ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐՈՒԹՅՈՒՆ
ՈՍՏԻԿԱՆՈՒԹՅԱՆ ՊԵՏ-ՆԵՐՔԻՆ ԳՈՐԾԵՐԻ ՆԱԽԱՐԱՐԻ ՏԵՂԱԿԱԼ ՀՐԱՄԱՆ
թիվ 4-Ն
ՖԻԶԻԿԱԿԱՆ ԵՎ ԻՐԱՎԱԲԱՆԱԿԱՆ ԱՆՁԱՆՑ ՔԱՂԱՔԱՑԻԱԿԱՆ ԵՎ ԾԱՌԱՅՈՂԱԿԱՆ ԶԵՆՔԻ ՀԱՄԱՊԱՏԱՍԽԱՆ ԹՈՒՅԼՏՎՈՒԹՅՈՒՆ ՏՐԱՄԱԴՐԵԼՈՒ, ԶԵՆՔԸ ՓՈԽԱՆՑԵԼՈՒ, ՕՏԱՐԵՐԿՐՅԱ ՔԱՂԱՔԱՑԻՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՔԱՂԱՔԱՑԻԱԿԱՆ ԶԵՆՔ ՁԵՌՔ ԲԵՐԵԼՈՒ ԿԱՐԳԸ, ԹՈՒՅԼՏՎՈՒԹՅՈՒՆՆԵՐԻ ՁԵՎԵՐԸ ՍԱՀՄԱՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ 2002 ԹՎԱԿԱՆԻ ՄԱՐՏԻ 15-Ի N 101 ՀՐԱՄԱՆՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
(1-ին մաս)
Ղեկավարվելով «Նորմատիվ իրավական ակտերի մասին» օրենքի 36-րդ հոդվածի 1-ին մասի 1-ին կետով և 37-րդ հոդվածով, հիմք ընդունելով «Զենքի շրջանառության կարգավորման մասին» օրենքի 11-րդ հոդվածի 7-րդ մասի, 18-րդ հոդվածի 1-ին մասի, 29-րդ հոդվածի 4-րդ մասի պահանջները.
ՀՐԱՄԱՅՈՒՄ ԵՄ
1. Սահմանել` ֆիզիկական և իրավաբանական անձանց քաղաքացիական և ծառայողական զենքի համապատասխան թույլտվություն տրամադրելու, զենքը փոխանցելու, օտարերկրյա քաղաքացիների կողմից Հայաստանի Հանրապետությունում քաղաքացիական զենք ձեռք բերելու կարգը` համաձայն հավելված 1-ի:
2. Սահմանել` ֆիզիկական և իրավաբանական անձանց տրվող քաղաքացիական և ծառայողական զենքի համապատասխան թույլտվությունների ձևերը` համաձայն հավելված 2-ի:
3. Հայաստանի Հանրապետության ներքին գործերի նախարարության ոստիկանության հասարակական անվտանգության ապահովման գլխավոր վարչության և ոստիկանության տարածքային ստորաբաժանումների պետերին` սույն հրամանն իրազեկել ողջ անձնակազմին և մեկամսյա ժամկետում թույլտվության համակարգի աշխատանքները կազմակերպել հրամանի պահանջներին համապատասխան:
4. Հայաստանի Հանրապետության ներքին գործերի նախարարության ոստիկանության հասարակական անվտանգության ապահովման գլխավոր վարչության պետին` վեցամսյա ժամկետում կազմակերպել վարչությունում պահվող քաղաքացիների անվամբ հաշվառված զենքերի թղթային անձնական գործերի տեղափոխումը տարածքային ստորաբաժանումներ:
5. Հայաստանի Հանրապետության ներքին գործերի նախարարության ոստիկանության տնտեսական վարչության պետին` մեկամսյա ժամկետում տպագրել հրամանով նախատեսվող անհրաժեշտ քանակությամբ մատյաններ և ձևաթղթեր:
i
6. Ուժը կորցրած ճանաչել Հայաստանի Հանրապետության ներքին գործերի նախարարության 2002 թվականի մարտի 15-ի «Ներքին գործերի մարմինների կողմից Հայաստանի Հանրապետության տարածքում քաղաքացիական ու ծառայողական զենքի և դրա փամփուշտների շրջանառության նկատմամբ իրականացվող վերահսկողության կարգի մասին» 101 հրամանը:
7. Սույն հրամանն ուժի մեջ է մտնում «Զենքի շրջանառության կարգավորման մասին» օրենքի ուժի մեջ մտնելու օրը:
ՈՍՏԻԿԱՆՈՒԹՅԱՆ ԳԵՆԵՐԱԼ-ՄԱՅՈՐ Ա. ՀՈՎՀԱՆՆԻՍՅԱՆ
11 մայիսի 2023 թ.
ք. Երևան
Հավելված 1
ՀՀ ներքին գործերի
նախարարության ոստիկանության
պետ-ներքին գործերի
նախարարի տեղակալի
2023 թվականի մայիսի 11-ի
N 4-Ն հրամանի
ԿԱՐԳ
ՖԻԶԻԿԱԿԱՆ ԵՎ ԻՐԱՎԱԲԱՆԱԿԱՆ ԱՆՁԱՆՑ ՔԱՂԱՔԱՑԻԱԿԱՆ ԵՎ ԾԱՌԱՅՈՂԱԿԱՆ ԶԵՆՔԻ ՀԱՄԱՊԱՏԱՍԽԱՆ ԹՈՒՅԼՏՎՈՒԹՅՈՒՆ ՏՐԱՄԱԴՐԵԼՈՒ, ԶԵՆՔԸ ՓՈԽԱՆՑԵԼՈՒ, ՕՏԱՐԵՐԿՐՅԱ ՔԱՂԱՔԱՑԻՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՔԱՂԱՔԱՑԻԱԿԱՆ ԶԵՆՔ ՁԵՌՔ ԲԵՐԵԼՈՒ
1. Սույն կարգով սահմանվում են ֆիզիկական և իրավաբանական անձանց քաղաքացիական և ծառայողական զենք ձեռք բերելու, պահելու և օգտագործելու, պահելու և կրելու, կրելու, օտարերկրյա քաղաքացիների կողմից Հայաստանի Հանրապետությունում քաղաքացիական զենք ձեռք բերելու համապատասխան թույլտվություն տրամադրելու համար ներկայացվող փաստաթղթերն ընդունելու, ուսումնասիրելու ու թույլտվությունները ձևակերպելու, զենքը փոխանցելու պայմաններն ու պահանջները:
2. Համաձայն «Զենքի շրջանառության կարգավորման մասին» օրենքի 11-րդ հոդվածի` Հայաստանի Հանրապետության ներքին գործերի նախարարության ոստիկանության (այսուհետ` Ոստիկանության) տարածքային ստորաբաժանումներն իրենց կողմից սպասարկվող վարչական տարածքում իրավունք ունեն տրամադրելու հետևյալ թույլտվությունները`
1) Հայաստանի Հանրապետության քաղաքացիներին` քաղաքացիական և ծառայողական զենք ձեռք բերելու թույլտվություն` վեց ամիս գործողության ժամկետով.
2) Հայաստանի Հանրապետության քաղաքացիներին` քաղաքացիական և ծառայողական զենք (բացառությամբ որպես պարգև ստացած զենքերի) պահելու և կրելու թույլտվություն` 10 տարի գործողության ժամկետով` յուրաքանչյուր անգամ 10 տարով երկարաձգելու իրավունքով.
3) Հայաստանի Հանրապետության քաղաքացիներին գազային զենք պահելու և կրելու թույլտվություն` անժամկետ:
3. Սույն կարգի 2-րդ կետում նշված թույլտվությունները ստորագրում է այն ձևակերպած Ոստիկանության տարածքային ստորաբաժանման լիազոր պաշտոնատար անձը: Ոստիկանության Երևան քաղաքի և մարզային վարչություններն իրենց կողմից սպասարկվող վարչական տարածքում տալիս են 2-րդ կետի 1-ին, 2-րդ և 3-րդ ենթակետերում նշված թույլտվությունները` հետագայում Ոստիկանության տարածքային ստորաբաժանում պարտադիր տեղեկացման պայմանով: Թույլտվությունները ստորագրում է Ոստիկանության մարզային (Երևան քաղաքի վարչության) ստորաբաժանման պետը կամ նրա տեղակալը:
4. Ոստիկանության հասարակական անվտանգության ապահովման գլխավոր վարչության (այսուհետև` ՀԱԱԳ վարչություն) հասարակական կարգի ապահովման վարչությունը (այսուհետև` ՀԿԱՎ) Հայաստանի Հանրապետության տարածքում, իր իրավասության սահմաններում վերահսկողություն է իրականացնում զենքի շրջանառության նկատմամբ և տալիս է «Զենքի շրջանառության կարգավորման մասին» օրենքով նախատեսված հետևյալ թույլտվությունները.
Իրավաբանական անձանց`
1) քաղաքացիական և ծառայողական զենք, հրազենի հիմնական բաղկացուցիչ մասեր, փամփուշտներ ձեռք բերելու թույլտվություններ` վեց ամիս գործողության ժամկետով.
2) քաղաքացիական և ծառայողական զենք, հրազենի հիմնական բաղկացուցիչ մասեր, փամփուշտներ ներկրելու, արտահանելու, տարանցիկ փոխադրելու թույլտվություն` վեց ամիս գործողության ժամկետով.
3) զենք պահելու և օգտագործելու թույլտվություն` 10 տարի գործողության ժամկետով` յուրաքանչյուր անգամ 10 տարով երկարաձգելու իրավունքով.
4) զենքի հավաքածու կազմելու թույլտվություն` 10 տարի գործողության ժամկետով` յուրաքանչյուր անգամ 10 տարով երկարաձգելու իրավունքով.
5) զենքի հավաքածու ցուցադրելու թույլտվություն` վեց ամիս գործողության ժամկետով.
6) հատուկ կանոնադրական խնդիրներ իրականացնող իրավաբանական անձանց աշխատողների զենք կրելու թույլտվություն` հինգ տարի գործողության ժամկետով` յուրաքանչյուր անգամ հինգ տարով երկարաձգելու իրավունքով.
Ֆիզիկական անձանց`
7) քաղաքացիական և ծառայողական զենք ձեռք բերելու թույլտվություն` վեց ամիս գործողության ժամկետով.
8) գազային զենք պահելու և կրելու թույլտվություն` անժամկետ.
9) քաղաքացիական և ծառայողական զենք (բացառությամբ սառը և գազային զենքերի) պահելու և կրելու թույլտվություն` 10 տարի գործողության ժամկետով` յուրաքանչյուր անգամ 10 տարով երկարաձգելու իրավունքով.
10) զենքի հավաքածու կազմելու թույլտվություն` 10 տարի գործողության ժամկետով` յուրաքանչյուր անգամ 10 տարով երկարաձգելու իրավունքով.
11) զենքի հավաքածու ցուցադրելու թույլտվություն` վեց ամիս գործողության ժամկետով.
12) որպես պարգև ստացած զենքը պահելու և կրելու թույլտվություն` անժամկետ.
13) զենք, հրազենի հիմնական բաղկացուցիչ մասեր, փամփուշտներ ներկրելու կամ արտահանելու թույլտվություն` վեց ամիս գործողության ժամկետով.
14) որպես պարգև ստացած և կրակոց արձակելու համար ոչ պիտանի դարձրած (մալած) մարտական կամ ծառայողական զենքը ժառանգելու դեպքում պահելու թույլտվություն` անժամկետ:
Օտարերկրյա քաղաքացիներին`
15) քաղաքացիական զենք ձեռք բերելու, հրազենի հիմնական բաղկացուցիչ մասեր և փամփուշտներ արտահանելու թույլտվություն` հնգօրյա գործողության ժամկետով.
16) Հայաստանի Հանրապետությունից որպես պարգև տրված զենք արտահանելու թույլտվություն` երկու ամիս գործողության ժամկետով:
5. Ոստիկանության ՀԱԱԳ վարչության ՀԿԱՎ-ի կողմից 4-րդ կետի 8-րդ և 10-րդ ենթակետերում նշված թույլտվություններ (բացառությամբ պարգևատրված զենքերով) տալու դեպքում, հետագա հաշվառման համար նյութերն ուղարկվում են զենքի սեփականատիրոջ բնակության վայրի Ոստիկանության տարածքային ստորաբաժանում: Ոստիկանության տարածքային ստորաբաժանումներում թղթային հաշվառումն իրականացվում է յուրաքանչյուր քաղաքացու համար մեկ անձնական գործ կազմելու միջոցով, որը ներառում է վերջինիս պատկանող քաղաքացիական և ծառայողական զենքերի հաշվառման համար անհրաժեշտ փաստաթղթերը: Թույլտվությունները ստորագրում է վարչության պետը կամ նրա տեղակալը:
6. Սույն հրամանի 2-րդ հավելվածով սահմանված թույլտվությունների ձևերը Ոստիկանության տպարանից պատվիրում են Ոստիկանության թույլտվություն տրամադրող ստորաբաժանումները:
7. Զենք ձեռք բերելու թույլտվություններ ստանալու համար ներկայացվող փաստաթղթերը քննարկվում են 23 աշխատանքային օրվա ընթացքում, իսկ զենք կրելու, պահելու և կրելու, պահելու և օգտագործելու, զենքի հավաքածու կազմելու, դրանք ցուցադրելու թույլտվությունները տրվում են 5 աշխատանքային օրվա ընթացքում:
8. Թույլտվությունները տրվում, դրանք երկարաձգվում, վերաձևակերպվում կամ վերականգնվում են «Պետական տուրքի մասին» օրենքով սահմանված պետական տուրքը վճարելուց հետո:
9. «Պետական տուրքի մասին» օրենքի 281-րդ հոդվածի համաձայն` ուսումնական հաստատություններն ազատվում են զենք ձեռք բերելու լիցենզիաների և զենք պահելու և օգտագործելու թույլտվությունների համար նախատեսված պետական տուրքի վճարումներից: Զենքով պարգևատրված անձինք, Հայաստանի Հանրապետության Ազգային ժողովի պատգամավորները, Սահմանադրական դատարանի դատավորները, Հայաստանի Հանրապետության կառավարության անդամները, դատավորները, դատախազները, քննիչները, գլխավոր դատախազի որոշմամբ` դատախազության մյուս աշխատողները, ինչպես նաև պետական ռազմականացված կազմակերպությունների զինծառայողները և կենսաթոշակի անցած աշխատակիցներն ազատվում են իրենց ժամանակավորապես հատկացված զենքը պահելու և կրելու թույլտվության համար նախատեսված պետական տուրքի վճարումներից:
10. Օտարերկրյա քաղաքացիները կարող են զենքի ցուցահանդեսին, որսորդությանը կամ սպորտային միջոցառումներին մասնակցելու նպատակով ներկրել միայն քաղաքացիական զենք` որսորդական տնտեսություն վարող կազմակերպության հրավերի և այդ կազմակերպության հետ կնքված պայմանագրի, սպորտային միջոցառումներին մասնակցելու հրավերի և Հայաստանի Հանրապետության ոստիկանության թույլտվության առկայության դեպքում: Այդ զենքը Հայաստանի Հանրապետությունից արտահանվում է պայմանագրում կամ հրավերում նշված ժամկետում և համապատասխանության գնահատման չի ենթարկվում: Օտարերկրյա քաղաքացիների կողմից զենքի ցուցահանդեսին, որսորդությանը կամ սպորտային միջոցառումներին մասնակցելու նպատակով իրենց պատկանող քաղաքացիական զենքն ու փամփուշտները Հայաստանի Հանրապետության տարածք ներկրելու մասին դիմումները ներկայացնում են նրանց հետ պայմանագիր կնքած կամ սահմանված կարգով հրավերք ուղարկած իրավաբանական անձի միջոցով: Օտարերկրյա քաղաքացիները Հայաստանի Հանրապետությունում կարող են քաղաքացիական զենք ձեռք բերել օտարերկրյա պետությունների դիվանագիտական ներկայացուցչությունների միջնորդության հիման վրա, պայմանով, որ զենքը ձեռք բերելու օրվանից հինգ օրվա ընթացքում արտահանվի Հայաստանի Հանրապետությունից:
11. Ֆիզիկական և իրավաբանական անձանց կողմից ներկայացված դիմումները, նրանց մասին տեղեկությունները գրանցվում են դիմումները գրանցելու և տրված թույլտվությունները հաշվառելու մատյանում (Ձև 14), որտեղ գրանցվում են նաև ներկայացված փաստաթղթերի անվանումներն ու նրանց ուսումնասիրությունների արդյունքները, նշում է կատարվում թույլտվություն տալու վերաբերյալ, իսկ մերժելու դեպքում` նշվում են պատճառները: Գրանցման ժամանակ ստուգվում են քաղաքացիների դիմումներում նշված անձնագրային տվյալները, իսկ իրավաբանական անձանցից ստացված նյութերում ստուգվում են կանոնադրական դրույթների, հիմնադիր և գրանցման փաստաթղթերի համապատասխանությունը սույն կարգի պահանջներին:
12. Թույլտվություն ստանալու դիմումը Ոստիկանությունը մերժում է, եթե`
1) դիմողը ներկայացրել է ոչ ճիշտ տեղեկատվություն, կամ ներկայացված փաստաթղթերը ամբողջական չեն կամ ներկայացվել են անճշտություններով, և սահմանված ժամկետում դիմումատուն չի վերացրել նշված թերությունները.
2) դիմողը չի ապահովել զենք պահելու անհրաժեշտ պայմանները.
3) առկա է «Զենքի շրջանառության կարգավորման մասին» օրենքի 17-րդ հոդվածի 7-րդ մասով նախատեսված հիմքերից որևէ մեկը:
13. Օտար լեզվով կազմված փաստաթղթերին կցվում են դիվանագիտական ներկայացուցչությունների, հյուպատոսությունների, Հայաստանի Հանրապետության նոտարների, կամ Հայաստանի Հանրապետության օրենսդրությամբ սահմանված կարգով, այն հաստատելու իրավունք ունեցող այլ մարմինների կողմից վավերացված թարգմանությունները:
14. Իրավաբանական և ֆիզիկական անձանց կողմից ներկայացված փաստաթղթերը ուսումնասիրելուց, ձեռք բերվող զենքի և դրանց փամփուշտների, հրազենի հիմնական բաղկացուցիչ մասերի տեխնիկապես պիտանի, ստուգելու նպատակով կրակված լինելու և ձեռք բերելու (ստանալու) օրինականությունն ուսումնասիրելուց հետո թույլտվություն տալու մասին դրական որոշում կայացնելուց հետո Ոստիկանության ստորաբաժանումների կողմից տրվում են հետևյալ թույլտվությունները (թույլատրող փաստաթղթերը).
Իրավաբանական անձանց`
1) իրավաբանական անձանց համար քաղաքացիական և ծառայողական զենք, հրազենի հիմնական բաղկացուցիչ մասեր, փամփուշտներ ձեռք բերելու թույլտվություն (Ձև 3).
2) քաղաքացիական և ծառայողական զենք, հրազենի հիմնական բաղկացուցիչ մասեր, փամփուշտներ ներկրելու, արտահանելու, տարանցիկ փոխադրելու թույլտվություն (եզրակացություն` թույլատրող փաստաթուղթ).
3) զենքի հավաքածու կազմելու թույլտվություն (Ձև 10).
4) զենքի հավաքածու ցուցադրելու թույլտվություն (Ձև 11).
5) զենք պահելու և օգտագործելու թույլտվություն (Ձև 9).
ա. հատուկ կանոնադրական խնդիրներ իրականացնող իրավաբանական անձանց,
բ. ուսումնական հաստատություններին,
գ. մարզական և որսորդական տնտեսություն վարող կազմակերպություններին,
դ. հրաձգարաններին,
ե. մասնագիտացված հատուկ լաբորատորիաներին,
զ. զենքի առևտրով զբաղվող իրավաբանական անձանց,
է. արտադրանքի գնդակակայունության փորձարկումներ իրականացնող իրավաբանական անձանց,
ը. Հայաստանի Հանրապետության կրթության գիտության մշակույթի և սպորտի նախարարությունում հավատարմագրված զենքի պատմամշակութային և արվեստաբանական փորձաքննություն իրականացնող իրավաբանական անձանց (սույն թույլտվությունը ստանալիս ներկայացվում է նաև Հայաստանի Հանրապետության կրթության գիտության մշակույթի և սպորտի նախարարության հավատարմագիրը` նշված գործունեությամբ զբաղվելու վերաբերյալ),
թ. պահեստային գործառույթ իրականացնող իրավաբանական անձանց,
ժ. զենքի հավաքածու ունեցող իրավաբանական անձանց,
ի. զենքի ցուցադրությամբ զբաղվող իրավաբանական անձանց:
Ֆիզիկական անձանց`
6) Հայաստանի Հանրապետության քաղաքացիներին` քաղաքացիական և ծառայողական զենք ձեռք բերելու թույլտվություն (Ձև 1).
7) օտարերկրյա քաղաքացիներին` Հայաստանի Հանրապետությունում քաղաքացիական զենք ձեռք բերելու թույլտվություն (Ձև 2).
8) Հայաստանի Հանրապետության քաղաքացիներին` քաղաքացիական կամ ծառայողական զենք (փամփուշտներ) ներկրելու թույլտվություն (եզրակացություն` թույլատրող փաստաթուղթ).
9) օտարերկրյա քաղաքացիներին` քաղաքացիական զենք (փամփուշտներ) ներկրելու (արտահանելու) թույլտվություն (եզրակացություն` թույլատրող փաստաթուղթ).
10) Հայաստանի Հանրապետության քաղաքացիներին` զենքի հավաքածու կազմելու թույլտվություն (Ձև 12).
11) Հայաստանի Հանրապետության քաղաքացիներին` զենքի հավաքածու ցուցադրելու թույլտվություն (Ձև 13).
12) քաղաքացիական և ծառայողական զենք պահելու և կրելու թույլտվություն (Ձև 4).
13) գազային զենք պահելու և կրելու թույլտվություն` անժամկետ (Ձև 5).
14) ծառայողական զենք պահելու և կրելու թույլտվություն (Ձև 8)
ա. հատուկ պետական պաշտպանության ենթակա անձանց.
բ. պետական մարմինների պաշտոնատար անձանց.
15) որպես պարգև ստացած զենք պահելու և կրելու թույլտվություն (Ձև 6).
16) որպես պարգև ստացած և կրակոց արձակելու համար ոչ պիտանի դարձրած (մալած) մարտական կամ ծառայողական զենքը ժառանգելու դեպքում պահելու թույլտվություն (Ձև 7):
15. Սույն կարգի 14-րդ կետի 5-րդ ենթակետի «ե», «զ» պարբերություններում նշված իրավաբանական անձանց տրվող թույլտվություններն ուժի մեջ են պահման թույլատրված զենքերի համարային հաշվառման ցուցակների առկայության դեպքում, որոնցում նշվում է յուրաքանչյուր միավորի տեսակը, մոդելը, տրամաչափը, սերիան, համարը և արտադրման տարեթիվը:
16. Քաղաքացիական և ծառայողական զենքի, դրա հիմնական (բաղկացուցիչ) մասերի ու փամփուշտների ներմուծման, արտահանման և (կամ) տարանցիկ փոխադրման թույլտվության (եզրակացության` թույլատրող փաստաթղթի) տրամադրման կարգը և ձևը սահմանված է Հայաստանի Հանրապետության կառավարության 2015 թվականի նոյեմբերի 12-ի N 1301-Ն որոշմամբ:
17. Զենքի հավաքածու կազմելու թույլտվություն ստանալու համար իրավաբանական անձի ղեկավարը Ոստիկանության ՀԱԱԳ վարչություն պարտավոր է ներկայացնել`
1) դիմում,
2) իրավաբանական անձի կանոնադրությունը և պետական գրանցման փաստաթղթերի պատճենները,
3) զենք ու փամփուշտներ պահելու համար նախատեսված շինությունների, զետեղարանների, պահեստների վարձակալության պայմանագիրը կամ դրանց սեփականության իրավունքը հաստատող փաստաթղթեր,
4) Հայաստանի Հանրապետության ներքին գործերի նախարարության ոստիկանության թույլտվության համակարգի, հրդեհային անվտանգության տեսչական մարմին կողմից կազմված զենք ու փամփուշտներ պահելու համար նախատեսված շինությունների և զետեղարանների ուսումնասիրության ակտը,
5) Ոստիկանության պահպանություն իրականացնող ստորաբաժանման հետ կնքված պայմանագրի պատճենը` շինությունների պահպանության և պահնորդաազդանշանային կենտրոնացված պահպանության դիտակետին դրանք միացնելու մասին,
6) իրավաբանական անձի ղեկավարի հրամանների պատճենները` իրավաբանական անձի ղեկավարի տեղակալի կամ այլ աշխատողի վրա զենքի ու փամփուշտների պահպանության պատասխանատվությունը դնելու մասին, զետեղարանում զենքն ու փամփուշտները պահելու և հանձնելու պատասխանատու անձ նշանակելու մասին, զենքի ու փամփուշտների հետ առնչվող աշխատանքներին թույլատրված անձանց ցուցակները,
7) զենքի ու փամփուշտների հետ առնչվող անձանց զենքի տիրապետմանը խոչընդոտող հիվանդությունների և ֆիզիկական թերությունների բացակայության վերաբերյալ բժշկական եզրակացությունը, եթե վերջիններս չունեն քաղաքացիական կամ ծառայողական զենք պահելու և կրելու կամ կրելու թույլտվություն:
18. 17-րդ կետում նշված փաստաթղթերը ներկայացվում են նաև թույլտվությունների գործողության ժամկետները երկարաձգելու դեպքում: Թույլտվությունում փոփոխություններ կատարելիս ներկայացվում են միայն փոփոխությունների պատճառ հանդիսացող փաստաթղթեր, որոնք կոնկրետ իրավաբանական փաստի մասին պարունակում են տեղեկություններ և դրա հետ առնչվող լրացուցիչ այլ նյութեր:
19. Զենքի հավաքածու կազմելու թույլտվություն ստանալու համար իրավաբանական անձի ղեկավարը, բացի 17-րդ կետում նշված փաստաթղթերից, պատմամշակութային հավաքածուներ ստեղծելու դեպքում պարտավոր է Ոստիկանության ՀԱԱԳ վարչություն ներկայացնել նաև Հայաստանի Հանրապետության կրթության, գիտության, մշակույթի և սպորտի նախարարության համաձայնությունը:
20. Հայաստանի Հանրապետության քաղաքացիները զենքի հավաքածու կազմելու թույլտվություն ստանալու համար պարտավոր են ներկայացնել`
1) դիմում,
2) Հայաստանի Հանրապետության քաղաքացիությունը կամ անձը հաստատող փաստաթուղթ,
3) 3x4 սմ չափի երկու լուսանկար:
21. Հրազենի և հաշվառված այլ զենքի հավաքածու կազմելիս դիմողը պարտավոր է լրացուցիչ ներկայացնել առկա զենքի համարային հաշվառման ցուցակը (Ձև 16), իսկ որպես պարգև ստացած զենքը հավաքածուի մեջ ընդգրկելիս նշվում է դրա տվյալները: Ցուցակի հետ պարտադիր ներկայացվում են նաև զենք պահելու և կրելու թույլտվությունները: Հայաստանի Հանրապետության քաղաքացիները զենքի հավաքածու կազմելու թույլտվություն ստանալու համար զենքի տիրապետմանը խոչընդոտող հիվանդությունների և ֆիզիկական թերությունների բացակայության վերաբերյալ բժշկական եզրակացություն չեն ներկայացնում:
22. Առաջին անգամ զենք ձեռք բերելու թույլտվություն ստանալիս, իրավաբանական անձի ղեկավարը (բացառությամբ զենքի ու փամփուշտների առևտրով և հավաքածու ունեցող իրավաբանական անձանց) պարտավոր է Ոստիկանության ՀԱԱԳ վարչություն ներկայացնել`
1) դիմում,
2) իրավաբանական անձի կանոնադրության և պետական գրանցման փաստաթղթերի պատճենները,
3) զենք ու փամփուշտներ պահելու համար նախատեսված շինությունների, զետեղարանների, պահեստների վարձակալության պայմանագիրը կամ դրանց սեփականության իրավունքը հաստատող փաստաթղթեր,
4) Հայաստանի Հանրապետության ներքին գործերի նախարարության ոստիկանության թույլտվության համակարգի, հրդեհային անվտանգության տեսչական մարմնի մարմինների աշխատակիցներից կազմված ակտը` զենք ու փամփուշտներ պահելու համար նախատեսված շինությունների և զետեղարանների ուսումնասիրության վերաբերյալ,
5) Ոստիկանության պահպանություն իրականացնող ստորաբաժանման հետ կնքված պայմանագրի պատճենը` շինությունների պահպանության և պահնորդաազդանշանային կենտրոնացված պահպանության դիտակետին դրանց միացնելու մասին,
6) զենքի ու փամփուշտների պահպանության համար պատասխանատու նշանակելու մասին իրավաբանական անձի ղեկավարի հրամանի պատճենը,
7) զենքի և փամփուշտների հետ առնչվող աշխատանքներին թույլատրված անձանց ցուցակը,
8) զենքի և փամփուշտների հետ առնչվող անձանց զենքի տիրապետմանը խոչընդոտող հիվանդությունների և ֆիզիկական թերությունների բացակայության վերաբերյալ բժշկական եզրակացություն, եթե վերջիններս չունեն քաղաքացիական կամ ծառայողական զենք պահելու և կրելու կամ կրելու թույլտվություն,
23. Իրավաբանական անձանց զենք ձեռք բերելու թույլտվություն տրվում է դիմումի և առկա զենքի մասին տեղեկություններ ներկայացնելու պայմանով:
24. Զենքի առևտրի լիցենզիա ունեցող կազմակերպությունների և զենքի հավաքածուներ կազմելով զբաղվող իրավաբանական անձանց ղեկավարները զենք ու փամփուշտներ ձեռք բերելու թույլտվություններ ստանալու համար պարտավոր են ներկայացնել դիմում:
25. Իրավաբանական անձանց կողմից փամփուշտներ և հրազենի հիմնական բաղկացուցիչ մասեր ձեռք բերելու թույլտվությունների ձևակերպումը իրականացվում է զենք ձեռք բերելու թույլտվությունների համար սահմանված կարգով: Օգտագործված, կորած կամ ոչնչացման հանձնված փամփուշտների փոխարեն նորերը ձեռք բերելու համար դիմումատուն լրացուցիչ ներկայացնում է.
1) իրավաբանական անձի ղեկավարի կողմից հաստատված փամփուշտների դուրսգրման ակտը.
2) ուսումնական և այլ նպատակներով իրականացված հրաձգությունների ժամանակ փամփուշտների դուրսգրման օրինականությունը հաստատող փաստաթղթեր.
3) ոչնչացման նպատակով Ոստիկանությանը փոխանցված փամփուշտների ընդունման (հանձնման) ակտերը:
26. Իրավաբանական անձանց զենքի հավաքածուներ կազմելու թույլտվություններ և զենք պահելու և օգտագործելու թույլտվություններ տալու կամ դրանց գործողության ժամկետները երկարաձգելու ժամանակ ուսումնասիրվում են զենք պահելու պայմանները, օբյեկտների տեխնիկական հագեցվածությունը և հաշվառման փաստաթղթերը: Արդյունքում կազմվում է զետեղարանի (շինության) ուսումնասիրության ակտ (Ձև 15), որում նշվում է զենք ու փամփուշտներ պահելու թույլատրելի քանակությունը, ինչպես նաև` դրանք պահելու պայմաններն ապահովող չհրկիզվող կամ մետաղյա պահարանների, դարակաշարերի և հրդեհային անվտանգության ահազանգման միջոցների առկայությունը:
27. Հայաստանի Հանրապետության քաղաքացիներն առաջին անգամ քաղաքացիական կամ ծառայողական զենք ձեռք բերելու, զենք պահելու և կրելու թույլտվություն ստանալու համար համապատասխան Ոստիկանության ստորաբաժանում պարտավոր են ներկայացնել`
1) դիմում, որում նշվում են անձնագրային տվյալներ, բնակության վայրը, առկա զենքի և զենք պահելու պայմանների մասին տեղեկություններ,
2) զենքի պահպանման պայմանների առկայության վերաբերյալ հաշվառման կամ բնակության վայրի (կախված զենքը պահելու վայրից) Ոստիկանության տարածքային ստորաբաժանման ղեկավարի կողմից հաստատված տեղեկանք,
3) Հայաստանի Հանրապետության քաղաքացիությունը կամ անձը հաստատող փաստաթղթի պատճեն,
4) 3x4 սմ չափի երկու լուսանկար,
5) դիմողի մոտ զենքի տիրապետմանը խոչընդոտող հիվանդությունների և վիճակների բացակայության մասին բժշկական եզրակացություն,
6) պետական տուրքի վճարման անդորրագիր (անդորրագրեր)` «Պետական տուրքի մասին» օրենքով սահմանված կարգով և չափով,
7) զենքի հետ կապված և անվտանգության կանոնների իմացության տեսական և գործնական քննությունները հանձնելու համապատասխան փաստաթուղթ:
28. 27-րդ կետով նախատեսված փաստաթղթերը` բացառությամբ 7-րդ ենթակետերով նախատեսված փաստաթղթի, Ոստիկանության ստորաբաժանում ներկայացվում են նաև թույլտվությունների ժամկետները երկարաձգելու համար: Հայաստանի Հանրապետության քաղաքացիների կողմից քաղաքացիական կամ ծառայողական զենք պահելու և կրելու գործող թույլտվություն ունենալու պայմաններում նոր զենք ձեռք բերելու, պահելու և կրելու թույլտվություն ստանալու համար Ոստիկանության ստորաբաժանումներ 27-րդ կետի 6-րդ և 7-րդ ենթակետերով նշված փաստաթղթեր չեն ներկայացնում: Պետական ռազմականացված կազմակերպությունների աշխատակիցները բժշկական եզրակացության փոխարեն կադրային ստորաբաժանումից ներկայացնում են տեղեկանք ծառայության մեջ գտնվելու մասին, իսկ հատուկ կանոնադրական խնդիրներ իրականացնող իրավաբանական անձանց աշխատողները վերոնշյալ բժշկական եզրակացության փոխարեն ներկայացնում են ծառայողական զենք պահելու, պահելու և կրելու թույլտվությունը: Նշված փաստաթղթերի բացակայության դեպքում վերը նշված անձինք ներկայացնում են փաստաթղթեր` ընդհանուր հիմունքներով:
29. Հավաքածուի մեջ ընդգրկելու նպատակով զենք ձեռք բերելու թույլտվություն ստանալու համար Հայաստանի Հանրապետության քաղաքացին պարտավոր է դիմում ներկայացնել Ոստիկանության ՀԱԱԳ վարչություն, որում նշվում են զենքի պահման պայմանները և կից ներկայացվում է հավաքածու կազմելու թույլտվության պատճենը: Սառը շեղբավոր և հնաոճ զենք կամ դրանց կրկնօրինակներ Հայաստանի Հանրապետության քաղաքացիները ձեռք են բերում հավաքածու կազմելու թույլտվություն ներկայացնելու դեպքում:
30. Նվիրատվության կամ ժառանգության կարգով զենք ստանալու դեպքում նվիրառու իրավաբանական և ֆիզիկական անձինք համապատասխան Ոստիկանության ստորաբաժանում ներկայացնում են տվյալ զենքը ձեռք բերելու թույլտվությունը, ինչպես նաև` ժառանգման իրավունքը հավաստող փաստաթղթեր, նվիրատվությունը հավաստող փաստաթղթեր:
31. Դիմումի, ստացված նյութերի, իրականացված ստուգումների արդյունքում և թույլտվության պայմանների բավարարման դեպքում թույլտվության համակարգի աշխատակիցը, կամ այդ պարտականությունները կատարող պաշտոնատար անձը կայացնում է թույլտվություն տալու եզրակացություն և դիմումի վրա կատարում է հետևյալ բնույթի գրառում` «Հնարավոր եմ համարում տալ թույլտվություն», որը վավերացնում է իր ստորագրությամբ: Եզրակացությունը համաձայնեցվում է Ոստիկանության ստորաբաժանման ղեկավարի կամ նրա պարտականությունները կատարող անձի հետ:
32. Պարգևատրման, նվիրատվության, ժառանգման կարգով ստացված, այդ թվում` Հայաստանի Հանրապետության թանգարանային հավաքածուի մեջ գրանցված կամ հատուկ հավաքածուի մեջ ընդգրկված զենքերը, երկշաբաթյա ժամկետում ենթակա են վերահաշվառման և վերագրանցման Ոստիկանության ստորաբաժանումներում: Հատուկ կանոնադրական խնդիրներ իրականացնող իրավաբանական անձանց աշխատողներին և հատուկ պետական պաշտպանության ենթակա և պետական մարմինների պաշտոնատար անձանց ժամանակավոր հատկացված զենքը ենթակա է գրանցման Ոստիկանության ՀԱԱԳ վարչությունում:
33. Քաղաքացիական և ծառայողական զենքի պահելու և կրելու թույլտվություն ստանալու համար Հայաստանի Հանրապետության քաղաքացիները Ոստիկանության ստորաբաժանում ներկայացնել են զենք ձեռք բերելու թույլտվության կտրոնի համապատասխան կրկնօրինակը` վաճառելու մասին մատակարար կազմակերպության լիազորված անձի նշումով, իսկ սեփականատիրոջից անմիջապես գնելու, նվեր կամ ժառանգություն ստանալու դեպքում` ձեռք բերելու թույլտվության կրկնօրինակը: Որպես պարգև ստացած զենքի պահելու և կրելու թույլտվություն ստանալու համար պարգևատրվողը Ոստիկանության ՀԱԱԳ վարչություն ներկայացնում է դիմումը, պարգևատրումը հաստատող փաստաթուղթը` Հայաստանի Հանրապետության վարչապետի որոշման պատճենները, օտարերկրյա պետությունների կամ կառավարությունների ղեկավարների պարգևատրման փաստաթղթերը և դրանց թարգմանությունների վավերացված պատճենները, ինչպես նաև` 3x4 սմ չափի երկու լուսանկար:
34. Պետական մարմինների պաշտոնատար անձանց ժամանակավոր հատկացված կարճափող հրազենի պահելու և կրելու թույլտվություն տրամադրելու համար Ոստիկանության ՀԱԱԳ վարչությունում ներկայացվում են հետևյալ փաստաթղթերը`
1) դիմում,
2) պետական մարմնի ղեկավարի հրամանի վավերացված պատճենը,
3) զենք կրելուն խոչընդոտող հիվանդությունների ու ֆիզիկական թերությունների բացակայության մասին բժշկական եզրակացությունը, եթե տվյալ անձը չունի քաղաքացիական կամ ծառայողական զենք պահելու և կրելու թույլտվություն,
4) 3x4 սմ չափի երկու լուսանկար:
35. Իրավաբանական անձինք (բացառությամբ մատակարար կազմակերպությունների) Ոստիկանության ՀԱԱԳ վարչություն են ներկայացնում.
1) ձեռք բերված զենքի ու փամփուշտների թույլտվության կտրոնի համապատասխան կրկնօրինակները` զենք ու փամփուշտներ ձեռք բերելու մասին մատակարար կազմակերպության նշումով,
2) ժամանակավոր օգտագործման համար ստացված զենքի ու փամփուշտների ելքի-մուտքի փաստաթղթերը (կարգագիր, հաշիվ-կարգագիր, ապրանքագիր, ընդունման-փոխանցման ակտ):
36. Զենք և փամփուշտներ պահելու և օգտագործելու նախկինում տրված թույլտվությունները վերաձևակերպելու ժամանակ ենթակա են հանձնման` առանց գործողության ժամկետի փոփոխման:
37. Հատուկ կանոնադրական խնդիրներ իրականացնող իրավաբանական անձինք իրենց հաստիքային աշխատողների համար ծառայողական պարտականությունների կատարման ժամանակ զենք կրելու թույլտվություն ստանալու համար Ոստիկանության ՀԱԱԳ վարչություն պարտավոր են ներկայացնել`
1) կազմակերպության ղեկավարի գրավոր դիմումը, զենք կրելու թույլտվություն հատկացնելու ենթակա աշխատողների անուն, ազգանուն, հայրանունները և նրանց անձնագրերի պատճենները,
2) զենքի ու փամփուշտների պահպանության ապահովման համար պատասխանատու անձ նշանակելու, ինչպես նաև` զենքը կրելու իրավունք ունեցող աշխատողներին առկա զենքի անձնական ամրագրման մասին հրամանների վավերացված պատճենները,
3) հատուկ պատրաստականության դասընթացներ անցնելու վերաբերյալ տեղեկանք,
4) յուրաքանչյուր աշխատողի համար զենքի տիրապետմանը խոչընդոտող հիվանդությունների և ֆիզիկական թերությունների բացակայության մասին բժշկական եզրակացություն,
5) յուրաքանչյուր աշխատողի համար 3x4 սմ չափի երկու լուսանկար, պետական տուրքի վճարման անդորրագիր, ինչպես նաև` մեկական լրացուցիչ լուսանկար, եթե աշխատողին սահմանված նորմերին համապատասխան մեկից ավելի զենք է ամրագրվում:
38. Իրավաբանական անձանց տրվող զենք ու փամփուշտներ պահելու և օգտագործելու թույլտվություններում զենքի ու փամփուշտների քանակը չի նշվում: Իրավաբանական անձանց աշխատողներին և Հայաստանի Հանրապետության քաղաքացիներին յուրաքանչյուր միավոր զենք կրելու, պահելու և կրելու համար տրվում է առանձին թույլտվություն:
39. Զենքի հավաքածու կազմող իրավաբանական անձանց ու քաղաքացիներին զենք պահելու թույլտվության հետ միասին հանձնվում է թույլտվությունը ստորագրելու իրավունք ունեցող ոստիկանության մարմնի ղեկավարի կողմից հաստատված և այդ մարմնի կնիքով վավերացված հավաքածուի մեջ առկա զենքի համարային հաշվառման ցուցակը (Ձև 16):
40. Իրավաբանական և ֆիզիկական անձինք իրենց պատկանող զենքերը կարող են փոխանցվել ոստիկանությանը` քրեագիտական պահանջների համապատասխանության, տեխնիկական բնութագրի ստուգման, իսկ ակոսափող զենքը ստուգման նպատակով կրակելու համար կարող են փոխանցվել ոստիկանությանը` զենքը պահելու կամ փորձաքննության համար կամ ի տնօրինություն: Փորձաքրեագիտական ստորաբաժանումներին փոխանցելիս պետք է Ոստիկանության թույլտվության համակարգի ստորաբաժանումներում ստանան սահմանած նմուշի ուղեգիր (Ձև 17):
41. Փոխադրման նպատակով զենքը և փամփուշտները փոխանցվում են փոխադրողին` համապատասխան պայմանագիր կնքելուց և ընդունման-հանձնման ակտ կազմելուց հետո: Օդային տրանսպորտով զենք փոխադրելու դեպքում, դրանք ամբողջ չվերթի ընթացքում, հանձնվում են զենքի ընդունման համար պատասխանատու նշանակված օդանավի անձնակազմի անդամին` համաձայն Հայաստանի Հանրապետության կառավարության 2010 թվականի հունիսի 17-ի թիվ 843-Ն որոշման:
42. Համաձայն կնքված պայմանագրի կամ հրավերքի, սպորտային միջոցառումների, որսի կամ ցուցահանդեսների մասնակցելու նպատակով, օտարերկրյա քաղաքացու կողմից Հայաստանի Հանրապետություն ներկրվող զենքը մաքսային ձևակերպումները կատարելուց հետո մաքսային հայտարարագրում ստորագրության դիմաց փոխանցում է միջոցառումը նախաձեռնած կազմակերպության զենքի պահպանության պատասխանատու անձին: Ներկրված զենքը օտարերկրյա քաղաքացուն հանձնվում է միջոցառումը սկսվելուց անմիջապես առաջ, իսկ ավարտից հետո վերադարձվում է պատասխանատու պահպանության: Հայաստանի Հանրապետությունից մեկնելու ժամանակ զենքը և փամփուշտները օտարերկրյա քաղաքացուն փոխանցվում են մաքսային ձևակերպումից առաջ:
43. Զենքը կարող է փոխանցվել որսորդական տնտեսություն վարող կազմակերպություններին` մինչև որսորդությամբ զբաղվելու ավարտը: Որսորդական տնտեսություն վարող կազմակերպության զենքի և փամփուշտների պահպանության պատասխանատու անձը, որսորդության ժամանած Հայաստանի Հանրապետության քաղաքացիներից ընդունում և հանձնում է զենքը` ընդունման-հանձնման մատյանում նշելով տեսակը, մոդելը, տրամաչափը և համարը:
44. Զենք պահելու հատուկ պայմաններ ունեցող և Ոստիկանության ստորաբաժանումներից զենք պահելու թույլտվություն ստացած ռազմամարզական և սպորտային հրաձգությամբ զբաղվող կազմակերպություններին` հրաձգային պարապմունքների ու մրցումների անցկացման ժամանակ Հայաստանի Հանրապետության քաղաքացիները իրենց պատկանող զենքը փոխանցում են պայմանագիր կնքելուց հետո` ընդունման-հանձնման մատյանում նշելով զենքի տեսակը, մոդելը, տրամաչափը և համարը:
45. Զենքը կարող է փոխանցել սերտիֆիկացման մարմիններին` համապատասխանության գնահատում անցկացնելու համար:
46. Զենքը կարող է փոխանցել Հայաստանի Հանրապետության կրթության, գիտության, մշակույթի և սպորտի նախարարության լիազորած մասնագետներին` պատմամշակութային և արվեստաբանական փորձաքննության համար:
47. Զենքը կարող է փոխանցել մաքսային մարմիններին` ներկրվող կամ արտահանվող զենքը մաքսազերծելու համար:
48. Հատուկ պետական պաշտպանության ենթակա անձինք Հայաստանի Հանրապետությունից 180 օրից ավել բացակայելու դեպքում պարտավոր են իրենց մոտ գտնվող զենքի պահպանությունն ապահովելու նպատակով, այն ի պահ հանձնել զենքը տված գերատեսչության պատասխանատու պաշտոնատար անձին կամ բնակության վայրի Ոստիկանության ստորաբաժանումներին` ընդունման-հանձնման մատյանում նշելով փոխանցվող զենքի տեսակը, մոդելը, տրամաչափը և համարը:
49. Հայաստանի Հանրապետության թանգարանային հավաքածուին սեփականատիրոջ կողմից զենք և փամփուշտներ փոխանցելը իրականացվում է նվիրատվության պայմանագրի կամ ժառանգության իրավունքը հաստատող փաստաթղթի, պատմամշակութային կամ արվեստաբանական փորձաքննության ակտի, կոնկրետ իրերը թանգարանի հավաքածուի մեջ ընդգրկելու մասին թանգարանի ղեկավարի հրամանի առկայության դեպքում:
50. Զենք և փամփուշտներ ցուցադրելու համար սեփականատերերը զենքը փոխանցում են միջոցառման կազմակերպչին` կազմելով պատասխանատու պահպանության ընդունելու մասին ակտ:
51. Զենքի կամ փամփուշտների փոխանցումը մի կազմակերպությունից մյուսին իրականացվում է Ոստիկանության ՀԱԱԳ վարչության հետ համաձայնեցված` փոխանցման պայմանագրի հիման վրա: Զենքի և փամփուշտների փոխանցման ժամանակ կազմվում է հանձնման-ընդունման ակտ, որի մեկ օրինակը ուղարկվում է Ոստիկանության ՀԱԱԳ վարչություն, որն իր հերթին 3-օրյա ժամկետում գրությամբ տարածքային հաշվառումն ապահովելու նպատակով այդ մասին տեղեկացնում է զենքը փոխանցող և ընդունող կազմակերպությունների գտնվելու վայրի Ոստիկանության տարածքային ստորաբաժանումներին:
52. Գեղարվեստական հարդարված զենքի հավաքածուների և մշակութային արժեք ունեցող այլ զենքերի (այդ թվում իրավասու մարմինների կողմից վերցվածների) հատուկ պայմաններում պահպանումն ապահովելու նպատակով կարող են սահմանված կարգով փոխանցվել զենքի թանգարաններից որևէ մեկին` Հայաստանի Հանրապետության կրթության գիտության մշակույթի և սպորտի նախարարության եզրակացությամբ` պատասխանատու պահպանության մասին պայմանագիր կնքելուց հետո:
Հավելված 2
ՀՀ ներքին գործերի
նախարարության ոստիկանության
պետ-ներքին գործերի
նախարարի տեղակալի
2023 թվականի մայիսի 11-ի
N 4-Ն հրամանի
Ձև 1
.___________________________________________________________________
|ՀՀ քաղաքացիներին` |ՀԱՅԱՍՏԱՆԻ |ՀԱՅԱՍՏԱՆԻ |
|ֆիզիկական անձանց |ՀԱՆՐԱՊԵՏՈՒԹՅԱՆ |ՀԱՆՐԱՊԵՏՈՒԹՅԱՆ |
|համար քաղաքացիական |ՆԵՐՔԻՆ ԳՈՐԾԵՐԻ |ՆԵՐՔԻՆ ԳՈՐԾԵՐԻ |
|և ծառայողական զենք |ՆԱԽԱՐԱՐՈՒԹՅԱՆ |ՆԱԽԱՐԱՐՈՒԹՅԱՆ |
|ձեռք բերելու |ՈՍՏԻԿԱՆՈՒԹՅՈՒՆ |ՈՍՏԻԿԱՆՈՒԹՅՈՒՆ |
|թույլտվություն |________________ |________________ |
| |(ոստ. մարմնի |(ոստ. մարմնի |
|սերիա ԹՁՖ N |անվանումը) |անվանումը) |
|____ ___________ թ. | | |
|Տրված. |ԹՈՒՅԼՏՎՈՒԹՅՈՒՆ |ԹՈՒՅԼՏՎՈՒԹՅՈՒՆ |
|___________________ |Ֆիզիկական անձանց |Ֆիզիկական անձանց համար |
| (ազգանուն, |համար քաղաքացիական |քաղաքացիական և |
|___________________ |և ծառայողական զենք |ծառայողական զենք |
| անուն, |ձեռք բերելու |ձեռք բերելու |
|___________________ | | |
| հայրանուն,) |սերիա ԹՁՖ N |սերիա ԹՁՖ N |
|___________________ |____ ______ ____ թ. |____ ________ ___ թ. |
|(նշել զենքի տեսակը |Տրված. |Տրված. |
|և քանակը) |____________________ |____________________ |
|___________________ |(ազգանուն, |(ազգանուն, |
|___________________ |____________________ |____________________ |
|___________________ |անուն, |անուն, |
|ձեռք բերելու համար |____________________ |____________________ |
| |հայրանուն,) |հայրանուն,) |
|Ուժի մեջ է 6 ամիս |____________________ |____________________ |
|գործողության |____________________ |______________________ |
|ժամկետով |(նշել զենքի տեսակը |(նշել զենքի տեսակը և |
|Հիմք. |և քանակը) |քանակը) ____________ |
|____________________|____________________ |________________ |
|____________________|____________________ |_________ ձեռք |
|(նշել դիմումի համարը|_______ ձեռք բերելու |բերելու համար |
|և ամսաթիվը) |համար | |
|Թույլտվությունը | |Ուժի մեջ է 6 ամիս |
|տվեց. |Ուժի մեջ է 6 ամիս |գործողության ժամկետով |
|___________________ |գործողության ժամկետով|_____________________ |
|(ստորագրություն) |____________________ |(ստորագրություն) |
|(Ա.Ա.Հ.) |(ստորագրություն) |Կ.Տ.________________ |
|Թույլտվությունը |Կ.Տ.________________ | (Ա.Ա.Հ.) |
|ստացա | (Ա.Ա.Հ.) |(մատակարար իրավաբանական|
|____________________| |անձին ուղարկում է |
| (ստորագրություն) |(մնում է զենքի |թույլտվությունը |
| |մատակարար |տված ՆԳՆ ոստ. մարմին) |
| |իրավաբանական | |
| |անձի մոտ) |ՆԳՆ ոստ. մարմին |
| | |հանձնելու ամսաթիվը |
| | |____ ___________ թ. |
| | |____________________ |
| | | (ստորագրություն) |
.___________________________________________________________________
._______________________.
|ՀԱՅԱՍՏԱՆԻ |
|ՀԱՆՐԱՊԵՏՈՒԹՅԱՆ |
|ՆԵՐՔԻՆ ԳՈՐԾԵՐԻ |
|ՆԱԽԱՐԱՐՈՒԹՅԱՆ |
|ՈՍՏԻԿԱՆՈՒԹՅՈՒՆ |
|______________________ |
|(ոստ. մարմնի անվանումը)|
| |
|ԹՈՒՅԼՏՎՈՒԹՅՈՒՆ |
|Ֆիզիկական անձանց համար |
|քաղաքացիական և |
|ծառայողական զենք |
|ձեռք բերելու |
| |
|սերիա ԹՁՖ N |
|___ ________ ____ թ. |
|Տրված. |
|_______________________|
|(ազգանուն, |
|______________________ |
|անուն, |
|_______________________|
|հայրանուն,) |
|_______________________|
|(նշել զենքի տեսակը և |
|քանակը) |
|_______________________|
|_______________ ձեռք |
|բերելու համար |
| |
|Ուժի մեջ է 6 ամիս |
|գործողության ժամկետով |
|______________________ |
|(ստորագրություն) |
|Կ.Տ.________________ |
| (Ա.Ա.Հ.) |
|(առձեռն տրվում է զենք |
|ձեռք բերող քաղաքացուն) |
| |
| |
| |
| |
| |
| |
| |
| |
| |
| |
._______________________.
թույլտվության հակառակ կողմը
._________________________________________________________________________.
|Նշում զենքը վաճառելու |Նշում զենքը վաճառելու|Նշում զենքը վաճառելու|Թույլ|
|մասին վաճառվել է քաղ. |մասին վաճառվել է քաղ.|մասին վաճառվել է քաղ.|տվու-|
|______________________ |_____________________|_____________________|թյան |
|______________________ |_____________________|_____________________|կտրոն|
| Ա.Ա.Հ. | Ա.Ա.Հ. | Ա.Ա.Հ. | |
|_____________________ |_____________________|_____________________| |
|բնակության վայրը |բնակության վայրը |բնակության վայրը | |
|_____________________ |_____________________|_____________________| |
|_____________________ |_____________________|_____________________| |
|_____________________ |_____________________|_____________________| |
|_____________________ |_____________________|_____________________| |
|անձնագրի սերիան, համարը|անձնագրի սերիան, |անձնագրի սերիան, | |
|_____________________ |համարը |համարը | |
|երբ և ում կողմից է |_____________________|_____________________| |
|տրվել) տեղեկություններ |երբ և ում կողմից է |երբ և ում կողմից է | |
|զենքի մասին |տրվել) |տրվել) | |
|_____________________ |տեղեկություններ զենքի|տեղեկություններ զենքի| |
|_____________________ |մասին |մասին | |
|_____________________ |_____________________|_____________________| |
|_____________________ |_____________________|_____________________| |
|(տեսակը, մոդելը, |_____________________|_____________________| |
|տրամաչափը,____________ |_____________________|_____________________| |
|_____________________ |(տեսակը, մոդելը |(տեսակը, մոդելը | |
|սերիան, համարը, |տրամաչափը,________ |տրամաչափը,________ | |
|արտադրության |___________________ |___________________ | |
|______________________ |սերիան, համարը, |սերիան, համարը, | |
|տարեթիվը) |արտադրության |արտադրության | |
|____ __________ ____ թ.|_____________________|_____________________| |
|(վաճառքի ամսաթիվը) |տարեթիվը, |տարեթիվը, | |
|_______________________|____ ________ ____ թ.|____ ________ ____ թ.| |
|_______________________|(վաճառքի ամսաթիվը) |(վաճառքի ամսաթիվը) | |
|(մատակարար իրավաբանական|_____________________|_____________________| |
|անձի |_____________________|_____________________| |
|______________________ |(մատակարար |(մատակարար | |
|անվանումը և գտնվելու |իրավաբանական անձի |իրավաբանական անձի | |
|վայրը) |_____________________|_____________________| |
|______________________ |անվանումը և գտնվելու|անվանումը և գտնվելու| |
| (ստորագրություն) |վայրը) |վայրը) | |
|վաճառողի Ա.Ա.Հ. |_____________________|_____________________| |
| |(ստորագրություն) |(ստորագրություն) | |
|Կ.Տ. |վաճառողի Ա.Ա.Հ. |վաճառողի Ա.Ա.Հ. | |
| | | | |
| |Կ.Տ. |Կ.Տ. | |
| | | | |
| | |Զենքը ստացա | |
| | |_____________________| |
| | |(ստորագրություն) | |
| | | (Ա.Ա.Հ.) | |
._________________________________________________________________________.
---------------------------------------------------------------
ԻՐՏԵԿ - շարունակությունը հաջորդ մասերում