040.0041.150102
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«15» հունվարի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 հունվարի 2002 թվականի N 41
i
ՀՐԱԳՈՐԾԱԿԱՆ ԱՐՏԱԴՐԱՏԵՍԱԿՆԵՐԻՆ ՆԵՐԿԱՅԱՑՎՈՂ ԱՆՎՏԱՆԳՈՒԹՅԱՆ ՊԱՀԱՆՋՆԵՐԻ ՄԱՍԻՆ
Հայաստանի Հանրապետության վարչապետի 2000 թվականի դեկտեմբերի 22-ի «Հայաստանի Հանրապետությունում 2001-2004 թվականների ընթացքում համապատասխան բնագավառների տեխնիկական կանոնակարգերի մշակման ժամանակացույցը հաստատելու մասին» N 852 որոշմամբ (Հայաստանի Հանրապետության վարչապետի 2001 թվականի նոյեմբերի 22-ի N 822 որոշման խմբագրությամբ) հաստատված ժամանակացույցի 123-րդ կետին համապատասխան` Հայաստանի Հանրապետության կառավարությունը որոշում է.
1. Սահմանել, որ`
ա) Հայաստանի Հանրապետությունում հրագործական արտադրատեսակներին ներկայացվող անվտանգության պահանջներն ու դրանց փորձարկման մեթոդները պետք է համապատասխանեն ՀՍՏ 214-2001 «Արտադրատեսակներ հրագործական. Անվտանգության ընդհանուր պահանջներ» և ԳՕՍՏ Ռ 51271-99 «Արտադրատեսակներ հրագործական. Սերտիֆիկացման փորձարկումների մեթոդներ» ստանդարտների պահանջներին.
բ) ներմուծվող և արտադրվող հրագործական արտադրատեսակների կիրառման (շահագործման) հրահանգն ու փաթեթվածքների վրայի մակնշվածքները պետք է շարադրված լինեն հայերենով կամ զուգակցվեն այլ լեզուներով` համաձայն պայմանագրի:
i
2. Հայաստանի Հանրապետության ներքին գործերի նախարարությանը` մինչև 2002 թվականի մարտի 1-ը հաստատել հրագործական արտադրատեսակները պահելու և դրանք զանգվածային միջոցառումների ժամանակ օգտագործելու կանոնները:
3. Սույն որոշումն ուժի մեջ է մտնում 2002 թվականի հունվարի 15-ից: