01.07.2022 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ
Ընդունված է 2022 թվականի հունիսի 9-ին
«ԶԻՆՎՈՐԱԿԱՆ ԾԱՌԱՅՈՒԹՅԱՆ ԵՎ ԶԻՆԾԱՌԱՅՈՂԻ ԿԱՐԳԱՎԻՃԱԿԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
Հոդված 1. «Զինվորական ծառայության և զինծառայողի կարգավիճակի մասին» 2017 թվականի նոյեմբերի 15-ի ՀՕ-195-Ն օրենքի (այսուհետ` Օրենք) 7-րդ հոդվածի 2-րդ մասի 1-ին կետում, 15-րդ հոդվածի 5-րդ մասում, 19-րդ հոդվածի 3-րդ մասում, 34-րդ հոդվածի 2-րդ մասի 3-րդ կետում և 41-րդ հոդվածի 1-ին մասի 3-րդ կետում «կալանքի» բառը փոխարինել «կարճաժամկետ ազատազրկման» բառերով:
i
Հոդված 2. 10-րդ հոդվածի 5-րդ մասի 1-ին կետում «հանցագործության դեպքի կամ արարքում հանցակազմի բացակայության հիմքով կարճված քրեական վարույթով ձերբակալման կամ որպես խափանման միջոց կիրառված կալանավորման» բառերը փոխարինել «ռեաբիլիտացնող հիմքով քրեական հետապնդումը դադարեցված լինելու դեպքում` այդ վարույթով ձերբակալման կամ որպես խափանման միջոց կալանքի կիրառման» բառերով:
i
Հոդված 3. Օրենքի 19-րդ հոդվածի 2-րդ մասում «139-րդ կամ 142-րդ կամ 266-րդ կամ 272-րդ կամ 327.2-րդ կամ 327.3-րդ կամ 327.5-րդ կամ 362-րդ հոդվածով կամ 363-րդ հոդվածի 2-րդ և (կամ) 3-րդ մասերով» բառերը փոխարինել «198-րդ կամ 201-րդ կամ 393-րդ կամ 402-րդ կամ 463-րդ կամ 465-րդ կամ 467-րդ կամ 526-րդ կամ 527-րդ հոդվածներով» բառերով:
i
Հոդված 4. Օրենքի 30-րդ հոդվածի 2-րդ մասի 2-րդ կետում «չհանված» բառը փոխարինել «չվերացված» բառով:
i
Հոդված 5. Օրենքի 36-րդ հոդվածի 3-րդ մասում «քրեական գործի» բառերը փոխարինել «քրեական վարույթի» բառերով, իսկ «մինչև դատվածությունը կամ կարգապահական տույժը հանելը կամ մարելը» բառերը` «մինչև դատվածությունը մարվելը կամ վերացվելը կամ կարգապահական տույժը կրելու ժամկետը լրանալը կամ այն հանվելը» բառերով:
i
Հոդված 6. Օրենքի 40-րդ հոդվածի 1-ին մասի 4-րդ և 5-րդ կետերը շարադրել հետևյալ խմբագրությամբ.
«4) զինծառայողի նկատմամբ կալանքը կամ պաշտոնավարման կասեցումը որպես խափանման միջոց ընտրվելիս.
5) դատարանի` օրինական ուժի մեջ մտած դատավճռով կարճաժամկետ ազատազրկման կամ որոշակի պաշտոններ զբաղեցնելու իրավունքից զրկելու ձևով պատժի դատապարտվելու դեպքում.»:
i
Հոդված 7. Օրենքի 41-րդ հոդվածի 1-ին մասի 2-րդ կետի «Հայաստանի Հանրապետության քրեական դատավարության օրենսգրքի 152-րդ հոդվածով սահմանված կարգով հարկադրանքի միջոց կիրառելու մասին որոշումը» բառերը հանել:
i
Հոդված 8. Օրենքի 61-րդ հոդվածի 13-րդ մասում`
1) երկրորդ նախադասության «382-րդ հոդվածի հատկանիշներով հարուցված» բառերը փոխարինել «548-րդ հոդվածի հատկանիշներով նախաձեռնված» բառերով.
2) երրորդ նախադասության «լիազորությունների» բառը փոխարինել «պաշտոնավարման» բառով:
Հոդված 9. Սույն օրենքն ուժի մեջ է մտնում 2021 թվականի հունիսի 30-ի Հայաստանի Հանրապետության քրեական դատավարության օրենսգիրքը և 2021 թվականի մայիսի 5-ի Հայաստանի Հանրապետության քրեական օրենսգիրքն ուժի մեջ մտնելու օրը:
|
Հայաստանի Հանրապետության
Նախագահ |
Վ. Խաչատուրյան |
|
2022 թ. հունիսի 27
Երևան
ՀՕ-162-Ն
|
|
Պաշտոնական հրապարակման օրը` 28 հունիսի 2022 թվական: