ՀՀ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ, ՀՀ ԿԱՌԱՎԱՐՈՒԹՅԱՆՆ ԱՌԸ ...

040.1473.291214

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

25 դեկտեմբերի 2014 թվականի N 1473-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ «ՃԱՆԱՊԱՐՀԱՅԻՆ ՈՍՏԻԿԱՆՈՒԹՅՈՒՆ» ԾԱՌԱՅՈՒԹՅԱՆ ԱՐՏԱԲՅՈՒՋԵՏԱՅԻՆ ՖՈՆԴԵՐԻ ՕԳՏԱԳՈՐԾՄԱՆ ՈՒՂՂՈՒԹՅՈՒՆ ՍԱՀՄԱՆԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԴԵԿՏԵՄԲԵՐԻ 19-Ի N 1414-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ, ԳՈՒՄԱՐ ՀԱՏԿԱՑՆԵԼՈՒ ԵՎ ԳՆՄԱՆ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ

Համաձայն «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետի, «Ճանապարհային երթևեկության անվտանգության ապահովման մասին» Հայաստանի Հանրապետության օրենքի 8.1-ին գլխի 33.1-ին հոդվածի 3-րդ մասի` Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների նախարարին` Հայաստանի Հանրապետության ֆինանսների նախարարության արտաբյուջետային ֆոնդի միջոցներից, եկամուտների նվազեցման եղանակով 300.0 մլն դրամը փոխանցել Հայաստանի Հանրապետության պետական բյուջե` որպես «Այլ եկամուտներ»:

2. Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին` Հայաստանի Հանրապետության կառավարությանն առընթեր Հայաստանի Հանրապետության ոստիկանության «Ճանապարհային ոստիկանություն» ծառայության արտաբյուջետային ֆոնդի միջոցներից, եկամուտների նվազեցման եղանակով 300.0 մլն դրամը փոխանցել Հայաստանի Հանրապետության պետական բյուջե` որպես «Այլ եկամուտներ»:

3. Հայաստանի Հանրապետության մի շարք պետական կառավարման մարմինների կողմից բնակարանների ձեռքբերման համար 2014 թվականին հատկացնել 600,000.0 հազ. դրամ, որից` Հայաստանի Հանրապետության պաշտպանության նախարարությանը` 150,567.0 հազ. դրամ, Հայաստանի Հանրապետության կառավարությանն առընթեր ազգային անվտանգության ծառայությանը` 73,756.0 հազ. դրամ, Հայաստանի Հանրապետության կառավարությանն առընթեր Հայաստանի Հանրապետության ոստիկանությանը` 151,526.0 հազ. դրամ, Հայաստանի Հանրապետության դատախազությանը` 25,255.0 հազ. դրամ, Հայաստանի Հանրապետության հատուկ քննչական ծառայությանը` 16,177.0 հազ. դրամ, Հայաստանի Հանրապետության քննչական կոմիտեին` 25,112.0 հազ. դրամ և Հայաստանի Հանրապետության ֆինանսների նախարարությանը` 157,607.0 հազ. դրամ` Հայաստանի Հանրապետության 2014 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Շենքերի և շինությունների ձեռքբերում» հոդվածով):

4. Սահմանել, որ սույն որոշման 3-րդ կետում նշված`

1) մարմիններին հատկացվող գումարները նախատեսվում են «Սպորտ տուր» սահմանափակ պատասխանատվությամբ ընկերությունից բնակարաններ ձեռք բերելու համար.

2) մարմինները մինչև 2014 թվականի դեկտեմբերի 30-ը ֆինանսական պարտավորություններ չստանձնելու և (կամ) վճարումներ չիրականացնելու դեպքում սույն որոշմամբ նախատեսված գումարները փոխանցում են իրենց անվամբ կենտրոնական գանձապետարանում բացված դեպոզիտային հաշիվներին և գումարների վճարումներն իրականացնում են 2015 թվականին` այդ հաշիվներից:

5. Հայաստանի Հանրապետության կառավարության 2013 թվականի դեկտեմբերի 19-ի «Հայաստանի Հանրապետության 2014 թվականի պետական բյուջեի կատարումն ապահովող միջոցառումների մասին» N 1414-Ն որոշման N 11 հավելվածում կատարել լրացումներ` համաձայն NN 1 և 2 հավելվածների:

6. Թույլատրել սույն որոշման 3-րդ կետում նշված մարմիններին սույն որոշմամբ նախատեսված բնակարանների ձեռքբերումն իրականացնել «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ ենթակետին համապատասխան` բանակցային ընթացակարգով` առանց գնումների մասին հայտարարությունը նախապես հրապարակելու միջոցով, կնքվելիք պայմանագրերով նախատեսելով, որ`

1) բնակարանների ձեռքբերման դիմաց գումարները վճարվում են կանխավճարի ձևով` առանց կանխավճարի ապահովման.

2) որպես կանխավճար հատկացվելիք գումարները պայմանագրերով նախատեսված դեպքերում և չափով վաճառող կազմակերպության անունից փոխանցվում են Հայաստանի Հանրապետության պետական բյուջեի և այլ երրորդ անձանց նկատմամբ այդ կազմակերպության ունեցած այլ պարտավորությունների կատարմանը: Ընդ որում, սույն ենթակետով նախատեսված`

ա. գումարները երրորդ անձանց վճարում են սույն որոշմամբ նախատեսված մարմինները` կազմակերպության կողմից ներկայացված տվյալների համաձայն, ինչը ներառվում է կնքվելիք պայմանագրերում,

բ. բնակարանների վերանորոգման գումարները վճարվում են այդ նպատակով կազմակերպության և բնակարանների վերանորոգումն իրականացնող կապալառուի միջև կնքված պայմանագրերի առկայության դեպքում.

3) կանխավճարի գումարի մնացած մասը փոխանցում է սույն որոշմամբ նախատեսված մարմինների անվամբ բացված դեպոզիտային հաշիվներին` պայմանով, որ դրանք վճարվում են բնակարանները վերանորոգված վիճակում գնորդների կողմից ընդունվելուց հետո:

7. Հայաստանի Հանրապետության ֆինանսների նախարարին`

1) սույն որոշման 3-րդ կետում նշված գումարները ծրագիր իրականացնող մարմիններին հատկացնել գնումների պլանի առկայության դեպքում.

2) սույն որոշման 3-րդ կետում նշված մարմինների անվամբ կենտրոնական գանձապետարանում բացել դեպոզիտային հաշիվներ:

7.1. Թույլատրել սույն որոշման 3-րդ կետով նախատեսված պետական մարմինների կողմից ձեռք բերված բնակարանները` որպես աշխատանքային (ծառայողական) պարտականությունների կատարման հետ կապված խրախուսման միջոց, սեփականության իրավունքով անհատույց տրամադրել այդ մարմինների աշխատողներին (ծառայողներին):

(7.1-ին կետը լրաց. 06.08.15 թիվ 904-Ն որոշում)

7.2. Սահմանել, որ սույն որոշման 3-րդ կետով նախատեսված պետական մարմինների կողմից ձեռք բերված բնակարաններն աշխատողներին (ծառայողներին) տրամադրվում են համապատասխան պետական մարմինների ու աշխատողների (ծառայողների) միջև կնքված նվիրատվության պայմանագրերի հիման վրա, և սեփականության իրավունքի պետական գրանցման ու նոտարական վավերացման հետ կապված ծախսերը ենթակա են կատարման` համապատասխան աշխատողների (ծառայողների) անձնական միջոցների հաշվին:

(7.2-րդ կետը լրաց. 06.08.15 թիվ 904-Ն որոշում)

8. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2014 ԹՎԱԿԱՆԻ ԴԵԿՏԵՄԲԵՐԻ 29-ԻՆ

-------------------------------------------------

ԻՐՏԵԿ - NN 1 և 2 հավելվածները չեն բերվում