ՀՀ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԱՊՐԻԼԻ 26-Ի N 522-Ա ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

12 սեպտեմբերի 2019 թվականի N 1219-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԱՊՐԻԼԻ 26-Ի N 522-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2018 թվականի ապրիլի 26-ի «Հայաստանի Հանրապետության քննչական կոմիտեի կառուցվածքը, անվանացանկը և հաստիքացուցակը հաստատելու, Հայաստանի Հանրապետության կառավարության 2014 թվականի սեպտեմբերի 4-ի N 919-Ա որոշումն ուժը կորցրած ճանաչելու մասին» N 522-Ա որոշման N 1 հավելվածում կատարել հետևյալ փոփոխությունները.

1) կոմիտեի կենտրոնական մարմնի հատկապես կարևոր գործերի քննության գլխավոր վարչության կոռուպցիոն, սեփականության դեմ ուղղված հանցագործությունների և կիբեռհանցագործությունների քննության վարչությունից առանձնացման ձևով ստեղծել կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչություն.

2) կոմիտեի կենտրոնական մարմնի հատկապես կարևոր գործերի քննության գլխավոր վարչության կոռուպցիոն, սեփականության դեմ ուղղված հանցագործությունների և կիբեռհանցագործությունների քննության վարչությունն անվանափոխել կոռուպցիոն և սեփականության դեմ ուղղված հանցագործությունների քննության վարչության.

3) կոմիտեի կենտրոնական մարմնի հատկապես կարևոր գործերի քննության գլխավոր վարչության մարդկանց թրաֆիքինգի և թմրամիջոցների ապօրինի շրջանառության հանցագործությունների քննության վարչությունն անվանափոխել մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչության.

4) կոմիտեի կենտրոնական մարմնի քրեական գործերի քննության աջակցության վարչությունը և կազմակերպական-վերլուծական բաժինը միաձուլել` ստեղծելով հատուկ հանձնարարությունների, կազմակերպական-վերլուծական և քրեագիտական գլխավոր վարչություն` հետևյալ ենթաստորաբաժանումներով.

ա. հատուկ հանձնարարությունների և կազմակերպական-վերլուծական վարչություն,

բ. քրեագիտական վարչություն:

2. Որոշման մեջ կատարել հետևյալ փոփոխությունները.

1) որոշման 1-ին կետի 1-ին ենթակետով հաստատված N 1 հավելվածի 2-րդ կետը շարադրել հետևյալ խմբագրությամբ`

«2. կոմիտեի կենտրոնական մարմնի ստորաբաժանումներ`

1) հատկապես կարևոր գործերի քննության գլխավոր վարչություն.

2) տարածքային քննչական վարչությունների գործունեության վերահսկողության գլխավոր վարչություն.

3) հատուկ հանձնարարությունների, կազմակերպական-վերլուծական և քրեագիտական գլխավոր վարչություն.

4) ներքին անվտանգության վարչություն.

5) միջազգային հարցումների ապահովման բաժին.

6) հատկապես կարևոր գործերի քննության գլխավոր վարչության ենթաստորաբաժանումներ`

ա. մարդու դեմ ուղղված հանցագործությունների քննության վարչություն,

բ. մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչություն,

գ. կոռուպցիոն և սեփականության դեմ ուղղված հանցագործությունների քննության վարչություն,

դ. ընդհանուր բնույթի և ընտրական հանցագործությունների քննության վարչություն,

ե. կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչություն.

7) տարածքային քննչական վարչությունների գործունեության վերահսկողության գլխավոր վարչության ենթաստորաբաժանումներ`

ա. առաջին վարչություն,

բ. երկրորդ վարչություն.

8) հատուկ հանձնարարությունների, կազմակերպական-վերլուծական և քրեագիտական գլխավոր վարչության ենթաստորաբաժանումներ`

ա. հատուկ հանձնարարությունների և կազմակերպական-վերլուծական վարչություն,

բ. քրեագիտական վարչություն:»:

3. Որոշման N 2 հավելվածը շարադրել նոր խմբագրությամբ` համաձայն հավելվածի:

Հավելված

ՀՀ կառավարության

2019 թվականի սեպտեմբերի 12-ի

N 1219-Ա որոշման

«Հավելված N 2

ՀՀ կառավարության

2018 թվականի ապրիլի 26-ի

N 522-Ա որոշման

ԱՆՎԱՆԱՑԱՆԿ ԵՎ ՀԱՍՏԻՔԱՑՈՒՑԱԿ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ

1. Հայաստանի Հանրապետության քննչական կոմիտեի (այսուհետ` կոմիտե) կենտրոնական մարմին`

1) կոմիտեի ղեկավարություն.

2) կոմիտեի հատկապես կարևոր գործերի քննության գլխավոր վարչություն.

ա. հատկապես կարևոր գործերի քննության գլխավոր վարչության մարդու դեմ ուղղված հանցագործությունների քննության վարչություն.

բ. հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչություն.

գ. հատկապես կարևոր գործերի քննության գլխավոր վարչության կոռուպցիոն, սեփականության դեմ ուղղված հանցագործությունների քննության վարչություն.

դ. հատկապես կարևոր գործերի քննության գլխավոր վարչության ընդհանուր բնույթի և ընտրական հանցագործությունների քննության վարչություն.

ե. հատկապես կարևոր գործերի քննության գլխավոր վարչության կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչություն.

3) կոմիտեի տարածքային քննչական վարչությունների գործունեության վերահսկողության գլխավոր վարչություն.

ա. տարածքային քննչական վարչությունների գործունեության վերահսկողության գլխավոր վարչության առաջին վարչություն.

բ. տարածքային քննչական վարչությունների գործունեության վերահսկողության գլխավոր վարչության երկրորդ վարչություն.

4) կոմիտեի հատուկ հանձնարարությունների, կազմակերպական-վերլուծական և քրեագիտական գլխավոր վարչություն.

ա. հատուկ հանձնարարությունների և կազմակերպական-վերլուծական վարչություն.

բ. քրեագիտական վարչություն.

5) կոմիտեի ներքին անվտանգության վարչություն.

6) կոմիտեի միջազգային հարցումների ապահովման բաժին.

2. կոմիտեի զինվորական քննչական գլխավոր վարչություն.

1) վերահսկողության վարչություն.

2) հատկապես կարևոր գործերի քննության վարչություն.

3) առաջին կայազորային քննչական բաժին.

4) երկրորդ կայազորային քննչական բաժին.

5) երրորդ կայազորային քննչական բաժին.

6) չորրորդ կայազորային քննչական բաժին.

7) հինգերորդ կայազորային քննչական բաժին.

8) վեցերորդ կայազորային քննչական բաժին.

9) յոթերորդ կայազորային քննչական բաժին.

10) ութերորդ կայազորային քննչական բաժին.

11) իններորդ կայազորային քննչական բաժին.

12) տասներորդ կայազորային քննչական բաժին.

3. կոմիտեի Երևան քաղաքի քննչական վարչություն.

1) ծանր հանցագործությունների քննության բաժին.

2) ճանապարհատրանսպորտային հանցագործությունների քննության բաժին.

3) «Զվարթնոց» միջազգային օդանավակայանի տարածքում կատարված հանցագործությունների քննության բաժին.

4) Երևան քաղաքի վարչական շրջանների քննչական բաժինների գործունեության վերահսկողության բաժին.

5) կոմիտեի Երևան քաղաքի քննչական վարչության Երևան քաղաքի վարչական շրջանների քննչական բաժիններ`

ա. Երևան քաղաքի Աջափնյակ և Դավթաշեն վարչական շրջանների քննչական բաժին.

բ. Երևան քաղաքի Ավան և Նոր Նորք վարչական շրջանների քննչական բաժին.

գ. Երևան քաղաքի Արաբկիր վարչական շրջանի քննչական բաժին.

դ. Երևան քաղաքի Էրեբունի և Նուբարաշեն վարչական շրջանների քննչական բաժին.

ե. Երևան քաղաքի Կենտրոն և Նորք-Մարաշ վարչական շրջանների քննչական բաժին.

զ. Երևան քաղաքի Մալաթիա-Սեբաստիա վարչական շրջանի քննչական բաժին.

է. Երևան քաղաքի Շենգավիթ վարչական շրջանի քննչական բաժին.

ը. Երևան քաղաքի Քանաքեռ-Զեյթուն վարչական շրջանի քննչական բաժին.

4. կոմիտեի Արագածոտնի մարզային քննչական վարչություն.

5. կոմիտեի Արարատի մարզային քննչական վարչություն.

6. կոմիտեի Արմավիրի մարզային քննչական վարչություն.

7. կոմիտեի Գեղարքունիքի մարզային քննչական վարչություն.

8. կոմիտեի Լոռու մարզային քննչական վարչություն.

9. կոմիտեի Կոտայքի մարզային քննչական վարչություն.

10. կոմիտեի Շիրակի մարզային քննչական վարչություն.

11. կոմիտեի Սյունիքի մարզային քննչական վարչություն.

12. կոմիտեի Վայոց ձորի մարզային քննչական վարչություն.

13. կոմիտեի Տավուշի մարզային քննչական վարչություն.