ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
i
ՊԵՏԱԿԱՆ ՍՈՑԻԱԼԱԿԱՆ ԱՊԱՀՈՎԱԳՐՈՒԹՅԱՆ ՄՈՒԾՈՒՄՆԵՐԻ
ԴՐՈՒՅՔԱՉԱՓԵՐԻ ՄԱՍԻՆ
Քաղաքացիների կենսաթոշակների և նպաստների չափերի ավելացման ծախսերի ֆինանսավորումն ապահովելու նպատակով, որոշում եմ.
i
1. 1993 թվականի հունվարի 1-ից պետական սոցիալական ապահովագրության մուծումների դրույքաչափը բոլոր գործատուների համար, բացառությամբ սույն հրամանագրի 5-րդ կետի «ա» և «բ» ենթակետերում նշվածների, սահմանել 37 տոկոս` աշխատանքի վարձատրությանն ուղղվող միջոցների ընդհանուր գումարի նկատմամբ:
(1-ին կետն ուժը կորցրել է 25.06.98 թիվ ՆՀ-70 հրամանագիր)
2. Հաշմանդամների հասարակական կազմակերպություններից, այն ձեռնարկություններից, դրանց տնտեսական միավորումներից, հիմնարկներից, ուսումնական հաստատություններից, որտեղ աշխատողների և սովորողների թվաքանակի ոչ պակաս 50 տոկոսը հանդիսանում են հաշմանդամներ, գանձվող պետական սոցիալական ապահովագրության մուծումների դրույքաչափը սահմանել 4,7 տոկոս` աշխատանքի վարձատրությանն ուղղվող միջոցների ընդհանուր գումարի նկատմամբ:
(2-րդ կետն ուժը կորցրել է 25.06.98 թիվ ՆՀ-70 հրամանագիր)
i
3. Քաղաքացիների պարտադիր պետական սոցիալական ապահովագրության մուծումների դրույքաչափը պահպանել յուրաքանչյուր աշխատողի աշխատավարձի 1 տոկոսի չափով:
/ուժը կորցրել է 28.02.96 հրամանագիր/
4. 1993 թվականի հունվարի 1-ից անհատ ձեռներեցները պարտադիր կարգով պետական սոցիալական ապահովագրության մուծումներ են կատարում եկամտի 10 տոկոսի չափով, սակայն արտոնագրի համար սահմանված վճարի 30 տոկոսից ոչ պակաս:
/ուժը կորցրել է 28.02.96 հրամանագիր/
5. Հայաստանի Հանրապետության կառավարությանը`
i
ա) մեկամսյա ժամկետում առաջարկություն ներկայացնել գյուղացիական տնտեսությունների, իրավաբանական անձի կարգավիճակ չունեցող ձեռնարկությունների սեփականատերերի, պետական սոցիալական ապահովագրության մուծումների դրույքաչափերի և դրանց վճարման կարգի մասին.
i
բ) սահմանել հաստատագրված գումարներով պետբյուջե վճարներ կատարող հասարակական սննդի, առևտրագնման և կոմիսիոն առևտրի բնագավառներում գործող ոչ պետական ձեռնարկությունների պետական սոցիալական ապահովագրության մուծումների դրույքաչափերը և դրանց վճարման կարգը.
գ) տասնօրյա ժամկետում ընդունել սույն հրամանագրի կիրարկումն ապահովող համապատասխան ակտեր:
/փոփ. 07.02.94 հրամանագիր/
(5-րդ կետն ուժը կորցրել է 25.06.98 թիվ ՆՀ-70 հրամանագիր)
6. Ուժը կորցրած ճանաչել Հայաստանի Հանրապետության նախագահի 1992 թվականի հունվարի 4-ի «Պետական սոցիալական ապահովագրության մուծումների դրույքաչափի և կենսաթոշակների նվազագույն չափի մասին» հրամանագրի 1-ին և 3-րդ կետերը:
25 հունվարի 1993 թվական
ՆՀ-188