124.0005.070203
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«07» 02 2003 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12403045
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՐԿԱՅԻՆ ՊԵՏԱԿԱՆ ԾԱՌԱՅՈՒԹՅՈՒՆ ՀՐԱՄԱՆ
3 փետրվարի 2003 թվականի N 03/05-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ՆԱԽԱՐԱՐՈՒԹՅԱՆ 18.12.2001 ԹՎԱԿԱՆԻ N 02/1996 ՀՐԱՄԱՆՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հիմք ընդունելով «Հայաստանի Հանրապետության իշխանության մարմինների ղեկավար աշխատողների գույքի և եկամուտների հայտարարագրման մասին» Հայաստանի Հանրապետության օրենքի 9 հոդվածի «ա» կետը և նպատակ ունենալով կարգավորել Հայաստանի Հանրապետության իշխանության մարմինների ղեկավար աշխատողների գույքի և եկամուտների հայտարարագրման հետ կապված մի քանի հարցեր`
ՀՐԱՄԱՅՈՒՄ ԵՄ`
Հայաստանի Հանրապետության պետական եկամուտների նախարարության 18.12.2001 թվականի N 02/1996 հրամանով հաստատված «Հայաստանի Հանրապետության իշխանության մարմինների ղեկավար աշխատողների գույքի և եկամուտների հայտարարագրման մի քանի հարցերի մասին» հրահանգչական նամակի 1-ին կետը լրացնել նոր «գ» ենթակետով հետևյալ բովանդակությամբ`
i
«գ) Հայաստանի Հանրապետության կենտրոնական բանկի խորհրդի աշխատակազմի ստորաբաժանումների ղեկավարներ, գլխավոր գրասենյակի ստորաբաժանումների ղեկավարներ և տարածքային ստորաբաժանումների ղեկավարներ են համարվում Հայաստանի Հանրապետության կենտրոնական բանկի վարչությունների պետերն ու կենտրոնների տնօրենները:»: