320.0302.231214
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«23» 12 2014 Թ.
ՊԵՏԱԿԱՆ ԳՐԱՆՑՄԱՆ ԹԻՎ 32014576
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅՈՒՆ ՀՐԱՄԱՆ
5 դեկտեմբերի 2014 թվականի N 302-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅԱՆ ՊԵՏԻ 2007 ԹՎԱԿԱՆԻ ԱՊՐԻԼԻ 25-Ի ԹԻՎ 65-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Ավիացիայի մասին» Հայաստանի Հանրապետության օրենքի 7-րդ հոդվածի 2-րդ մասի 6-րդ կետով, 30-րդ հոդվածի 5-րդ մասով, «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին և 6-րդ մասերով, Միջազգային Քաղաքացիական Ավիացիայի մասին 1944 թվականի դեկտեմբերի 7-ի Չիկագոյի Կոնվենցիայի (այսուհետ` Չիկագոյի Կոնվենցիա) «Ավիացիոն անձնակազմերին սերտիֆիկատների տրման» թիվ 1 հավելվածի, Քաղաքացիական ավիացիայի միջազգային կազմակերպության (այսուհետ` ԻԿԱՕ) «Ավիացիոն բժշկության ձեռնարկ» Դոկ 8984-ի 2012 թվականի երրորդ հրատարակության, Եվրամիության խորհրդի 2011 թվականի նոյեմբեր 3-ի թիվ 1178/2011` «Քաղաքացիական ավիացիայի անձնակազմին վերաբերող տեխնիկական պահանջներ և վարչական ընթացակարգեր» կանոնակարգի Փարտ-Մեդ (Part-Med), Փարտ-ԱՐԱ (Part-ARA), Փարտ-ՕՐԱ (Part-ORA), Փարտ-ՍիՍի (PART-CC) հավելվածների և Եվրամիության «Դաս 3» ավիաբժշկական վկայագրման ուղեցույցի դրույթներով`
ՀՐԱՄԱՅՈՒՄ ԵՄ`
i
1. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետի 2007 թվականի ապրիլի 25-ի «Բժշկական զննման արդյունքում Հայաստանի Հանրապետության քաղաքացիական ավիացիայի բնագավառում բժշկական սերտիֆիկատների հատկացման մասին» թիվ 65-Ն հրամանի (այսուհետ` Հրաման) Հավելված 1-ը շարադրել նոր խմբագրությամբ` համաձայն հավելվածի:
i
2. Հրամանի 1-ին կետի 2-րդ, 3-րդ, 4-րդ և 5-րդ ենթակետերը ուժը կորցրած ճանաչել:
3. Սույն հրամանը ուժի մեջ է մտնում պաշտոնական հրապարակման օրվան հաջորդող տասներորդ օրվանից:
Հավելված
ՀՀ կառավարությանն առընթեր
քաղաքացիական ավիացիայի
գլխավոր վարչության պետի
2014 թվականի դեկտեմբերի 5-ի
թիվ 302-Ն հրամանի
«Հավելված
ՀՀ կառավարությանն առընթեր
քաղաքացիական ավիացիայի
գլխավոր վարչության պետի
2007 թվականի ապրիլի 25-ի
թիվ 65-Ն հրամանի
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՎԻԱՑԻՈՆ ՄԱՍՆԱԳԵՏՆԵՐԻՆ ԲԺՇԿԱԿԱՆ ԶՆՆՄԱՆ ԱՐԴՅՈՒՆՔՈՒՄ ԲԺՇԿԱԿԱՆ ՍԵՐՏԻՖԻԿԱՏՆԵՐԻ ՀԱՏԿԱՑՄԱՆ
| ԳԼՈՒԽ 1. |
ԸՆԴՀԱՆՈՒՐ ԴՐՈՒՅԹՆԵՐ |
1. Հայաստանի Հանրապետության ավիացիոն մասնագետներին բժշկական զննման արդյունքում բժշկական սերտիֆիկատների (այսուհետ` բժշկական սերտիֆիկատ) հատկացման կարգը (այսուհետ նաև` Կարգ) սահմանում է քաղաքացիական ավիացիայի միջազգային կազմակերպությունների սահմանված պահանջներին համապատասխանության վկայական ունեցող բժշկական կենտրոնների (այսուհետ` Ավիացիոն բժշկական կենտրոն) կողմից ավիացիոն մասնագետների բժշկական զննման և դրա արդյունքում բժշկական սերտիֆիկատների հատկացման կարգը:
2. Սույն կարգը մշակված է Միջազգային Քաղաքացիական Ավիացիայի մասին 1944 թվականի դեկտեմբերի 7-ի Չիկագոյի Կոնվենցիայի (այսուհետ` Չիկագոյի Կոնվենցիա) «Ավիացիոն անձնակազմերին սերտիֆիկատների տրման» թիվ 1 հավելվածի, Քաղաքացիական ավիացիայի միջազգային կազմակերպության (այսուհետ` ԻԿԱՕ) «Ավիացիոն բժշկության ձեռնարկ» Դոկ 8984-ի 2012 թվականի երրորդ հրատարակության, Եվրամիության խորհրդի 2011 թվականի նոյեմբեր 3-ի թիվ 1178/2011` «Քաղաքացիական ավիացիայի անձնակազմին վերաբերող տեխնիկական պահանջներ և վարչական ընթացակարգեր» կանոնակարգի Փարտ-Մեդ (Part-Med), Փարտ-ԱՐԱ (Part-ARA), Փարտ-ՕՐԱ (Part-ORA), Փարտ-ՍիՍի (PART-CC) հավելվածների և Եվրամիության «Դաս 3» ավիաբժշկական վկայագրման ուղեցույցի դրույթներին համապատասխան:
3. Բժշկական զննման ենթակա են Հայաստանի Հանրապետության քաղաքացիական ավիացիայի ավիացիոն մասնագետի վկայական ստանալու հայտ ներկայացրած կամ վկայական կրող հետևյալ ավիացիոն մասնագետները (այսուհետ` ավիացիոն մասնագետ).
1) Հայաստանի Հանրապետության քաղաքացիական ավիացիայի ուսումնական հաստատություններում սովորելու թեկնածուները` օդաչուների, շտուրմանների, բորտինժեներների, օդային երթևեկության կառավարման կարգավարների, ավիացիոն ինժեներների (ավիացիոն տեխնիկների), բորտուղեկցորդների պատրաստման գծով.
2) Հայաստանի Հանրապետության քաղաքացիական ավիացիայի բարձրագույն և միջնակարգ ուսումնական հաստատություններում սովորողները (կուրսանտները), օդաչուների, շտուրմանների, բորտինժեներների, օդային երթևեկության կառավարման կարգավարների, ավիացիոն ինժեներների (ավիացիոն տեխնիկների), բորտուղեկցորդների պատրաստման գծով.
3) Առևտրային օդային փոխադրումներ իրականացնող ավիացիայի ինքնաթիռների և ուղղաթիռների օդաչուները, գծային օդաչուները, ավիացիոն ինժեներները (ավիացիոն տեխնիկները), շտուրմանները, բորտինժեներները, դիտորդ-օդաչուները, բորտօպերատորները, բորտուղեկցորդները.
4) Սիրողական օդաչուները, սավառնորդ-օդաչուները, ազատ օդապարիկի օդաչուները, պարաշյուտիստները, գերթեթև թռչող ապարատների օդաչուները.
5) Օդային երթևեկության կառավարման կարգավարները և թռիչքների ղեկավարները:
4. Ավիացիոն մասնագետների աշխատանքային և ուսումնական պիտանիության չափանիշների պահանջները համապատասխանաբար սահմանվում են Քաղաքացիական ավիացիայի միջազգային կազմակերպության (այսուհետ` ԻԿԱՕ) «Ավիացիոն բժշկության ձեռնարկ» Դոկ 8984 2012 թվականի երրորդ հրատարակության փաստաթղթով:
5. Բժշկական զննության և թռիչքային բժշկական փորձաքննության արդյունքներով որոշվում է ավիացիոն մասնագետի առողջական վիճակի պիտանիությունը մասնագիտական գործունեության իրականացնելու համար և տրվում է առաջին, երկրորդ, երրորդ դասի բժշկական սերտիֆիկատ և ավիացիոն ինժեներների (ավիացիոն տեխնիկների) մասով առողջական վիճակի վերաբերյալ տեղեկանք (այսուհետ` Բժշկական սերտիֆիկատ):
6. Առաջին և երկրորդ դասերի բժշկական սերտիֆիկատները կազմվում են սպիտակ գույնի թղթից և բաղկացած են 4 էջից, յուրաքանչյուրը Ա 7 (105x74 մմ - ISO 216 միջազգային ստանդարտ) չափի թղթից, որի առաջին էջը հանդիսանում է տիտղոսաթերթ, իսկ մնացած 3-ը լրացման համար են: 2-րդ, 3-րդ և 4-րդ էջերի ներքևի ձախ անկյունում դրվում է վկայականի համարը, իսկ աջ անկյունում` էջի հերթական համարը: Վկայականը լրացվում է հայերեն և անգլերեն լեզուներով: Երրորդ դասի բժշկական սերտիֆիկատը կազմվում է սպիտակ գույնի թղթից և բաղկացած է 8 էջից, յուրաքանչյուրը Ա 7 (105x74 մմ - ISO 216 միջազգային ստանդարտ) չափի թղթից, որի առաջին էջը հանդիսանում է տիտղոսաթերթ, իսկ մնացած 7-ը լրացման համար են: 2-րդ, 3-րդ, 4-րդ, 5-րդ, 6-րդ և 7-րդ էջերի ներքևի ձախ անկյունում դրվում է վկայականի համարը, իսկ աջ անկյունում` էջի հերթական համարը: Վկայականը լրացվում է հայերեն և անգլերեն լեզուներով:
7. Բժշկական սերտիֆիկատների տեսակները հետևյալն են.
1) Առաջին դասի (Դաս 1) բժշկական սերտիֆիկատը, համաձայն սույն կարգի Ձև 2-ի, տրվում է`
ա. Առևտրային օդային փոխադրումներ իրականացնող ավիացիայի (ինքնաթիռ, ուղղաթիռ և վերամբարձ ուժի մեծացման համակարգով օդանավ) օդաչուի վկայականներ կրողներին.
բ. օդանավի բազմանդամ անձնակազմի օդաչուի վկայականներ կրողներին.
գ. գծային օդաչուի (ինքնաթիռ, ուղղաթիռ և վերամբարձ ուժի մեծացման համակարգով օդանավ) վկայականներ կրողներին և դրանց թեկնածուներին:
2) Երկրորդ դասի բժշկական սերտիֆիկատը, համաձայն սույն կարգի Ձև 2-ի տրվում է`
ա. շտուրմանի վկայականներ կրողներին.
բ. բորտինժեների վկայականներ կրողներին.
գ. սիրողական օդաչուի (ինքնաթիռ, ուղղաթիռ և վերամբարձ ուժի մեծացման համակարգով օդանավ) վկայականներ կրողներին.
դ. դիտորդ-օդաչուի վկայականներ կրողներին.
ե. սավառնող-օդաչուի վկայականներ կրողներին.
զ. պարաշյուտիստի, թեթև և գերթեթև թռչող ապարատների օդաչուների վկայականներ կրողներին.
է. ազատ օդապարիկի օդաչուի վկայականներ կրողներին և դրանց թեկնածուներին.
ը. բորտուղեկցորդների վկայականներ կրողներին.
թ. բորտռադիստի վկայականներ կրողներին.
ժ. բորտօպերատորի վկայականներ կրողներին և թեկնածուներին:
3) Երրորդ դասի (Դաս 3) բժշկական սերտիֆիկատը, համաձայն սույն կարգի Ձև 3-ի տրվում է`
ա. օդային երթևեկության կառավարման կարգավարի վկայականներ կրողներին և թեկնածուներին:
8. Բժշկական սերտիֆիկատի գործողության ժամկետը, ներառյալ սովորական կամ հատուկ հետազոտությունները, հատկացման կամ երկարաձգման դեպքում հաշվարկվում են բժշկական հետազոտությունը սկսելու օրվանից, իսկ վերականգնման դեպքում` նախորդ բժշկական սերտիֆիկատի գործողության ժամկետի լրանալու օրվանից: Բժշկական սերտիֆիկատների ժամկետները հետևյալն են.
1) «Դաս 1» բժշկական սերտիֆիկատի գործողության ժամկետը 12 ամիս է.
ա. «Դաս 1» բժշկական սերտիֆիկատի գործողության ժամկետը նվազեցվում է մինչև 6 ամիս, երբ դիմողը աշխատում է եզակի-օդաչուի կարգավիճակով և դիմողի տարիքը 60 տարի և ավելի է:
2) «Դաս 2» բժշկական սերտիֆիկատի գործողության ժամկետը 12 ամիս է:
3) «Դաս 3» բժշկական սերտիֆիկատի գործողության ժամկետը 12 ամիս է:
9. Բժշկական սերտիֆիկատների գործողության ժամկետները կարող են կրճատվել բժշկական ցուցումների առկայության դեպքում: Բժշկական սերտիֆիկատի գործողության ժամկետի փոփոխության հիմնավորումը պետք է արտացոլվի Բժշկական սերտիֆիկատի և Փարտ-ԱՐԱ-ով (Part-ARA) սահմանված եզրակացության մեջ` «TML սահմանափակում» նշումով:
10. Առանց բժշկական սերտիֆիկատի կամ ժամկետանց բժշկական սերտիֆիկատով ավիացիոն մասնագետները մասնագիտական պարտականությունների կատարման չեն թույլատրվում:
11. Բժշկական սերտիֆիկատ ստացած ավիացիոն մասնագետը չպետք է շարունակի իր աշխատանքային գործունեությունը ստորև թվարկված բոլոր դեպքերում.
1) տեղյակ է իր անվտանգ աշխատանքային գործունեությանը սպառնացող առողջական պիտանելիության նվազեցման վերաբերյալ,
2) ընդունում է որոշակի դեղորայք, որը կարող է ազդել աշխատանքային գործունեության անվտանգությանը,
3) դեղորայքային, վիրահատական կամ այլ բուժում է ստանում, որը կարող է ազդել աշխատանքային գործունեության անվտանգությանը:
12. Ավիացիոն մասնագետը անհապաղ տեղեկացնում է Ավիացիոն բժշկական կենտրոնին բոլոր հետևյալ դեպքերի մասին.
1) երբ նա ենթարկվել է վիրահատական կամ որևէ այլ ինվազիվ բժշկական միջամտության.
2) սկսել է որևէ դեղամիջոցի կանոնավոր ընդունում.
3) վնասվածք է ստացել, ներառյալ այնպիսին, որը կարող է ազդեցություն ունենալ ծառայողական պարտականությունների կատարման վրա.
4) որևէ լուրջ հիվանդություն է տանում, որը կարող է ներազդել ծառայողական պարտականությունների կատարման վրա.
5) հղի է.
6) հիվանդանոց կամ բժշկական կլինիկա է տեղափոխվել.
7) առաջին անգամ տեսողության կոռեկցիայի կարիք ունի:
13. Սույն կարգի 10-րդ կետում նշված յուրաքանչյուր դեպքից հետո Ավիացիոն բժշկական կենտրոնը իրականացված փորձագիտական քննության արդյունքում որոշում է կայացնում տվյալ ավիացիոն մասնագետի առողջական պիտանելիության վերաբերյալ:
14. Հիվանդության կապակցությամբ` որոշակի առողջական ֆունկցիաների կորստի դեպքում, ավիացիոն մասնագետը անհապաղ տեղեկացնում է Ավիացիոն բժշկական կենտրոնին:
15. Ցանկացած դեղամիջոցի` բուժական կամ կանխարգելիչ նպատակով (իմունիզացիա) առաջին անգամ ընդունման դեպքում ավիացիոն մասնագետը անհապաղ իրազեկում է Ավիացիոն բժշկական կենտրոնին, իսկ նրա գործունեությունը այդ դեպքում դադարեցվում է առնվազն 24 ժամով:
16. Ավիացիոն մասնագետների (մինչև բժշկական սերտիֆիկատի գործողության ժամկետի ավարտը) առողջական վիճակը վատանալու դեպքում, եթե նրանք բուժօգնություն ստանալու համար այլ առողջապահական հաստատություն են դիմել, այդ մասին անհապաղ տեղեկացնում են բժշկական զննումն անցկացրած` Ավիացիոն բժշկական կենտրոնին: Մասնագիտական պարտականությունների կատարումը վերսկսելու հնարավորության հարցը նրանց բուժվելուց հետո որոշում են Ավիացիոն բժշկական կենտրոնի կողմից:
17. Բժշկական զննման արդյունքները հանդիսանում են բժշկական գաղտնիք և կարող են տրամադրվել այլ անձանց միայն Հայաստանի Հանրապետության օրենքով սահմանված դեպքերում և կարգով:
18. Ավիացիոն մասնագետի բժշկական պատմությունը` դրան վերաբերող բոլոր փաստաթղթերով պահվում է Ավիացիոն բժշկական կենտրոնի դրա համար հատուկ հատկացված տարածքում` դրանք երրորդ անձանց, ներառյալ Ավիացիոն բժշկական կենտրոնի բժիշկ-փորձագետներին հասանելի չլինելու համար:
19. Ավիացիոն բժշկական կենտրոնում ավիացիոն մասնագետների բժշկական պատմությունը պահպանվում է ավիացիոն մասնագետի մասնագիտական աշխատանքային գործունեության ողջ ընթացքում, որի ավարտից հետո ավիացիոն մասնագետի բժշկական պատմությունը կից փաստաթղթերով արխիվացվում է Հայաստանի Հանրապետության օրենքով սահմանված կարգով:
20. Առևտրային օդային փոխադրումներ իրականացնող ավիացիայի օդանավերի անձնակազմերի անդամները, բորտուղեկցորդները, օդային երթևեկության կառավարման կարգավարները և թռիչքների ղեկավարները, աերոդրոմի տարածքում շահագործվող տրանսպորտային միջոցների վարորդները յուրաքանչյուր թռիչքից կամ հերթափոխից առաջ անցնում են նախաթռիչքային կամ նախահերթափոխային բժշկական զննում Ավիացիոն բժշկական կենտրոնի օդանավակայանային կայանում:
| ԳԼՈՒԽ 2. |
ԱՎԻԱՑԻՈՆ ՄԱՍՆԱԳԵՏՆԵՐԻ ԲԺՇԿԱԿԱՆ ԶՆՆՄԱՆ ՆՊԱՏԱԿՆԵՐԸ ԵՎ ԻՐԱԿԱՆԱՑՈՒՄԸ |
21. Ավիացիոն մասնագետների բժշկական զննումը` սերտիֆիկատի տրամադրման կամ սերտիֆիկատի գործողության ժամկետի երկարացման համար, անցկացվում է Ավիացիոն բժշկական կենտրոնի կողմից:
22. Բժշկական զննման նպատակներն են` որոշել ըստ առողջական վիճակի պիտանիությունը, հոգեֆիզիոլոգիական որակների` թռիչքային աշխատանքի, օդային երթևեկության կառավարման, մասնագիտական գործունեության այլ տեսակների, քաղաքացիական ավիացիայի ուսումնական հաստատություններում սովորելու հնարավորությունը:
23. Ավիացիոն մասնագետների բժշկական զննումը կատարվում է անհատապես` Բժշկական սերտիֆիկատում նշված ժամկետներում, առանձին դեպքերում ավիացիոն մասնագետի ցանկությամբ կամ գործատուի նախաձեռնությամբ` Բժշկական սերտիֆիկատում նշված ժամկետից շուտ:
24. Ավիացիոն մասնագետները արտահերթ բժշկական զննում են անցնում Հայաստանի Հանրապետության սահմանից դուրս աշխատանքի մեկնելուց առաջ և վերադառնալուց հետո, երկարատև արձակուրդից (3 ամսից ավելի) հետո, կասեցված Բժշկական սերտիֆիկատի գործողության վերսկսման, նախքան նոր ավիացիոն տեխնիկայի վրա վերասովորելու ուսուցումից առաջ, ավիացիոն քիմիական աշխատանքներ և շոգ կլիմայով երկրներում և բևեռային արշավախմբերում աշխատանքի մեկնելուց և վերադառնալուց (գործուղման ժամկետը 3 ամսից ավելի):
25. Բժշկական զննման ենթակա ավիացիոն մասնագետները բժշկական զննման օրերին ազատվում են աշխատանքային պարտականությունների կատարումից, իսկ բժշկական զննման նախօրյակին նրանց տրվում է հանգստյան օր: Բժշկական զննումը ըստ ծավալների կատարվում է մեկից երեք աշխատանքային օրվա ընթացքում:
26. Ավիացիոն մասնագետների զննման ընթացքում կատարվում է բժշկական հետազոտություն` Ավիացիոն մասնագետի տարիքին, նախնական առողջական վիճակին և Բժշկական սերտիֆիկատի տեսակին Քաղաքացիական ավիացիայի միջազգային կազմակերպության (ԻԿԱՕ) «Ավիացիոն բժշկության ձեռնարկ» Դոկ 8984 2012 թվականի երրորդ հրատարակության փաստաթղթով ներկայացվող պահանջների ծավալով: Այն դեպքերում, երբ նախատեսված ստանդարտները լիարժեք հնարավորություն չեն ընձեռում առողջական վիճակի պիտանիությունը որոշելու համար, վերջնական բժշկական եզրակացությունը կատարվում է Ավիացիոն բժշկական կենտրոնի հայեցողությամբ հիմք ընդունելով`
1) միջազգային բժշկական պրակտիկայում կիրառված նույնանման դեպքերը,
2) ավիացիոն մասնագետի աշխատանքի բնույթը.
3) Գլխավոր վարչության ավիացիոն բժշկության գծով պատասխանատուի խորհրդատվությամբ հնարավոր սահմանափակումների կիրառման հնարավորությունը.
4) դիտարկում թռիչքի կատարման ընթացքում:
| ԳԼՈՒԽ 3. |
ԲԺՇԿԱԿԱՆ ԶՆՆՄԱՆ ԾԱՎԱԼՆԵՐԸ |
27. Ավիացիոն մասնագետի առաջին անգամ բժշկական զննման ծավալները հետևյալն են`
1) Ընդհանուր բժշկական պատմության հավաքում, ընդհանուր կլինիկական զննում` ներառյալ սրտաբանական քննություն, հենաշարժական համակարգի և վեստիբուլյար համակարգի կլինիկական գնահատում պետք է իրականացվի բոլոր հետազոտությունների ժամանակ, շեղումների հայտնաբերման կամ կասկածների դեպքում ցուցված է ուղեգրում լրացուցիչ գործիքային հետազոտությունների և մասնագիտական խորհրդատվության.
2) Սրտանոթային համակարգի հետազոտություն` ներառյալ ԷՍԳ, սրտանոթային հիվանդությունների ռիսկի գնահատում և արյան լիպիդային պրոֆիլի որոշում, 40 տարեկանից հետո տրեդմիլ թեստի իրականացում` «Դաս 1» և «Դաս 3» համար: «Դաս 3»-ի համար` ըստ ցուցումների.
3) Բժշկական սերտիֆիկատի համար աչքի և տեսողության սովորական քննությունը բոլոր երկարաձգման և վերականգնման հետազոտությունների բաղադրիչ մասն է կազմում: Ռեֆրակցիայի խանգարումների կամ աչքի ֆունկցիոնալ վիճակի փոփոխությունների դեպքում իրականացվում է մանրակրկիտ հետազոտություն.
4) Ակնաբանական համապարփակ հետազոտությունն իրականացվում է ակնաբույժի կողմից: «Դաս 1» և «Դաս 3» բժշկական սերտիֆիկատների համար առաջին անգամ բժշկական զննումն իրականացվում է խորացված կարգով: Համապարփակ ակնաբանական հետազոտության ծավալը ներառում է.
ա. Տեսողության սրության որոշում,
բ. Ներակնային ճնշման որոշում,
գ. Աչքի հատակի քննություն,
դ. Ակնագնդերի շարժողություն,
ե. Բինօկուլյար տեսողություն,
զ. Գունազգացություն (անոմալոսկոպիա կամ համարժեք),
է. Տեսադաշտերի որոշում,
ը. Ռեֆրակցիայի որոշում,
թ. Հետերոֆորիա.
5) «Դաս 2» բժշկական սերտիֆիկատի համար իրականացվում է սովորական ակնաբանական հետազոտություն հետևյալ ծավալով.
ա. բժշկական պատմություն,
բ. տեսողության սրության որոշում` մոտիկ, միջանկյալ և հեռու տեսողություն (առանց կոռեկցիայի կամ լավագույն կոռեկցիայի պայմաններում),
գ. արտաքին աչքի քննություն` անատոմիա, միջավայրեր, աչքի հատակ,
դ. հետագա հետազոտություն` ըստ կլինիկական ցուցումների:
Համապատասխան կլինիկական ցուցումների դեպքում նշանակվում է համապարփակ հետազոտություն:
6) Բժշկական սերտիֆիկատի երկարաձգման և վերականգնման հետազոտությունը իր մեջ ներառում է սովորական քիթ-կոկորդ-ականջաբանական հետազոտություն` բոլոր երկարաձգման և վերականգնման հետազոտությունների պարտադիր բաղադրիչն է.
7) Լսողության ստուգումն իրականացվում է բոլոր հետազոտությունների ժամանակ: Հետազոտվողը պետք է լսի խոսակցական տոնով խոսքը` 2 մ հեռավորությունից, մեջքով դեպի բժիշկ-փորձագետին` շրջված դիրքում: Մաքուր տոնային աուդիոմետրիա (բժշկական սերտիֆիկատի ժամկետի երկարաձգման ժամանակ աուդիոմետրիան իրականացվում է` մինչև 40 տարեկանը` 2 տարին մեկ անգամ` երկարաձգման հետազոտությունների շրջանակներում, իսկ 40 տարեկանից հետո` յուրաքանչյուր տարին մեկ անգամ).
8) Մանրակրկիտ քիթ-կոկորդ-ականջաբանական հետազոտություն` ներառյալ.
ա. Օթոսկոպիա,
բ. Բերանի, կոկորդի զննում,
գ. Մաքուր տոնային աուդիոմետրիա,
9) Շնչառական ֆունկցիայի հետազոտում` ներառյալ սպիրոմետրիա,
10) Մեզի քննություն` ներառյալ մեզի նստվածքի ընդհանուր քննություն,
11) Արյան քննություն` ներառյալ ընդհանուր ֆորմուլա-HB, էրիթրոցիտներ, թրոմբոցիտներ, լեյկոցիտների հաշվարկ, ԷՆԱ, հեմատոկրիտ,
12) բիոքիմիական քննություն գլյուկոզ, լիպիդային պրոֆիլ, ընդհանուր խոլեստերին, տրիգլիցերիդներ, GGT, CRP.
13) որովայնի խոռոչի օրգանների գերձայնային հետազոտություն,
14) հոգեբանական և հոգեբուժական գնահատում,
15) կրծքավանդակի ռենտգեն և ԷԷԳ` ըստ կլինիկական ցուցումների:
28. Բժշկական սերտիֆիկատների ժամկետների երկարաձգման և վերականգնման հետազոտությունների ծավալները ներառում են սույն կարգի 27-րդ կետի 1-ին, 2-րդ, 3-րդ, 4-րդ, 5-րդ, 6-րդ, 7-րդ, 10-րդ, 11-րդ, 12-րդ և 13-րդ ենթակետերով նախատեսվող հետազոտությունները` յուրաքանչյուր տարին մեկ անգամ, ինչպես նաև տեսողության համապարփակ հետազոտություն հետևյալ դեպքերում.
1) +5/-6 դիոպտրիա տեսողության խանգարումների դեպքում վերագնահատում` 2 տարին մեկ անգամ,
2) +5/-6 դիոպտրիայից բարձր տեսողության խանգարումների դեպքում վերագնահատում` յուրաքանչյուր տարին մեկ անգամ:
3) Ներակնային ճնշման որոշում` 40 տարեկանից հետո` յուրաքանչյուր տարին մեկ անգամ:
| ԳԼՈՒԽ 4. |
ԱՎԻԱՑԻՈՆ ՄԱՍՆԱԳԵՏԻ ԿՈՂՄԻՑ ՎԿԱՅԱԿԱՆ ՏՐԱՄԱԴՐԵԼՈՒ ՀԱՅՏԸ ՆԵՐԿԱՅԱՑՆԵԼԸ, ԲԺՇԿԱԿԱՆ ՎԿԱՅԱԿԱՆ ՏՐԱՄԱԴՐԵԼԸ ԿԱՄ ՀԱՅՏԸ ՄԵՐԺԵԼԸ |
29. Ավիացիոն մասնագետը կամ Հայաստանի Հանրապետության քաղաքացիական ավիացիայի ուսումնական հաստատություններում սովորելու թեկնածուն (այսուհետ` Հայտատու) Բժշկական սերտիֆիկատ առաջին անգամ ստանալու համար, կամ Բժշկական սերտիֆիկատի գործողության ժամկետը երկարաձգելու (Բժշկական սերտիֆիկատի գործողության ավարտի օրվանից առնվազն 10 աշխատանքային օր առաջ) համար Ավիացիոն բժշկական կենտրոն է ներկայացնում հայտ (այսուհետ` Հայտ)` համաձայն սույն կարգի Ձև 1-ի` կից ներկայացնելով հետևյալ փաստաթղթերը.
1) անձնագրի պատճենը.
2) զինգրքույկի պատճենը (ուսումնական հաստատություններում սովորելու թեկնածու արական սեռի ներկայացուցչի դեպքում).
3) տեղեկանքներ հոգենյարդաբանական և նարկոլոգիական դիսպանսերներից (առաջին անգամ բժշկական զննում անցնելու դեպքում).
4) առկայության դեպքում նաև նախկինում ցանկացած տեսակի բժշկական զննում անցնելը հավաստող փաստաթղթերը, ինչպես նաև գործող Բժշկական սերտիֆիկատը:
30. Ավիացիոն բժշկական կենտրոնը անհրաժեշտության դեպքում տրամադրում է խորհրդատվություն Հայտը լրացնելու վերաբերյալ: Հայտը ներկայացնելու օրը Հայտատուն տեղեկացվում է բուժզննման անցկացման օրվա և ժամի մասին:
31. Բժշկական զննման արդյունքում Ավիացիոն բժշկական կենտրոնի կողմից Հայտատուին Հայտը մուտք լինելու օրվանից առնվազն 10-օրյա ժամկետում տրամադրվում է Բժշկական սերտիֆիկատ, կամ Հայտը մերժվում է: Բժշկական սերտիֆիկատը կամ Հայտը մերժելու մասին համապատասխան ծանուցումը մեկօրյա ժամկետում տրամադրվում է Հայտատուին:
32. Տրամադրված Բժշկական սերտիֆիկատի պատճենը, Հայտատուի անձնական բժշկական գործը, բժշկական զննման բոլոր փաստաթղթերը պահպանվում են Ավիացիոն բժշկության կենտրոնում:
33. Բժշկական սերտիֆիկատը տրամադրելու օրվանից երկօրյա ժամկետում, բժշկական զննմանը վերաբերող բոլոր փաստաթղթերի պատճեններն ուղարկվում են Գլխավոր վարչություն:
34. Հայտը մերժվում է, եթե`
1) բժշկական զննման արդյունքներով հաստատվում է, որ ավիացիոն մասնագետը չի համապատասխանում Քաղաքացիական ավիացիայի միջազգային կազմակերպության (ԻԿԱՕ) «Ավիացիոն բժշկության ձեռնարկ» Դոկ 8984 2012 թվականի երրորդ հրատարակության փաստաթղթով սահմանված պիտանիության պահանջներին.
2) չեն պահպանվել սույն կարգի 29-րդ կետի պահանջները.
3) ներկայացված փաստաթղթերը և/կամ տեղեկություններն ակնհայտ կեղծ են:
35. Հայտը մերժելու մասին գրությունը ենթակա է բողոքարկման Հայաստանի Հանրապետության օրենքով սահմանված կարգով:
| ԳԼՈՒԽ 5. |
ԱՎԻԱՑԻՈՆ ՄԱՍՆԱԳԵՏԻ ԲԺՇԿԱԿԱՆ ՍԵՐՏԻՖԻԿԱՏԻ ԳՈՐԾՈՂՈՒԹՅՈՒՆԸ ԿԱՍԵՑՆԵԼԸ ԵՎ ԴԱԴԱՐԵՑՆԵԼԸ |
36. Բժշկական սերտիֆիկատի գործողությունը կասեցվում է եթե.
1) Ավիացիոն մասնագետը չի տեղեկացրել Ավիացիոն բժշկական կենտրոնին այլ բժշկական հաստատությունում չպլանավորված բժշկական միջամտության ենթարկվելու մասին.
2) չեն պահպանվել սույն կարգի 11-րդ և 12-րդ կետերով սահմանված դրույթները:
37. Ավիացիոն բժշկական կենտրոնը Բժշկական սերտիֆիկատի գործողությունը կասեցնելու մասին որոշումը մեկօրյա ժամկետում տրամադրում է ավիացիոն մասնագետին, ինչպես նաև դրա վերաբերյալ մեկօրյա ժամկետում տեղեկացնում է գործատուին, իսկ կասեցված Բժշկական սերտիֆիկատի և կից փաստաթղթերի պատճենները մեկօրյա ժամկետում տրամադրում է Գլխավոր վարչությանը:
38. Ավիացիոն մասնագետի բժշկական սերտիֆիկատի գործունեությունը կարող է վերսկսվել Ավիացիոն բժշկական կենտրոնի կողմից, եթե նոր բժշկական զննման արդյունքներով հաստատվել է ավիացիոն մասնագետի լիարժեք կամ մասնակի համապատասխանությունը պիտանիության պահանջներին:
39. Բժշկական սերտիֆիկատի գործողությունը դադարեցվում է, եթե.
1) սույն կարգի 16-րդ կետով սահմանված կարգով չպլանավորված բժշկական միջամտության ենթարկվելուց հետո Ավիացիոն բժշկական կենտրոնի կողմից իրականացված բժշկական զննման արդյունքներով հաստատվել է Քաղաքացիական ավիացիայի միջազգային կազմակերպության (ԻԿԱՕ) «Ավիացիոն բժշկության ձեռնարկ» Դոկ 8984 2012 թվականի երրորդ հրատարակության փաստաթղթով սահմանված պիտանիության պահանջներին այլևս չհամապատասխանելու փաստը.
2) Ավիացիոն մասնագետը չի տեղեկացրել Ավիացիոն բժշկական կենտրոնին այլ բժշկական հաստատությունում չպլանավորված բժշկական միջամտության ենթարկվելու մասին.
3) լրացել է և սույն կարգով սահմանված կարգով չի երկարաձգվել Բժշկական սերտիֆիկատի գործողության ժամկետը:
40. Ավիացիոն բժշկական կենտրոնը Բժշկական սերտիֆիկատի գործողությունը դադարեցնելու մասին որոշումը մեկօրյա ժամկետում տրամադրում է ավիացիոն մասնագետին, ինչպես նաև դրա վերաբերյալ մեկօրյա ժամկետում տեղեկացնում է գործատուին, իսկ դադարեցված Բժշկական սերտիֆիկատի և կից փաստաթղթերի պատճենները մեկօրյա ժամկետում տրամադրում է Գլխավոր վարչությանը:
41. Բժշկական սերտիֆիկատի գործողության դադարեցման դեպքում Ավիացիոն մասնագետը Ավիացիոն բժշկական կենտրոն է հանձնում Բժշկական սերտիֆիկատի բնօրինակը:
Ձև 1
Ավիացիոն մասնագետի կողմից Բժշկական սերտիֆիկատ ստանալու համար
Հայաստանի Հանրապետության կառավարությանն առընթեր քաղաքացիական
ավիացիայի գլխավոր վարչություն ներկայացվող հայտ
._____________________________________________________________________.
|(1) Սերտիֆիկատը տրամադրող|(2) Հայտը տրվում է ստանալու Դաս 1 [] Դաս |
|պետությունը |2/ LAPL [] Դաս 3 [] [] բժշկական սերտիֆիկատ |
|_________________________|___________________________________________|
|(3) Ազգանուն |(4) Նախկին ազգանուն(ներ) |(12) Հայտի |
| | |տեսակը: |
| | |Առաջնային |
| | |Երկարաձգում/ |
| | |վերականգնում |
|_________________________|_________________________|_________________|
|(5) Անուն (ներ) |(6) Ծննդյան |(7) Սեռը |(13) Հայտի |
| |ամսաթիվ |արական [] |համարը: |
| |(օր/ամիս/տարի)|իգական [] | |
|_________________________|_________________________|_________________|
|(8) Ծննդավայրը, երկիրը` |(9) Ազգությունը |(14) Հայտը |
| | |ներկայացվում է |
| | |վկայականի որ |
| | |տեսակի համար |
|_________________________|_________________________|_________________|
|(10) Բնակության/հաշվառման|(11) Փոստային հասցե (եթե |(15) Պաշտոնը |
|վայրը: |տարբերվում է) |(հիմնական): |
|Երկիր: |Երկիր: |_________________|
|Հեռախոսի |Հեռախոսի |(16) Գործատուն |
|Բջջային հեռախոս: | |_________________|
|E-mail: | |(17) Նախորդ |
| | |ավիաբժշկական |
| | |զննման ամսաթիվը |
| | |Երկիր/քաղաք/մարզ |
|_____________________________________________________________________|
|(18) Առկա վկայական(ներ)ի |(19) Բժշկական սերտիֆիկատի |
|տեսակը |սահմանափակումները, եթե |
|Համարը |այդպիսիք առկա են |
|Թողարկող պետությունը |Ոչ [] Այո [] |
| |Մանրամասներ |
|________________________________________|____________________________|
|(20) Երբևիցե որևէ լիցենզավորման |(21) |(22) Նախորդ |
|իրավասու մարմի կողմից մերժվել է բժշկական|Թռիչքային |բժշկական զննումից|
|սերտիֆիկատ ստանալու համար Ձեր կողմից |ընդհանուր |հետո Թռիչքային |
|ներկայացված հայտը կամ կասեցվել կամ ուժը |ժամանակը` |ընդհանուր |
|կորցրած ճանաչվել Ձեր սերտիֆիկատը | |ժամանակը` |
|Ոչ [] Այո [] |____________________________|
|Ամսաթիվ |(23) Ինչպիսի օդանավով եք |
|Երկիր` |թռիչքներ իրականացնում |
|Մանրամասներ` |ներկայումս |
|________________________________________|____________________________|
|(24) Ավիացիոն պատահար կամ որևէ բժշկական|(25) Ինչպիսի օդանավով եք |
|պատահար տեղի ունեցել է արդյոք վերջին |նախատեսում թռիչքներ |
|բժշկական զննումից հետո ընկած |իրականացնել. |
|ժամանակահատվածում |____________________________|
|Ոչ [] Այո [] |(26) Ներկա թռիչքային |
|Ամսաթիվ |գործունեության տեսակը. |
|Երկիր` |Եզակի օդաչու [] |
|Մանրամասներ` |Բազմաօդաչու թիմի անդամ [] |
|________________________________________|____________________________|
|(27) Ալկոհոլ օգտագործում եք |(28) Ներկայումս որևէ |
|Ոչ [] Այո [] |դեղամիջոց ընդունում եք |
|Քանակը` |Ոչ [] Այո [] |
| |Նշել դեղամիջոցը, դեղաչափը. |
| |Երբ եք սկսել ընդունումը և |
| |դրա պատճառը |
._____________________________________________________________________.
Ընդհանուր և բժշկական տեղեկություններ.Նշեք` այո կամ ոչ, արդյոք
ունեցել եք ստորև թվարկված առողջական խնդիրները: Եթե այո, ապա
խնդրում ենք մանրամասները գրել Նշումներ (30) վանդակում:
._________________________________________________________________________.
| |Այո|Ոչ| |Այո|Ոչ| |Այո|Ոչ| |Այո|Ոչ|
|___________|___|__|___________|___|__|__________|___|__|__________|___|__|
|101 Աչքի | | |112 Քթի, | | |123 | | |170 Սրտի | | |
|խնդիրներ/ | | |կոկորդի կամ| | |Մալարիա | | |հիվանդու- | | |
|աչքի վիրա- | | |խոսքի | | |կամ այլ | | |թյուն | | |
|հատություն | | |խնդիրներ | | |արևադար- | | | | | |
| | | | | | |ձային | | | | | |
| | | | | | |վարակներ | | | | | |
|___________|___|__|___________|___|__|__________|___|__|__________|___|__|
|102 Երբևէ | | |113 Գլխի | | |124 ՄԻԱՎ/ | | |171 Բարձր | | |
|կրել եք | | |վնասվածք | | |ՁԻԱՀ թեստի| | |զարկերա- | | |
|ակնոցներ | | |կամ սալջարդ| | |դրական | | |կային | | |
|և/կամ | | | | | |արդյունք | | |ճնշում | | |
|կոնտակտային| | | | | | | | | | | |
|լինզաներ | | | | | | | | | | | |
|___________|___|__|___________|___|__|__________|___|__|__________|___|__|
|103 Նախորդ | | |114 | | |125 | | |172 Խոլես-| | |
|բժշկական | | |Հաճախակի | | |Սեռական | | |տերինի | | |
|զննումից | | |կամ ուժեղ | | |ճանապարհով| | |բարձրացում| | |
|հետո | | |գլխացավեր | | |փոխանցվող | | | | | |
|ակնոցների | | | | | |հիվանդու- | | | | | |
|և/կամ | | | | | |թյուն | | | | | |
|կոնտակտային| | |___________|___|__|__________|___|__| | | |
|լինզաների | | |115 Գլխա- | | |126 Քնի | | | | | |
|դեղատոմսի | | |պտույտներ | | |խանգարում-| | | | | |
|փոփոխության| | |կամ ուշա- | | |ներ/ քնի | | | | | |
|կարիք | | |թափություն | | |ժամանակ | | | | | |
|ունեցել եք | | | | | |շնչառու- | | | | | |
| | | | | | |թյան կանգ | | | | | |
|___________|___|__|___________|___|__|__________|___|__|__________|___|__|
|104 Խոտային| | |116 Գիտակ- | | |127 | | |173 | | |
|տենդ/ այլ | | |ցության | | |Կմախքամկա-| | |Էպիլեպսիա | | |
|ալերգիաներ | | |կորուստ | | |նային | | | | | |
| | | |որևէ | | |հիվանդու- | | | | | |
| | | |պատճառով | | |թյուններ | | | | | |
|___________|___|__|___________|___|__|__________|___|__|__________|___|__|
|105 Ասթմա, | | |117 Նյարդա-| | |128 Որևէ | | |174 | | |
|թոքային | | |բանական | | |այլ հիվան-| | |Հոգեկան | | |
|հիվանդու- | | |խնդիրներ. | | |դություն | | |խանգարում-| | |
|թյուն | | |Ինսուլտ, | | |և/ կամ | | |ներ | | |
|___________|___|__|էպիլեպսիա, | | |վնասվածք | | | | | |
|106 Սրտի | | |ցնցումներ, | | |__________|___|__|__________|___|__|
|կամ | | |պարեզներ, | | |129 Հիվան-| | |175 Դիաբետ| | |
|անոթային |___|__|և այլն | | |դանոցային | | |__________|___|__|
|խնդիրներ | | | | | |բուժում | | |176 Տուբեր| | |
| | | | | | | | | |կուլոզ | | |
|___________|___|__|___________|___|__|__________|___|__|__________|___|__|
|107 Բարձր | | |118 Հոգեբա-| | |130 Վերջին| | |177 | | |
|կամ ցածր | | |նական/հոգե-| | |բժշկական | | |Ալերգիա/ | | |
|զարկերա- | | |բուժական | | |զննումից | | |ասթմա/ | | |
|կային | | |որևէ խնդիր| | |հետո բժշկի| | |էկզեմա | | |
|ճնշում | | | | | |դիմել եք | | | | | |
|___________|___|__|___________|___|__|__________|___|__|__________|___|__|
|108 Երիկամ-| | |119 | | |131 Կյանքի| | |178 Ժառան-| | |
|ներում քար | | |Ալկոհոլի/ | | |ապահովա- | | |գական | | |
|կամ մեզում | | |/թմրանյու- | | |գրության | | |խանգարում-| | |
|արյուն | | |թերի/ | | |հայտի | | |ներ | | |
| | | |հոգեմետ | | |մերժում | | | | | |
| | | |դեղամիջոց- | | | | | | | | |
| | | |ների | | | | | | | | |
| | | |չարաշահում | | | | | | | | |
|___________|___|__|___________|___|__|__________|___|__|__________|___|__|
|109 Դիաբետ,| | |120 Ինքնա- | | |132 | | |179 | | |
|հորմոնալ | | |սպանության | | |Թռիչքային | | |Գլաուկոմա | | |
|խանգարում- | | |փորձ | | |վկայականի | | | | | |
|ներ | | | | | |մերժում | | | | | |
| | | | | | | | | | | | |
|___________|___|__|___________|___|__|__________|___|__|__________|___|__|
|110 | | |121 Ծովային| | |133 | | |Միայն | | |
|Ստամոքսի, | | |հիվանդու- | | |Ռազմական | | |կանանց | | |
|լյարդի կամ | | |թյուն, | | |ծառայու- | | |վերաբերյալ| | |
|աղիքային | | |դեղամիջոց- | | |թյունից | | |__________|___|__|
|խնդիրներ | | |ների կարիք | | |ազատում | | |151 Հղի եք| | |
| | | |ունեցող | | |բժշկական | | | | | |
| | | | | | |ցուցում- | | | | | |
| | | | | | |ներով | | | | | |
|___________|___|__|___________|___|__|__________|___|__|__________|___|__|
|111 | | |122 Անեմիա/| | |134 | | |150 | | |
|Խլություն | | |բջջամանգա- | | |Վնասվածքի | | |Գինեկոլո- | | |
|կամ ականջի | | |ղաձև | | |կամ հիվան-| | |գիական, | | |
|խնդիրներ | | |անեմիա/ | | |դության | | |մենստրուալ| | |
| | | |արյան այլ | | |պատճառով | | |խանգարում-| | |
| | | |հիվանդու- | | |թոշակա- | | |ներ | | |
| | | |թյուններ | | |վորում | | | | | |
|_________________________________________________________________________|
|30. Նշումներ |
|_________________________________________________________________________|
|31.Հավաստագիր |
| Ստորագրությամբ հաստատում եմ, որ վերը նշված տեղեկատվությունը տրամադրել |
|եմ ճշմարիտ և լիարժեք, որքանով որ իրազեկ եմ, չեմ թաքցրել տեղեկություններ |
|և չեմ տրամադրել իրականությանը չհամապատասխանող փաստեր: |
| Ես գիտակցում եմ, որ իմ կողմից սույն հայտին առնչվող կեղծ |
|տեղեկատվություն տրամադրելու կամ որևէ բժշկական տեղեկատվություն թաքցնելու |
|դեպքում սերտիֆիկացման իրավասու մարմինը կարող է մերժել բժշկական սերտիֆիկատ|
|տրամադրելու մասին հայտը կամ առանց ազգային օրենսդրությամբ նախատեսվող որևէ |
|այլ պայմանների, կարող է կասեցնել կամ դադարեցնել իմ Բժշկական սերտիֆիկատի |
|գործողությունը: |
| Համաձայնություն բժշկական տեղեկատվության բացահայտման վերաբերյալ. |
|սույնով հաստատում եմ, որ այս հաշվետվության մեջ պարունակվող և կից |
|ներկայացվող ամբողջ տեղեկատվությունը կարող է հասանելի լինել ԱԲՓ-ին, |
|անհրաժեշտության դեպքում նաև իրավասու մարմնի ավիաբժշկական պատասխանատուին |
|և սերտիֆիկացման պետական իրավասու մարմնի ներկայացուցիչներին` ընդունելով, |
|որ այս փաստաթղթերը և դրանց էլեկտրոնային տարբերակները անհրաժեշտ են |
|բժշկական եզրակացության համար և պետք է պահպանվեն որպես պետական իրավասու |
|մարմնի սեփականություն` ազգային օրենսդրության համաձայն ապահովելով դրանց |
|հասանելիությունը ինձ և իմ բժշկին: Բժշկական գաղտնիքի պահպանումը պետք է |
|երաշխավորվի հետագա ամբողջ ժամանակահատվածի համար: |
| |
| /___________/ /________________________/ /_________________________/|
| Ամսաթիվ Դիմողի ստորագրությունը ԱԲՓ (ԱԲՊ) ստորագրությունը |
._________________________________________________________________________.
Ձև 2
.___________________________________________. .________________________.
|IX. Վկայականի|Class 1. |(dd/mm/yyyy)| | |II. վկայականի դասը / |
|գործողության |single pilot | | | |Class of medical |
|ժամկետի |Commercial | | | |Certificate |
|ավարտը |operations | | | | |
|Expiry date |carrying | | | |.________________. |
|of this |passengers | | | || 1 | 2 | LAPL | |
|certificate |______________|____________| | |.________________. |
| |Class 1. |(dd/mm/yyyy)| | | |
| |(CPL/ATPL | | | |XIII. Սահմանափակում(ներ)|
| |______________|____________| | |/Limitation (s) |
| |Class 2. (PPL)|(dd/mm/yyyy)| | |Կոդ/Code: |
| |______________|____________| | |Նկարագիր / Description |
| |LAPL |(dd/mm/yyyy)| | | |
|____________________________|____________| | |X. Թողարկման ամսաթիվ |
| |Բժշկական հետազոտության | | | |Date of issue |
| |ամսաթիվ/ | | | |(dd/mm/yyyy) |
| |Examination date: | | | | |
|_|__________________________|____________| | |Signature of issuing |
| | |(dd/mm/yyyy)| | |AME/ Medical assessor |
|_|__________________________|____________|_| | |
| | |(dd/mm/yyyy)| | |XI. Կնիք / Stamp |
|_|__________________________|____________|_| | |
| | |(dd/mm/yyyy)| | | |
|_|__________________________|____________|_| | |
| | |(dd/mm/yyyy)| | | |
|___________________________________________| | |
|MED. A. 020 Decrease in medical fitness | | |
|(a) Licence holders shall not exercise the | | |
|privileges of their licence and related | | |
|ratings or certificates at any time when | | |
|they: | | |
|(1) are aware of any decrease in | | |
|thei medical fitness which might render | | |
|them unable to safely exercise those | | |
|privileges; | | |
|(2) take or use any prescribed or | | |
|non-prescribed medication which is likely | | |
|to interfere with the safe exercise of the | | |
|privileges of the applicable licence; | | |
|(3) receive any medical, surgical or other | | |
|treatment that is likely to interfere with | | |
|flight safety. | | |
|(b) In addition, licence holders shall, | | |
|without undue delay, seek aero-medical | | |
|advice when they: | | |
|(1) have undergone a surgical operation or | | |
|invasive procedure; | | |
|(2) have commenced the regular use of any | | |
|medication; | | |
|(3) have suffered any significant personal | | |
|injury involving incapacity to function as | | |
|a member of the flight crew; | | |
|(4) have been suffering from any | | |
|significant illness involving incapacity to| | |
|function as a member of the flight crew; | | |
|(5) are pregnant; | | |
|________ 4 | |________ 3|
.___________________________________________. .________________________.
._____________________________. ._____________________________________.
|I. Իրավասու Մարմին, | |REPUBLIC of ARMENIA |
|երկիր / state of issue | |«_____» / «_____» |
|Հայաստան, ՀՀ ԿԱ ՔԱԳՎ / | |(բժշկական հաստատության անվանումը) |
|ARMENIA, GDCA | |(name of the medical centre) |
| | | |
|III. վկայականի N0 / | |ԲԺԻՇԿԱԿԱՆ ՎԿԱՅԱԿԱՆ |
|Certificate N0 | |MEDICAL CERTIFICATE |
| | |CLASS 1 / 2 / LAPL |
|IV. Վկայականը կրող անձի | | |
|ազգանունը, անունը | |Թողարկվել է համապատասխան/issued in |
|last and first name of holder| |accordance with ԵԱԱԳ/EASA Փարտ-Մեդ |
| | | |
|XIV. Ծննդյան ամսաթիվը | |(Part-Med), Փարտ-ԱՐԱ (Part-ARA), |
|Date of birth (DD/mm/yyyy) | |Փարտ-ՕՐԱ (Part-ORA), Փարտ-ՍիՍի |
| | |(PART-CC) |
|VI. Ազգությունը/Nationality | | |
| | |Վերաբերվում է Թռիչքային Անձնակազմի |
|VII. Վկայականը կրող անձի | |Վկայականին/ Pertaining to a Flight |
|ստորագրությունը | |Grew Licence |
|signature of holder | |Այս Բժիշկական Վկայականը |
| | |համապատասխանում է ԻԿԱՕ չափանիշներին, |
| | |բացառությամբ LAPL վկայականի/ |
| ________ 2 | |This Medical Certificate complies |
| | |with ICAO standardԺs except for the |
| | |LAPL certificate |
._____________________________. ._____________________________________.
Ձև 3
.___________________________. ._____________________________________.
|II. վկայականի դասը / | |I. Հայաստան, ՀՀ ԿԱ ՔԱԳՎ |
|Class of medical | |ARMENIA, GDCA |
|Certificate | | |
| .______. | |III. վկայականի N0 / Certificate N0 |
| | 3 | | | |
| .______. | |IV. Վկայականը կրող անձի ազգանունը, |
| | |անունը last and first name of holder |
|XIII. Գործում է մինչև | | |
|Expiry date (dd/mm/yyyy) | |XIV. Ծննդյան ամսաթիվը |
| | |Date of birth (dd/mm/yyyy) |
|X. Թողարկման ամսաթիվ | | |
|Date of issue (dd/mm/yyyy) | |VI. Ազգությունը/Nationality |
|Signature of issuing AME/ | | |
|Medical assessor | |VII. Վկայականը կրող անձի |
| | |ստորագրությունը signature of holder |
|XI. Կնիք / Stamp | | |
| ________ 4 | |________ 3 |
.___________________________. ._____________________________________.
.___________________________. ._____________________________________.
|Սահմանափակումներ/Limitation| |REPUBLIC of ARMENIA |
| | |«____» / «____» |
|Description | |(բժշկական հաստատության անվանումը) |
| | | |
| | |(name of the medical centre) |
| | | |
| | |ԲԺԻՇԿԱԿԱՆ ՎԿԱՅԱԿԱՆ |
| | |MEDICAL CERTIFICATE |
| | | CLASS 3 |
| | |Թողարկվել է համապատասխան/issued in |
| | |accordance with ԻԿԱՕ/ICAO Դոկ/DOC |
| | |8984, Եվրոկոնտրոլի չափորոշիչներին/ |
| | |Eurocontrol standarts, ԵԱԱԳ/EASA |
| | |Փարտ-Մեդ (Part-Med), |
| | |Վերաբերվում է օդային երթևեկության |
| | |կառավարման կարգավարներին |
| | |Pertaining to an air traffic |
| ________ 2 | |controllers |
.___________________________. ._____________________________________.
._________________________________________________________________________.
|Սկզբնական |ԱԲԿ/AMC |Սկզբնական բժշկական հետազոտում/ |
|հետազոտում/ | |Initial medical examination |
|Initial | | |
|examination | |(dd/mm/yyyy) Պետությունը/State |
|_________________|________________|______________________________________|
|Բժշկական |ԱԲԿ/AMC |Ամսաթիվը/ |Նախորդ/Last |Հաջորդող/ |
|սերտիֆիկատի | |Date | |Next |
|թողարկում/ | | | | |
|Issue of medical | | | | |
|certificate | | | | |
|_________________|________________|____________|____________|____________|
|Բժշկական |1 տարի/1 year |Ընդհանուր |(dd/mm/yyyy)|(dd/mm/yyyy)|
|սերտիֆիկատի | |զննում/ | | |
|վավերականու- | |General | | |
|թյունը/ | |examination | | |
|Validity of | | | | |
|medical | | | | |
|certificate | | | | |
|_________________|________________|____________|____________|____________|
|Արյան |Սկզբնական |Էլեկտրասրտա-|(dd/mm/yyyy)|(dd/mm/yyyy)|
|հետազոտություն/ |հետազոտմամբ/ |գրում/ | | |
|Blood tests |Initial |Electro- | | |
| |examination |cardiogram | | |
| |1 տարի/1 year | | | |
|_________________|________________|____________|____________|____________|
|Կրծքավանդակի |Ըստ բժշկական |Աուդիոգրամ/ |(dd/mm/yyyy)|(dd/mm/yyyy)|
|ռենտգեն և ԷԷԳ/ |ցուցումների/ |Audiogram | | |
|Chest X-Ray and |If medically | | | |
|EEC |indicated | | | |
|_________________|________________|____________|____________|____________|
|Էլեկտրասրտագրում/|Սկզբնական |Ակնաբանական |(dd/mm/yyyy)|(dd/mm/yyyy)|
|Electrocardiogram|հետազոտմամբ/ |հետազոտու- | | |
| |Initial |թյուն/ | | |
| |examination |Ophthalmo- | | |
| |1 տարի/1 year |logical | | |
| | |examination | | |
|_________________|________________|______________________________________|
| | | ________ 6 | ________ 5 |
|_________________|________________|______________________________________.
| Աուդիոգրամ/ |Սկզբնական |
| Audiogram |հետազոտմամբ/ |
| |Initial |
| |examination |
| |Մինչև 40 |
| |տարին - 2 տարին |
| |մեկ անգամ/ |
| |Under 40 - 2 |
| |yearly |
| |40 տարեկանից |
| |հետո - ամեն |
| |տարի/ |
| |Over 40 years - |
| |1 yearly |
|_________________|________________|
|Համապարփակ |Նախնական |
|ակնաբանական |հետազոտմամբ/ |
|հետազոտություն/ |Initial |
|Comprehensive |examination |
|ophtalmological |Մինչև +5/-6 |
|examination |դիոպտրիա - 2 |
| |տարին մեկ անգամ/|
| |Within +5/-6 |
| |dioptres - 2 |
| |yearly |
| |+5/-6 |
| |դիոպտրիայից |
| |բարձր - ամեն |
| |տարի/ |
| |Above +5/-6 |
| |dioptres-1 year |
|_________________|________________|
|Ներակնային ճնշման|40 տարեկանից |
|չափում/Tonometria|հետո- ամեն տարի/|
| |Over 40 years - |
| |1 year |
|_________________|________________|
|Արտաքին շնչառական|Սկզբնական |
|ֆունկցիայի |հետազոտմամբ: |
|որոշում/ |Կրկնակի |
|Pulmonary |հետազոտու- |
|function test |թյունը` ըստ |
| |բժշկական |
| |ցուցումների/ |
| |Initial |
| |examination. |
| |At renewal if |
| |medicaly |
| |indicated |
|_________________|________________|
|Մեզի քննություն/ |Յուրաքանչյուր |
|Urinalysis |հետազոտության |
| |ժամանակ/ |
| |At every |
| |examination |
| | |
| ________ 8 | ________ 7|
| | |
.__________________________________.