 |Լուսակերտի | |
| | |նախարարություն | |հանգստյան տուն | |
| | | | |գ. Արգել | |
|___|______________|__________________|________|__________________|_______|
|17.|«Գլխամասային |ՀՀ քաղաքաշինության| 100 |հանգստի բազա | |
| |կոմունտնտ» ՓԲԸ|նախարարություն | |քաղ. Դիլիջան | |
|___|______________|__________________|________|__________________|_______|
|18.|«Ծաղկահովիտ» |ՀՀ տրանսպորտի | 100 |»Ծաղկահովիտ» | |
| |ճամբար» ՓԲԸ |և կապի | |ճամբար» | |
| | |նախարարություն | |քաղ. Ծաղկաձոր | |
|___|______________|__________________|________|__________________|_______|
|19.|«Հայկական |ՀՀ կառավարությանն | 100 |»Ծաղկաձոր» հանգստի| |
| |ավիաուղիներ» |առընթեր | |բազա քաղ. Ծաղկաձոր| |
| |ՓԲԸ |քաղաքացիական | | | |
| | |ավիացիայի | | | |
| | |վարչություն | | | |
._________________________________________________________________________.