040.0150.040400
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«4» ապրիլի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 ապրիլի 2000 թվականի N 150
ԵՐԵՎԱՆԻ ՔԱՂԱՔԱՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության ժողովրդական դերասան Սոս Սարգսյանի համար Երևանում բնակարան ձեռք բերելու նպատակով Երևանի քաղաքապետարանին հատկացնել մինչև 13,0 մլն դրամ` Հայաստանի Հանրապետության 2000 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
i
2. Թույլատրել Երևանի քաղաքապետին` համաձայն Հայաստանի Հանրապետության 1999 թվականի փետրվարի 2-ի «Հայաստանի Հանրապետության կառավարության պետական կառավարման հանրապետական և տարածքային մարմինների կողմից բնակարանների, շենքերի ու շինությունների գնման և վարձակալության կարգը հաստատելու մասին» N 45 որոշման 2-րդ կետի «ա» ենթակետի, ուղղակի գնման եղանակով Երևանում ձեռք բերել բնակարան` գինը համաձայնեցնելով Հայաստանի Հանրապետության ֆինանսների և էկոնոմիկայի նախարարության ու Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի հետ, և այն սեփականության իրավունքով հատկացնել Ս. Սարգսյանին:
3. Սույն որոշումն ուժի մեջ է մտնում 2000 թվականի ապրիլի 4-ից: